1Time 5:11 - WƆŊ FƐ̀Ì EBÒ SÌÀŊ DAYÀA

¹¹ Ɓɔ̀ nìŋ sìà màŋ dèè jɔ̀ùnèèdàà bɔwɔ wɔ̀ŋ fɛ̀ì màŋ dèè àŋ jɔ̀ùnèèdàà nyaŋ sùà, esaɓùɛ nàŋ yaà kɛ̀ e ɗèwe nyiŋ nɛ̀ nyɛ̀nɛ̀ŋ nyiìŋ wèè aŋ gè felaa, e kìlà àŋ kɛ̀ɛ̀ wo Jisɛ̀ Kulaì maŋjɛ̀wɛ,

1Time 5:11 ပူးပေါင်းရင်းမြစ်များ

1Time 4:3

Anyuùŋ tòa mààŋ nyɛɛ̀ŋ naŋ kaà kɛ̀, e fè è tɔ̀ɔ̀nyaàŋ wèè wò nyùùŋ wo ɓèmè wo jɔùŋ ɔ̀ɔ̀ wo felaa, yèè wo jè mànɛ̀ŋ je gɛ̀wɛɛ̀ bà. Kɛɛ wo Dayà naŋ bànè maŋ nɛ̀ŋje mɛɛ̀ŋ wèè eiŋ miŋ jììyà è zòòlò ke sɛ̀ gèe sùà, wèè anyuùŋ hààwe nyàŋ nyìmàŋ e tɔ̀ɔ̀nyaàaŋ.

1Time 5:12

yèè e keì do nyiŋ nàŋ jeeè e gbài sùà wèè e ɗààhìì e hààweɛ̀ àŋ naŋ pɔɔ̀ ko nɛ̀ɛ̀uŋ niìŋ lɛ.

1Time 5:14

Weètii mìŋ do naŋ mɔ̀nɔ̀ŋ aŋ jɔ̀ùnèèdàà bɔwɔ nyàŋ aŋ gè aŋ felaa, aŋ kòmàŋ aŋ jɔ̀à, yèè aŋ yɛ̀mɛ̀ maŋ kpoo nyiŋ màŋ diɛŋ, wèè aŋ go nàŋ kìɛ̀ŋ àŋ joo wi nyàŋ e ɗeweɛ̀ wèè àŋ do wòò màŋ keì naanààŋ è weè wi.

1Time 5:9

Ɓɔ̀ nìŋ sìà è dèè wò jɔ̀ùŋèèdààa wo yèɔ gò hàì màŋ doa kpɛ̀ùŋ taai wɔ̀, wɔ̀ŋ fɛ̀ì màŋ dèè àŋ jɔ̀ùŋèèdààa nyaŋ sùà. E tòòyà tii nàŋ yaà, wo nɔ̀ŋ yèɔ naŋ wa gè wo felaa è guùŋ wɔ,

Jìiiŋ 5:5

E nɔ̀iŋ nɛ̀ e ɗuunyaàŋ diɛŋ nìŋ naŋ jìkà maŋ nɛ̀ŋje siaŋ, e kìlà naŋ gè gbana. Nàŋ nyɛ̀nɛ̀ŋ maŋ jiiiŋ màŋ dɛɛdɛ̀ɛ̀ nàŋ kùwìè maŋ kèìŋ wèè ke ɗɔ̀ɔ̀ jìwaiŋ nɛɛ̀ŋ diɛŋ.

2Pììlɛ 2:18

Maŋ nyaàŋ gbeegbèè zùwo foo màŋ àŋ gboo màŋ, àŋ toomàŋ maŋ kpèè nàànààŋ kɔɔ nyiŋ màŋ wèè aŋ kùwà anyùùŋ nyaŋ maŋ gbaù sùà aŋ yè nyaŋ naŋ nɔŋ tɔ̀ɔ̀tù fòlà anyùùŋ nyaŋ yaà maŋ keì ɓàa dìì nyaŋ e tɛɛ.

Maŋ kèì nyɛɛnɛŋ 18:3

Maŋ fuɔŋ màŋ gbiŋ naŋ tìè maŋ tàlà mùàŋ wo nìeɔ̀ Ɓaɓelɔ̀ùŋ maŋ, maŋ tala muaŋ nyìnga wèè hmɔŋtu nyɛ̀nɛuŋ nɛ̀. Aŋ kana nyàŋ maŋ fuɔŋ màŋ sùà e ɗuunyaàŋ nauŋ nyìnìè ke yɛ̀ɛ̀ hmɔŋtu. Anyuùŋ nyɛ̀nɛ̀ŋ bòli gbiŋ e dììɛ diɛŋ naŋ nɔ̀ŋ anyuùŋ bànè esaɓù ke kpèè naanààuŋ nɛɛ̀ŋ.”

Maŋ kèì nyɛɛnɛŋ 18:7

Kìɛnùuŋ maŋ keì nyìnga zimgbe yaà ke jii mɔ̀ɔ̀nɛŋ, màànààŋ nɔŋ wò naŋ wa kìɛ̀ŋ wuŋ bi e jòòwo yèè wò naŋ jìkà e tɛ̀ɛ̀tɛ̀ɛ̀ ɗuunyaàŋ lɛ, esaɓù wò woà wuŋ bi ke jiiuŋ nɛɛ̀ŋ sùà wààŋ, ‘Kià mìŋ jaa, miàŋ nàŋ yaà wo jɔùŋ kana gbeeɔ̀! Miŋ fè wò jɔ̀ùnèèdàà, julɔfɔ miŋ naàŋ wa nàwèè kɛ̀ɛ̀nɛ̀ŋ kè jii mɔ̀ɔ̀nɛŋ!’

Maŋ kèì nyɛɛnɛŋ 18:9

Aŋ kana nyàŋ gbiŋ e dììɛ diɛŋ wo yèɔ nauŋ wa nyìnìè ke yɛ̀ɛ̀ hmɔŋtu wɔ̀, yèè àŋ naŋ nɔ̀ŋ aŋ bà nyiŋ bà ke kpèè naanààuŋ nɛɛ̀ŋ sùà yèè àŋ naŋ jìkà maŋ bànè ɗuunyaŋ màŋ koɓɛ̀ guùŋ nyaŋ, do nàŋ gòlò sèè àŋ yɛmɛ̀ ke kòmòɛ e yìwìà ko hmɔ̀ɔ̀iŋ wò yaà hiwie lɛ.