1Time 3:13 - WƆŊ FƐ̀Ì EBÒ SÌÀŊ DAYÀA

¹³ Aŋ ɓɔìjɔ̀à kpùùmàŋ aŋ sìèfèìŋ anyuùŋ hààwe nyàŋ nyɛnɛŋ e tòmo nyiŋ nɛ̀ tɛ̀ɛ̀ nyaŋ, àŋ kɛɛnɛ̀ŋ ko sìè siaŋ wèè nyiiŋ bi, yèè aŋ fè gbùùyà è jùù wèè è hààwe nyiŋ nɛ̀ wò Jisɛ̀ Kulaì sùà.

1Time 3:13 ပူးပေါင်းရင်းမြစ်များ

Maafiù 20:28

Màànààŋ nɔŋ miàim wo Jɔ̀àfèlàà Nyuùŋ Kpùnɔɔ̀ŋ kànɔ̀ɔŋ gò wa hnàŋ wèè ànyùùŋ aim tòòmò dìì lɛ, mìŋ naŋ wa hnè wèè ka nɔ̀ŋ wo ɗo, e kìlà wèè ka fè wɔŋ nyiiŋ miɔ̀ŋ wèè ka jòèyè maŋ nyììŋ anyuùŋ zimgbe.”

Maafiù 25:21

Yèè wo kààmɔɔuŋ nɔɔ̀ŋ naŋ woò wààŋ, ‘Mùŋ naŋ nyɛ̀nɛ̀ŋ tɛ̀ɛ̀. Mùŋ yaà wo ɓɔìjɔ̀à siaŋ yèè e tɔ̀ɔ̀nyaàŋ. Mìŋ naum mɛ̀iŋ jùùyè e nɛɛnɛŋ jɔa, kɛɛ mìŋ doum naàŋ nàŋ kìɛ̀ŋ e gbee niŋ. Hnàaàŋ yèè muŋ nɔ̀ŋ wo bàumbà e zɔlɔ̀ gèe mɛ̀ sùà.’

Luù 19:17

Yèè wo kààmɔɔuŋ nɔɔ̀ŋ naŋ woò wààŋ, ‘Mùŋ naŋ nyɛ̀nɛ̀ŋ tɛ̀ɛ̀. Mùŋ yaà wo ɓɔìjɔ̀à siaŋ! Nààŋ mùŋ naŋ tɔɔ̀ kɛ̀ mùŋ yaà wo nyùùŋ tɔ̀ɔ̀nyaàŋ wèè manɛ̀ŋ jɔa lɛ̀, mìŋ doum nàŋ nyɛ̀nɛ̀ŋ wo sìèfèìŋ maŋ jàwà gbèègbèè zììyà.’

Nyɛ̀nɛ̀ŋ 21:35

Nààŋ àŋ nauŋ hàlèè koɓɛ̀ ke kùù kɛinyɛɛ̀ŋ wèè àŋ jòwà ko saaìŋ, sɔɔ̀ aŋ kààlòòɗùà nyaŋ nauŋ wa jòòwò fùùŋ auŋ juwià fiòfiò esaɓù kɛ̀ anyùùŋ nyaŋ naŋ wa tuù zimgbe.

Nyɛ̀nɛ̀ŋ 6:15

Anyùùŋ gbèègbèè fuɔɔ̀ŋ kinɛiŋ jaao wa nyàŋ naŋ gɔ̀àì wo Siiwììŋ le fɛ̀ɛ̀ yèè àŋ naŋ weè yɛmɛ̀ kɛ̀ wɔŋ dewàuŋ nɔɔ̀ŋ yaà mààŋ wɔŋ fèìŋ wo màikà.

Nyɛ̀nɛ̀ŋ 6:5

Ke jii naŋ wa fɔ̀ ke gbòòɛ gbiŋ wèè e keìɛ aŋ keela nyàŋ naŋ wa woò lɛ. Anyùùŋ nyɛɛ̀ŋ àŋ naŋ wa tàeɗùù, wo Siiwììŋ, wo yèɔ kuwa wa e hààwè gbee e kìlà wo Jìnàŋ Nɛɛmaàŋ yàaùŋ wa sùà, yaà wo Felè, wo Pɔchɔlɔ̀, wo Ninkanɔ̀, wo Timɔ̀ŋ, wo Pamɛnà, yèè wo Nikolà, wo nyùùŋ e yìwìà ko Aŋtiɔ̀. Wo fè wa wò Juùù nyuuŋ, kɛɛ wò naŋ wa naàŋ kìlè koɓɛ̀ e zòòlò aŋ Juùù nyaŋ wèè zòòlo.

Nyɛ̀nɛ̀ŋ 6:8

Wo Dayà naŋ wa kìɛ̀ŋ wo Siiwììŋ e kpùùmaŋ gbee yaà e gààŋ. Wo Siiwììŋ naŋ wa nyɛ̀nɛ̀ŋ maŋ kèè mèè gbeegbèè yèè maŋ tɔ̀ɔ̀màŋsèì keì anyùùŋ nyaŋ tɛɛ.

1 Kɔliìŋ 16:15

Nàŋ nyìmàŋ e kèè Sìfanà yaà ke kpoouŋ nɛɛ̀ŋ, nyiŋ nàŋ yaà aŋ wùìya jiɛ̀jiɛ̀ nyaŋ e hààweɛ̀ sùà ko Àkaayà yèè àŋ naŋ fè nyiŋ bi wèè tòòmo koɓɛ̀ anyùùŋ nɛɛmaŋ nyàŋ. Mìŋ yààìŋ pɔ̀wɔ sùà, nyɛ̀iŋ nààŋ wùìyaim nyàŋ,

Fèle 1:14

E nɔ̀ɔŋ mɛ̀ ko sààŋ nyìwìi, naŋ nyɛ̀nɛ̀ŋ anyuùŋ hààwe nyàŋ zimgbe nyiŋ naŋ kɛ̀ɛ̀nɛ̀ŋ jii tùlia wo Kanaà sùà, yèè e jùù naŋ nyiŋ ɓàà kɔɔ wèè aŋ gbòà ke mìè Dayàa janjai e teenga gbiŋ koɓɛ̀ gbiŋ.

1Tɛsè 2:2

Nàŋ nyìmàŋ e ɗeweɛ̀ àŋ naŋ wi kùwìè le siwè naanààŋ aŋ wi pɔ̀ɔ̀ɓɛ̀ɛ ko Fèlepì pangàà è naŋ hnè nɛ̀ɛ̀iŋ niìŋ ko Tɛsèlonikà. Jòòpɛɛ aŋ joo wi yaào, kɛɛ wo Dayà wiɔ̀ naŋ wi sìè ke di wèè eiŋ dàànè Ebò Siaàŋ e yèɛ yewe ko nɛ̀ɛ̀uŋ niìŋ lɛ.

1Time 3:14

Nààŋ mìŋ yaà sìngìè wɔŋ fɛi wɛɛ̀ŋ ko nɛ̀iŋ niìŋ lɛ, mìŋ kuwa ke jii tùlia wèè ka hnàŋ ko nɛ̀iŋ niìŋ e teenga kpuu sùà.

2Time 2:1

Muàŋ, jɔ̀àfelaa miɔ̀ŋ Timetè, nyìngà sùà e yìwìà e tɛ̀ɛ̀tɛ̀ɛ̀ è kànàìŋ nààŋ è yààìŋ aŋ bàwibà wo Jisɛ̀ Kulaì sùà lɛ.

Hiɓu 6:10

Wo Dayà fè wò nyuùŋ gò nɔ̀ŋ tɔ̀ɔ̀nyaàŋ. Wo naàŋ nyɛɛnɛ̀ŋ wèè è tòmoɛ̀ mùŋ naŋ nyɛ̀nɛ̀ŋ yaà è mànaàŋ mùŋ naŋ tɔɔ̀ weèuŋ nɛ̀, e yìwìà kpùùmaàŋ mùŋ kiɛ̀ŋ yèè mùŋ yaà kìɛ̀ŋ sùà koɓɛ̀ anyùùŋ nɛɛmauŋ nyàŋ lɛ.