1Time 4:1 - WƆŊ FƐ̀Ì EBÒ SÌÀŊ DAYÀA

¹ Wo Jìnàŋ Nɛɛmaàŋ naŋ woò janjai wààŋ anyuùŋ nyaŋ bà nyiŋ do naŋ fè e hààweɛ̀ jɛwɛ teenga kpuu sùà, àŋ do naŋ jɔ̀ɔ̀lɔ̀ aŋ jinàŋ tòa dìì, e kìlà aŋ dè e kàà aŋ jinàŋ naanààŋ maŋjɛ̀wɛ.

1Time 4:1 ပူးပေါင်းရင်းမြစ်များ

Maafiù 18:7

E ɗuunyaàŋ kòò è yaà ke dòmàŋ e keì nyìnga diɛŋ wèè e ɗeweɛ̀ è nyɛnɛŋ anyùùŋ aŋ nyɛ̀nɛ̀ŋ e keì naanààŋ lɛ. E nɛ̀ŋ kòò è yaào wèè e nyɛ̀nɛ̀ŋ anyùùŋ aŋ nyɛ̀nɛ̀ŋ e keì naanààŋ, kɛɛ wo nyùnɔ̀ɔŋ do nàŋ nyɛ̀nɛ̀ŋ e keì naanààŋ bi wɔ̀, wò do nàŋ nɔ̀ŋ ke dòmàŋ e keì nyìnga diɛŋ.

Luù 17:1

Wo Jisɛ̀ naŋ ɓɛìŋ wòò anyùùŋ màŋjɛ̀wɛ̀uŋ nyàŋ wààŋ, “Manɛ̀ŋ maŋ nyɛnɛŋ anyùùŋ aŋ sɛ̀ɛ̀ e jùumù sùà maŋ, màŋ kuwa maŋ kaaìŋ. Kɛɛ e keì nyìnga do nàŋ nɔ̀ŋ koɓɛ̀ wo nyùnɔ̀ɔŋ do nàŋ nyɛ̀nɛ̀ŋ wo nyùùŋ màŋjɛ̀wɛ̀ miɔ̀ŋ bà guùŋ wo sɛ̀ɛ̀ e jùumù sùà wɔ.

Jɔ̀ɔŋ 16:13

Wo Jìnàaŋ tɔɔ̀ e tɔ̀ɔ̀nyaàaŋ wɔ̀, yèè wò do nàŋ kaikpɔ hnè wèè woiŋ yɛ̀mɛ̀ diɛŋ e tɔ̀ɔ̀nyaàŋ kɛnɛɛ̀ sùà. Wo Jinàaŋ fè gbòà è gààŋ wuŋ biɛ̀ sùà. Wò do nàŋ wòò e yèɛ gbiŋ wò naŋ kòmò mìŋ naŋ woò lɛ. Yèè wò doiŋ nàŋ wòò e yèɛ yaà hinie e kaaìŋ lɛ.

Nyɛ̀nɛ̀ŋ 13:2

E teengaà àŋ yaà wa zòòlò wo Kanaà yèè àŋ yaà kùwìè ke tɔùŋ lɛ, wo Jìnàŋ Nɛɛmaàŋ naŋ nyiŋ woò wààŋ, “Jàaìŋ wo Bànaŋɓà yèè wo Sɔɔ̀ e ɓula weèim wèè e tòmoɛ̀ mìŋ naŋ nyiŋ nyààŋ wèè aŋ nyɛ̀nɛ̀ŋ lɛ.”

Nyɛ̀nɛ̀ŋ 17:18

Maŋ gbòò anyuùŋ tɔ̀ɔ̀ fɛi bà aŋ nyaaŋ Ɛpekuliɛ̀ŋ yèè Sutɔ̀ naŋ hnè yèè yaà nyiŋ naŋ tɔ̀ɔ̀tù kpàànè kpaane. Anyùùŋ bà yaà wa daawe nyààŋ, “Ɓòò nàŋ yaà wo nyuùŋ gò nyìmàŋ keì fèemàŋ wɛɛ̀, yèè kiìŋ wò manaŋ wo wòò?” Aŋ bà nyiŋ naŋ woò nyààŋ, “È yaà mààŋ wo Pɔɔ̀ wò yaà wòò e kèè aŋ dàyà fuɔŋ joo bà, Tii naŋ tɔɔ̀ kɛ̀ wò yaà wa wòò e kèè wo Jisɛ̀ yèè anyùùŋ nyaŋ do nàŋ yèwè e fàaà dìì nyaŋ.”

Nyɛ̀nɛ̀ŋ 20:23

Ko jawa gbee gbiŋ mìŋ kɔ̀à, wo Jìnàŋ Nɛɛmaàŋ kiɛ̀ìm e gòo kɛ̀ àŋ doim nàŋ gbìɛ̀ŋ ko sààŋ nyiwì yèè mìŋ do nàŋ nɔ̀ŋ e keì nyìnga dìì ko Jùlusɛ̀làm.

Nyɛ̀nɛ̀ŋ 21:11

Wo wɛ̀ijìɔ naŋ ɓèmè e tɛkìɛ wo Pɔɔ̀ dikìà wa e tɛɛ lɛ̀, yèè wò naŋ niŋ dìkìè wuŋ bi maŋ gòlò yèè maŋ kùàŋ. Yèè wò naŋ woò wààŋ, “Tɛɛ̀ wo Jìnàŋ Nɛɛmaàŋ naŋ woò, kɛ̀ anyùùŋ gbèègbèè aŋ Juùù nyaŋ bà ko Jùlusɛ̀làm do nàŋ dèkè wo nyùnɔ̀ɔŋ kanaŋ e tɛkì lɛɛ̀ wɔ, yèè àŋ douŋ nàŋ kìlè koɓɛ̀ anyùùŋ nyaŋ fè àŋ Juùù nyaŋ.”

Nyɛ̀nɛ̀ŋ 28:25

Nààŋ aŋ gò wa nyimèè nyiŋ wouwòù è fèemàŋ, àŋ naŋ tɔ̀ɔ̀tù kàa. Kɛɛ wo Pɔɔ̀ naŋ nyiŋ tɛɛ̀ woò wààŋ, “Wo Jìnàŋ Nɛɛmaàŋ naŋ wa wòò e keì kɛnɛɛ̀ e teengaà wò naŋ wa tùɔ̀ŋ wo wɛ̀ijìɔ Àzaayà lɛ,

1 Kɔliìŋ 10:20

Kpele, e nɛ̀ɛŋ mìŋ yaà woo lɛ̀ nàŋ yaà kɛ̀ e nɛ̀ɛŋ anyuùŋ gò nyìmàŋ Dayà nyaŋ giiyà saàà lɛ, aŋ jinàŋ naanààŋ nyaŋ àŋ fè niìŋ, aŋ fè niŋ kìɛ̀ŋ Dayà. Miŋ manàŋ wèè naŋ nɔ̀ŋ àŋ bàiŋbà kòɓɛ̀ àŋ jinàŋ naanààŋ.

1 Kɔliìŋ 11:19

E keì dììyè nyùùŋ jii gbiŋ fòo, e fèemàŋ gòòno kòò è yààìŋ wɛ̀i naàŋ e tɛɛ, wèè aŋ yɛmɛ̀ aŋ yè nyaŋ yaà e tɔ̀ɔ̀nyaàaŋ sùà àŋ naŋ jàà kùàŋ dìì nyaŋ janjai.

1 Kɔliìŋ 12:11

Kɛɛ wo Jìnàŋ guùŋ kpò wɛɛ̀ nàŋ nyɛnɛŋ maŋ keì mɛɛ̀ŋ gbiŋ, nààŋ wò manaŋ lɛ̀. Maŋ kìɛŋ màŋ gbiŋ yaà gbàgbà koɓɛ̀ nyùùŋ gbiŋ.

1 Kɔliìŋ 2:10

Kɛɛ wo Dayà naŋ nyɛ̀nɛ̀ŋ è naiŋ nyìmè ke gbùnùuŋ nɛɛ̀ŋ esàɓù wo Jinàuŋ nɔɔ̀ŋ sùà. Wo Jinàaŋ fɛlɛfɛ̀lɛ̀ e nɛ̀ɛŋ gbiŋ, e kpùlìà e yèɛ gbiŋ yaà Dayà jiio sùà lɛ.

2 Kɔliìŋ 11:3

Kɛɛ e jùù yààìm kɔɔ kɛ̀ àŋ doum nàŋ zuwò, màànààŋ nɔŋ wo kaìɔ naŋ wa zùwò wo Màmaŋ Hàwa e tòa sùà lɛ. E jùù yààìm kɔɔ kɛ̀ mùŋ do nàŋ hùànè e gòngo sengèì mɔ̀ɛ̀ kùwie wèè e kèè Jisɛ̀ Kulaìɛ jɔ̀ɔ̀lɔ̀ dììɛ.

Kòlo 2:18

Ɓɔ̀ nìŋ nyimèè wèè wò nyùùŋ gbiŋ woiŋ jèè keì, wo yèɔ naŋ tɔɔ̀ kɛ̀ wò yaà nyùùŋ sɛmɛmaŋ, esaɓù maŋ gɔa gòo titi yaà aŋ yè nyaŋ tɔɔ̀ kɛ̀ àŋ yaà tɛ̀ɛ̀ e kèè Dayàa sùà e kìlà àŋ zoolà aŋ màikà. Nààŋ aŋ kuwà èsaɓù bà lɛ, maŋ keì nyɛ̀nɛŋ nyiŋ miiŋ yaà nɔŋ e ɓàaɓàa esaɓù kɛ̀ maŋ gòngo nyiŋ màŋ yaà nɔŋ e ɗewe kiiɛ̀ anyuùŋ kpùuŋ gongà lɛ.

2Time 3:13

Anyùùŋ maŋ kpèè naanààŋ nyaŋ aŋ yè nyaŋ manaŋ aŋ tɔɔ̀ kɛ̀ aŋ fè ànyùùŋ mààŋ nyiiŋ nyàŋ, maŋ kpèè naanààŋ nyiŋ màŋ naŋ nìè maŋ gɔu màŋ, yèè àŋ zuwà nyiìŋ bi yaà anyuùŋ joo.

2Time 4:4

Àŋ do nàŋ fè e tɔ̀ɔ̀nyaàaŋ jɛwɛ, wèè aŋ kumìàŋ maŋ kàɓànè gò kɛ̀ɛ̀nɛ̀ŋ jiikɛ̀ɛ,

Jìiiŋ 3:15

E jiikɛ̀ɛ mààŋ tɛɛ̀ e fè è yèɛ yewe wò Dayà sìwè lɛ, e jè ke fòolàa e ɗuunyaŋ lɛɛ̀ tii, wo Jìnàŋ Dayàa fè niìŋ sùà e jè Sɛ̀tanàaŋ wuŋ bi tii.

1Pììlɛ 1:20

Wo Dayà nauŋ wa tàeɗùù paŋgàà wò naŋ tɔ̀ɔ̀tù e ɗuunyaàŋ bàne, yèè wò naŋ dàànè ebòuŋ maŋ ɗɔɔ dìàmaŋ mɛɛ̀ŋ sùà, esaɓùiŋ nɛ̀ sùà.

2Pììlɛ 2:1

E gɔuo sùà aŋ wɛ̀ijì tòa naŋ wa hnè anyùùŋ nyaŋ e tɛɛ, yèè e ɗèwè guùŋ bi sùà aŋ kààmɔɔŋ tòa doiŋ nàŋ hnè e tɛɛ. Àŋ do nàŋ hìɛ̀ŋ e kàa gɔ̀àgɔ̀à keì sùà, e kàa gò kùwìè tɔ̀ɔ̀nyaàŋ, yèè àŋ do nàŋ gììyè wo Kɛ̀ɛ̀nɛŋ nyiŋ nɔɔ̀ŋ naŋ nyiŋ bilɛ̀ŋ wɔ maŋhɛɛ, kɛ̀ àŋ hìàŋ e fàa fòòno nyiŋ bi diɛ̀ŋ.

2Pììlɛ 3:3

E jiɛ̀jiɛ̀ɛ nàŋ yaà, nìŋ kuwa naŋ nyìmàŋ kɛ̀ maŋ ɗɔɔ dìàmaaŋ màŋ sùà anyùùŋ bà do nàŋ hnè aŋ yè nyaŋ naàŋ gòngò è keì bà gbiŋ sɔɔ̀ e ɗèwe naanààaŋ nyiŋ bi kuwa lɛ̀. Àŋ doiŋ nàŋ hiilè

1Jɔ̀ɔŋ 2:18

Jɔ̀àim nyàŋ, e teenga dìàmaàŋ è gbɛ̀ɛ̀! Àŋ naiŋ wa woò kɛ̀ aŋ jòò Jisɛ̀ Kulaì nyaŋ yaà hinie. Aŋ jòò Jisɛ̀ Kulaì nyaŋ zimgbe nyiŋ ngèè àŋ naàŋ hnàŋ tɛ, weètii èiŋ naàŋ nyìmàŋ kɛ̀ e teenga dìàmaàŋ è gbɛ̀ɛ̀.

1Jɔ̀ɔŋ 4:6

È yààìŋ aŋ jɔ̀à Dayà, wo nyùnɔ̀ɔŋ gbiŋ naŋ nyìmè wo Dayà wɔ wò kumìàŋ wì. Kɛɛ wo nyùnɔ̀ɔ̀ŋ gbiŋ nyimààŋ wo Dayà wɔ wo fè wi kumìàŋ. Tɛɛ̀ nàŋ nyɛnɛŋ eiŋ nyìmàŋ e fèèmàŋ Jìnàŋ tɔ̀ɔ̀nyaàaŋ yaà wo jinàŋ tòaà.

Juù 1:18

Àŋ naiŋ wa woò nyààŋ, “Sèè maŋ ɗɔɔ dìàmaaŋ màŋ gbɛɛ wa nàwèè, anyùùŋ bà do nàŋ fòlò aiŋ hiilè, anyùùŋ nyaŋ naŋ dè e ɗèwè Dayà gò nyìmàŋ nyiŋ bi lɛ̀ maŋjɛ̀wɛ nyàŋ.”

Juù 1:4

Anyuùŋ gò nyìmàŋ Dayà nyaŋ, aŋ bà nyiŋ àŋ kɔ̀ɛ̀ kùàŋ dìì àŋ wi sɛ̀ɛ̀ e tɛɛ ke gbùnu sùà e gòiŋ nyìmàŋ, aŋ yè nyaŋ yaà pɔ̀ɔ sùà ke miè gbìaàŋ nyaàiŋ dè e tɛ̀ɛ̀tɛ̀ɛ̀ Dayà wiɔ̀ nyaŋ, wèè kàìsa aŋ yɛmɛ̀ ke kàfaì wèè maŋ kpèè naanààŋ nyiŋ màŋ, aŋ yè nyaŋ naŋ gè wo Jisɛ̀ Kulaì wo kɛ̀ɛ̀nɛŋ yèè wo Kana wiɔ̀ kùàŋ dìì nyaŋ. E gɔuo sùà, wɔŋ fɛ̀ì Dayàa wa kpɛ̀ɛ̀yɛ̀ wòò e kèì e kitiɛ̀ wo Dayà naŋ nyiŋ hèè diɛŋ lɛ̀.

Maŋ kèì nyɛɛnɛŋ 13:14

Wo yilì kùùno dìà tìyèeɔ naŋ zùwò anyùùŋ e dììɛ diɛŋ nààŋ wo Dayà nauŋ gè nyààŋ diɛŋ wèè wò nyɛ̀nɛ̀ŋ maŋ kèè mèè ko fɛ̀ɛ̀fèìŋ wo yilì kùùno jiɛ̀jiɛ̀ɔ. Wo yilì kùùnoɔ̀ naŋ wòò anyùùŋ nyaŋ wààŋ kɛ̀, aŋ banè wo dayà joo wo yèɔ naŋ tèènè wo yilì kùùnoɔ̀ àŋ naŋ wa nyɛ̀mɛ̀ŋ, e kìlà wò yaà nɔŋ wɔŋ nyiiŋ gèeɔ̀ sùà wɔ.

Maŋ kèì nyɛɛnɛŋ 16:14

Aŋ jinàŋ naanààŋ nyɛɛ̀ŋ nàŋ yaà aŋ yè nyaŋ kuwa wa e gààŋ wèè aŋ nyɛ̀nɛ̀ŋ maŋ kèè mèè. Aŋ jìnàŋ taai nyɛɛ̀ŋ kɔ̀à koɓɛ̀ wo kànà fuɔŋ gbiŋ e dììɛ diɛŋ, wèè aŋ nyiŋ gbònò koɓɛ̀ guùŋ wèè e ɗùàa sòmaŋ ke Ɗɔ̀ɔ̀ Gbèè wo Dàyà Gaàŋ Gbeeɔ̀ diɛŋ.

Maŋ kèì nyɛɛnɛŋ 18:2

Wo màikàa naŋ kpààŋ sɛiŋ yèè wò naŋ woò wààŋ, “Wo nìeɔ̀ sɔ̀à! Ko jawa Gbeeì Ɓaɓelɔ̀ùŋ kò sɔ̀à! Kò naàŋ kìlà ko jawa wèè aŋ jinàŋ naanààŋ yèè aŋ jinàŋ gò zɛ̀nɛ̀ŋ. Aŋ wòì fitinaŋ yèè aŋ yilì kùùnò kàntinàŋ gbiŋ nàŋ joào naàŋ.

Maŋ kèì nyɛɛnɛŋ 18:23

E gbòlòùŋ laumpò mɛ̀ɛŋ gbiŋ naàŋ wa nàwèè ɓɛìŋ dè wò Ɓaɓelɔ̀ùŋ sùà. Wo felaa yèè wo jɔùŋ nào wa nàwèè ɓɛìŋ wòò è kèè kè yɛɛ̀ gbìaŋ. Anyuùŋ mààŋ bòliuŋ nyàŋ nàŋ yaà wa anyuùŋ bàne sɛmɛ nyàŋ e dììɛ diɛŋ. Yèè e yìwìà e tòmò kɔìɗòlòuŋ nɛ̀ wò naŋ zùwò anyùùŋ nyaŋ maŋ fuɔŋ màŋ gbiŋ sùà.”

Maŋ kèì nyɛɛnɛŋ 19:20

Kɛɛ wo Dayà naŋ wa kùwò wo yilì kùùnoɔ̀ e kpùlìà wo wɛ̀ijì tòaà, wo yèɔ naŋ wa tɔ̀ɔ̀ e tɔ̀ɔ̀màŋsèì maŋ kèè mèè ko fɛ̀ɛ̀fèìŋ wo yilì kùùnoɔ̀ wɔ, wèè wo zuwò wa anyùùŋ nyaŋ gbiŋ kuwa wa e fèè wo yilì kùùnoɔ̀ e kìlà àŋ naŋ wa zòòlò wo dayà jooɔ̀ nyaŋ. Wo Dayà naŋ wa gbìɛ̀ŋ wo yilì kùùnoɔ̀ yaà wo wɛ̀ijì tòaà e hmɔɔ̀ŋ kùwa gbee kàànè sɔfɔ̀ sùà wɔŋ nyiiŋ gèe sùà.

Maŋ kèì nyɛɛnɛŋ 2:11

Wò naŋ ɓɛìŋ woò wààŋ, “Sèè mùŋ kɛɛnɛ̀ŋ maŋ nùŋ, kɛ̀ kòmàŋ e nɛ̀ɛŋ wo Jìnàŋ Nɛɛmaàŋ naŋ wòò koɓɛ̀ ke gbòò anyuùŋ hààwe nyàŋ lɛ. “Koɓɛ̀ anyùùŋ nyaŋ do nàŋ ɓùlò anyùùŋ maŋ tùwo naanààŋ nyaŋ lɛ̀, aŋ naàŋ kɔ̀ è nìmìlà keì naanààaŋ dìì wèè è fà dìà tìyèeɛ̀.”

Maŋ kèì nyɛɛnɛŋ 2:17

Wò naŋ ɓɛìŋ woò wààŋ, “Sèè mùŋ kɛɛnɛ̀ŋ maŋ nùŋ, komàŋ e nɛ̀ɛŋ wo Jìnàŋ Nɛɛmaàŋ naŋ wòò koɓɛ̀ ke gbòò anyuùŋ hààwe nyàŋ lɛ. “Koɓɛ̀ anyùùŋ nyaŋ do nàŋ ɓùlò nyaŋ, mìŋ do nyiŋ nàŋ kìɛ̀ŋ e gbɔ̀uɛ̀ bà e yèɛ àŋ nyaaŋ maanàŋ è yaà ko nyɛɛnɛŋ lɛ̀, wèè e nɔ̀ŋ e jìwààjɛ̀wɛ̀ nyiŋ nɛ̀. Mìŋ do ɓɛìŋ nàŋ kìɛ̀ŋ ke duò fùà koɓɛ̀ wo bà guùŋ gbiŋ, ke yèɛ àŋ naŋ sìngè è dèè e yèɛ wo nyùùŋ gbiŋ wo nyimààŋ lɛ, sɔɔ̀ nɔŋ wo nyùnɔ̀ɔŋ do nyiŋ nàŋ yɛmɛ̀ wɔ.”

Maŋ kèì nyɛɛnɛŋ 2:29

Wò naŋ ɓɛìŋ woò wààŋ, “Sèè mùŋ kɛɛnɛ̀ŋ maŋ nùŋ, kɛ̀ komàŋ e nɛ̀ɛŋ wo Jìnàŋ Nɛɛmaàŋ naŋ wòò koɓɛ̀ ke gbòò anyuùŋ hààwe nyàŋ lɛ!”

Maŋ kèì nyɛɛnɛŋ 2:7

Wò naŋ ɓɛìŋ woò wààŋ, “Sèè mùŋ kɛɛnɛ̀ŋ maŋ nùŋ, kòmàŋ e nɛ̀ɛŋ wo Jìnàŋ Nɛɛmaàŋ naŋ wòò koɓɛ̀ ke gbòò anyuùŋ hààwe nyàŋ lɛ. “Koɓɛ̀ anyùùŋ nyaŋ do nàŋ ɓùlò nyaŋ, e jìwààjɛ̀wɛ̀ nyiŋ nɛ̀ do nàŋ nɔ̀ŋ wèè ka nyiŋ gè nyààŋ diɛŋ aŋ gbìlà ke kuù kòmàŋ yìwìà ke kùlɛ̀ɛ kiɛ̀ŋ wɔŋ nyiiŋ gèe, ke yèɛ sia wɔŋ gbòlò maŋ nyùànɛ̀ŋ Dayà maŋ sùà yɛ.”

Maŋ kèì nyɛɛnɛŋ 20:10

Wo Dɛwìɔ, wo yèɔ naŋ nyiŋ wa zuwò wɔ, wo Dayà nauŋ wa gbìɛ̀ŋ ko hmɔɔ̀ŋ kàànè sɔfɔ̀ sùà, ko yèi wo yilì kùùnoɔ̀ yàà wo wɛ̀ijì tòaà àŋ yaà wa naàŋ tɛ lɛ̀. Kuŋ àŋ do nàŋ nɔ̀ŋ e keì nyìnga sùà e dùùm yaà maŋ gɔɛɛ wèè julɔfɔ yèè julɔfɔ.

Maŋ kèì nyɛɛnɛŋ 20:8

Wò do nàŋ kɔ̀ wèè wo zùwò anyùùŋ nyaŋ naŋ ɓààyè maŋ fuɔŋ màŋ gbiŋ sùà nyaŋ e ɗuunyaàŋ. Maŋ fuɔŋ bi nàŋ yaà maŋ jawa mààŋ ko Gɔɔ̀ yaà ko Magɔ̀. Wo Sɛ̀tanàŋ do nyiŋ nàŋ gbònò koɓɛ̀ guùŋ wèè ɗuà sòmaŋ, e kìlà àŋ do nàŋ gàŋ mààŋ e heiɛ̀ wɔŋ juwoɔ̀ kɔɔ.

Maŋ kèì nyɛɛnɛŋ 3:13

Wò naŋ ɓɛìŋ woò wààŋ, “Sèè mùŋ kɛɛnɛ̀ŋ maŋ nùŋ, komàŋ e nɛ̀ɛŋ wo Jìnàŋ Nɛɛmaàŋ naŋ wòò koɓɛ̀ ke gbòò anyuùŋ hààwe nyàŋ lɛ!”

Maŋ kèì nyɛɛnɛŋ 3:22

Wò naŋ ɓɛìŋ woò wààŋ, “Sèè mùŋ kɛɛnɛ̀ŋ maŋ nùŋ, komàŋ e nɛ̀ɛŋ wo Jìnàŋ Nɛɛmaàŋ naŋ wòò koɓɛ̀ ke gbòò anyuùŋ hààwe nyàŋ lɛ!”

Maŋ kèì nyɛɛnɛŋ 3:6

Wò naŋ ɓɛìŋ woò wààŋ, “Sèè mùŋ kɛɛnɛ̀ŋ maŋ nùŋ, komàŋ e nɛ̀ɛŋ wo Jìnàŋ Nɛɛmaàŋ naŋ wòò koɓɛ̀ ke gbòò anyuùŋ hààwe nyàŋ lɛ!”

Maŋ kèì nyɛɛnɛŋ 9:20

Anyuùŋ ziì gbànaŋ nyàŋ gbiŋ, aŋ yè nyaŋ maŋ keì nyìnga mɛɛ̀ŋ gò wa jìwà nyaŋ, aŋ gò wa kìlà koɓɛ̀ Dayài wèè aŋ dàngè àŋ dayà joo zòòlo nyàŋ nyiŋ bi naŋ wa banè nyaŋ. Àŋ hewa zòòlò aŋ jinàŋ naanààŋ, aŋ dayà joo bàànè gòoò, e kaiŋ fua, maŋ kàì, le dùò, yèè maŋ kùù, maŋ yè maŋ fè kòmàŋ màŋkàìŋ, maŋ fè yɛ̀mɛ̀ dìì ɔ̀ɔ̀ maŋ kaaìŋ.