1Time 5:1 - WƆŊ FƐ̀Ì EBÒ SÌÀŊ DAYÀA

¹ Ɓɔ̀ mùŋ gbuuyà wò nyuùŋ kàìŋ wɔ̀ŋ golà mie naanààŋ, kɛɛ wòò nyuùŋ kàìŋ e keì e ɓɛ̀ɛ̀jàa sùà mààŋ wo dèdaum. Kuwà aŋ kɔmɔŋjɔa bɔwɔ nyàŋ mààŋ aŋ wùìyaum,

1Time 5:1 ပူးပေါင်းရင်းမြစ်များ

Maafiù 23:8

Kɛɛ nyɛ̀iŋ nààŋ bà gbiŋ ɓɔ̀ mùŋ nyimèè wèè aum nyààŋ wò ‘Kààmɔɔŋ,’ esaɓù kɛ̀ nyɛ̀iŋ gbiŋ nìŋ yaà aŋ wùìyà guùŋ, yèè nìŋ kuwa nɔŋ wo kààmɔ̀ɔ̀ŋ guùŋ.

Nyɛ̀nɛ̀ŋ 14:23

Wo Pɔɔ̀ yaà wo Bànaŋɓà naŋ wa ɓèmè aŋ màmàŋkùmɛŋ wèè ke gbòò anyuùŋ hààwe nyàŋ gbiŋ. Kpeiŋ àŋ naŋ kùwò ke tɔùŋ e kìlà àŋ yaà zoolo wèè wo Dayà kpuumàŋ aŋ màmàŋkùmɛŋ nyɛɛ̀ŋ yè nyaŋ naŋ sìè e hààwe nyiŋ nɛ̀ wo Kanaà Jisɛ̀ sùà lɛ.

Nyɛ̀nɛ̀ŋ 15:4

E hài nyiŋ nɛ̀ ko Jùlusɛ̀làm, anyuùŋ hààwe nyàŋ, aŋ keela nyàŋ, yèè aŋ màmànkùmɛ̀ŋ anyuùŋ hààwe nyàŋ naŋ nyiŋ ɓeeè yèè àŋ naŋ nyiŋ jàà kùàŋ dìì. Wo Pɔɔ̀ yèè aŋ dàwiuŋ nyàŋ naŋ nyiŋ gbàìè jii e nyaàiŋ dè e yèɛ kinɛiŋ wo Dayà naŋ nyiŋ kpuumò àŋ naŋ nyɛ̀nɛ̀ŋ lɛ.

Nyɛ̀nɛ̀ŋ 15:6

Aŋ keela nyàŋ yèè aŋ màmànkùmɛ̀ŋ anyuùŋ hààwe nyàŋ naŋ dèènè koɓɛ̀ guùŋ wèè aŋ yɛmɛ̀ e keì lɛɛ̀ dìò sùà.

Nyɛ̀nɛ̀ŋ 20:17

Nààŋ wo Pɔɔ̀ naŋ hàì ko jawa gbeeì àŋ nyaaŋ Miletù wɔŋ juwoɔ̀ kɔɔ, wò naŋ tùɔ̀ŋ ke miè gbìaŋ koɓɛ̀ aŋ màmàŋkùmɛŋ nyàŋ wèè ke gbòò anyuùŋ hààwe nyàŋ ko Ɛfesɔ̀ wèè aŋ hnàŋ aŋ mɛɛ̀uŋ ko Miletù.

Luùm 13:7

Kpeiŋ, kìɛìŋ manɛ̀ŋ maŋ gbiŋ nìŋ kuwa e kpàŋ wèè naŋ kiɛ̀ŋ maŋ. Kìɛìŋ e nɛ̀ɛ̀nɛ̀ŋ fuɔŋ wèè manɛ̀ŋ kɛ̀ɛ̀nɛiŋ màŋ yaà manɛ̀ŋ bòliiŋ màŋ ko nɛ̀ɛ̀ŋ nyiŋ niìŋ. Jɔ̀ɔ̀lɔìŋ e kìlà niŋ kiɛ̀ŋ e ɓɛ̀ɛ̀jàa gbee koɓɛ̀ aŋ kana nyàŋ gbiŋ.

Gàla 6:1

Wùìyaim nyàŋ, sèè wo nyùùŋ gbiŋ naŋ sɛ̀ɛ̀ ke gbàù maŋ kei naanààŋ sùà, nyɛ̀iŋ nyàŋ wo Jìnàŋ Nɛɛmaàŋ yaà sùà nyaŋ kɛ̀lɛɛìŋ wo nyùùŋ bi maŋjɛ̀wɛ e ɓɛ̀ɛ̀jàa sùà ke dòmàŋ tɔ̀ɔ̀nyaàaŋ diɛŋ. Kɛɛ yɛ̀mɛìŋ nyɛiŋ bi diɛŋ wèè niŋ go nàŋ sɛ̀ɛ̀ e wàà keì jùumù sùà.

1Time 5:17

Aŋ màmàŋkùmɛŋ nyàŋ tomàŋ tɛ̀ɛ̀ mààŋ aŋ sìèfeìŋ nyaŋ, jàaìŋ nyiŋ kùàŋ dìì e dɛ̀ɛ̀kɛ sùà wèè aŋ yɛmɛ̀ e jìwààjɛ̀wɛ̀ gbee, ɓɔɔɓɔɔ ngèè aŋ yè nyàŋ tomàŋ nyìnga ko gbùùyè ke mìè Dayàa yèè àŋ kaà nyìŋ nyaŋ.

1Time 5:2

kuwà aŋ jɔùŋ nyuùŋ kàìŋ nyaŋ mààŋ aŋ yèyeum, aŋ jɔùŋ jɔa bɔwɔ nyàŋ, mààŋ aŋ jaaum, ke kpèè siaŋ sùà.

Taitɔ̀ 2:2

Wòò anyuùŋ gɔu nyàŋ aŋ nyìmàŋ e ɗèwè nyiŋ bi yɛ̀mɛ̀ diɛŋ, aŋ kuwiè jiikɛ̀ɛ yèè aŋ sìà ke di. E hààwe nyiŋ nɛ̀, e mànaŋ nyiŋ nɛ̀, yèè ke jii kùwa nyiŋ nɛɛ̀ŋ ɓɔ̀ è kɛɛ̀ màŋjɛ̀wɛ.

Taitɔ̀ 2:6

Sià aŋ felaa nyuùŋ bɔwɔ nyàŋ nyiŋ pɛɛ ke di, aŋ nyìmàŋ e ɗèwè nyiŋ bi yɛ̀mɛ̀ diɛŋ.

Jìiiŋ 3:17

Kɛɛ e jiikɛ̀ɛɛ̀ yewe wo Dayà sìwè lɛ e jiɛ̀jiɛ̀ɛ nàŋ yaà, è yaà sengei yèè è manaŋ ke jii fàa, è kuwìà nyùùŋ le siwè sìàŋ, è kuwa mɔ̀ɔ̀nɔŋ, è naŋ dìè ke nyowo yèè è hiàŋ maŋ tùwo siaŋ sìàŋ, e fè nyangè yèè e gò gbɛ̀ɛ̀ è kàaɓì kɔɔ.

Jìiiŋ 5:14

Sèè wo nyuùŋ sàaŋ nɔ̀ìŋ tɛɛ, aŋ nyààŋ aŋ sìèfeìŋ nyaŋ ke gbòò anyuùŋ hààwe nyàŋ sùà ko sààŋ zòòloì, auŋ zòòlò diɛŋ e kìlà aŋ kpalèèuŋ e bù ɔlè kɔɔ e dèè Kanaà Jisɛ̀ɛ Kulaìɛ sùà.

1Pììlɛ 5:1

Miàŋ bi, mìŋ yaà wo màmàŋkùmɛŋ, mìŋ yaà dàwè sùà aŋ màmàŋkùmɛŋ nyàŋ e tɛɛiŋ. Mìŋ yaà wo sèì Jisɛ̀ Kulaì wèè maŋ keì nyìnga màŋ wò naŋ kɔ̀ dìì maŋ. Yèè e jòòwoɛ̀ do nàŋ hnè lɛ, wuŋ nàŋ kànaìŋ yèè mìŋ do nàŋ nɔ̀ŋ bà nyiŋ bà.

2Jɔ̀ɔŋ 1:1

E yìwìà koɓɛ̀ wo màmàŋkùmɛɔ̀ŋ, wo sìèfeìŋ anyuùŋ hààwe nyàŋ. E kà koɓɛ̀ wo nìe tàeɗùù titi bà yaà aŋ jɔ̀àuŋ nyàŋ. Tɔɔɓaa mìŋ manaŋ nyɛiŋ gbiŋ. Yèè aŋ yè nyaŋ gbiŋ naŋ nyìmè e tɔ̀ɔ̀nyaàaŋ lɛ̀ àŋ mànaìŋ.

3Jɔ̀ɔŋ 1:1

E yìwià koɓɛ̀ wo màmàŋkùmɛɔ̀ŋ, wo sìèfèìŋ anyuùŋ hààwe nyàŋ. E kà koɓɛ̀ wo dàwi miɔ̀ŋ Gayɔ̀i, wo yeɔ̀ mìŋ naŋ kaì mɔ̀nɔ̀ŋ e tɔ̀ɔ̀nyaàŋ sùà wɔ.

Maŋ kèì nyɛɛnɛŋ 4:4

Maŋ kpùà kana joo kpɛ̀ùŋ jɛ̀wɛ̀ tiinàŋ naŋ wa kìlìè ke kpùà kana yii gɛ̀ɛ̀ŋ. Aŋ màmàŋkùmɛŋ kpɛ̀ùŋ jɛ̀wɛ̀ tiinàŋ jaa wa maŋ kpùà kana bi diɛŋ, àŋ naŋ gɔ̀àì maŋ deè fùà yèè àŋ naŋ jàà maŋ ɓɔ̀ɗì kana bàànè gòoò maŋ ɗì.