1Time 1:16 - WƆŊ FƐ̀Ì EBÒ SÌÀŊ DAYÀA

¹⁶ kɛɛ wo Dayà naim wa tɔ̀ɔ̀ ke nyowo, e wèè wo Jisɛ̀ Kulaì tɔɔ̀ ke jii tɔumtɔ̀ùm nɛɛ̀ŋ, nààŋ maŋ jùumùim maŋ naŋ nìè maŋ jè anyuùŋ gbànaŋ nyàŋ gbiŋ lɛ̀, wèè ka nɔ̀ŋ e tɔ̀ɔ̀màŋseì koɓɛ̀ anyùùŋ nyaŋ douŋ nàŋ sìè e hààwe sùà nyaŋ yèè aŋ kɛɛnɛ̀ŋ wɔŋ nyiiŋ gèe gò jùà.

1Time 1:16 ပူးပေါင်းရင်းမြစ်များ

Luù 15:10

Tɔ̀ miŋ woòiŋ, yɛi nɔŋ aŋ màìkà Dayà nyaŋ do nàŋ gè zɔlɔ̀ wèè wo nyùùŋ maŋ jùumù wò bà guùŋ wo yèɔ fè maŋ tùwo naanààuŋ màŋ jɛwɛ wɔ̀.”

Luù 23:43

Wo Jisɛ̀ nauŋ woò wààŋ, “Tɔ̀ miŋ woòum e tɔɔɓaaà, yàwium do nàŋ nɔ̀ŋ ko jàwà Dayà nàaŋ ɗɔɔ yɛɛ̀.”

Luù 7:47

Kpeiŋ tɔ̀ miŋ woòum, esàɓù e mànaŋ gbeeɛ̀ wò naim tɔɔ̀ lɛ, è naŋ tɔɔ̀ kɛ̀ maŋ jùumù zimgbeum màŋ nɔ̀ŋ hakɛ̀ jùùyà miŋ. Kɛɛ wo nyùnɔ̀ɔŋ àŋ naŋ jùùyè hakɛ̀ wèè e nɛ̀ŋ jɔa wɔ̀, wò do nɔŋ nàŋ tɔ̀ɔ̀ e mànaŋ jɔa.”

Jɔ̀ɔŋ 20:31

Kɛɛ àŋ naŋ wa sìngè maŋ yè mɛɛ̀ŋ wèè kɛ̀ muŋ kɛɛnɛ̀ŋ e hààwe wo Jisɛ̀ ko sùà, wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ, yèè wèè naŋ haawè kɛ̀ wuŋ nàŋ yaà wo Jɔ̀àfèlàà Dayàa. Sèè nìŋ kɛɛnɛ̀uŋ e hààwe sùà, nìŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Jɔ̀ɔŋ 3:36

Wo nyùnɔ̀ɔŋ gbiŋ haawà wo Jɔ̀àfèlàà Dayàa sùà wɔ, wò do nàŋ kɛ̀ɛ̀nɛ̀ŋ wɔŋ nyiiŋ gèe gò jùà. Kɛɛ wo nyùnɔ̀ɔŋ yèɔ gbiŋ gè maŋhɛɛ wèè wouŋ haawè wɔ wò naàŋ wa nàwèè nɔ̀ŋ wò bàuŋbà wɔ̀ŋ nyiiŋ gèe bi sùà, yèè wo Dayà do nàŋ kìɛ̀ŋ wo nyùùŋ wii e keì nyìnga wèè julɔfɔ.

Jɔ̀ɔŋ 5:24

“Mìŋ yààìŋ wòò e tɔɔɓaaà, anyùùŋ nyaŋ gbiŋ komo ke miè gbìaŋ miɛ̀ŋ yèè àŋ kɛɛnɛ̀ŋ e hààwe wo nyùnɔ̀ɔŋ naim tùɔ̀ŋ wɔ sùà, àŋ kuwa wɔŋ nyiiŋ gèe gò jùà. Aŋ naàŋ nyiŋ wa nàwèè gbaì, esaɓù kɛ̀ àŋ yèwà koɓɛ̀ e fàa àŋ kà koɓɛ̀ wɔŋ nyiiŋ gèe.

Jɔ̀ɔŋ 6:37

Wo nyùnɔ̀ɔŋ gbiŋ wo Dèda miɔ̀ŋ doim nàŋ kiɛ̀ŋ wɔ wò do nàŋ nɔ̀ŋ wo nyùùŋ màŋjɛ̀wɛ̀ miɔ̀ŋ bà guùŋ. Miŋ naàŋ gè màŋhɛɛ wèè kauŋ jàà kùàŋ dìì.

Jɔ̀ɔŋ 6:40

Wo Dèda miɔ̀ŋ manaŋ wèè anyùùŋ nyaŋ gbiŋ aim yɛmɛ̀ miàim wo Jɔ̀àfèlàà Nyuùŋ Kpùnɔɔ̀ŋ aim haawè yèè aŋ kɛ̀ɛ̀nɛ̀ŋ wɔŋ nyiiŋ gèe gò jùà. Yèè mìŋ do nyiŋ nàŋ gè e fàaà dìì wɔŋ nyiiŋ gèeo sùà ke ɗɔɔ dìàmaàŋ.”

Jɔ̀ɔŋ 6:54

Anyùùŋ nyaŋ do nàŋ gbìlè e kenìŋ mɛ̀ yèè aŋ tìà maŋ sɛnìim màŋ nyaŋ, àŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà, yèè mìŋ do nyiŋ nàŋ gè e fàaà dìì wɔŋ nyiiŋ gèeo sùà ke ɗɔɔ dìàmaàŋ.

Luùm 15:4

Maŋ keì maŋ gbiŋ yaà sìnga miŋ wɔŋ fɛ̀ì Dayàa maŋ, naŋ nɔ̀ŋ sìnga miŋ wèè maŋ wi kaà, yèè maŋ wi kìɛ̀ŋ ke jii tɔumtɔ̀ùm yaà ke jii nyingè wèè eiŋ kùwìè ke jii tùlia, ke yèɛ wɔŋ fɛ̀ì Dayàa naŋ wi kiɛ̀ŋ lɛ.

Luùm 6:23

E jìwààjɛ̀wɛ̀ɛ wo nyùùŋ yɛmɛ̀ sèè wo nyɛnɛŋ e jùumù lɛ, nàŋ yaà e fàa. Kɛɛ wo Dayà kiɛ̀ŋ wɔŋ nyiiŋ gèe gò jùà foo koɓɛ̀ anyùùŋ nyaŋ yaà aŋ bà nyiŋ bà wo Jisɛ̀ Kulaì wo Kana wiɔ̀ sùà nyaŋ.

1 Kɔliìŋ 7:25

E yèɛ nìŋ naŋ sìngè nyaàiŋ dè anyuùŋ gò kùwìè àŋ jɔùŋ ɔ̀ɔ̀ felaa nyàŋ lɛ, miŋ kuwà kè sàwà è yìwìà wò Kanaà sìwè, kɛɛ mìŋ yaà tɔ̀ɔ sùà e yèɛ yaà e gòngo mɛ̀ sùà mààŋ wo yèɔ esàɓù ke nyòwò Kanaà sùà wò naŋ banè e bànè ke jii tùlia wɔ̀.

2 Kɔliìŋ 4:1

E yìwìà ke nyòwò Dayàa sùà wò naŋ wi fè e tòmo lɛɛ̀ wèè e niŋ nyɛ̀nɛ̀ŋ, yèè wèètii e ɓɔ̀mɔ̀ fè wi wùìyà.

Ɛfesɔ̀ 1:12

E wèètii, yàwi nyàŋ naiŋ nɔ̀ŋ aŋ jiɛ̀jiɛ̀ nyaŋ wèè eiŋ kùwìè ke jii tùlia wo Jisɛ̀ Kulaì sùà nyaŋ, tɛ̀nɛ̀ŋ wiìŋ e jòòwò Dayàa!

Ɛfesɔ̀ 1:6

Tɔ̀ɔ̀ wiìŋ jii siaŋ wo Dayà wèè e jòòwò tɛ̀ɛ̀tɛ̀ɛ̀uŋ nɛ̀, wò naŋ wi kiɛ̀ŋ wèè foo esàɓù jɔ̀à mànauŋ nɔɔ̀ŋ Jisɛ̀ Kulaì sùà lɛ!

Ɛfesɔ̀ 2:7

Wo Dayà naŋ tɛɛ̀ nyɛ̀nɛ̀ŋ wèè e ɗùùnyàŋ ko dòmàŋfeìŋ nɛ sùà, wo tɔɔ̀ maŋ bàne màŋ yaà e tɛ̀ɛ̀tɛ̀ɛ̀ gò kùwìè kò dìauŋ nɛ̀, yèè ke jii siaàŋ wò kuwa weè wi esàɓù Jisɛ̀ Kulaì sùà lɛ.

2Tɛsè 1:10

sèè wò hnàŋ wa nàwèè e nɛɛmauŋ nɛ̀ sùà ke ɗɔɔ yii diɛŋ wèè wo jàà e jòòwouŋ nɛ̀ kùàŋ dìì e yìwìà anyunùuŋ nyàŋ gbiŋ sìwè, yaà e ɓɛ̀ɛ̀jàauŋ nɛ̀ e yìwìà anyùùŋ nyaŋ nauŋ haawè nyaŋ sìwè. Nyɛ̀iŋ pɛɛ nìŋ do nyiŋ nàŋ nɔ̀ŋ e tɛɛ, esaɓù kɛ̀ nìŋ naŋ hààwè ke miè gbìaàŋ è naiŋ woò yɛ.

1Time 1:13

jòòpɛɛ mìŋ naŋ wa gbòò naanààŋ e nyaàìŋ euŋ dè, yèè mìŋ nauŋ ngainɓù e kìlà kauŋ wòò maŋ mìè ɓɛ̀ɛ̀pɔ̀ɔ. Kɛɛ wo Dayà naŋ wa tɔ̀ɔ̀ ke nyowo esaɓù è hààwe gò kɛɛnɛ̀ŋ mɛ̀, yèè miŋ nyimààŋ wa kɛ̀ kiìŋ mìŋ yaà nyinie.

Hiɓu 7:25

Wò ɓɛnɛ̀ŋ sààmɛ, yèè e teenga gbiŋ, wèè wo jòèyè anyùùŋ nyaŋ gbiŋ hnàŋ koɓɛ̀ Dayài nyàŋ e saɓùuŋ nɛ̀ sùà, esaɓù kɛ̀ wò yaà wɔŋ nyiiŋ gèeɔ̀ sùà wèè julɔfɔ, wèè wo pɔwɔ̀ wo Dayà weè nyiŋ.

1Pììlɛ 3:20

Aŋ jinàŋ nyɛɛ̀ŋ nàŋ yaà wa aŋ jìnàŋ anyùùŋ nyaŋ gò wa jɔ̀ɔ̀lɔ̀ Dayà dìì nààŋ wò naŋ wa kùwò ke jii wò yaà nyiìŋ fòla sùà e teengaà wo Nòa yaà wa bàne sùà wɔŋ meeèɔ lɛ̀. Anyùùŋ nɔɔnɔŋ lè taai nɔŋ naŋ wa jɔ̀ wɔŋ meeèɔ sùà, yèè nyiŋ nɔŋ naŋ wa jòèyè e yìwìà e wuiyè jòwaà sùà.

2Pììlɛ 3:15

Ɓɔ̀ nìŋ nyɛɛnɛ̀ŋ kɛ̀ wo Kanaà yaà kùwa sùà kè jii esaɓù kɛ̀ wò manaŋ wo nyùùŋ gbiŋ yɛ̀mɛ̀ e jòèye, màànààŋ nɔŋ wo wùìya mànaŋ wiɔ̀ Pɔɔ̀ naŋ sìngè ko nɛ̀ɛ̀iŋ niìŋ, wò naŋ tòòmò e jiikɛ̀ɛɛ̀ wo Dayà nauŋ fè lɛ.

2Pììlɛ 3:9

Wo Kanaà fè dɔɔnɔ̀ŋ wèè wo nyɛ̀nɛ̀ŋ è nɛ̀ɛŋ wò naŋ ɓèmè ɗààhiì wèè wo nyɛ̀nɛ̀ŋ lɛ, màànààŋ ànyùuŋ bà gongà lɛ. Kɛɛ wò kuwo jii weèiŋ esaɓù kɛ̀ wo manàŋ wèè wò nyùùŋ gbiŋ fà. Kɛɛ wò manaŋ nyùùŋ gbiŋ fè maŋ tùwo naanààuŋ màŋ jɛwɛ.