1Time 1:9 - WƆŊ FƐ̀Ì EBÒ SÌÀŊ DAYÀA

⁹ Nyìmaìŋ tɔɔɓaa kɛ̀, maŋ sàwà gò wa nɔ̀ŋ bàne miŋ wèè ànyùùŋ tɔ̀ɔ̀nyaàŋ nyaŋ, kɛɛ màŋ yaà wa wèè anyuùŋ gò nɔ̀ŋ màŋ sàwà dìì nyaŋ, yèè anyuùŋ nyɛ̀nɛ̀ŋ maŋ kpèè naanààŋ nyaŋ, e kpùlìà anyuùŋ gò nyìmàŋ Dayà nyaŋ, yaà anyùùŋ maŋ jùumù nyaŋ. Màŋ yaà wa wèè anyùùŋ nyaŋ gboo maŋ mìè gbòà ɓɛ̀ɛ̀pɔ̀ɔ nyàŋ, yèè anyuùŋ jìwà nyùùŋ, aŋ yè nyaŋ kàìŋ nyaŋ pɛɛ àŋ jiwe aŋ dèda nyiŋ nyaŋ yaà aŋ yèye nyiŋ nyaŋ lɛ,

1Time 1:9 ပူးပေါင်းရင်းမြစ်များ

Maafiù 10:21

“Anyùùŋ do nàŋ mààŋ aŋ wùìya nyiŋ nyàŋ wèè aŋ nyiŋ jìwà, e kìlà aŋ kɛ̀ɛ̀ kòmaŋ do nàŋ mààŋ aŋ jɔ̀à nyiŋ nyàŋ wèè aŋ nyiŋ jìwà. Aŋ jɔ̀à do nàŋ gììyè anyuùŋ kòmaŋ nyiŋ nyàŋ maŋhɛɛ aŋ nyɛ̀nɛ̀ŋ aŋ nyiŋ jìwà.

Luùm 1:30

àŋ woà maŋ keì naanààŋ wèè aŋ dàwi nyiŋ nyàŋ. Àŋ naŋ wùɔ̀ŋ Dayà, aŋ kuwà ɓɛ̀ɛ̀jàa màŋ mìè gbòa nyiŋ màŋ sùà, àŋ ɓemàŋ nyiŋ bi gbee, àŋ kɛɛ maŋ nyòngà. Àŋ gongà tutùtuuŋ wèè aŋ yɛmɛ̀ e ɗewe jɛi wèè aŋ nyɛ̀nɛ̀ŋ e keì naanààŋ. Anyùùŋ nyɛɛ̀ŋ kuwà ɓɛ̀ɛ̀jàa wèè ànyuùŋ kòmaŋ nyiŋ nyàŋ.

Luùm 4:13

Wo Dayà naŋ wa jɔ̀ɔ̀ e ɗààhiì koɓɛ̀ Eɓulɔhɛɛ̀iŋ yaà aŋ jɔ̀ɛ̀ɛ̀jɔ̀ɛɛuŋ nyàŋ kɛ̀ wò do nyiŋ wa nàŋ kìɛ̀ŋ e ɗuunyaàŋ wèè e nɔ̀ŋ e nɛ̀ŋ èdàà nyiŋ. Wo Dayà gò wa jɔ̀àà è ɗààhiì lɛɛ̀ esaɓù kɛ̀ wò Eɓulɔhɛɛ̀ŋ naŋ wa jɔ̀ɔ̀lɔ̀ màŋ Sàwà Dayà maŋ dìì, kɛɛ esàɓù e hààweuŋ nɛ̀ wo Dayà nauŋ wa jàà kùàŋ dìì wèè wo nɔ̀ŋ wo nyùùŋ tɔ̀ɔ̀nyaàŋ.

Luùm 5:20

Ke Sàwà Dayàa naŋ nɔ̀ŋ bàne nyiŋ wèè kɛ̀, eiŋ nyìmàŋ e gààŋ maŋ jùumù maŋ anyùùŋ àŋ nyɛnɛŋ màŋ. Kpeiŋ koɓɛ̀i maŋ kèì jùumù naŋ gàŋ lɛ, kuŋ wo Dayà tooyà e gààŋ tɛ̀ɛ̀tɛ̀ɛ̀uŋ nɛ̀.

Luùm 6:14

Ɓɔ̀ nìŋ nyimèè wèè è jùumù do kɛ̀ɛ̀nɛ̀ŋ gààŋ màŋ nyiiŋ gèeiŋ màŋ diɛŋ. Nìŋ yaà e gààŋ e tɛ̀ɛ̀tɛ̀ɛ̀ Dayàa dìì, kɛɛ e fè e gààŋ kè sàwàa dìì.

Gàla 3:19

Kpeiŋ kɛ̀, kiìŋ nàŋ yaà wa esàɓù ke Sàwàa? Ke Sàwàa naŋ wa nɔ̀ŋ kìɛŋ nyiŋ wèè ke tɔɔ̀ kɛ̀ èiŋ nyɛ̀nɛ̀ŋ e jùumù. Kɛɛ kè do wa nɔŋ nàŋ jeè e jèèsùà wo jɔ̀ɛ̀jɔ̀ɛ̀ Eɓulɔhɛɛ̀ɔŋ wo hnàŋ, koɓɛ̀ wo yèɔ àŋ naŋ wa kìɛ̀ŋ e ɗààhiìɛ wɔ̀. Aŋ màìkà nyaŋ naŋ wa kìɛ̀ŋ ke Sàwàa wo Mòòze, wo yèɔ yaà wa e fèèmàŋ Dayà yaà anyuùŋ kpùuŋ nyàŋ e teenga lii sùà wɔ.

Gàla 5:18

Sèè e gààŋ Jìnàŋ Nɛɛmaàŋ nɔ̀ŋ maŋ nyiiŋ gèeiŋ màŋ sùà, kɛ̀ Sàwà maŋ wò Dayà naŋ fè wò Mòòze màŋ, maŋ kuwà ɓɛìŋ è gààŋ kò diɛiŋ.

Gàla 5:21

Àŋ nɔ̀ŋ e koo, aŋ nɔ̀ŋ e dìè mùàŋ, àŋ koà e gbana maŋ gbòò sùà, e kìlà àŋ nyɛnɛŋ maŋ keì naanààŋ. Mìŋ naiŋ wa kìɛ̀ŋ ke mìè gòo, yèè mìŋ yààìŋ nyiìŋ ɓɛìŋ kìɛ̀ŋ sùà. Wo nyùnɔ̀ɔ̀ŋ gbiŋ naŋ nyɛ̀nɛ̀ŋ maŋ keì mɛɛ̀ŋ wɔ wo naàŋ wa nàwèè yɛ̀mɛ̀ è kpùùmaŋ è Kànà Dayàa sùà.

Gàla 5:23

e ɓɛ̀ɛ̀jàa, yèè wo nyuùŋ nyìmàŋ e ɗèwè wuŋ bi kùwa. Ke sàwà bà gbiŋ fè wèè ke gbòà naanààŋ è nyààìŋ dè màŋ keì mɛɛ̀ŋ.

2Tɛsè 2:8

Kpeiŋ kɛ̀ wo Dayà do nàŋ fùlìè Wo Nyuùŋ pɔ̀ɔ̀ maŋ sàwàa, kɛɛ sèè wo Kanaà Jisɛ̀ hnàŋ, wò douŋ nàŋ jìwìè wɔŋ fòìɔ fòloùŋ nyààŋ wɔŋ, yèè e mɛ̀ɛ̀ŋ Kanaà, e dɛngò dɛngòiŋ nii euŋ pɔɔpɔ̀ɔ̀.

1Time 4:7

Kɛɛ ke nyɛ̀nɛŋ mɔɛ̀ŋ ɓɔ̀ kè nɔ̀ŋ màŋ mìè gbòa gò kɛ̀ɛ̀nɛ̀ŋ ɓɛ̀ɛ̀jàa koɓɛ̀ Dayài yaà màŋ kàɓanè gò kùwìè jiikɛ̀ɛ, maŋ yè maŋ gò tɛ̀ɛ̀wɛ̀ wòo màŋ. Kɛɛ ke nyɛ̀nɛɛ̀ŋ wɔŋ nyiiŋ gèe mɔɔ̀ŋ sùà ke nɔŋ ke yèɛ fɔɔyɛ̀ wo Dayà jii yɛ̀.

1Time 6:20

Timetè, yɛ̀mɛ̀ e yèɛ gbiŋ wo Dayà naum tùlìè jii yèè wò naŋ muiŋ kiɛ̀ŋ lɛ diɛŋ. Gè kùàŋ maŋ mìè gbòà ɓɛ̀ɛ̀pɔ̀ɔ sùà, yaà maŋ nyaàŋ tàaŋ zùwo, maŋ yè maŋ anyuùŋ zimgbe e tòaà sùà àŋ nyààŋ “ke jiikɛ̀ɛ lɛ̀.”

2Time 2:16

Gè kùàŋ maŋ mìè gbòà ɓɛ̀ɛ̀pɔ̀ɔ, yèè maŋ dì ɓùlà ɓàaɓàa sùà, maŋ yè maŋ nyɛnɛŋ anyùùŋ fè gbɛ̀ɛ̀ Dayà lɛ.

2Time 3:2

Anyùùŋ do nɔŋ nàŋ mɔ̀nɔ̀ŋ nyiìŋ bi, aŋ mànàŋ nɛɛnɛŋ, aŋ ɓèmè nyiiŋ bi gbee, yèè maŋ nyaàŋ gbeegbèè gbòa. Àŋ do nàŋ gbòò maŋ mìè ɓɛ̀ɛ̀pɔ̀ɔ, aŋ naàŋ kɛ̀ɛ̀nɛ̀ŋ è ɓɛ̀ɛ̀jàa wèè ànyuùŋ kòmaŋ nyiŋ nyàŋ, aŋ nɔ̀ŋ anyuùŋ gò nyìmàŋ saɓù, yèè aŋ naàŋ nyìmè wo Dayà.

Taitɔ̀ 1:10

Anyuùŋ gò jɔɔlɔ̀ zimgbe àŋ yaào aŋ kuwà è ɓɛ̀ɛ̀jàà wèè àŋ sìèfeìŋ, yèè àŋ zuwà anyùùŋ nyaŋ bà nyiŋ maŋ mìè gbòa foofòò sùà. Tɛɛ̀ yaà e tɔɔɓaa yèè è kaaìŋ, kai kai ngèè aŋ Juùù nyaŋ yè nyaŋ kaà kɛ̀, sɔɔ̀ anyùùŋ nyaŋ fè àŋ Juùù nyaŋ aŋ nɔ̀ŋ kpùà jàa nyiŋ pangàà àŋ nɔ̀ŋ anyuùŋ hààwe.

Taitɔ̀ 1:16

Àŋ ɓulo ke sɔɔ kɛ̀ àŋ nyìmàŋ Dayà, kɛɛ maŋ kpèè nyiŋ màŋ giiyà niìŋ maŋhɛɛ. Àŋ kuwa maŋ jìì wùòno, yèè aŋ fè jɔ̀ɔ̀lɔ̀ Dayà dìì, aŋ fè tɛ̀ɛ̀ wèè aŋ nyɛ̀nɛ̀ŋ è keì sìàŋ bà gbiŋ.

Taitɔ̀ 1:6

Wo màmàŋkùmɛŋ ɓɔ̀ wò kuwìè è tɔ̀mɛ, wo nɔ̀ŋ wo fèlàà jɔ̀ùŋ guùŋ kpò, yèè aŋ jɔ̀àuŋ nyàŋ aŋ nɔ̀ŋ anyuùŋ kùwìè hààwe, ɓɔ̀ àŋ nɔ̀ŋ ànyuùŋ kuwìè ebò waasu ɔ̀ɔ̀ ànyuùŋ gò jɔɔlɔ̀.

Taitɔ̀ 3:3

Yàwi bi è naiŋ wa zuwò, è naiŋ gangà, è yààìŋ wa ɓàaɓàa. Yèè è yààìŋ wa aŋ ɗo koɓɛ̀ maŋ ɗèwe kà tinàŋ zimgbe yaà maŋ gbana. Maŋ keì sìà jii yaà le koo nɔŋ nàŋ yaà wa maŋ nyiiŋ gèe wi màŋ sùà, aŋ bà naŋ wi wùɔ̀ŋ, yèè yàwi pɛɛ è naŋ nyiŋ wùɔ̀ŋ.

Hiɓu 11:31

E hààwe naŋ nyɛ̀nɛ̀ŋ wo Làhaà, wo nìe nyɛ̀nɛ̀ŋ hmɔŋtuɔ̀, wo Dayà gòuŋ wa jìwà, màànààŋ àŋ naŋ wa jìwè anyùùŋ nyaŋ naŋ wa gììyè wo Dayà maŋhɛɛ nyàŋ, esaɓù kɛ̀ wò naŋ wa jàà anyùùŋ Ezɔ̀ɛ̀ nyaŋ kùàŋ dìì, aŋ yè nyaŋ naŋ wa hnè wèè yɛmɛ̀ e jɛ̀ì kìì fuɔɔ̀ŋ jɛ̀wɛ̀ nyaŋ.

Hiɓu 12:16

Wo nyùùŋ gbiŋ ɓɔ̀ wò gbìàŋ kùàŋ è kèè hmɔŋtu nyɛ̀nɛŋ sùà, ɔ̀ɔ̀ wo gbòà màŋ mìè ɓɛ̀ɛ̀pɔ̀ɔ kòɓɛ̀ Dayài, màànààŋ wo Isɔ̀ naŋ wa nyɛ̀nɛ̀ŋ lɛ, wo yèɔ naŋ wa mààŋ e tɔ̀ɔ̀nyààŋ ke ɗɔ̀ɔ̀ kòmauŋ nɛɛ̀ŋ wèè wɔŋ jakulo, jòòpɛɛ wuŋ nàŋ yaà wa wo jɔ̀àfelaa jiɛ̀jiɛ̀ɔ.

1Pììlɛ 2:7

E sɛmɛmaàŋ yaà ke dùò bi sùà lɛ è naŋ dɛɛ̀ wèè nyɛ̀iŋ nyàŋ nìŋ nauŋ hààwè sùà nyaŋ, kɛɛ wèè anyùùŋ nyaŋ aŋ yè nyaŋ kuwà hààwe nyàŋ, “Ke dùòɛ aŋ nyùuŋ nyɛ̀lɛ nyàŋ aŋ gò wa jàà kùàŋ dìì yɛ kiiŋ naŋ wa nɔ̀ŋ ke duò kpɛnɛ tùlìà jii gbeeɛ̀ e nyɛ̀lɛɛ̀ gbiŋ sùà.”

1Pììlɛ 3:20

Aŋ jinàŋ nyɛɛ̀ŋ nàŋ yaà wa aŋ jìnàŋ anyùùŋ nyaŋ gò wa jɔ̀ɔ̀lɔ̀ Dayà dìì nààŋ wò naŋ wa kùwò ke jii wò yaà nyiìŋ fòla sùà e teengaà wo Nòa yaà wa bàne sùà wɔŋ meeèɔ lɛ̀. Anyùùŋ nɔɔnɔŋ lè taai nɔŋ naŋ wa jɔ̀ wɔŋ meeèɔ sùà, yèè nyiŋ nɔŋ naŋ wa jòèyè e yìwìà e wuiyè jòwaà sùà.

1Pììlɛ 4:18

Nààŋ wɔŋ fɛ̀ì Dayàa naŋ woò lɛ, “È naŋ nyìngè wèè anyùùŋ tɔ̀ɔ̀nyaàŋ nyaŋ aŋ yɛ̀mɛ̀ e jòèyè, kɛ̀ kiìŋ nàŋ do nàŋ kaaìŋ koɓɛ̀ anyùùŋ maŋ jùumù nyaŋ yaà aŋ yè nyaŋ gò hààwè Dayà nyaŋ?”

Juù 1:15

wèè wo hàà kiti anyùùŋ nyaŋ gbiŋ diɛŋ. Wò do nàŋ ngàìnɓù anyuùŋ gò nyìmàŋ Dayà nyaŋ gbiŋ wèè maŋ jùumù maŋ gbiŋ àŋ naŋ wa dè nyɛ̀nɛŋ màŋ e kpùlìà maŋ mìè gbòà ɓɛ̀ɛ̀pɔ̀ɔ naanààŋ maŋ kinɛiŋ àŋ naŋ wa dè gbòa maŋ nyiiŋ gè nyiŋ màŋ sùà maŋ e nyaàiŋ euŋ dè.”

Maŋ kèì nyɛɛnɛŋ 21:8

Kɛɛ tɔ̀ miŋ woòiŋ e nɛ̀ɛŋ dò nàŋ kààìŋ koɓɛ̀ anyùùŋ nyaŋ kuwà jii tùlia nyàŋ, anyuùŋ gò kɛ̀ɛ̀nɛ̀ŋ tɔ̀ɔ̀nyaàŋ nyaŋ, anyuùŋ kùwìè maŋ jii naanààŋ nyaŋ, ɔ̀ɔ̀ nyuùŋ jìwà nyùùŋ nyaŋ, anyuùŋ nyɛ̀nɛ̀ŋ yɛɛ̀ hmɔŋtu naanààŋ nyaŋ, anyuùŋ fɔ̀ɔ̀wɔ̀ kɔìɗòlò nyaŋ, anyuùŋ zòòlò maŋ gòò nyaŋ, yaà anyuùŋ tòa nyàŋ, mìŋ do nyiŋ nàŋ gbìɛ̀ŋ e hmɔ̀ɔ̀ŋ kàànè sɔfɔ̀ sùà. Tɛɛ̀ nàŋ yaà e fàa dìà tìyèeɛ̀.”

Maŋ kèì nyɛɛnɛŋ 22:15

E jawa gbeeɛ̀ ɓula, kuŋ aŋ sùùŋ, anyuùŋ fɔ̀ɔ̀wɔ̀ kɔìɗòlò, anyuùŋ nyɛ̀nɛ̀ŋ maŋ yɛ̀ɛ̀ hmɔŋtu naanààŋ yaà anyuùŋ jìwà nyùùŋ, anyuùŋ zòòlò maŋ gòò yaà anyùùŋ nyaŋ tɔɔ maŋ mìè gbòa yaà maŋ keì nyɛ̀nɛ̀ŋ nyiŋ màŋ sùà nyaŋ àŋ yaà.