1Time 2:8 - WƆŊ FƐ̀Ì EBÒ SÌÀŊ DAYÀA

⁸ E zòòlò anyùùŋ hààwe gbiŋ sùà mìŋ manaŋ aŋ felaa nyàŋ aŋ zoolò, aŋ felaa nyàŋ naŋ sìè e hààwe nyiŋ nɛ̀ wo Dayà nɛɛmaàŋ sùà nyaŋ yèè àŋ joowà maŋ kùàŋ zòòlo gò kùwìè màŋ jii bìya e kìlà aŋ fè nyɛ̀nɛ̀ŋ nyaàŋ tàaŋ nyàŋ.

1Time 2:8 ပူးပေါင်းရင်းမြစ်များ

Maafiù 21:21

Wo Jisɛ̀ naŋ nyiŋ fasàì wààŋ, “Mìŋ yààìŋ wòò sùà e tɔɔɓaaà, sèè wo nyùùŋ gbiŋ wo kɛ̀ɛ̀nɛ̀ŋ e hààwe yèè wo gò sikà, wò ɓɛ̀nɛ̀ŋ nyɛ̀nɛ̀ŋ e nɛ̀ŋ guùŋ nɛ mìŋ naŋ nyìnìè ke feè kùù yɛɛ̀ lɛ. Yèè e fè ngèè nɔ̀ŋ è yè tɛɛ̀, kɛɛ wò ɓɛ̀nɛ̀ŋ wòò wɔŋ toò wɛɛ̀ŋ wààŋ, ‘Fìè muŋ sɛɛ̀ wɔŋ juwoɔ̀ sùà,’ yèè è do nàŋ hɛɛnɛ̀ŋ.

Maafiù 5:44

Kɛɛ tɔ̀ miŋ woòiŋ naàŋ kɛ̀, mànaìŋ aŋ jooiŋ nyàŋ e kìlà niŋ zoolò wèè anyùùŋ nyaŋ nimilàìŋ nyaŋ.

Maafiù 6:12

Jùùyaà wi hakɛ̀ wèè maŋ keì nàànààŋ wi màŋ, màànààŋ è juuyà aŋ dàwi wi nyàŋ hakɛ̀ wèè maŋ keì naanààŋ maŋ àŋ naŋ wi jàà maŋ.

Luù 23:34

Wo Jisɛ̀ naŋ woò wààŋ, “Jùùyaà anyùùŋ nyɛɛ̀ŋ hakɛ̀, Dèda! Esaɓù kɛ̀ aŋ nyimààŋ kɛ̀ kiìŋ àŋ yaà nyinie.” Kɛɛ sɔɔ̀ àŋ naŋ wa dàà ke kpɔlɔ wèè aŋ goonò maŋ deèuŋ màŋ e fèemàŋ nyiŋ nɛ̀.

Luù 24:50

Kpeiŋ wo Jisɛ̀ naŋ gè anyùùŋ màŋjɛ̀wɛ̀uŋ nyàŋ ko jawa gbeeì yèè wò naŋ nyiŋ kɔ̀ɔ̀ ko Bɛfenè. Wò naŋ jòòwò maŋ kuàuŋ màŋ fùùŋ wò naŋ nyiŋ gbìɛ̀ŋ e zòòlo maŋjɛ̀wɛ.

Jɔ̀ɔŋ 4:21

Wo Jisɛ̀ naŋ fasàì wo nìeɔ̀ yèè wò nauŋ woò wààŋ, “Nìe wɛɛ̀, hààweè e yèɛ mìŋ yààùm wòo sùà lɛ, e teengaà kòò è yaà hinie e yèɛ wo nyùùŋ gbiŋ naàŋ ɓɛìŋ zòòlò wò Dèdaà wɔ̀ŋ toò gbee wɛɛ̀ŋ dìmɛ̀ ɔ̀ɔ̀ kò Jùlusɛ̀làm.

Nyɛ̀nɛ̀ŋ 10:2

Wo Kɔ̀nilìɔ̀ yaà anyunùuŋ nyàŋ ko gboounoo kuwa wa e hààwe yèè àŋ duɔŋ wa wo Dayà. Wò hewa kpùùmàŋ anyuùŋ pɔ̀ɔ nyàŋ zimgbe, yèè wò hewa zòòlò Dayà e teengaà diɛŋ.

Nyɛ̀nɛ̀ŋ 10:31

yèè wò naim woò wààŋ, ‘Kɔ̀nilìɔ̀! Wo Dayà jàà e zòòlo mɔ̀ɛ̀ yèè manɛ̀ŋ kìɛŋ zimgbeum màŋ kùàŋ dèè koɓɛ̀ anyuùŋ pɔ̀ɔ nyàŋ.

Nyɛ̀nɛ̀ŋ 10:4

E jùùɛ naŋ wa nyɛ̀nɛ̀ŋ wo Kɔ̀nilìɔ̀ yèè wò naŋ yɛ̀mɛ̀ wo màikàa sɛiiŋ yèè wò nauŋ woò wààŋ, “Kiìŋ nàŋ yaà e fàsàì tɛɛ̀, Dàa?” Wo màikàa nauŋ fasàì wààŋ, “Wo Dayà jàà e zòòlo mɔ̀ɛ̀ yèè manɛ̀ŋ kìɛum màŋ kùàŋ dìì koɓɛ̀ anyuùŋ pɔ̀ɔ nyàŋ, yèè wò naàŋ wèè woum fasàì.

Nyɛ̀nɛ̀ŋ 21:5

Kɛɛ nààŋ e teengaà è manaŋ wa è nɔ̀ŋ ko nɛ̀ɛ̀ŋ nyiŋ niìŋ lɛ naŋ jùò, è naiŋ wa ɓɛìŋ tɔ̀ɔ̀tù e kàaiŋ wilɛ̀. Aŋ kpàkòò nyaŋ gbiŋ, e hààwè aŋ jàwè yèè aŋ jɔ̀à nyiŋ nyàŋ, naŋ wi wa dè maŋjɛ̀wɛ e yìwìà ko jawaì eiŋ kà wɔŋ juwoɔ̀ kɔɔ, kuŋ yàwi nààŋ gbiŋ naiŋ wa dè maŋ gɛ̀ɛ̀ŋ dìì yèè è naiŋ zoolò.

Nyɛ̀nɛ̀ŋ 7:60

Kpeiŋ wò naŋ dè maŋ gɛ̀ɛ̀ŋ nùuŋ màŋ dìì yèè wò naŋ kpààŋ ke miè gbeeo sùà wààŋ, “Kanaà! Ɓɔ̀ mùŋ kuwià nyiŋ màŋ jùumù mɛɛ̀ŋ!” Wò naŋ tɛɛ̀ woò yèè wò naŋ mìè nyiiŋ.

1 Kɔliìŋ 1:2

naŋ yaà sìngìè wɔŋ fɛi wɛɛ̀ŋ koɓɛ̀ ke gbòò anyuùŋ hààwe nyàŋ yaà ko Kɔliìŋ yɛ. Nyɛ̀iŋ nyàŋ gbiŋ wo Dayà naŋ nyààŋ wèè naŋ nɔ̀ŋ anyùùŋ nɛ̀ɛ̀màŋ Dayà nyaŋ, aŋ yè nyaŋ yaà aŋ bà nyiŋ bà Jisɛ̀ɛ Kulaì sùà nyaŋ, e kpùlìà anyuùŋ gbànaŋ nyàŋ koɓɛ̀ gbiŋ àŋ naŋ nɔ̀ŋ, aŋ yè nyaŋ humo wo Kana wiɔ̀ Jisɛ̀ Kulaì nyaŋ, wo Kànà yàwi nààŋ gbiɔ̀ŋ.

1 Kɔliìŋ 7:7

Tɔɔɓaa mìŋ naŋ weè mɔ̀nɔ̀ŋ wèè nyɛ̀iŋ nààŋ gbiŋ naŋ nɔ̀ŋ màànààŋ mìŋ yaà wo kpào lɛ̀, kɛɛ wo nyùùŋ gbiŋ kuwa e kìɛŋ titi e yìwìà wo Dayà sìwè, wo nyùùŋ guùŋ e kìɛŋ lɛɛ̀, wo bàa e kìɛŋ lii.

2 Kɔliìŋ 2:14

Kɛɛ mìŋ naŋ gè Dayà ke sɛ̀! E nɔ̀ŋ wilɛ̀ aŋ bàwibà Jisɛ̀ Kulaì sùà, e teenga gbiŋ wo Dayà sià wì feìŋ nààŋ è yààìŋ anyùùŋ keì wɔŋ gɛ̀ŋ yɛ̀mɛ̀ Jisɛ̀ Kulaìɔ wò kanaŋ wɔ̀ŋ sùà. Wo Dayà toomàŋ wì wèè eiŋ ɓààyè e jiikɛ̀ɛɛ̀ nyaàiŋ dè wo Jisɛ̀ Kulaì koɓɛ̀ gbiŋ mààŋ e dòmaŋ kuùmàì sìàŋ.

Fèle 1:12

Nɛ̀iŋ nààŋ wùìyaim nyàŋ, mìŋ manaŋ naŋ nyìmàŋ kɛ̀ e nɛ̀ɛŋ naim kaaìŋ lɛ, naŋ kìɛ̀ŋ e kpùùmaŋ wèè Ebò Siaàŋ e ɓaayè,

1Tɛsè 1:8

Ke miè gbìaàŋ nyaàiŋ de wo Kanaà ke gòiŋ nɔŋ yèwà sìwè wèè ke ɓààyè maŋ kpàlàùŋ kpàlàùŋ ko Mɛ̀sèdonià maŋ yèè kò Àkaayà, kɛɛ ebò e hààweiŋ nɛ̀ wo Dayà sùà è naŋ ɓààyè koɓɛ̀ gbiŋ. E keì bà nààŋ fè ɓɛìŋ wèè e nɔ̀ŋ wòo niŋ.

1Time 5:14

Weètii mìŋ do naŋ mɔ̀nɔ̀ŋ aŋ jɔ̀ùnèèdàà bɔwɔ nyàŋ aŋ gè aŋ felaa, aŋ kòmàŋ aŋ jɔ̀à, yèè aŋ yɛ̀mɛ̀ maŋ kpoo nyiŋ màŋ diɛŋ, wèè aŋ go nàŋ kìɛ̀ŋ àŋ joo wi nyàŋ e ɗeweɛ̀ wèè àŋ do wòò màŋ keì naanààŋ è weè wi.

Taitɔ̀ 3:8

E keì wòo lɛɛ̀ è yaà e tɔɔɓaa. Maŋ kàa mɛɛ̀ŋ, màŋ tomàŋ yèè màŋ kuwa e kpùùmaŋ wèè nyùùŋ gbiŋ. Mìŋ manaŋ wèè maŋ nɔ̀ŋ wòò maŋ keì mɛɛ̀ŋ mìŋ naŋ yaà wòò e kii miŋ màŋ nyìnga, yèè maŋ yɛmɛ̀ kɛ̀ anyùùŋ nyaŋ àŋ miŋ dè maŋjɛ̀wɛ, e wèè anyùùŋ nyaŋ naŋ hààwè Dayà nyaŋ aiŋ nyɛ̀nɛ̀ŋ e kpàŋ è kɔɔ nyiŋ, wèè aŋ nyɛ̀nɛ̀ŋ maŋ keì sìàŋ.

Hiɓu 10:22

Weètii, hnàŋ wiìŋ e gbɛ̀ɛ̀iŋ wo Dayà, maŋ jii tɔ̀ɔ̀nyaàŋ yaà ke jii tùlia gbee e yìwìà hààwe kɛnɛ sùà. È kùwàìŋ naàŋ maŋ jii zɛ̀nɛŋ, e kìlà maŋ fè ɓɛìŋ màŋ keì naanààŋ mɛɛ̀ŋ màŋjɛ̀wɛ, yèè maŋ kpùnaŋ wi màŋ nɔ̀ŋ gùa miŋ e wuiyè sengèì sùà.

Jìiiŋ 4:8

Gbɛ̀ɛìŋ Dayà kɔɔ, kɛ̀ wò doiŋ nàŋ gbɛ̀ɛ̀ e kɔɔ. Gùoìŋ le sìwè e yìwìà maŋ jùumùiŋ màŋ sùà, nyɛ̀iŋ nààŋ nyùùŋ màŋ jùumù nyaŋ. Yèè niŋ nyɛ̀nɛ̀ŋ maŋ jiiiŋ màŋ zɛ̀nɛ̀ŋ, nyɛ̀iŋ nààŋ nyuùŋ gò kùwìè jìì guùŋ nyaŋ!

1Pììlɛ 3:7

Sèè mùŋ nɔ̀ŋ wo felaa kùwìè jɔùŋ, kùwiè e gòngo wèè jawè mɔɔ̀ŋ. Kùwiàuŋ e ɓɛ̀ɛ̀jàa, esaɓù màŋ nyìngà sùà màuŋ nìàŋ yèè wò yaà bàuŋbà wèè e tɛ̀ɛ̀tɛ̀ɛ̀ wɔŋ nyiiŋ gèeɔ̀ wo Dayà naiŋ kiɛ̀ŋ wɔŋ. Nyɛ̀nɛìŋ tɛɛ̀ wèè e nɛ̀ŋ gbiŋ go nàŋ kèèwè è zòòloiŋ nɛ̀ feìŋ.