1Time 1:12 - WƆŊ FƐ̀Ì EBÒ SÌÀŊ DAYÀA

¹² Mìŋ naŋ gèe wo Kana wiɔ̀ Jisɛ̀ Kulaì ke sɛ̀, wo yèɔ naim kìɛ̀ŋ e gààŋ wèè ka nyɛ̀nɛ̀ŋ e tòmo mɛ̀ wɔ. Mìŋ nauŋ gè ke sɛ̀ wèè wò naìm jàà kùàŋ dìì wèè ka nɔ̀ŋ wo nyuùŋ hààwe, yèè wò naìm tàeɗùù wèè ka tomo e weèuŋ,

1Time 1:12 ပူးပေါင်းရင်းမြစ်များ

Maafiù 20:4

Yèè wò naŋ nyiŋ woò wààŋ, ‘Nyɛ̀iŋ pɛɛ kɔ̀àaìŋ niŋ tomo ko ɓù gbɛɛwɛ̀jɛ̀wɛ̀i miìŋ, yèè mìŋ doiŋ nàŋ kìɛ̀ŋ e yèɛ naiŋ sɔ̀ dèè lɛ e tɔ̀ɔ̀nyaàŋ sùà.’

Jɔ̀ɔŋ 5:23

Wo Dèda miɔ̀ŋ manaŋ anyùùŋ nyaŋ gbiŋ aŋ kìɛ̀ŋ miàim wo Jɔ̀àfelaauŋ nɔɔ̀ŋ e ɓɛ̀ɛ̀jàa, màànààŋ nɔŋ àŋ kiɛ̀uŋ e ɓɛ̀ɛ̀jàa lɛ̀. Sèè wo nyùùŋ gbiŋ gè maŋhɛɛ wèè wo kìɛ̀ŋ miàim wo Jɔ̀àfelaauŋ nɔɔ̀ŋ e ɓɛ̀ɛ̀jàa, kɛ̀ wò gè maŋhɛɛ wèè wo kìɛ̀ŋ e ɓɛ̀ɛ̀jàa koɓɛ̀ wo Dèda miɔ̀ŋ naim tɔ̀ùŋ wɔ.

Nyɛ̀nɛ̀ŋ 16:15

Nààŋ wuŋ yaà anyùùŋ nyaŋ ko gboouŋ noo naŋ wa nɔ̀ŋ gùa nyiŋ, wò naŋ wi wa woò wààŋ, “Sèè mààŋ nàim naàŋ jàà kùàŋ dìì wèè ka nɔ̀ŋ wo nyuùŋ hààweɔ̀ bà wo Kanaà sùà, kɛ̀ hnaìŋ niŋ nɔ̀ŋ ko gboo mio.” Yèè wò naŋ wi kai pɔwɔ̀ wèè è kaiŋ noo.

Nyɛ̀nɛ̀ŋ 9:15

Kɛɛ wo Kanaà naŋ wòò wo Ananaayà wààŋ, “Kɔ̀ào, esaɓù kɛ̀ kàuŋ tàeɗùù wèè wo koà ke mìè gbìàŋ Ebò Siaŋ mɛ̀ koɓɛ̀ anyùùŋ nyaŋ fè àŋ Juùù nyaŋ yaà aŋ kànà fuɔŋ nyàŋ e kpùlìà aŋ Juùù nyaŋ nyiŋ bi, aŋ jɔ̀à kòmàŋ Ezɔ̀ɛ̀ nyaŋ.

Nyɛ̀nɛ̀ŋ 9:22

Wo Sɔɔ̀ naŋ wa gbùùyè e gaàŋ gbee sùà ko Dàmakɔ̀, nààŋ wò naŋ wa tɔɔ̀ janyai kɛ̀ wo Jisɛ̀ nàŋ yaà wo yèɔ wo Dayà naŋ tàeɗùù wèè wo jòèyè anyùùŋ nyaŋ gbiŋ e ɗùùnyaàŋ wɔ, yèè aŋ Juùù nyaŋ ko Dàmakɔ̀ gò niŋ wa ɓɛ̀nɛ̀ŋ gììyà màŋhɛɛ.

1 Kɔliìŋ 15:10

Kɛ̀ɛ̀ esàɓù e kèì sìàŋ Dayàa sùà, mìŋ yaà naàŋ wo nyùnɔ̀ɔŋ mìŋ yaà wɔ, yèè e kìɛɛ̀ŋ wò naim kiɛ̀ŋ lɛ e gò nɔ̀ŋ wèè foo. Wɔŋ fàa bàa, mìŋ naŋ tomo nyìnga e nìàŋ aŋ keela tàeɗùù gbànaŋ nyàŋ bà gbiŋ, jòòpɛɛ e gò guùŋ nɔ̀ŋ kè nyɛ̀nɛ̀ŋ miàŋ bi sùà, sɔɔ̀ e kìɛ̀ŋ Dayàa yèɛ yààìm maŋjɛ̀wɛ lɛ̀.

1 Kɔliìŋ 3:5

Ɓòò kai, nàŋ yaà wo Àpolò? Yèè ɓòò nàŋ yaà wo Pɔɔ̀? È yaà nɔŋ aŋ ɓɔ̀ìjɔ̀à Dayà aŋ yè nyaŋ naiŋ tɔ̀ɔ̀ ke dòmaàŋ wèè naŋ kùwìè e hààweɛ̀ nyaŋ. Yàwi tìyèe, wo nyùùŋ gbiŋ yaà nyìnìè e tòmoɛ̀ wo Dayà nauŋ fè wèè wo nyɛ̀nɛ̀ŋ lɛ.

1 Kɔliìŋ 7:25

E yèɛ nìŋ naŋ sìngè nyaàiŋ dè anyuùŋ gò kùwìè àŋ jɔùŋ ɔ̀ɔ̀ felaa nyàŋ lɛ, miŋ kuwà kè sàwà è yìwìà wò Kanaà sìwè, kɛɛ mìŋ yaà tɔ̀ɔ sùà e yèɛ yaà e gòngo mɛ̀ sùà mààŋ wo yèɔ esàɓù ke nyòwò Kanaà sùà wò naŋ banè e bànè ke jii tùlia wɔ̀.

2 Kɔliìŋ 4:1

E yìwìà ke nyòwò Dayàa sùà wò naŋ wi fè e tòmo lɛɛ̀ wèè e niŋ nyɛ̀nɛ̀ŋ, yèè wèètii e ɓɔ̀mɔ̀ fè wi wùìyà.

Gàla 3:26

Nyɛiŋ nààŋ gbiŋ nìŋ yaà aŋ jɔ̀à Dayà, esàɓù e hààweɛ̀ niŋ kuwa wo Jisɛ̀ Kulaì sùà lɛ.

Gàla 3:28

E fèemàŋ gòòno bà gbiŋ fè e fèèmàŋ àŋ Juùù ɔ̀ɔ̀ anyùùŋ nyaŋ fè àŋ Juùù nyaŋ, àŋ ɗo ɔ̀ɔ̀ ànyùùŋ nyaŋ fè è ɗo dìì nyaŋ, àŋ felaa ɔ̀ɔ̀ àŋ jɔùŋ, nyɛ̀iŋ nààŋ gbiŋ nìŋ yaà anyùùŋ guùŋ e yìwìà e hààweiŋ nɛ̀ wo Jisɛ̀ Kulaì sùà.

Fèle 2:11

yèè aŋ gbiŋ do nàŋ woò nyààŋ wo Jisɛ̀ Kulaì yaà wo Kana, koɓɛ̀ e jòòwò Dayàa wo Dèdaà.

Fèle 4:13

Kà ɓɛnɛ̀ŋ wèè ka kɔ̀ɛ̀ e keì ɗewe gbiŋ sùà, esaɓù kɛ̀ wo Jisɛ̀ Kulaì nyɛnɛŋ kà kɛ̀ɛ̀nɛ̀ŋ e gààaŋ wèè ka tii nyɛ̀nɛ̀ŋ.

Kòlo 1:25

Wo Dayà naŋ wa ɗewè wèè woim nyɛ̀nɛ̀ŋ ka nɔ̀ŋ wo ɓɔìjɔ̀à tòmo wèè anyuùŋ hààweuŋ nyàŋ, yèè wèè woim tùàŋ wèè ka dàànè ebò ke miè gbìauŋ nɛɛ̀ŋ gbiŋ ko nɛ̀ɛ̀iŋ niìŋ,

1Time 1:1

E yìwìà miàim Pɔɔ̀ sìwè, mìŋ yaà wo keela tàeɗùù wèè Jisɛ̀ Kulaì e yìwìà e gààŋ Dayàa wo Nyuùŋ Jòèye wiɔ̀ yaà wo Jisɛ̀ Kulaì yèɔ kiɛ̀ŋ wì ke jii tùlia wɔ.

1Time 1:11

Ebò Siaàŋ àŋ naim wa kaà yèè àŋ naim sìè ke jii tùlia yèè e zɔlɔ̀ sùà wèè ka woò lɛ, Ebò Siaŋ bi naŋ yèwè e jòòwo yèè e tɛ̀ɛ̀tɛ̀ɛ̀ wo Dàyà gaàŋ gbeeɔ̀ sìwè.

1Time 1:2

Mìàŋ nàŋ yaà sìngìè wɔŋ fɛi wɛɛ̀ŋ koɓɛ̀ muàŋ Timetèi, wo jɔ̀àfelaa kɛnɛ miɔ̀ŋ, e hààweɛ̀ sùà. Tɔ̀ wo Dayà wo Dèda wiɔ̀ yaà Kanaà Jisɛ̀ Kulaì wo Kana wiɔ̀, kiɛ̀iŋ e tɛ̀ɛ̀tɛ̀ɛ̀, ke nyowo, yèè ke jii fàa.

1Time 6:13

Ko fɛ̀ɛ̀fèìŋ Dayài, wo yèɔ kiɛ̀ŋ wɔŋ nyiiŋ gèe koɓɛ̀ manɛ̀ŋ maŋ gbiŋ wɔ̀, yèè ko fɛ̀ɛ̀fèìŋ Jisɛ̀ Kulaì, wo yeɔ̀ naŋ fè ke mìè seì janjai ko fɛ̀ɛ̀fèìŋ Pɔuŋtiɔ̀ Paalèi e nyààìŋ dè e hààweuŋ nɛ̀ wɔ, mìŋ yààùm wòò sùà

2Time 2:2

E yèɛ mùŋ naim kumìè mìŋ naŋ kaà ko fɛ̀ɛ̀fèìŋ aŋ seì zimgbe lɛ̀, kàà niŋ anyuùŋ tùlìà jii aŋ yè nyaŋ do nàŋ ɓɛnɛ̀ŋ wèè aŋ kàà anyuùŋ joo lɛ̀.

2Time 4:17

Kɛɛ wo Kanaà naim wa nɔ̀ŋ maŋjɛ̀wɛ yèè wò naim kìɛ̀ŋ e gààŋ, weètii mìŋ naŋ wa ɓɛnɛ̀ŋ wèè ka wòò ke miè gbìaàŋ gbiŋ koɓɛ̀ anyùùŋ nyaŋ gbiŋ fè àŋ Juùù nyaŋ wèè aŋ nyiŋ kòmàŋ, yèè mìŋ naŋ wa yɛ̀mɛ̀ e jòèye, aŋ gòim wa gè nyààŋ diɛŋ wèè àŋ nyàa nyaŋ aim jìwà.

Taitɔ̀ 1:4

Mìŋ yaà sìngìè ko nɛ̀ɛ̀ŋ muìŋ, Taitɔ̀, wo jɔ̀à tɔ̀ɔ̀nyaàŋ miɔ̀ŋ è kuwa e hààwè guùŋ wɔ̀. Tɔ̀ wo Dayà yaà wo Jisɛ̀ Kulaì wo Nyuùŋ Jòèye wiɔ̀ kiɛ̀iŋ ke jii fàa yaà e tɛ̀ɛ̀tɛ̀ɛ̀.

Felemɔ̀ŋ - PHM 1:9

Kɛɛ mìŋ yààùm dàwe sùà wèè maŋ niŋ nyɛ̀nɛ̀ŋ esàɓù e mànaŋ. Hɛ̀ɛɛ̀ŋ, jòòpɛɛ miàŋ nàŋ yaà Pɔɔ̀ wo nyuùŋ kɔ̀à ke miè gbìàaŋ e kìlà mìŋ yaà wo nyùùŋ màŋ keì wèè wo Jisɛ̀ Kulaì.