16 Nɔ̀ɔìŋ e zɔlɔ̀ sùà e teenga gbiŋ.
Sèè tii kaàiŋ, gèeìŋ zɔlɔ̀ yèè niŋ nɔ̀ŋ ke jii fàa sùà, esaɓù kɛ̀ wo Dayà doiŋ nàŋ kìɛ̀ŋ e jìwààjɛ̀wɛ̀ gbee ko àìjɛnɛ̀ŋ. E ɗèwè guùŋ lɛɛ̀ sùà nɔŋ anyùùŋ naŋ wa nìmìlà aŋ wɛ̀ijì nyaŋ yààìŋ wa tɛɛ nyàŋ e teenga gɔu sùà.
Ɓɔ̀ nìŋ gè zɔlɔ̀ wèè àŋ jinàŋ naanààŋ nyaŋ naiŋ jɔ̀ɔ̀lɔ̀ dìì lɛ. Kɛɛ geìŋ zɔlɔ̀ esaɓù kɛ̀ maŋ deèiŋ màŋ yaà sìnga miŋ ko àìjɛnɛ̀ŋ.”
Yèè anyùùŋ nyaŋ naŋ wòò wo Jisɛ̀ nyààŋ, “Dàa, kìɛ̀ŋ wi e nɛ̀ŋje lɛɛ̀ e teenga gbiŋ.”
Tɔ̀ ke jii tùlia mɔɛ̀ŋ ke nɔ̀ŋ e zɔlɔ̀ sùà, sèè mùŋ nɔ̀ŋ e keì nyìnga sùà, kɛ̀ɛ̀nɛɛ̀ŋ ke jii tɔumtɔ̀ùm yèè muŋ zoolò e teenga gbiŋ.
Jòòpɛɛ ke nyowo nyɛ̀nɛ̀ŋ wì, kɛɛ e teenga gbiŋ è yààìŋ e zɔlɔ̀ sùà. È yaà mààŋ è naiŋ kɛ̀ɛ̀ sìwè, kɛɛ è nyɛ̀nɛ̀ìŋ anyuùŋ zimgbe aŋ banè. È yaà guùŋ mààŋ e kuwàìŋ è nɛ̀ŋ gbiŋ, kɛɛ tɔɔɓaa è kùwàìŋ manɛ̀ŋ maŋ gbiŋ.
Nɔ̀iŋ e zɔlɔ̀ sùà e teenga gbiŋ nààŋ nìŋ yaà aŋ bàiŋbà wo Kanaà Jisɛ̀ sùà. Tɔ̀ miŋ woò niŋ ɓɛìŋ, nɔ̀iŋ e zɔlɔ̀ sùà.
