1Tɛsè 5:23 - WƆŊ FƐ̀Ì EBÒ SÌÀŊ DAYÀA

²³ Tɔ̀ wo Dayàa naŋ wi fè jii fàa wɔ̀ wo nyɛ̀nɛ̀iŋ niŋ nɔ̀ŋ e nɛɛmaŋ sùà dòmaŋ nyaaŋ gbiŋ, yèè wo haà saɓù e tɔ̀mɛ gbiŋ ɓɔ̀ è nɔ̀ŋ è kpùnuiŋ nɛ̀, wò jinàiŋ nɔɔ̀ŋ, yaà kè kpùnaiŋ nɛɛ̀ŋ è teengaà wò Kana wiɔ̀ Jisɛ̀ Kulaì hnàŋ wa nàwèè lɛ.

1Tɛsè 5:23 ပူးပေါင်းရင်းမြစ်များ

Luù 1:46

Wo Mèèle wààŋ, “Mìŋ naŋ tɛ̀nɛ̀ŋ wo Kanaà Dayà e yìwìà ke jii miɛ̀ŋ gbiŋ sùà.

Jɔ̀ɔŋ 17:19

Wèè esaɓù nyiŋ nɛ̀ kà jàà miàŋ bi e ɓula ko nɛ̀ɛ̀ŋ muìŋ, wèè kɛ̀ nyiŋ pɛɛ, àŋ naŋ ɓɛ̀nɛ̀ŋ nɔ̀ŋ e ɓula jàa nyiŋ ko nɛ̀ɛ̀ŋ muìŋ wèè e tɔ̀ɔ̀nyaàaŋ.

Nyɛ̀nɛ̀ŋ 20:32

“Mìŋ yààìŋ naàŋ gbìàŋ sùà e gààŋ Dayàa dìì wèè woiŋ yɛ̀mɛ̀ diɛŋ. Jàaìŋ jii, ke mìè gbìàŋ Dayàa e nyaàiŋ dè ke kpèè siauŋ nɛɛ̀ŋ ko nɛ̀ɛ̀iŋ niìŋ. Nààŋ nìŋ yaà anyùùŋ Dayà lɛ, ke miè gbìaŋ yɛɛ̀ doiŋ nàŋ kpuumò keiŋ kìɛ̀ŋ e keì sìàaŋ e yèɛ wo Dayà kuwa weèiŋ lɛ̀, e kìɛ̀ŋ guùŋ nɛ nɔŋ wò kuwa wèè anyunùuŋ nyàŋ gbiŋ lɛ̀.

Nyɛ̀nɛ̀ŋ 26:18

Mìŋ manaŋ maŋ yìlè le fɛɛ̀ nyiŋ nɛ̀, wèè kɛ̀ aŋ yèwà ke nyìwìɛ sùà aŋ ka koɓɛ̀ e gbolòùŋ lɛ, e kìlà maŋ nyiŋ gè e gààŋ Sɛ̀tanàaŋ dìì aŋ kìlà anyùùŋ nɛɛmaŋ koɓɛ̀ Dayài. Kpeiŋ kɛ̀ maŋ jùumù nyiŋ màŋ nɔ̀ŋ hakɛ̀ jùùya miŋ, yèè sèè àŋ kɛɛnɛ̀ìm e hààwe sùà àŋ do nàŋ nɔ̀ŋ aŋ bà nyiŋ bà anyùùŋ nɛ̀ɛ̀màŋ Dayà nyaŋ tɛɛ.’ ”

Luùm 15:13

Tɔ̀ wo Dayà, wo yèɔ kiɛ̀ŋ ke jii tùlia wɔ̀, wo kpuumàiŋ niŋ kɛɛnɛ̀ŋ e zɔlɔ̀ kɛnɛ yèè ke jii fàa, esàɓù e hààweiŋ nɛ̀, wèè kɛ̀ ke jii tùliaiŋ nɛɛ̀ŋ e gààŋ wo Jìnàŋ Nɛɛmaàŋ sùà, e nɔ̀iŋ maŋjɛ̀wɛ e teenga gbiŋ.

Luùm 15:33

Tɔɔɓaa mìŋ zoolà Dayà, wo yèɔ kiɛ̀ŋ ke jii fàa wɔ̀, wèè wo nɔ̀ŋ nyɛ̀iŋ gbiŋ maŋjɛ̀wɛ. Àmiinàŋ.

Luùm 15:5

Tɔ̀ wo Dayà, ko tɔ̀ɔ̀tù ke jii tɔumtɔ̀ùm yèè ke jii nyingè, nyɛ̀nɛ̀ŋ e kɛɛnɛ̀iŋ e gòngò guùŋ nɛ yàwi bi e fèemàŋ, nààŋ è dèìŋ e tɔ̀ɔ̀màŋsèì Jisɛ̀ Kulaì lɛ maŋjɛ̀wɛ,

Luùm 16:20

Wo Dayà, wo yèɔ kiɛ̀ŋ ke jii fàa wɔ̀, do nàŋ jìwè wo Sɛ̀tanàŋ e teenga kpuu sùà, e kìlà woiŋ wuŋ hòà ko gòlòò dìì. Mìŋ zoolà wèè e tɛ̀ɛ̀tɛ̀ɛ̀ wo Kana wiɔ̀ Jisɛ̀ Kulaì eiŋ nɔ̀ŋ maŋjɛ̀wɛ.

1 Kɔliìŋ 1:2

naŋ yaà sìngìè wɔŋ fɛi wɛɛ̀ŋ koɓɛ̀ ke gbòò anyuùŋ hààwe nyàŋ yaà ko Kɔliìŋ yɛ. Nyɛ̀iŋ nyàŋ gbiŋ wo Dayà naŋ nyààŋ wèè naŋ nɔ̀ŋ anyùùŋ nɛ̀ɛ̀màŋ Dayà nyaŋ, aŋ yè nyaŋ yaà aŋ bà nyiŋ bà Jisɛ̀ɛ Kulaì sùà nyaŋ, e kpùlìà anyuùŋ gbànaŋ nyàŋ koɓɛ̀ gbiŋ àŋ naŋ nɔ̀ŋ, aŋ yè nyaŋ humo wo Kana wiɔ̀ Jisɛ̀ Kulaì nyaŋ, wo Kànà yàwi nààŋ gbiɔ̀ŋ.

1 Kɔliìŋ 1:30

Kɛɛ wo Dayà wòiŋ nyɛ̀nɛ̀ŋ nàŋ nɔ̀ŋ aŋ bàiŋbà Jisɛ̀ Kulaì sùà, yèè wo Dayà naŋ nyɛ̀nɛ̀ŋ wo Jisɛ̀ Kulaì wèè wo nɔ̀ŋ e jiikɛ̀ɛ wilɛ̀. Wuŋ naŋ wi nyɛ̀nɛ̀ŋ è naiŋ nɔ̀ŋ tɔ̀ɔ̀nyaàŋ koɓɛ̀ Dayài, yèè è naiŋ nɔ̀ŋ anyùùŋ nɛ̀ɛ̀màŋ Dayà nyaŋ, yèè wò naŋ wi joeyè wèè foo.

1 Kɔliìŋ 14:33

esaɓù kɛ̀ wo Dayà manàŋ wèè è doiŋ nyɛ̀nɛ̀ŋ nyaàtàaŋ kɛɛ e mɔɔnɔ̀iŋ yèè e nɔ̀iŋ jii fàa sùà. Màànààŋ è yaà maŋ gbòò anyùùŋ hààwè nɛɛmaŋ nyàŋ gbiŋ sùà lɛ,

2 Kɔliìŋ 5:19

Ke miè gbìaŋ wiɛ̀ è woàìŋ nɛ nàŋ yaà kɛ̀, wo Dayà naŋ wa nyɛ̀nɛ̀ŋ anyùùŋ kpùùŋ ɗuunyaŋ nyàŋ gbiŋ aŋ dàwiuŋ esàɓù Jisɛ̀ Kulaì sùà. Wo Dayà gò wa gbìàŋ màŋ jùumù nyiŋ màŋ kè jiio sùà, yèè wò wi fè ke miè gbìaàŋ ke yèɛ naŋ tɔ̀ɔ̀ e ɗeweɛ̀ wò naŋ nyiŋ mììnè aŋ dàwiuŋ nɛ̀.

Fèle 1:10

wèè kɛ̀ nìŋ naŋ ɓɛ̀nɛ̀ŋ tùàŋ maŋ nɔnɔŋ wèè naŋ nyimèè kɛ̀ kiìŋ nàŋ yaà e nɛ̀ŋ kɛnɛ. Tɛɛ̀ do nàŋ nyɛ̀nɛ̀ŋ naŋ nɔ̀ŋ sengei e kìlà e keì gbiŋ e naàìŋ nɔ̀ŋ ke ɗɔɔɛ̀ wo Jisɛ̀ Kulaì do nàŋ hnè lɛ.

Fèle 1:6

Weètii mìŋ naŋ haawè kɛ̀ wo Dayà wo yèɔ naiŋ tɔ̀ɔ̀tù nyìnìàŋ e tòmo siaŋ sìàŋ lɛɛ̀ sùà wɔ, do niŋ nàŋ kɔ̀ɔ̀ feìŋ e jèèsùà e jùà ke ɗɔɔɛ̀ wo Jisɛ̀ Kulaì do nàŋ hnè lɛ diɛŋ.

Fèle 4:9

Nàŋ nyìmàŋ e nɛ̀ɛŋ mìŋ naiŋ wa kaà lɛ, yèè nàŋ nyìmàŋ e nɛ̀ɛŋ nìŋ naŋ kòmò mìŋ naŋ woò yèè nìŋ naŋ yɛmɛ̀ mìŋ naŋ nyɛ̀nɛ̀ŋ lɛ. Weètii, deìŋ e tɔ̀ɔ̀màŋsèì ke kpèè siaŋ miɛ̀ŋ maŋjɛ̀wɛ̀. Kpeiŋ wo Dayà, wo yèɔ kiɛ̀ŋ ke jii fàa wɔ̀, doiŋ nàŋ nɔ̀ŋ maŋjɛ̀wɛ.

Kòlo 1:22

kɛɛ esàɓù e fà ke kpùnàŋ wo Jɔ̀àfelaauŋ nɔɔ̀ŋ, wo Dayà wòiŋ nyɛ̀nɛ̀ŋ nàŋ nɔ̀ŋ anyuùŋ mɔ̀ɔ̀nɔuŋ, wèè wo nyɛ̀nɛ̀iŋ niŋ nɔ̀ŋ nɛɛmaŋ, niŋ zɛ̀nɛŋ, e kìlà ɓɔ̀ niŋ kɛɛnɛ̀ŋ tɔ̀mɛ kò fɛɛ̀fenùuŋ.

1Tɛsè 2:19

E gbiŋ sùà, sèè wo Kanaà Jisɛ̀ Kulaì hnàŋ wa nàwèè nyɛ̀iŋ nɔŋ nàŋ do wi nàŋ kìɛ̀ŋ ke jii tùlia yèè è do nàŋ nɔ̀ŋ ke ɓɔ̀ɗì e jòòwo ko nɛ̀ɛ̀ŋ wiì.

1Tɛsè 3:11

Tɔ̀ wo Dayà wiɔ̀ wo Dèdaà wuŋ bi yèè wo Kana wiɔ̀ Jisɛ̀ banè ke dòmaàŋ wèè eiŋ hnàŋ ko nɛ̀ɛ̀iŋ niìŋ.

1Tɛsè 3:13

E ɗewe mààŋ tɛɛ̀ sùà, tɔɔɓaa wò do nàŋ sìè maŋ jiiiŋ màŋ gààŋ, e tɔ̀mɛ naìŋ nɔ̀ŋ yèè nìŋ do nàŋ nɔ̀ŋ anyuùŋ nɛɛmaŋ ko fɛ̀ɛ̀fèìŋ Dayà wiɔ̀ wo Dèdaà e teengaà wo Kana wiɔ̀ Jisɛ̀ yaà anyùùŋ nɛɛmaŋ nyàn gbiŋ wò kanaŋ nyàŋ àŋ hnàŋ.

1Tɛsè 4:3

Wo Dayà manaŋ wèè naŋ nɔ̀ŋ e nɛɛmaŋ sùà, e kìlà e kèì nàànààŋ hmɔŋtu nyɛ̀nɛŋ gbiŋ ɓɔ̀ è gbɛ̀ɛ̀iŋ kɔɔ.

1Tɛsè 5:22

yèè naŋ gbààè e keì naanààŋ kà tinàŋ gbiŋ wèè nyɛ̀nɛŋ.

2Tɛsè 3:16

Tɔ̀ wo Kanaà Jisɛ̀ wuŋ bi, wo yèɔ yaà ke dòmàŋ jii fàa wiɛ̀ wɔ wo kiɛ̀iŋ jii fàa dòmaŋ nyaaŋ ɗewe gbiŋ sùà, yèè e teenga gbiŋ sùà. Wo Kanaà nɔ̀ŋ nyɛ̀iŋ gbiŋ maŋjɛ̀wɛ.

Hiɓu 13:20

Tɔɔɓaa, wo Dayà naŋ gè wo Kana wiɔ̀ Jisɛ̀ e fàaà dìì. Wo Jisɛ̀ yaà mààŋ wo nyuùŋ tùnìàŋ ɓaawaa gbee, wo yèɔ naŋ wùɔ̀ŋ maŋ sɛ̀nùuŋ màŋ wèè wo banè e ɗààhìì e mìèsùàguùŋ wèè julɔfɔ e fèèmàŋ Dayà yaà anyunùuŋ nyàŋ. Tɔ̀ wo Dàyà jii fàaà kiɛ̀iŋ e tɛ̀ɛ̀tɛ̀ɛ̀ɛ gbiŋ nìŋ manaŋ lɛ̀, wèè kɛ̀ niŋ nyɛ̀nɛ̀ŋ e yèɛ wò manaŋ lɛ̀. Tɔ̀ esàɓù Jisɛ̀ Kulaìɛ nyɛ̀nɛ̀ŋ wo Dayà toomò wi sùà wèè e nyɛ̀nɛ̀iŋ e yèɛ fɔɔyɛ̀uŋ jii lɛ̀. Yèè tɔ̀ e jòòwo nɔ̀ŋ koɓɛ̀ Jisɛ̀ Kulaìi wèè julɔfɔ yèè julɔfɔ. Àmiinàŋ!

Hiɓu 2:11

Wo Jisɛ̀ yaà anyùùŋ nyaŋ wò naŋ nyɛ̀nɛ̀ŋ àŋ naŋ nɔ̀ŋ nɛɛmaŋ sùà nyaŋ, aŋ gbiŋ kuwa wo Dèdà gunɔ̀ɔŋ. Esaɓùɛ lɛɛ̀ e sàngè fè wò Jisɛ̀ wèè wo nyiŋ nyààŋ àŋ wùìyauŋ nyàŋ.

Hiɓu 4:12

Ke mìè gbòà Dayàa kè yaà wɔŋ nyiiŋ gèe sùà yèè kè kuwa gààŋ. Kè nɔ̀ŋ ke nìàŋ e kòyà fòò maŋ nyààŋ tìyèe. Kè kɛɛ ke hàì koɓɛ̀i wo jinàaŋ yaà wɔŋ nyììŋ jinàaŋ deenàŋ lɛ, ko yèi maŋ sunosuno màŋ yaà e bù lɛ maŋ gòà maŋ hnàŋ koɓɛ̀ guùŋ lɛ. Kè fulià janjai e gòngò nyuùŋkpùuŋ nɛ̀ e kpùlìà e yèɛ wò naŋ ɗewè ke jiiuŋ nɛɛ̀ŋ sùà lɛ.

Jìiiŋ 1:4

Nyɛ̀nɛìŋ niŋ e kpàŋ è kɔɔiŋ e gàaŋ niŋ kuwa e hààweiŋ nɛ̀ sùà lɛ e koàiŋ niŋ e haì ko dìaì niŋ fè sɔ̀à lɛ. Wèè kɛ̀ maŋ kpèèiŋ màŋ nɔ̀ŋ sengei e jùà jɛ̀wɛ̀ gbɛlɛiŋ e nɛ̀ŋ gbiŋ fè jòò jɛ̀wɛ̀. Weètii nyɛ̀iŋ gbiŋ ɓɔ̀ nìŋ soò màŋ kpèè siaŋ kɛ̀ɛ̀nɛŋ.

1Pììlɛ 1:2

Wo Dayà Dèda wiɔ̀ wa ɗewè gɔu wèè woiŋ tàeɗùù naŋ nɔ̀ŋ anyunùuŋ, yèè wo Jinàuŋ nɔɔ̀ŋ wòiŋ nyɛ̀nɛ̀ŋ naŋ nɔ̀ŋ anyùùŋ nɛɛmaŋ, wèè naŋ jɔ̀ɔ̀lɔ̀ wo Jisɛ̀ Kulaì dìì, yèè maŋ sɛnìuŋ màŋ nyɛ̀nɛ̀ŋ nàŋ zɛ̀nɛ̀ŋ. Tɔ̀ wo Dayà kiɛ̀iŋ e tɛ̀ɛ̀tɛ̀ɛ̀ yaà ke jii fàa dìa sùà.

1Pììlɛ 5:10

Sèè nìŋ kɔɛ̀ maŋ keì nyìnga mɛɛ̀ŋ sùà wèè e teenga kpuu sùà, wo Dayàa kuwa maŋ tɛ̀ɛ̀tɛ̀ɛ̀ maŋ gbiŋ wɔ̀, wo yèɔ naiŋ nyààŋ wèè wo goonòiŋ e jòòwò nyiiŋ gèe gò jùà ke gbòò Jisɛ̀ Kulaì sùà wɔ, wuŋ bi doiŋ nàŋ nyɛ̀nɛ̀ŋ sengei yèè woiŋ fè e kɔɔ nyingè, woiŋ sìà e gààŋ woiŋ jàà ko tɔɔtu tùlìà jii.

2Pììlɛ 3:14

E wèètii nyɛ̀iŋ nààŋ wùìyaim nyàŋ, nààŋ nìŋ yaà fùlìè ke ɗɔɔ bi, nyɛ̀nɛìŋ e yèɛ gbiŋ nìŋ naŋ ɓɛnɛ̀ŋ lɛ wèè niŋ zɛ̀nɛ̀ŋ, yèè e tɔ̀mɛ ɓɔ̀ è nɔ̀iŋ fɛ̀ɛ̀fèìŋ Dayà, e kìlà naŋ nɔ̀ŋ jii fàa sùà koɓɛ̀ Dayài.

Juù 1:1

E yìwìà miàim Juù sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɗo wèè Jisɛ̀ Kulaì, yèè yàwi Jìiiŋ è yaà aŋ wùìya Jisɛ̀ Kulaì sùà. Mìŋ yaà sìngìè koɓɛ̀ anyùùŋ nyaŋ gbiŋ wo Dayà, wo Dèdaà naŋ tàeɗùù yèè wò manaŋ nyàŋ, yèè àŋ yaà e gààŋ Jisɛ̀ Kulaìɛ dìì nyaŋ.

Juù 1:24

Wo Dayà wuŋ guùŋ nɔŋ naum ɓɛ̀nɛ̀ŋ yɛ̀mɛ̀ diɛŋ wèè muŋ go nàŋ sɔ̀ɔ̀, e kìla woum nyɛ̀nɛ̀ŋ maŋ nɔ̀ŋ zɛ̀nɛum yèè e zɔlɔ̀ sùà e jòòwouŋ nɛ̀ fɛɛ̀feìŋ.