1Time 5:14 - WƆŊ FƐ̀Ì EBÒ SÌÀŊ DAYÀA

¹⁴ Weètii mìŋ do naŋ mɔ̀nɔ̀ŋ aŋ jɔ̀ùnèèdàà bɔwɔ nyàŋ aŋ gè aŋ felaa, aŋ kòmàŋ aŋ jɔ̀à, yèè aŋ yɛ̀mɛ̀ maŋ kpoo nyiŋ màŋ diɛŋ, wèè aŋ go nàŋ kìɛ̀ŋ àŋ joo wi nyàŋ e ɗeweɛ̀ wèè àŋ do wòò màŋ keì naanààŋ è weè wi.

1Time 5:14 ပူးပေါင်းရင်းမြစ်များ

Luùm 14:13

Weètii, hɔ̀ànè wiìŋ gbàì aŋ wùìya wi nyàŋ. Kɛɛ kɛ̀ɛ̀nɛɛ̀ŋ e gòngo wèè muŋ go nàŋ nyɛ̀nɛ̀ŋ aŋ wùìyaum nyàŋ aŋ ɓà ke dòmaŋ siaŋ ɔ̀ɔ̀ aŋ sɛ̀ɛ̀ maŋ jùumù sùà.

2 Kɔliìŋ 11:12

Mìŋ do nàŋ nɔ̀ŋ ko nyìnìè e nɛ̀ɛŋ mìŋ yaà naàŋ ko nyinie lɛ̀, e wèè kɛ̀ aŋ yè nyaŋ àŋ nyaaŋ aŋ keela tàeɗùù titi nyàŋ lɛ go nàŋ kùwìè è ɗewe wèè aŋ kɛ̀ɛ̀ màŋ nyòngà kɛ̀ àŋ yaà toomo e ɗèwè guùŋ nɛ nɔŋ è yaà toomo lɛ̀.

1Time 2:8

E zòòlò anyùùŋ hààwe gbiŋ sùà mìŋ manaŋ aŋ felaa nyàŋ aŋ zoolò, aŋ felaa nyàŋ naŋ sìè e hààwe nyiŋ nɛ̀ wo Dayà nɛɛmaàŋ sùà nyaŋ yèè àŋ joowà maŋ kùàŋ zòòlo gò kùwìè màŋ jii bìya e kìlà aŋ fè nyɛ̀nɛ̀ŋ nyaàŋ tàaŋ nyàŋ.

1Time 4:3

Anyuùŋ tòa mààŋ nyɛɛ̀ŋ naŋ kaà kɛ̀, e fè è tɔ̀ɔ̀nyaàŋ wèè wò nyùùŋ wo ɓèmè wo jɔùŋ ɔ̀ɔ̀ wo felaa, yèè wo jè mànɛ̀ŋ je gɛ̀wɛɛ̀ bà. Kɛɛ wo Dayà naŋ bànè maŋ nɛ̀ŋje mɛɛ̀ŋ wèè eiŋ miŋ jììyà è zòòlò ke sɛ̀ gèe sùà, wèè anyuùŋ hààwe nyàŋ nyìmàŋ e tɔ̀ɔ̀nyaàaŋ.

1Time 5:11

Ɓɔ̀ nìŋ sìà màŋ dèè jɔ̀ùnèèdàà bɔwɔ wɔ̀ŋ fɛ̀ì màŋ dèè àŋ jɔ̀ùnèèdàà nyaŋ sùà, esaɓùɛ nàŋ yaà kɛ̀ e ɗèwe nyiŋ nɛ̀ nyɛ̀nɛ̀ŋ nyiìŋ wèè aŋ gè felaa, e kìlà àŋ kɛ̀ɛ̀ wo Jisɛ̀ Kulaì maŋjɛ̀wɛ,

1Time 6:1

Aŋ yè nyaŋ yaà dìkia nyiŋ e ɗo dìì nyaŋ, aŋ dɛɛkɛ̀ aŋ kana nyiŋ nyàŋ e ɓɛ̀ɛ̀jàa ɗewe gbiŋ sùà, e wèè wo nyùùŋ bà go nàŋ wòò e keì naanààŋ è dèè Dayàa diɛŋ yaà e kàa kii wilɛ̀.

Taitɔ̀ 2:5

e kìlà aŋ nyìmàŋ e ɗèwè nyiŋ bi yɛ̀mɛ̀ diɛŋ yèè aŋ zɛ̀nɛ̀ŋ. Aŋ nɔ̀ŋ aŋ jɔ̀ùŋ maŋ kpèè siaŋ maŋ gboo nyiŋ màŋ sùà aŋ yè nyaŋ jɔɔlɔ̀ aŋ faiŋ nyiŋ nyàŋ dìì wèè wo nyùùŋ gbiŋ go nàŋ wòò keì naanààŋ è nyaàiŋ dè kè miè gbìaàŋ yewe Dayà sìwè yɛ.

Taitɔ̀ 2:8

Tòòmoò maŋ mìè gbòa sengèì maŋ yè maŋ wo nyùùŋ gbiŋ fè ɓɛ̀nɛ̀ŋ gè màŋ pɛɗì lɛ, wèè e sàngè kùwà aŋ jooum nyàŋ, esaɓù kɛ̀ aŋ kuwà è keì bà gbiŋ wèè aŋ woò fàà è naanààŋ sùà è weè wi.

Hiɓu 13:4

Kìɛìŋ ke yɛɛ̀ nɔ̀ɔŋ e ɓɛ̀ɛ̀jàa. Wo jɔɔnɔ̀ɔŋ yaà wo faniŋ nɔɔ̀ŋ kuwa aŋ kɛ̀ɛ̀nɛ̀ŋ ke jii tùlia e fèemàŋ wèè ke yɛɛ̀ nyiŋ nɛɛ̀ŋ e teenga gbiŋ, esaɓù kɛ̀ wo Dayà do nàŋ kìɛ̀ŋ e nyìnga koɓɛ̀ anyùùŋ nyaŋ gbiŋ yaà nyìnìè hmɔŋtu àŋ gè màaŋ nyàŋ.