1Time 2:1 - WƆŊ FƐ̀Ì EBÒ SÌÀŊ DAYÀA

¹ E jiɛ̀jiɛ̀ nàŋ yaà, mìŋ yààìŋ dàwe sùà wèè naŋ zoolò wèè anyùùŋ nyaŋ gbiŋ. Dàweìŋ Dayà, yèè niŋ kiɛ̀ŋ ke sɛ̀ gèe wèè anyùùŋ Dayà nyaŋ gbiŋ.

1Time 2:1 ပူးပေါင်းရင်းမြစ်များ

Nyɛ̀nɛ̀ŋ 17:30

E teenga gɔuɛ̀ sùà, wo Dayà naŋ wa jùùyè anyùùŋ nyaŋ gbiŋ hakɛ̀ wèè tɛɛ̀, esaɓù kɛ̀ aŋ nyimààŋ wa kɛ̀ kiìŋ àŋ yaà wa nyinie. Kɛɛ wò naŋ naàŋ woò sààmɛ kɛ̀ wo nyùùŋ gbiŋ yèè koɓɛ̀ gbiŋ aŋ dangè maŋ tùwo naanààŋ nyiŋ màŋ yèè aŋ kìlà ko nɛ̀ɛ̀uŋ niìŋ.

Luùm 1:8

E jiɛ̀jiɛ̀ɛ nàŋ yaà, mìŋ naŋ gè wo Dayà miɔ̀ŋ ke sɛ̀ e yìwìà wo Jisɛ̀ Kulaì sùà wèè nyɛ̀iŋ nààŋ gbiŋ, e fèfoo kɛ̀ anyùùŋ nyaŋ gbiŋ e ɗuunyaàŋ kòò àŋ yaà kùmìè e kèè e hààweɛ̀ nìŋ kuwa wo Jisɛ̀ Kulaì sùà lɛ.

Luùm 6:17

Kɛɛ gè wììŋ wo Dayà ke sɛ̀! Esaɓù kɛ̀ nìŋ yaà wa mààŋ aŋ ɗo e kìlà nìŋ yaà jɔ̀ɔ̀lɔ̀ e ɗèweɛ̀ nìŋ kuwa lɛ̀ koɓɛ̀ maŋ jùumù, kɛɛ nàŋ kìlà yèè nàŋ kɛ̀ɛ̀nɛ̀ŋ e ɓɛ̀ɛ̀jàa maŋ jiiiŋ màŋ sùà wèè naŋ jɔ̀ɔ̀lɔ̀ e tɔ̀ɔ̀nyaàaŋ àŋ naiŋ wa kaà lɛ dìì.

1 Kɔliìŋ 15:3

E nɛ̀ɛŋ naim sɛ̀ɛ̀ sìwè lɛ mìŋ naiŋ niŋ woò, e yèɛ yaà e keì kɛnɛ gbeeɛ̀ lɛ kɛ̀ wo Jisɛ̀ Kulaì naŋ fɔ̀ wèè maŋ jùumù wi màŋ, màànààŋ è yaà sìngaiŋ wɔŋ fɛ̀ì Dayàa sùà lɛ,

2 Kɔliìŋ 8:6

E wèètii, è naŋ dàwè wo Taitɔ̀, wo yèɔ naŋ tɔ̀ɔ̀tù e tòmo lɛɛ̀ wɔ, wèè wo kunò niŋ kɔ̀à feìŋ e kìlà wo kpuumàiŋ wo kpɛɛyɛ̀ e tòmò tìtì e mànaŋ lɛɛ̀.

Ɛfesɔ̀ 3:13

E wèètii kɔ̀nɛɛ̀ŋ maŋ jiiiŋ màŋ ɓɔ̀ màŋ mɔɔnɛ̀ŋ esaɓù kɛ̀ mìŋ yaà kò mɔɔnɛŋ è weèiŋ, e gbiŋ yaà nɔŋ e jòòwo wèè nyɛ̀iŋ bi.

Ɛfesɔ̀ 5:20

Tòòmoìŋ e dèè Kanaà Jisɛ̀ Kulaìɛ e teenga gbiŋ niŋ gèe wo Dayà, wo Dèda wiɔ̀ sɛ̀ wèè e nɛ̀ŋ gbiŋ.

Ɛfesɔ̀ 6:18

Nyìniaìŋ tɛɛ̀ gbiŋ e zòòlo sùà, nìŋ yaà dààwè Dayà wèè e kpùùmaŋ. Zòòloìŋ ke nyɛ̀nɛŋ gbiŋ sùà, nààŋ nɔŋ wo Jinàaŋ siàìŋ feìŋ nɛ. E wèè esaɓù lɛɛ̀, nɔ̀ɔìŋ fɛɛ̀ wòwò yèè e bɔ̀mɔ̀ŋ ɓɔ̀ è wùìyàiŋ, zòòloìŋ e teenga gbiŋ wèè anyùùŋ nɛɛmaŋ nyàŋ.

Fèle 1:3

Mìŋ gè wo Dayà miɔ̀ŋ ke sɛ̀ e teenga gbiŋ mìŋ gongà e kiiŋ,

Fèle 4:6

Ɓɔ̀ mùŋ dangè è gòngo mɔ̀ɛ̀ è doum jìwà, kɛɛ sèè mùŋ zoolà koɓɛ̀ Dayài, wòòuŋ kɛ̀ kiìŋ mùŋ manaŋ wo nyɛ̀nɛ̀ŋ weèum. Yèè e teenga gbiŋ sèè mùŋ zoolà, gè wo Dayà ke sɛ̀.

1Tɛsè 3:12

Tɔ̀ wo Kanaà nyɛ̀nɛ̀ŋ e mànaàŋ e fèemàiŋ nɛ̀ yèè e wèè anyùùŋ nyaŋ gbiŋ e dɛɛ̀ sùà, e nɔ̀ŋ màànààŋ e mànaàŋ maŋ jii wi màŋ sùà weèiŋ è naŋ dɛɛ̀ lɛ.

2Tɛsè 1:3

Nyɛ̀iŋ nààŋ wùìya wi nyàŋ, è kuwa eiŋ gè wo Dayà ke sɛ̀ e teenga gbiŋ e weèiŋ. È yaà tɔ̀ɔ̀nyaàŋ wèè eiŋ tɛɛ̀ nyɛ̀nɛ̀ŋ, e fèfoo kɛ̀ e hààweiŋ nɛ̀ è yaà dɛ̀ɛ sùà zimgbe, yèè e mànaàŋ nìŋ kuwa wèè aŋ dàwiiŋ nɛ̀, è yaà gàaŋ sùà gbee.

1Time 2:4

wo yèɔ manaŋ wèè wo nyùùŋ gbiŋ yɛ̀mɛ̀ e jòèye yèè wo nyìmàŋ e tɔ̀ɔ̀nyaàaŋ wɔ̀.

1Time 5:5

Wo jɔ̀ùŋèèdààa yaà wèè wuŋ bi wɔ̀, wo yèɔ kuwà nyuùŋ kpùùmauŋ wɔ̀, wò naŋ sìè ke jii tùliauŋ nɛɛ̀ŋ wo Dayà sùà yèè wò do nàŋ nɔ̀ŋ zoolo keleiŋ wò yaà dààwè Dayà wèè è kpùùmaŋ e dùùm yaà maŋ gɔɛ.

2Time 2:24

Nààŋ mùŋ yaà wo ɓɔ̀ìjɔ̀à wèè wo Kanaà Jisɛ̀ Kulaì lɛ, ɓɔ̀ mùŋ nyɛ̀nɛ̀ŋ è nyaàŋ tàaŋ. Mùŋ kuwa maŋ nɔ̀ŋ tɛ̀ɛ̀ koɓɛ̀ nyùùŋ gbiŋ, yèè maŋ nɔ̀ŋ wo kààmɔ̀ɔ̀ŋ ke jii tɔumtɔ̀ùm,

Taitɔ̀ 2:11

Wo Dayà dàànè ebò tɛ̀ɛ̀tɛ̀ɛ̀uŋ nɛ̀ wèè wo jòèyè nyuùŋkpùuŋ gbiŋ.

Taitɔ̀ 3:2

Wòò nyiŋ ɓɔ̀ àŋ woò è keì naanààŋ wèè nyùùŋ gbiŋ, kɛɛ aŋ mɔɔnɔ̀ŋ, yèè aŋ nɔ̀ŋ jii fàa sùà, yèè e teenga gbiŋ sùà aŋ tɔɔ̀ ke kpèè jii siaŋ koɓɛ̀ nyùùŋ gbiŋ.

Hiɓu 6:11

È manaŋ e teenga gbiŋ, wèè nyɛ̀iŋ nààŋ bà guùŋ gbiŋ, maŋ nɔ̀ŋ e wùànàŋ gbee sùà, wèè kɛ̀ manɛ̀ŋ maŋ mùŋ yaà yɛ̀ɛ̀mɛ̀ dòmaŋ ke jii tùlia gbee sùà maŋ, maŋ hnàŋ.

Jìiiŋ 5:16

Weètii, wòoìŋ maŋ jùumùiŋ màŋ nyɛ̀iŋ bi e fèemàŋ e kìlà niŋ zoolò wèè aŋ dàwiiŋ nyàŋ, wèè niŋ jòèyà. E zòòloɛ̀ nyùùŋ tɔ̀ɔ̀nyaàaŋ kuwa lɛ̀, e gaàŋ gbee yààìŋ sùà yèè è tomàŋ.