1Time 3:7 - WƆŊ FƐ̀Ì EBÒ SÌÀŊ DAYÀA

⁷ Wo nɔ̀ŋ nyùnɔ̀ɔŋ anyùùŋ nyaŋ fè è hààweɛ̀ sùà nyaŋ, àŋ kiɛ̀ŋ e ɓɛ̀ɛ̀jàa, yèè ke mìè seì e nyaàiŋ euŋ dè wɔ, wèè wo go nàŋ sɛ̀ɛ̀ kè gbàù ɓɛ̀ɛ̀pɔ̀ɔ Dɛwìɔ sùà.

1Time 3:7 ပူးပေါင်းရင်းမြစ်များ

Nyɛ̀nɛ̀ŋ 10:22

Aŋ felaa nyàŋ naŋ fasàì yèè àŋ naŋ kìɛ̀ŋ mìè seì nyààŋ, “Wo nyùùŋ gbèè aŋ kààlòòɗùà nyaŋ, wo Kɔ̀nilìɔ̀ naŋ wi tùɔ̀ŋ. Wò yaà wo nyùùŋ tɔ̀ɔ̀nyaàŋ yèè wò duɔŋ Dayà. Anyùùŋ nyaŋ gbiŋ wɔŋ fùɔ̀ŋ aŋ Juùù nyaŋ sùà mànaùŋ yèè àŋ kuwa ɓɛ̀ɛ̀jàa weèuŋ. Wo màìkà Dayàa nauŋ woò kɛ̀ wo tùàŋ weèum muŋ ka ko gboouŋ noo wèè wo kòmàŋ e yèɛ mùŋ kuwa mauŋ woò lɛ.”

Nyɛ̀nɛ̀ŋ 22:12

“Wo kenàŋ bà yaà wa ko jawa gbee wii àŋ nyaaŋ wo Ananaayà, wo yèɔ hewa jɔ̀ɔ̀lɔ̀ maŋ Sàwà maŋ wo Dayà naŋ wa kìɛ̀ŋ wo Mòòze màŋ dìì, yèè aŋ Juùù nyaŋ gbiŋ heo wa joo nyàŋ hewa gbòà tɛ̀ɛ̀ weèuŋ.

Nyɛ̀nɛ̀ŋ 6:3

Weètii wùìya wi nyàŋ, tàaìŋ anyùùŋ nɔɔnɔŋ le tìyèe ɗùù nyɛ̀iŋ bi e tɛɛ aŋ yè nyaŋ wo Jìnàŋ Nɛɛmaàŋ naŋ dìèsùà nyaŋ e kìlà àŋ kuwa e jiikɛ̀ɛ. Nyiiŋ è doiŋ nàŋ kìɛ̀ŋ e keì wòo lɛɛ̀ e kìlà aŋ nɔ̀ŋ aŋ seì.

1 Kɔliìŋ 10:32

Ɓɔ̀ mùŋ nyɛ̀nɛ̀ŋ wèè àŋ Juùù nyaŋ ɔ̀ɔ̀ ànyùùŋ nyaŋ fè àŋ Juùù nyaŋ ɔ̀ɔ̀ wò nyùùŋ gbiŋ kè gbòò ànyuùŋ hààwe nyàŋ sùà wèè aŋ sɛ̀ɛ̀ màŋ jùumù sùà.

1 Kɔliìŋ 5:12

E ɗewe gbiŋ sùà, e fè è kpàŋ è kɔɔim wèè ka gbààì ànyuùŋ joo bà aŋ yè nyaŋ fè kè gbòòɛ sùà nyaŋ. Wo Dayà nàŋ gbaaì nyiìŋ. Kɛɛ wèè kiìŋ muŋ fè ɓɛ̀nɛ̀ŋ gbààì wò nyùnɔ̀ɔŋ yèɔ yaà kè gboò mɔɛ̀ŋ sùà wɔ? Nààŋ wɔŋ fɛ̀ì Dayàa naŋ woò lɛ, “Gè wo nyuùŋ nàànààaŋ ke gboò mɔɛ̀ŋ sùà.”

2 Kɔliìŋ 6:3

E manàŋ wèè nyùùŋ gbiŋ kùwìè kè jii kpàŋ wèè è tòmo wilɛ̀, wèètii è fɛɛ wèè e keì nyìnga bà go nàŋ dè wò nyùùŋ gbiŋ gòlò dòmaŋ.

2 Kɔliìŋ 8:21

Esaɓù wilɛ̀ nàŋ yaà wèè eiŋ nyɛ̀nɛ̀ŋ e yèɛ yaà tɔ̀ɔ̀nyaàŋ lɛ, yèè e fè nɔ̀ŋ wèè kò fɛ̀ɛ̀fèìŋ Kanaà wuŋ guùŋ, sɔɔ̀ ko fɛ̀ɛ̀fèìŋ nyuùŋkpùuŋ nyàŋ nyiŋ pɛɛ.

Kòlo 4:5

Tòòmoìŋ jiikɛ̀ɛ sùà e nyaàiŋ dè e ɗeweɛ̀ nìŋ tuwà koɓɛ̀ anyùùŋ nyaŋ kuwà hààwe nyàŋ. Tòòmoìŋ e teenga siaàŋ gbiŋ nìŋ kuwa lɛ̀ wèè niŋ kiɛ̀ŋ ke miè gbìaàŋ ko nɛ̀ɛ̀ŋ nyiŋ niìŋ.

1Tɛsè 4:12

Tɛɛ̀ nàŋ nyɛnɛŋ anyùùŋ nyaŋ kuwà è hààwe nyàŋ, aŋ kùwìè e ɓɛ̀ɛ̀jàa weèiŋ yèè e kìlà niŋ fè yɛ̀mɛ̀ wò nyùùŋ gbiŋ fɛ̀ɛ̀ wèè è nɛ̀ɛŋ nìŋ naŋ kpɛɛ̀ŋ weè niŋ lɛ̀.

1Tɛsè 5:22

yèè naŋ gbààè e keì naanààŋ kà tinàŋ gbiŋ wèè nyɛ̀nɛŋ.

1Time 3:6

Wo sìèfeìŋ wo nɔ̀ŋ wo nyuùŋ kàmaiŋ e hààweɛ̀ sùà, e kìlà ɓɔ̀ wò kɛɛnɛ̀ŋ kè jii gbee, yèè e keì ɓɔ̀ è jeèuŋ è gbài sùà, màànààŋ wo Dɛwìɔ yaà wa lɛ̀.

1Time 5:14

Weètii mìŋ do naŋ mɔ̀nɔ̀ŋ aŋ jɔ̀ùnèèdàà bɔwɔ nyàŋ aŋ gè aŋ felaa, aŋ kòmàŋ aŋ jɔ̀à, yèè aŋ yɛ̀mɛ̀ maŋ kpoo nyiŋ màŋ diɛŋ, wèè aŋ go nàŋ kìɛ̀ŋ àŋ joo wi nyàŋ e ɗeweɛ̀ wèè àŋ do wòò màŋ keì naanààŋ è weè wi.

1Time 6:9

Kɛɛ aŋ yè nyaŋ manaŋ aŋ banè nyaŋ, àŋ sɔɔ e wàa dìì, yèè àŋ sɛɛ̀ maŋ gbàù ɓàaɓàa zimgbe yaà maŋ gòngò keì nyìnga sùà, maŋ yè maŋ gɔ̀ɛ̀ nyiìŋ yèè maŋ nyiŋ pɔɔpɔ̀ɔ̀ maŋ.

2Time 2:26

E jiikɛ̀ɛ do nyiŋ nàŋ dè aŋ fòlà ke gbàù Dɛwìɔ sùà, wo yèɔ naŋ nyiŋ wa kùwò yèè wò naŋ nyiŋ nyɛ̀nɛ̀ŋ wèè aŋ jɔ̀ɔ̀lɔ̀ e gaàuŋ nɛ̀ dìì nyaŋ.

Taitɔ̀ 2:5

e kìlà aŋ nyìmàŋ e ɗèwè nyiŋ bi yɛ̀mɛ̀ diɛŋ yèè aŋ zɛ̀nɛ̀ŋ. Aŋ nɔ̀ŋ aŋ jɔ̀ùŋ maŋ kpèè siaŋ maŋ gboo nyiŋ màŋ sùà aŋ yè nyaŋ jɔɔlɔ̀ aŋ faiŋ nyiŋ nyàŋ dìì wèè wo nyùùŋ gbiŋ go nàŋ wòò keì naanààŋ è nyaàiŋ dè kè miè gbìaàŋ yewe Dayà sìwè yɛ.

Taitɔ̀ 2:8

Tòòmoò maŋ mìè gbòa sengèì maŋ yè maŋ wo nyùùŋ gbiŋ fè ɓɛ̀nɛ̀ŋ gè màŋ pɛɗì lɛ, wèè e sàngè kùwà aŋ jooum nyàŋ, esaɓù kɛ̀ aŋ kuwà è keì bà gbiŋ wèè aŋ woò fàà è naanààŋ sùà è weè wi.

3Jɔ̀ɔŋ 1:12

Aŋ anyùùŋ nyaŋ gbiŋ naŋ fè ke mìè seì tɛ̀ɛ̀ nyaàiŋ dè wo Dɛ̀mɛ̀tiliɔ̀, yèè e tɔ̀ɔ̀nyaàaŋ tiŋ bi naŋ gbòò tɛ̀ɛ̀ e nyaàìŋ euŋ dè. Yèè è naiŋ tìè ke mìè seì bi sɛijɛwɛ nyaàìŋ euŋ dè, yèè nàŋ nyìmàŋ kɛ̀ e yèɛ gbiŋ è woò lɛ è yaà e tɔ̀ɔ̀nyaàŋ.