1Time 4:3 - WƆŊ FƐ̀Ì EBÒ SÌÀŊ DAYÀA

³ Anyuùŋ tòa mààŋ nyɛɛ̀ŋ naŋ kaà kɛ̀, e fè è tɔ̀ɔ̀nyaàŋ wèè wò nyùùŋ wo ɓèmè wo jɔùŋ ɔ̀ɔ̀ wo felaa, yèè wo jè mànɛ̀ŋ je gɛ̀wɛɛ̀ bà. Kɛɛ wo Dayà naŋ bànè maŋ nɛ̀ŋje mɛɛ̀ŋ wèè eiŋ miŋ jììyà è zòòlò ke sɛ̀ gèe sùà, wèè anyuùŋ hààwe nyàŋ nyìmàŋ e tɔ̀ɔ̀nyaàaŋ.

1Time 4:3 ပူးပေါင်းရင်းမြစ်များ

Maafiù 14:19

Yèè wo Jisɛ̀ naŋ wòò anyùùŋ nyaŋ wààŋ aŋ jɛi maŋ dɛɛ màŋ diɛŋ. Kpeiŋ wo Jisɛ̀ naŋ ɓèmè e gbɔ̀ù nɔɔnɔɛ̀ŋ yaà aŋ kɛ̀ì tìyèe nyàŋ, yèè wò naŋ yɛ̀mɛ̀ ko fùùiŋ wò naŋ gè wo Dayà esɛ̀. Wò naŋ nyìmè nyìmè e gbɔ̀uɛ̀ yèè wò naŋ niŋ kìɛ̀ŋ anyùùŋ màŋjɛ̀wɛ̀uŋ nyàŋ wèè aŋ goonò niŋ aŋ nyùùŋ nyaŋ fèemàŋ. Anyùùŋ màŋjɛ̀wɛ̀uŋ nyàŋ naŋ gòònò e nɛ̀ŋjeɛ̀ anyùùŋ nyaŋ fèemàŋ.

Maafiù 15:11

E nɛ̀ŋjeɛ̀ kɔ̀àùm kò sùà lɛ, e fòum nyɛ̀nɛ̀ŋ maŋ nɔ̀ŋ wò nyuùŋ gò zɛ̀nɛ̀ŋ, sɔɔ̀ e nɛ̀ɛŋ fuliàùm ko nyààŋ lɛ, tiŋ nàŋ nyɛ̀nɛ̀ùm maŋ nɔ̀ŋ wo nyuùŋ gò zɛ̀nɛ̀ŋ.”

Maafiù 15:36

Yèè wò naŋ ɓèmè e gbɔ̀ù kpùnàŋ nɔɔnɔŋ le tìyèeɛ̀ yèè aŋ kɛ̀ì nyaŋ wò naŋ gè wo Dayà esɛ̀, wò naŋ niŋ nyime nyìmè yèè wò naŋ niŋ fè anyùùŋ màŋjɛ̀wɛ̀uŋ nyàŋ wèè aŋ goonò niŋ anyùùŋ nyaŋ e fèemàŋ. Anyùùŋ màŋjɛ̀wɛ̀ nyaŋ naŋ niŋ gòònò anyùùŋ nyaŋ e fèemàŋ.

Luù 24:30

Wò naŋ jɛi wèè yaà nyiŋ aŋ jènɛ̀ŋ, kpeiŋ wò naŋ ɓèmè e gbɔ̀u yèè wò naŋ niŋ zòòlò diɛŋ. Wò naŋ niŋ nyime nyìmè wo nyiŋ niŋ kiɛ̀ŋ.

Jɔ̀ɔŋ 6:23

Anyùùŋ bà naŋ wa hìɛ̀ŋ maŋ gɔ e yìwìà ko Tàbilià yèè àŋ naŋ hnè koɓɛ̀i e faaàŋ naŋ wa jè e nɛ̀ŋjeɛ̀ lɛ nààŋ wo Kanaà Jisɛ̀ naŋ wa kìɛ̀ŋ ke sɛ̀ gèe koɓɛ̀ Dayài weè niŋ.

Nyɛ̀nɛ̀ŋ 27:35

Nààŋ wo Pɔɔ̀ naŋ tɛɛ̀ kpɛ̀ɛ̀yɛ̀ wòo, wò naŋ ɓèmè ke gbɔ̀u kpuu, yèè wò naŋ gè wo Dayà esɛ̀. Kpeiŋ ko fɛ̀ɛ̀fèìŋ anyùùŋ nyaŋ gbiŋ, wò naŋ nyìmè ke gbɔ̀uɛ̀ yèè wò naŋ gbìlè ke bà wuŋ bi.

Luùm 14:17

E Kànà Dayàa e fè wèè è nɛ̀ŋje jèe yèè màŋ muàŋ tìa, kɛɛ è yaà wèè e tɔ̀ɔ̀nyaàŋ, ke jii fàa, yàà e zɔlɔ̀ e yèɛ wo Jìnàŋ Nɛɛmaàŋ kiɛ̀ŋ lɛ.

Luùm 14:3

Wo nyùnɔ̀ɔŋ jè e nɛ̀ŋje gbiŋ wɔ̀, ɓɔ̀ wò niingè wò dàwiuŋ nɔɔ̀ŋ fɛ̀ɛ̀ wèè è nɛ̀ŋjeɛ̀ wo fè jè lɛ, e kìlà wo nyùnɔ̀ɔŋ jè nɔŋ manɛ̀ŋ jè ɓù wɔ, ɓɔ̀ wò gbaì wò nyùnɔ̀ɔŋ jè è nɛ̀ŋje gbiŋ wɔ̀, esaɓù kɛ̀ wo Dayà jaa wo nyùùŋ gbiŋ kùàŋ dìì.

Luùm 14:6

Anyùùŋ nyaŋ gongà kɛ̀ ke ɗɔɔ titi kuwa e sɛmɛ e nìàŋ ke bàa yɛ̀, nyɛnɛŋ tɛɛ̀ wèè aŋ tɔ̀ɔ̀ e ɓɛ̀ɛ̀jàa koɓɛ̀ wo Kanaà. Anyùùŋ nyaŋ jè e nɛ̀ŋje ɗewe gbiŋ nyàŋ, nyɛnɛŋ tɛɛ̀ wèè aŋ tɔ̀ɔ̀ e ɓɛ̀ɛ̀jàa koɓɛ̀ wo Kanaà, esaɓù kɛ̀ àŋ kiɛ̀ŋ ke sɛ̀ ge koɓɛ̀ wo Kanaà wèè e nɛ̀ŋjeɛ̀ àŋ jè lɛ. Anyùùŋ nyaŋ gè maŋhɛɛ wèè aŋ jè e nɛ̀ŋje ɗewe gbiŋ nyàŋ, nyɛnɛŋ tɛɛ̀ wèè aŋ tɔ̀ɔ̀ e ɓɛ̀ɛ̀jàa koɓɛ̀ wo Kanaà, yèè nyiŋ pɛɛ àŋ kiɛ̀ŋ ke sɛ̀ ge koɓɛ̀ Dayài.

1 Kɔliìŋ 6:13

Wo nyuùŋ joo bà do nàŋ woò wààŋ, “E nɛ̀ŋje yaà wèè ko sùà, yèè ko sùà yaà wèè e nɛ̀ŋje.” Hɛ̀ɛɛ̀ŋ kɛɛ, wo Dayà do nàŋ hìɛ̀ŋ tiŋ tìyèe ko dìa. Ke kpùnaàŋ fè nɛ̀ŋ tòòmo wèè è hmɔŋtu nyìniaŋ, sɔɔ̀ e tòmo wèè Kanaà, yèè wo Kanaà do nàŋ kìɛ̀ŋ ke kpùnaàŋ.

1 Kɔliìŋ 7:28

Kɛɛ sèè mùŋ ɓemàŋ wo jɔùŋ, kòò mùŋ nyɛ̀nɛ̀ŋ è kèì jùumù. Sèè wo jɔ̀ùŋ jɔ̀à bɛ̀ɛ̀ wo ɓèmè felaa, kòò wò ɓèmè è jùumù. Kɛɛ anyùùŋ nyaŋ naŋ ɓèmè jɔùŋ nyaŋ, yèè anyùùŋ nyaŋ do nàŋ ɓèmè felaa nyàŋ àŋ kuwa maŋ keì zimgbe, yèè mìŋ manaŋ kaiŋ kìlìà kùàŋ feìŋ weè miŋ.

1 Kɔliìŋ 8:8

E nɛ̀ŋje jèe, e fè wi bɔ̀ɔ̀mɔ̀ŋ wò Dayà è kɔɔ, èiŋ niŋ jè e gòiŋ niŋ jè, è yaà wèè foo.

Kòlo 2:16

Weètii, ɓɔ̀ nìŋ nyimèè wèè wò nyùùŋ gbiŋ wò do bànè màŋ sàwà è weèiŋ è nyaàiŋ dè è nɛɛ̀ŋ nìŋ jè lɛ ɔ̀ɔ̀ è nɛ̀ŋ tìa ɔ̀ɔ̀ maŋ ɗɔ̀ɔ̀ nɛɛmaŋ ɔ̀ɔ̀ wɔŋ Ɗàà gè Waà Jɛ̀ìɔ ɔ̀ɔ̀ ke Ɗɔ̀ɔ̀ Zòòlo.

Kòlo 3:17

E nɛ̀ɛŋ gbiŋ nìŋ woà ɔ̀ɔ̀ nìŋ nyɛnɛŋ lɛ̀, e nɔ̀ŋ nyɛ̀nɛŋ niŋ e dèè Kanaà Jisɛ̀ Kulaì sùà, nààŋ nìŋ kiɛ̀ŋ ke sɛ̀ gèe koɓɛ̀ Dayài e saɓùuŋ nɛ̀ sùà lɛ.

1Time 2:4

wo yèɔ manaŋ wèè wo nyùùŋ gbiŋ yɛ̀mɛ̀ e jòèye yèè wo nyìmàŋ e tɔ̀ɔ̀nyaàaŋ wɔ̀.

1Time 4:4

E nɛ̀ɛŋ gbiŋ wo Dayà naŋ banè lɛ è yaà tɛ̀ɛ̀, yèè ɓɔ̀ nìŋ dèmàŋ è nɛ̀ŋ gbiŋ, kɛɛ jàaiŋ niŋ kùàŋ dìì e zòòlò sɛ̀ gèe sùà.

1Time 5:14

Weètii mìŋ do naŋ mɔ̀nɔ̀ŋ aŋ jɔ̀ùnèèdàà bɔwɔ nyàŋ aŋ gè aŋ felaa, aŋ kòmàŋ aŋ jɔ̀à, yèè aŋ yɛ̀mɛ̀ maŋ kpoo nyiŋ màŋ diɛŋ, wèè aŋ go nàŋ kìɛ̀ŋ àŋ joo wi nyàŋ e ɗeweɛ̀ wèè àŋ do wòò màŋ keì naanààŋ è weè wi.

Hiɓu 13:4

Kìɛìŋ ke yɛɛ̀ nɔ̀ɔŋ e ɓɛ̀ɛ̀jàa. Wo jɔɔnɔ̀ɔŋ yaà wo faniŋ nɔɔ̀ŋ kuwa aŋ kɛ̀ɛ̀nɛ̀ŋ ke jii tùlia e fèemàŋ wèè ke yɛɛ̀ nyiŋ nɛɛ̀ŋ e teenga gbiŋ, esaɓù kɛ̀ wo Dayà do nàŋ kìɛ̀ŋ e nyìnga koɓɛ̀ anyùùŋ nyaŋ gbiŋ yaà nyìnìè hmɔŋtu àŋ gè màaŋ nyàŋ.

Hiɓu 13:9

Ɓɔ̀ nìŋ nyimèè wèè ànyuùŋ joo àŋ doiŋ kàà màŋ keì joo, maŋ yè maŋ yà è gbà èɓìèmàŋjɛ̀wɛ̀ Èbò Siaàŋ. È yaà tɛ̀ɛ̀ wèè wo Dayà woiŋ kìɛ̀ŋ e gààŋ maŋ jiiŋ màŋ sùà e yìwìà e tɛ̀ɛ̀tɛ̀ɛ̀uŋ nɛ̀ sùà, kɛɛ e fè wèè naŋ nɔ̀ŋ kùwìè maŋ gbàŋ manɛ̀ŋ je. Yèè ngèè, manɛ̀ŋ je mɛɛ̀ŋ fè kai kpùùmàŋ ànyùùŋ nyaŋ jè mìŋ nyaŋ.