1Tɛsè 5:7 - WƆŊ FƐ̀Ì EBÒ SÌÀŊ DAYÀA

⁷ E dùùm anyùùŋ jiwìà, yèè e dùùm maŋ mùàŋ kùwò nyiìŋ.

1Tɛsè 5:7 ပူးပေါင်းရင်းမြစ်များ

Jɔ̀ɔŋ 2:10

yèè wò nauŋ woò wààŋ, “Wo nyùùŋ gbiŋ wɔŋ ɗaa gèeo sùà wò kiɛ̀ŋ wa maŋ tala muaŋ kɛnɛ màŋ jiɛ̀ koɓɛ̀ anyùùŋ nyaŋ. Yèè sèè àŋ tie naàŋ zimgbe maŋ jii fà nyìŋ, kɛ̀ wò ngàà hìàŋ maŋ zɔwùù maŋ. Kɛɛ mùŋ naŋ miŋ jèè kɛɛnɛŋ e hàì ko dìà wɔŋ ɗaaà!”

Nyɛ̀nɛ̀ŋ 2:15

Anyùùŋ nyɛɛ̀ŋ, nìŋ naŋ gongò kɛ̀ maŋ mùàŋ naŋ nyiŋ kùwò, kɛɛ e fè yɛi. E gɔɛɛ̀ naŋ nɔŋ gbòò è nɔɔnɔŋ le tiinàŋ kinɛiŋ maŋ nyiìŋ mɛɛ̀ŋ.

Luùm 13:13

Tùwo wiìŋ tɛ̀ɛ̀, màànààŋ anyùùŋ nyaŋ nyɛnɛŋ wɔŋ niìsìaà sùà lɛ. Ɓɔ̀ è nɔ̀iŋ nɔŋ màaŋ sùà wèè è gbana nyɛ̀nɛŋ ɔ̀ɔ̀ màŋ muàŋ tìa yèè màŋ yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nyɛ̀nɛŋ. Ɓɔ̀ è nyɛ̀nɛ̀iŋ nyaàŋ tàaŋ ɔ̀ɔ̀ eiŋ gììyà aŋ dàwi wi nyàŋ koo.

1 Kɔliìŋ 15:34

Ɓèmeìŋ e jiikɛ̀ɛ niŋ gè kùàŋ maŋ jùumùiŋ màŋ sùà. Mìŋ yààìŋ wòo sùà e kèì sàngè tiŋ nàŋ yaà kɛ̀ nyɛ̀iŋ nɛɛ̀ŋ bà nyiŋ niŋ nyimààŋ Dayà.

Ɛfesɔ̀ 5:14

E gbolòùŋ nɛ nàŋ tɔɔ̀ e nɛ̀ŋ gbiŋ janjai. E wèètii è yaà e wòò niŋ, “Kɛ̀ɛ̀yɛɛ̀, nyùùŋ maŋ jàwèɔ, e kìlà muŋ fòlà e fàa dìì. Kpeiŋ kɛ̀ wo Jisɛ̀ Kulaì nɔ̀ŋ e gbolòùŋ ko diɛum.”

Ɛfesɔ̀ 5:18

Ɓɔ̀ nìŋ tìà maŋ tala muaŋ màŋ wèè maiŋ kùwà, e yèɛ kɛ̀ màŋ pɔɔ̀ìŋ nɔŋ lɛ̀, kɛɛ wo Jìnàŋ Nɛɛmaàŋ nɔ̀ìŋ sùà.

2Pììlɛ 2:13

Àŋ naŋ jàà e nànàŋ yèè e nànàŋ nàŋ do nyiŋ nàŋ mɛɛ̀ŋ wèè e jìwààjɛ̀wɛ̀ nyiŋ nɛ̀. E je nyiŋ gbanaà nàŋ yaà wèè aŋ nyɛ̀nɛ̀ŋ maŋ kèì kàaɓì gbiŋ maŋ gɔɛ janyai maŋ yè maŋ do nàŋ fɔ̀ɔ̀yɛ̀ e kɔɔ nyiŋ nɛ̀ jii lɛ̀. È yaà e sàngè yèè e ɓɛ̀ɛ̀pɔ̀ɔ nààŋ nyɛ̀iŋ nyiŋ nìŋ jiiyà nɛ̀ŋ koɓɛ̀ guùŋ, e teenga gbiŋ ko jììkà maŋ tùwò kàaɓì nyiŋ màŋ.