1Time 1:1 - WƆŊ FƐ̀Ì EBÒ SÌÀŊ DAYÀA

¹ E yìwìà miàim Pɔɔ̀ sìwè, mìŋ yaà wo keela tàeɗùù wèè Jisɛ̀ Kulaì e yìwìà e gààŋ Dayàa wo Nyuùŋ Jòèye wiɔ̀ yaà wo Jisɛ̀ Kulaì yèɔ kiɛ̀ŋ wì ke jii tùlia wɔ.

1Time 1:1 ပူးပေါင်းရင်းမြစ်များ

Luù 1:47

Wɔŋ nyììŋ jinàŋ miɔ̀ŋ yaà e zɔlɔ̀ sùà esàɓù Dayà, wo Nyuùŋ Jòèye miɔ̀ŋ.

Luù 2:11

Nàaŋ ke ɗɔɔ yɛɛ̀ ko jàwà Dèèweì, àŋ kòmàŋ wo Nyuùŋ Jòèyeiŋ nɔɔ̀ŋ, wuŋ nàŋ yaà wo Jisɛ̀ Kulaì wo Kanaà.

Nyɛ̀nɛ̀ŋ 9:15

Kɛɛ wo Kanaà naŋ wòò wo Ananaayà wààŋ, “Kɔ̀ào, esaɓù kɛ̀ kàuŋ tàeɗùù wèè wo koà ke mìè gbìàŋ Ebò Siaŋ mɛ̀ koɓɛ̀ anyùùŋ nyaŋ fè àŋ Juùù nyaŋ yaà aŋ kànà fuɔŋ nyàŋ e kpùlìà aŋ Juùù nyaŋ nyiŋ bi, aŋ jɔ̀à kòmàŋ Ezɔ̀ɛ̀ nyaŋ.

Luùm 1:1

E yìwìà miàim Pɔɔ̀ sìwè, wo ɓɔìjɔ̀à wèè wo Jisɛ̀ Kulaì, nàŋ yaà sìngìè wɔŋ fɛi wɛɛ̀ŋ. Wo Dayà naim wa tàeɗùù wèè ka nɔ̀ŋ wo keela, e kìlà wò naim nyààŋ wèè ka wòò Ebò Siaàŋ.

1 Kɔliìŋ 1:1

E yìwìà miàim Pɔɔ̀ sìwè, wo yèɔ wo Dayà naŋ nyààŋ wèè wo nɔ̀ŋ wo keela tàeɗùù wèè Jisɛ̀ Kulaì wɔ, yèè wo wùìya wiɔ̀ Sòtinè

1 Kɔliìŋ 9:17

Sèè e tòmo lɛɛ̀ e yìwìà ke jii miàŋ biɛ̀ diɛŋ wèè kaiŋ nyɛ̀nɛ̀ŋ, kɛ̀ kà ɓɛ̀nɛ̀ŋ yɛ̀mɛ̀ e pààwa, kɛɛ sèè pɛɛ mìŋ go mànàŋ wèè ka niŋ nyɛ̀nɛ̀ŋ, wo Dayà naim tàeɗùù ke gbòòɛ sùà wèè ka nyɛ̀nɛ̀ŋ e tòmouŋ nɛ̀.

2 Kɔliìŋ 1:1

E yìwìà miàim Pɔɔ̀ sìwè, wo yèɔ yaà wo keela tàeɗùù wèè Kulaì Jisɛ̀ esàɓù e kèè jìì Dayàa sùà wɔ, yèè e yìwìà wo wùìya wiɔ̀ Timetè sìwè, nàŋ yaà sìngìè koɓɛ̀ ke gbòò anyuùŋ hààwe nyàŋ kè yaà ko Kɔliìŋ yɛ, yèè koɓɛ̀ anyùùŋ nɛɛmaŋ nyàŋ gbiŋ ko Àkaayà.

Gàla 1:1

E yìwìà miàim Pɔɔ̀ sìwè, nàŋ yaà sìngìè wɔŋ fɛi wɛɛ̀ŋ. Wo Dayà naim nyààŋ wèè ka nɔ̀ŋ wo keela tàeɗùù wèè Jisɛ̀ Kulaì, yèè e nyàaŋ mɛ gò e yìwìà nyùùŋ kpùuŋ ɔ̀ɔ̀ è gààŋ nyuùŋkpùuŋ sùà, kɛɛ è naŋ yìwìè wo Jisɛ̀ Kulaì yaà wo Dèdaà Dayà wo yèɔ naùŋ gè e fàaà dìì wɔ.

Gàla 1:11

Tɔ̀ miŋ woòiŋ, nyɛiŋ nààŋ wùìyaim nyàŋ, kɛ̀ Ebò Siaàŋ mìŋ daanàŋ lɛ, e gò e yìwìà wo nyuùŋkpùuŋ sìwè.

Kòlo 1:27

Wo Dayà naŋ wa ɗewè wèè wo tɔ̀ɔ̀ ke gbùnuuŋ nɛɛ̀ŋ koɓɛ̀ anyùùŋ nɛɛmauŋ nyàŋ, ke gbùnu kɛ̀ɛ̀nɛ̀ŋ bàne yaà e jòòwo yɛɛ̀, ke yèɛ wò kuwa wèè anyùùŋ nyaŋ gbiŋ nyàŋ. Ke gbùnu bi zà nàŋ yaà kɛ̀, wo Jisɛ̀ Kulaì joàìŋ ko sùà, yèè wuŋ nàŋ yaà ke jii tùliaiŋ nɛɛ̀ŋ wèè naŋ nɔ̀ŋ aŋ bàiŋbà e jòòwò Dayàa sùà.

2Tɛsè 2:16

Tɔ̀ wo Kana wiɔ̀ Jisɛ̀ Kulaì wuŋ bi yèè wo Dayà wo Dèdaà, wo yèɔ mànàŋ wì e kìlà wò kiɛ̀ŋ wì keì sìàŋ yèè e yìwìà e tɛ̀ɛ̀tɛ̀ɛ̀uŋ nɛ̀ sùà wò kiɛ̀ŋ wi ke jìì nyìngè nyiiŋ gèe gò jùà, yèè ke jii tùlia nyìngà sùà wɔ,

1Time 1:12

Mìŋ naŋ gèe wo Kana wiɔ̀ Jisɛ̀ Kulaì ke sɛ̀, wo yèɔ naim kìɛ̀ŋ e gààŋ wèè ka nyɛ̀nɛ̀ŋ e tòmo mɛ̀ wɔ. Mìŋ nauŋ gè ke sɛ̀ wèè wò naìm jàà kùàŋ dìì wèè ka nɔ̀ŋ wo nyuùŋ hààwe, yèè wò naìm tàeɗùù wèè ka tomo e weèuŋ,

1Time 2:3

E zòòlo mààŋ tɛɛ̀ è yaà tɛ̀ɛ̀, yèè è fɔɔyɛ̀ wo Dayà wo Nyuùŋ Jòèye wiɔ̀ ke jii,

1Time 2:7

yèè wèètii wo Dayà naim tùɔ̀ŋ wèè ka nɔ̀ŋ wo keela tàeɗùùuŋ nɔɔ̀ŋ bà, yèè wo kààmɔɔŋ koɓɛ̀ anyùùŋ nyaŋ fè àŋ Juùù nyaŋ, wèè ka dàànè ebò ke mìè gbìaŋ e hààwe yaà e tɔ̀ɔ̀nyaàaŋ. Miŋ fè tòaà sùà, mìŋ yààìŋ wòò sùà e tɔ̀ɔ̀nyaàaŋ.

1Time 4:10

È fɛ̀ɛ̀ìŋ e kìlà eiŋ tomo nyìnga, esaɓù kɛ̀ èiŋ sìà ke jii tùlia wiɛ̀ wo Dàyà nyiiŋ gèeɔ̀ sùà, wo Nyuùŋ Jòèyeɔ̀ wèè anyùùŋ nyaŋ gbiŋ, ɓɔɔɓɔɔ ngèè anyuùŋ hààwe nyàŋ.

Taitɔ̀ 1:3

kpeiŋ wo Dayà, Nyuùŋ Jòèye wiɔ̀ naŋ fè ke miè gbìaŋ yɛɛ̀ e teenga nyiŋ nɛ̀ diɛŋ, wò naim haawè yèè wò naim woò wèè miŋ daanè ebò e nɛ̀ɛŋ wò naŋ woò lɛ.

Taitɔ̀ 2:10

ɔ̀ɔ̀ ɓɔ̀ àŋ wùà àŋ kɛ̀ɛ̀nɛŋ nyiŋ nyàŋ sìwè. Kɛɛ aŋ tɔɔ̀ kɛ̀ e teenga gbiŋ àŋ yaà tɛ̀ɛ̀ yèè aŋ nɔ̀ŋ anyuùŋ tùlìà jii, kpeiŋ kɛ̀ tɛɛ̀ do nàŋ tɔ̀ɔ̀ e ɓɛ̀ɛ̀jàa gbee koɓɛ̀ e kàaà e nyaàiŋ dè wo Dayà wo Nyuùŋ Jòèye wiɔ̀ maŋ keì nyɛ̀nɛŋ nyiŋ màŋ gbiŋ sùà.

Taitɔ̀ 2:13

nààŋ è yààìŋ fùlìè ke ɗɔ̀ɔ̀ e keì sìàaŋ è naiŋ tùlìè jii lɛ̀, ke ɗɔɔɛ̀ e jòòwò Dayà gbee wiɔ̀ yèè wo Nyuùŋ Jòèye wiɔ̀ Jisɛ̀ Kulaì kè hnàŋ lɛ.

Taitɔ̀ 3:4

Kɛɛ nààŋ e tɛ̀ɛ̀tɛ̀ɛ̀ yaà e mànàŋ Dayàa, wo Nyuùŋ Jòèye wiɔ̀ naŋ nɔ̀ŋ tɔ̀ɔ̀ niŋ ko nɛ̀ɛ̀ŋ wiì lɛ,

Taitɔ̀ 3:6

Wo Dayà naŋ tùɔ̀ŋ Jisɛ̀ Kulaì wo Nyuùŋ Jòèye wiɔ̀ wèè wo wi kìɛ̀ŋ wo Jìnàŋ nɛɛmaàŋ wèè foo,

1Pììlɛ 1:21

Esàɓù Jisɛ̀ Kulaì sùà nìŋ naŋ hààwè Dayà, wo yèɔ nauŋ gèe dìì e yìwìà e fàa dìì, yèè wò nauŋ fè e jòòwo, wèètii e hààweiŋ nɛ̀ yèè ke jii tùliaiŋ nɛɛ̀ŋ yaà koɓɛ̀ Dayài.

1Pììlɛ 1:3

Gè wiìŋ wo Dayà ke sɛ̀ wo dèdà Kana wiɔ̀ Jisɛ̀ Kulaìɔ! Esàɓù ke nyowo gbeeuŋ nɛɛ̀ŋ sùà, wò naŋ wi kìɛ̀ŋ wɔŋ nyiiŋ gèe jɛi nààŋ wò naŋ gè wo Jisɛ̀ Kulaì e fàa dìì. Tɛɛ̀ naŋ wi dììyè wɔŋ nyiiŋ gèe tùlìà jii ko sùà,

2Pììlɛ 1:1

E yìwìà miàim Saamɔ̀ŋ Pììlɛ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔìjɔ̀à yèè wo yèɔ yaà keela tàeɗùù wèè Jisɛ̀ Kulaì. Mìŋ yaà sìngìè koɓɛ̀ anyùùŋ nyaŋ aŋ yè nyaŋ esàɓù e tɔ̀ɔ̀nyààŋ Dayàa sùà yaà wo Nyuùŋ Jòèyeɔ̀ Jisɛ̀ Kulaì, àŋ naŋ nyiŋ fè e hààwè jii nyiŋ nɛ̀ mààŋ e je wilɛ̀ nyaŋ.

1Jɔ̀ɔŋ 4:14

Yèè èiŋ yɛmɛ̀ e mànaùŋ nɛ̀ e kìlà èiŋ fè ke mìè seì koɓɛ̀ anyùùŋ kɛ̀ wo Dèdaà naŋ tùɔ̀ŋ wo Jɔ̀àfelaauŋ nɔɔ̀ŋ wèè wo nɔ̀ŋ wo Nyuùŋ Jòèyè ɗuunyaàŋ.

Juù 1:25

Kìɛ̀ŋ wiìŋ e tɛ̀nɛŋ wo Dayà Nyuùŋ Jòèye wiɔ̀, esàɓù Jisɛ̀ Kulaì wo Kana wiɔ̀ sùà. Ko tɔ̀ɔ̀tù e ɗuunyaàŋ yèè nàaŋ yèè julɔfɔ è siaŋ maŋ jòòwò Dayà, mauŋ kìɛ̀ŋ e ɓɛ̀ɛ̀jàa, mauŋ tɛnɛ̀ŋ wèè e gaàuŋ nɛ̀ tɔɔɓaa. Àmiinàŋ.