1Time 1:5 - WƆŊ FƐ̀Ì EBÒ SÌÀŊ DAYÀA

⁵ Esàɓù e keì wòo lɛɛ̀ nàŋ yaà, wèè maŋ kàà anyùùŋ wèè aŋ kɛ̀ɛ̀nɛ̀ŋ e mànaŋ kɛnɛɛ̀, e yèɛ naŋ fòlò ke jìì sengèì, e gòngo siaŋ, yèè e hààwè tɔ̀ɔ̀nyaàŋ sùà lɛ.

1Time 1:5 ပူးပေါင်းရင်းမြစ်များ

Maafiù 12:35

Wo nyuùŋ sìàŋ hiàŋ maŋ nɛ̀ŋ kɛnɛ e yìwìà ko sùlò manɛ̀ŋ kɛnɛ. Wo nyuùŋ naanààŋ hiàŋ manɛ̀ŋ naanààŋ e yìwìà ko sùlò maŋ nɛ̀ŋ naanààŋ.

Maafiù 5:8

“E zɔlɔ̀ yaà anyùùŋ nyaŋ kuwa maŋ jii zɛ̀nɛŋ nyàŋ. Àŋ do nàŋ yɛ̀mɛ̀ wo Dayà!

Nyɛ̀nɛ̀ŋ 15:9

Wo kuwà è tɛɛ gòòno yàwi nyiŋ è fèemàŋ. Àŋ naŋ sìè e hààwe nyiŋ nɛ̀ wo Dayà sùà, yèè wò naŋ nyɛ̀nɛ̀ŋ maŋ jii nyiŋ màŋ maŋ zɛ̀nɛ̀ŋ.

Nyɛ̀nɛ̀ŋ 23:1

Wo Pɔɔ̀ naŋ yɛ̀mɛ̀ anyùùŋ gbèègbèè aŋ Juùù nyaŋ dìiiŋ yèè wò naŋ woò wààŋ, “Wùìyaim nyàŋ, e gòngo mɛ̀ è yaà zɛ̀nɛŋ niŋ janjai e ɗeweɛ̀ mìŋ naŋ nyɛ̀nɛ̀ŋ wɔŋ nyiiŋ gèe siaŋ miɔ̀ŋ wo Dayà fɛɛ̀feìŋ lɛ e jèèsùà e hàì ke ɗɔɔ yɛɛ̀ nàaŋ.”

Nyɛ̀nɛ̀ŋ 24:16

Weètii mìŋ nyɛnɛŋ e tɛ̀ɛ̀tɛ̀ɛ̀ɛ gbiŋ mìŋ naŋ ɓɛ̀nɛ̀ŋ nyɛ̀nɛŋ wèè ka kɛ̀ɛ̀nɛ̀ŋ e gòngo siaŋ koɓɛ̀ Dayài yèè wo nyuùŋkpùuŋ.

Luùm 10:4

Wo Jisɛ̀ Kulaì naŋ wa hìɛ̀ŋ maŋ Sàwà maŋ ko dìa, wèè kɛ̀ anyùùŋ nyaŋ gbiŋ kɛɛnɛ̀ŋ hààwe nyàŋ, àŋ do nàŋ nɔ̀ŋ anyùùŋ tɔ̀ɔ̀nyaàŋ koɓɛ̀ Dayài.

Luùm 12:9

Manàŋ aŋ dàwium nyàŋ, e tɔ̀ɔ̀nyaàŋ sùà. Wuàŋ e keì naanààŋ nyɛ̀nɛŋ, dìkià muàŋ bi koɓɛ̀ e keì sìàŋ nyɛ̀nɛŋ.

Luùm 14:15

Sèè maŋ nyɛ̀nɛ̀ŋ wo wùìya mɔɔ̀ŋ bà wo kɛ̀ɛ̀nɛ̀ŋ ke jii mɔ̀ɔ̀nɛŋ wèè e nɛ̀ŋjeɛ̀ mùŋ manaŋ wèè jèe lɛ̀, kɛ̀ muŋ kuwà è mànaŋ kè jii mɔɛ̀ŋ sùà. Ɓɔ̀ mùŋ dangè è wànàŋ nɛ̀ŋjeɛ̀ mùŋ jè lɛ e jìwà e hààwè wo nyùùŋ màŋjɛ̀wɛ̀ Jisɛ̀ Kulaìɔ bà gbiŋ kpɛlɛmɛɛŋ.

Luùm 9:1

Mìŋ yaà wòò e tɔɔɓaaà kɛ̀, mìŋ yaà wo nyùùŋ màŋjɛ̀wɛ̀ wèè wo Jisɛ̀ Kulaì, miŋ fè tòà. Wo Jìnàŋ Nɛɛmaàŋ yaà wo seì wèè e gòngo mɛ̀, yèè miŋ fè tòa sùà

1 Kɔliìŋ 13:1

Kà wɛ̀i ɓɛ̀nɛ̀ŋ gbòà maŋ kàìŋ nyuùŋkpùuŋ e kpùlìà maŋ jè aŋ màikà nyaŋ, kɛɛ sèè miŋ gò kùwìè è mànaŋ, e gbòaim mɛ̀ è yaà nɔŋ mààŋ wɔŋ kaì fàà ɓɔwɔɔ ɓùlìà nɛ̀ŋ, ɔ̀ɔ̀ ke ɓaɓaane kùwìè e giimè gbee.

2 Kɔliìŋ 1:12

E zɔlɔ̀ naŋ wi dìè jii, esaɓù kɛ̀ e gòngo wilɛ̀ è wi nyɛ̀nɛ̀ŋ è nyìmàŋ kɛ̀ maŋ kpèè wi màŋ e nyaàiŋ de manɛ̀ŋ maŋ wɔŋ nyiiŋ gèe wiɔ̀ sùà e ɗuunyaŋ lɛɛ̀, kaikai ngèè e mɔ̀ɔ̀nɔɛ̀ŋ yèè e jìlɛɛ̀ŋ yaà wì e fèemàŋ yàwiiŋ nɛ̀, è yaà e gààŋ nɛ̀ɛ̀màŋ Dayàa dìì. E gò e yìwìà è jììkɛ̀ɛ̀ nyuùŋkpùuŋ sùà.

Gàla 5:22

Wo Jìnàŋ Nɛɛmaàŋ kiɛ̀ŋ wì e mànaŋ, e zɔlɔ̀, ke jii fàa, ke jii tɔumtɔ̀ùm, e keì sìàŋ, e tɛ̀ɛ̀tɛ̀ɛ̀, e hààwe,

Gàla 5:6

Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

1Time 1:18

Jɔ̀à miɔ̀ŋ Timetè, mìŋ yààùm tùlia sùà ke jii wèè e gààŋ lɛɛ̀, e nyaàiŋ dè maŋ mìè gbòa màŋ wo wɛ̀ijìɔ naŋ wa gbòò e teengà gɔu sùà e nyaàiŋ eum dè lɛ. Tòòmo maŋ mìè gbòa mɛɛ̀ŋ mààŋ manɛ̀ŋ sùmìàŋ e ɗùà wèè muŋ sòmàŋ tɛ̀ɛ̀,

1Time 1:19

yèè jèèe e hààwe mɔ̀ɛ̀ sùà e kìlà muŋ kɛɛnɛ̀ŋ e gòngò siaŋ. Ànyùùŋ nyaŋ bà nyiŋ kòò àŋ kùmìè e gòngo siaŋ nyiŋ nɛ̀ yèè àŋ nyɛ̀nɛ̀ŋ maŋ hààwe nyiŋ màŋ pɔɔpɔ̀ɔ̀.

1Time 3:9

Aŋ kuwiè e yèɛ wo Dayà naŋ nyiŋ wa tɔɔ̀ lɛ e tɔ̀ɔ̀nyaàŋ e nyaàiŋ dè hààweɛ̀ e gòngo zɛ̀nɛŋ sùà.

2Time 1:3

Mìŋ naŋ gè wo Dayà ke sɛ̀, wo yèɔ mìŋ zoolà e gòngo sengèì sùà wɔ, màànààŋ aŋ nèwàènèweim nyàŋ naŋ wa nyɛ̀nɛ̀ŋ lɛ. Mìŋ nauŋ gè sɛ̀ màànààŋ nɔŋ mìŋ naum jàà jii e teenga gbiŋ e zoolo mɛ̀ sùà e dùùm yaà maŋ gɔɛ lɛ̀.

2Time 1:5

Mìŋ naŋ jàà e hààwè tɔ̀ɔ̀nyaàaŋ mùŋ kuwa lɛ̀ ke jii, e hààwè guùŋ bi nɔŋ wo màmaŋ mɔɔ̀ŋ Luì yaà wo yèye mɔɔ̀ŋ Yunè nyiŋ pɛɛ àŋ kuwa wa. Mìŋ kuwa e hààweɛ̀ kɛ̀ e hààwe kɛnɛ bi nɔŋ mùŋ kuwa.

2Time 2:22

Duàŋ maŋ keì maŋ tawà wo nyuùŋ bɔwɔɔ̀ ke jii sùà maŋ, fɛɛ̀ wèè e tɔ̀ɔ̀nyaàaŋ, e hààwe e mànaŋ, yèè ke jii fàa, nyɛiŋ nààŋ nyùùŋ nyaŋ kuwa maŋ jii sengèì nyaŋ niŋ dawè wo Kanaà Jisɛ̀ Kulaì wèè e kpùùmaŋ.

Taitɔ̀ 1:15

Wo nyùnɔ̀ɔŋ gbiŋ zɛnɛŋ wɔ̀, manɛ̀ŋ maŋ gbiŋ zɛnɛŋ weèuŋ. Kɛɛ wo nyùnɔ̀ɔŋ fè zɛ̀nɛ̀ŋ yèè wo kuwà è hààwe wɔ, e nɛ̀uŋ gbiŋ fè zɛ̀nɛ̀ŋ ke jiiuŋ nɛɛ̀ŋ kànɛ̀ɛŋ yèè e gòngouŋ nɛ̀ gbiŋ è naŋ pɔɔpɔ̀ɔ̀.

Hiɓu 10:22

Weètii, hnàŋ wiìŋ e gbɛ̀ɛ̀iŋ wo Dayà, maŋ jii tɔ̀ɔ̀nyaàŋ yaà ke jii tùlia gbee e yìwìà hààwe kɛnɛ sùà. È kùwàìŋ naàŋ maŋ jii zɛ̀nɛŋ, e kìlà maŋ fè ɓɛìŋ màŋ keì naanààŋ mɛɛ̀ŋ màŋjɛ̀wɛ, yèè maŋ kpùnaŋ wi màŋ nɔ̀ŋ gùa miŋ e wuiyè sengèì sùà.

Hiɓu 13:18

Zòòloìŋ weè wi e teenga gbiŋ. Èiŋ hààwè kɛ̀ è kùwàìŋ maŋ jii sengèì, esaɓù kɛ̀ è manaŋ eiŋ nyɛ̀nɛ̀ŋ e yèɛ yaà tɔ̀ɔ̀nyaàŋ lɛ e teenga gbiŋ.

Hiɓu 9:14

Nààŋ tɛɛ̀ è yaà tɔɔɓaa lɛ̀, maŋ sɛ̀ìŋ Jisɛ̀ Kulaì maŋ kuwa ngèè e gaàŋ e nìàŋ miiŋ gbiŋ, nààŋ wò naŋ wa wùɔ̀ŋ maŋ sɛ̀ìŋ e teengaà àŋ nauŋ wa jìwè lɛ. E yìwìà esàɓù wo Jìnàŋ Nɛɛmaàŋ yaà wɔŋ nyiiŋ gèeɔ̀ sùà wèè julɔfɔ wɔ̀, wò naŋ kìɛ̀ŋ wuŋ bi wèè wo nɔ̀ŋ e nɛ̀ŋ kìɛŋ, e saaà gèe tùlìà jii sùà koɓɛ̀ Dayài. Maŋ sɛnùuŋ màŋ do nàŋ nyɛ̀nɛ̀ŋ maŋ jii wi màŋ maŋ zɛ̀nɛ̀ŋ e yìwìà maŋ langi foo sùà, wèè kɛ̀ è naiŋ ɓɛ̀nɛ̀ŋ zòòlò wo Dàyà nyiiŋ gèeɔ̀.

Jìiiŋ 4:8

Gbɛ̀ɛìŋ Dayà kɔɔ, kɛ̀ wò doiŋ nàŋ gbɛ̀ɛ̀ e kɔɔ. Gùoìŋ le sìwè e yìwìà maŋ jùumùiŋ màŋ sùà, nyɛ̀iŋ nààŋ nyùùŋ màŋ jùumù nyaŋ. Yèè niŋ nyɛ̀nɛ̀ŋ maŋ jiiiŋ màŋ zɛ̀nɛ̀ŋ, nyɛ̀iŋ nààŋ nyuùŋ gò kùwìè jìì guùŋ nyaŋ!

1Pììlɛ 1:22

Nààŋ nìŋ yaà naàŋ jɔ̀ɔ̀lɔ sùà e tɔ̀ɔ̀nyaàŋ dìì, e tɔ̀mɛ jùumù fè ɓɛìŋ màŋ nyiiiŋ màŋ, nàŋ naàŋ zɛ̀nɛ̀ŋ. Yèè nàŋ kùwìè e mànaŋ kɛnɛ wèè anyùùŋ hààwè dawiiŋ nyàŋ. Kùwieìŋ e mànaŋ e fèemàŋ e yìwìà maŋ jiiiŋ màŋ diɛŋ.

1Pììlɛ 3:16

Nyɛ̀nɛìŋ tɛɛ̀ e tùwo siaŋ diɛŋ, yèè e ɓɛ̀ɛ̀jàa sùà. Yèè maŋ jiiŋ màŋ nɔ̀ŋ sengei wèè kɛ̀ sèè àŋ pɔɔ̀ìŋ ɓɛ̀ɛ, anyùùŋ nyaŋ gboo naanààŋ wèè maŋ tùwo siaŋ sìàiŋ màŋ wo Jisɛ̀ Kulaì sùà nyaŋ e sàngè do nyiŋ nàŋ nyɛ̀nɛ̀ŋ wèè e nɛ̀ɛŋ àŋ woà lɛ.

1Pììlɛ 3:21

E wuiyè jòwaà naŋ wa nɔ̀ŋ e tɔ̀ɔ̀màŋsèì e gùò Dayàa, naiŋ naàŋ joeyè lɛ. E fè nɔŋ wèè maŋ gùà kèìŋ maŋ è ninaŋ, kɛɛ e ɗààhiìɛ nìŋ ɓemàŋ maŋ gòngò jii sengèì diɛŋ ko fɛ̀ɛ̀fèìŋ Dayà lɛ, esaɓù kɛ̀ wo Dayà naŋ gè Jisɛ̀ Kulaìɛ e fàa dìì,

1Pììlɛ 4:8

Eɓìèmàŋjɛ̀wɛ̀ tii gbiŋ, kùwieìŋ e mànaŋ tiwìtiwì wèè aŋ dàwiiŋ nyàŋ e fèfoo, e mànaŋ ɓuwo maŋ jùumù zimgbe.

2Pììlɛ 1:7

yèè maŋ nyiiiŋ màŋ kìla koɓɛ̀ Dayà tòòyaìŋ niŋ e kpɛ̀ɛŋ wèè anyuùŋ hààwe dàwiiŋ nyàŋ, yèè e kpɛ̀ɛiŋ nɛ̀ wèè anyuùŋ hààwe dàwiiŋ nyàŋ tòòyaìŋ niŋ e mànaŋ.

1Jɔ̀ɔŋ 3:10

E tɛɛ gòòno sengèìɛ e fèèmàŋ aŋ jɔ̀à Dayà nyaŋ yèè anyùùŋ màŋjɛ̀wɛ̀ Sɛ̀tanàŋ nyaŋ nàŋ yaà, aŋ yè nyaŋ nyɛnɛŋ e yèɛ yaà tɔ̀ɔ̀nyaàŋ lɛ, nyiŋ nàŋ yaà aŋ jɔ̀à Dayà nyaŋ, yèè aŋ yè nyaŋ manàŋ àŋ wùìya nyiŋ nyàŋ lɛ naŋ yaà anyùùŋ màŋjɛ̀wɛ̀ Sɛ̀tanàŋ nyaŋ.

1Jɔ̀ɔŋ 3:23

E nɛ̀ɛŋ wo Dayà naŋ wi woò wèè eiŋ nyɛ̀nɛ̀ŋ lɛ nàŋ yaà, wèè eiŋ kɛ̀ɛ̀nɛ̀ŋ e hààwe e dèè wo Jɔ̀àfelaauŋ nɔɔ̀ŋ Jisɛ̀ Kulaì sùà, yèè e mànàŋ aŋ dàwi wi nyàŋ màànààŋ wo Kulaì naŋ wi woò wèè eiŋ nyɛ̀nɛ̀ŋ lɛ.

1Jɔ̀ɔŋ 3:3

Wo nyùnɔ̀ɔŋ gbiŋ kuwa ke jii tùlia yɛɛ̀ wo Jisɛ̀ Kulaì sùà wɔ, wò nyɛnɛŋ wuŋ bi sengei màànààŋ wo Jisɛ̀ wuŋ bi yaà sengei lɛ̀.