1Tɛsè 5:2 - WƆŊ FƐ̀Ì EBÒ SÌÀŊ DAYÀA

² Nyɛ̀iŋ bi nàŋ nyìmàŋ kɛ̀ ke ɗɔ̀ɔ̀ e hnàŋ Kanaà Jisɛ̀ do nàŋ nɔ̀ŋ màànààŋ e ɗeweɛ̀ wo nyuùŋ wùa hnàŋ e fòòno sùà lɛ.

1Tɛsè 5:2 ပူးပေါင်းရင်းမြစ်များ

Maafiù 25:13

Yèè wo Jisɛ̀ naŋ wòò anyùùŋ màŋjɛ̀wɛ̀uŋ ko dìèmè e gbòauŋ nɛ̀ wààŋ, “Nɔ̀iŋ e fɛɛ̀ wòwò, esaɓù kɛ̀ niŋ nyimààŋ kè ɗɔɔɛ̀ ɔ̀ɔ̀ è teengaà tɛɛ̀ do nàŋ kaaìŋ lɛ.”

Luù 21:34

Wo Jisɛ̀ naŋ ɓɛìŋ woò wààŋ, “Yɛ̀mɛìŋ nyɛ̀iŋ bi diɛŋ! Ɓɔ̀ nìŋ dangè è wànàŋ gbana yaà màŋ muàŋ tìa e kpùlìà ke jìì sɛ̀ɛ̀ wɔ̀ŋ nyiiŋ gèe wɛɛ̀ŋ wɔŋ doiŋ dìà màŋ jiio sùà, esaɓù wèè ke ɗɔɔ yii goiŋ wa nàwèè nàŋ foonò

1 Kɔliìŋ 1:8

E kìlà wò doiŋ nàŋ yɛ̀mɛ̀ diɛŋ wo nyɛ̀nɛ̀ŋ naŋ nyìngà sùà e jèèsùà naŋ hàì ko dìaì, e wèè e tɔ̀mɛ goiŋ nàŋ nɔ̀ŋ kè ɗɔ̀ɔ̀ è hnàŋ Kanaà Jisɛ̀ Kulaìɛ diɛŋ.

1Tɛsè 5:4

Kɛɛ nyɛ̀iŋ wùìyaim nyàŋ, niŋ fè kè nyìwìi sùà e kìlà ke ɗɔɔɛ̀ wo Jisɛ̀ do nàŋ hnè lɛ ɓɔ̀ è foonòiŋ màànààŋ wò anyuùŋ wùaà foonàŋ nyùùŋ nɛ.

2Tɛsè 2:2

ke jii ɓɔ̀ kè diiyèiŋ nɔŋ fɔ̀ɔ̀yɔ̀ è gòngoiŋ nɛ̀ sùà ɔ̀ɔ̀ naŋ kùwìè màŋ jii sùlia, wèè è wòoɛ̀ kɛ̀ ke ɗɔ̀ɔ̀ Kanaà kè haì. Ɗɔɔ bà è yaà wɔ̀i e gòngo sùà è naŋ tɛɛ̀ woò e teengaà è yààìŋ fèe sùà maŋ mìè nyààŋ wɛ̀ijì, ɔ̀ɔ̀ è yààìŋ wòò ke mìè Dayà, ɔ̀ɔ̀ kɛ̀ è naiŋ sìngè wɔŋ fɛi sùà.

2Pììlɛ 3:10

Kɛɛ ke ɗɔ̀ɔ̀ Kanaà do nàŋ hnè mààŋ e ɗeweɛ̀ wo nyuùŋ wùa hnàŋ lɛ. Ke ɗɔɔ bi diɛŋ maŋ àìjɛnɛ̀ŋ maŋ do nàŋ jɔɔnɔ̀ŋ e giimè gbee sùà kpeiŋ manɛ̀ŋ sìàŋ sìàŋ àìjɛnɛ̀ŋ maŋ do nàŋ hèwè maŋ pɔɔpɔ̀ɔ̀, e kìlà e nɛ̀ŋ gbiŋ naŋ nɔ̀ŋ e dììɛ diɛŋ e jɔɔnɔ̀ŋ.

Maŋ kèì nyɛɛnɛŋ 16:15

Jàaìŋ jii kɛ̀ wo Kanaà Jisɛ̀ Kulaì naŋ woò wààŋ, “Mìŋ do nàŋ hnè mààŋ wo nyuùŋ wùa! E zɔlɔ̀ do nàŋ nɔ̀ŋ wo nyùnɔ̀ɔŋ wo Dayà do nàŋ kpuumò wèè wo nɔ̀ŋ fɛɛ̀ wòwò wɔ, yèè wo yɛ̀mɛ̀ maŋ dèè kɔɔuŋ màŋ diɛŋ, wèè wo go nàŋ kààìŋ ke kpanja e kìlà e sàngè euŋ kùwà ko ɓài!”

Maŋ kèì nyɛɛnɛŋ 3:3

Kɛ̀ɛ̀nɛìŋ jii jàa wèè e nɛ̀ɛŋ àŋ naiŋ wa kaà yèè e nɛ̀ɛŋ nìŋ naŋ wa kòmò lɛ. Jɔ̀ɔ̀lɔìŋ niŋ dìì e kìlà niŋ fè maŋ tùwo naanààiŋ màŋ jɛwɛ. Sèè nìŋ go yèwà dìì naŋ nyɛ̀nɛ̀ŋ e hààweiŋ nɛ̀ e kɛ̀ɛ̀nɛ̀ŋ gààŋ, mìŋ do nàŋ hnè ko nɛ̀ɛ̀iŋ niìŋ ke ɗɔɔɛ̀ niŋ naàim nɔ̀ɔ̀ŋ yɛ̀ɛ̀mɛ̀ dòmaŋ, màànààŋ wo nyuùŋ wùa nyɛnɛŋ lɛ̀.