1Tɛsè 5:14 - WƆŊ FƐ̀Ì EBÒ SÌÀŊ DAYÀA

¹⁴ È yààìŋ pɔ̀wɔ sùà, wùìya wi nyàŋ, wèè naŋ fè anyuùŋ gànga wèè tòmo nyàŋ maŋ mìè gòo, niŋ sìà aŋ yè nyaŋ e jùù naŋ bìè nyɛ̀nɛŋ nyàŋ ke di, kpùùmaìŋ anyuùŋ nyaŋ manaŋ e kpùùmaŋ nyàŋ, kùwaìŋ jii wèè nyùùŋ gbiŋ.

1Tɛsè 5:14 ပူးပေါင်းရင်းမြစ်များ

Maafiù 12:20

Wo naàŋ nyìmè kè seìŋ fùngo, wo naàŋ nyìmè è laumpò kùwìè wɔ̀ŋ wikì kùwa bɔɔmììŋ. Wò do niŋ nàŋ jèè diɛŋ e jèèsùà e tɔ̀ɔ̀nyaàaŋ e jèè ko diɛìŋ,

Luù 22:32

Kɛɛ kà zoolò weèum Saimɔ̀ŋ, wèè kɛ̀ e hààwe mɔ̀ɛ̀ nyìngà sùà. Yèè sèè muŋ kɛɛ maŋjɛ̀wɛ ko nɛ̀ɛ̀ŋ miìŋ, kpùùmaŋ aŋ wùìya gbànaŋ nyàŋ.”

Nyɛ̀nɛ̀ŋ 20:27

Kàiŋ wòò e yèɛ gbiŋ wo Dayà manaŋ wèè naŋ nyìmàŋ lɛ.

Nyɛ̀nɛ̀ŋ 20:31

Yɛ̀mɛìŋ nyɛ̀iŋ bi diɛŋ! Jàaìŋ jii kɛ̀ mìŋ naiŋ wa gbòò kɔɔ maŋ gɔɛɛ yèè e dùùm, mìŋ naŋ kɔ̀ e keì nyìnga dìì, yèè mìŋ naiŋ kaà wèè maŋ dòà taai.

Nyɛ̀nɛ̀ŋ 20:35

Kàiŋ tɔ̀ɔ̀ maŋ keì nyɛ̀nɛŋ màŋ gbiŋ sùà kɛ̀ sèè nìŋ tomàŋ nyìnga e ɗewe lɛɛ̀ sùà, nìŋ do nàŋ kpùùmò wo yèɔ yaà e zɔ̀kpɔ̀ sùà wɔ. Jàaìŋ jii, maŋ mìè maŋ wo Kanaà Jisɛ̀ wuŋ bi naŋ wa woò maŋ wààŋ, ‘E zɔlɔ̀ zimgbe doum nàŋ nɔ̀ŋ sèè mùŋ kiɛ̀ŋ wo nyùùŋ, e nìàŋ sèè wo nyùùŋ woum kiɛ̀ŋ.’ ”

Luùm 12:1

Nyɛ̀iŋ nààŋ wùìyaim nyàŋ, wo Dayà naŋ wi tɔ̀ɔ̀ ke nyowo gbee e ɗewe kii zimgbe sùà. Weètii mìŋ yààìŋ pɔɔwɔ e tɔ̀ɔ̀nyaàŋ sùà, wèè naŋ kìɛ̀ŋ maŋ kpùnaiŋ màŋ ko nɛ̀ɛ̀uŋ niìŋ e sàà gè nɛɛmaŋ yèè wɔŋ nyiiŋ gèe sùà. Sìaìŋ ke di wèè niŋ tòmo weèuŋ e kìlà e fɔɔyɛ̀uŋ jii. Tɛɛ̀ nàŋ yaà e zòòlo kɛnɛɛ̀ wèè naŋ kiɛ̀ŋ.

Luùm 14:1

Jaà aŋ wùìyaum nyàŋ kùàŋ dìì, aŋ yè nyaŋ e hààwe nyiŋ nɛ̀ gò nyìngàà sùà nyaŋ, kɛɛ nyɛ̀iŋ nyiŋ ɓɔ̀ nìŋ kpaane kpàànè wèè è gòngo joo nyiŋ nɛ̀ àŋ kuwa lɛ̀.

1 Kɔliìŋ 4:14

Miŋ fè sìnga sùà wèè kaiŋ sìà sàngè, mìŋ manaŋ wèè kaiŋ kpuumàŋ nyɛ̀iŋ nààŋ jɔ̀àim nyàŋ màànààŋ anyuùŋ kòmaŋ kpuumàŋ aŋ jɔ̀à nyiiŋ bi nyàŋ lɛ.

1 Kɔliìŋ 8:7

Kɛɛ anyùùŋ nyaŋ gbiŋ nààŋ nyimààŋ è tɔɔɓaa lɛɛ̀. Aŋ dayà joo nyɛɛ̀ŋ àŋ naàŋ ɓɔlɛ̀ɛ̀ anyùùŋ nyaŋ bà nyiŋ è jèèsùà e teenga lɛɛ̀ pɛɛ sèè àŋ gbile e hòònɛ̀ŋ nɛ̀ŋje mààŋ tii, àŋ gongà nɔŋ kpɛ kɛ̀ è yaà e nɛ̀ŋjè dayà joo. E gòngo nyiŋ nɛ̀ naŋ yɔkpɔ̀, yèè è mɔɔnɛ̀ŋ nyiìŋ.

Gàla 5:22

Wo Jìnàŋ Nɛɛmaàŋ kiɛ̀ŋ wì e mànaŋ, e zɔlɔ̀, ke jii fàa, ke jii tɔumtɔ̀ùm, e keì sìàŋ, e tɛ̀ɛ̀tɛ̀ɛ̀, e hààwe,

Ɛfesɔ̀ 4:2

Dèèyeìŋ nyɛ̀iŋ bi e teenga gbiŋ sùà, niŋ kuwìè maŋ jii tɔumtɔ̀ùm, yèè niŋ nɔ̀ŋ anyuùŋ kùwìè e ɓɛ̀ɛ̀jàa. Tɔ̀ɔìŋ e mànaiŋ nɛ̀ ke jii siaŋ diɛŋ koɓɛ̀ aŋ wùìyaiŋ nyàŋ e hààweɛ̀ sùà.

Ɛfesɔ̀ 4:32

Kɛɛ nɔ̀ɔìŋ tɛ̀ɛ̀, yèè niŋ kuwìè maŋ jìì nyowo wèè aŋ dàwiiŋ nyàŋ niŋ juuyà anyùùŋ hakɛ̀ màànààŋ wo Dayà naiŋ jùùyè hakɛ̀ esàɓù Jisɛ̀ Kulaì sùà lɛ.

Kòlo 1:28

Weètii, è daanàìŋ ebò Jisɛ̀ Kulaìɛ koɓɛ̀ anyùùŋ nyaŋ gbiŋ. È toomàìŋ e jiikɛ̀ɛ wilɛ̀ gbiŋ wèè eiŋ kìɛ̀ŋ e gòo yèè eiŋ kàà anyùùŋ nyaŋ gbiŋ, e kìlà wèè e hìàŋ wo bà guùŋ gbiŋ ko fɛ̀ɛ̀fèìŋ Dayài, mààŋ wo nyuùŋ kàmaiŋ wo yèɔ yaà wo bàuŋbà wo Jisɛ̀ Kulaì sùà wɔ.

2Tɛsè 3:15

Kɛɛ ɓɔ̀ nìŋ kùwà nyiŋ è kùwà è joo, kìɛìŋ nyiŋ e gòo mààŋ aŋ wùìya.

1Time 3:3

Ɓɔ̀ wò nɔ̀ŋ nyuùŋ tìà mùàŋ ɔ̀ɔ̀ wò nyùùŋ ɗanga. Kɛɛ wo nɔ̀ŋ wo nyuùŋ kɛ̀ɛ̀nɛ̀ŋ tùwo siaŋ, yèè wo kuwiè ke jii siaŋ, ɓɔ̀ wò nɔ̀ŋ wò nyùùŋ wùànàŋ nɛɛnɛŋ.

1Time 6:11

Kɛɛ muàŋ, Timetè, mùŋ yaà wo nyùùŋ Dayà, weètii, kɛ̀ɛ̀ maŋ keì mɛɛ̀ŋ gbiŋ maŋjɛ̀wɛ. Fɛɛ̀ wèè muŋ nɔ̀ŋ wo nyùùŋ tɔ̀ɔ̀nyaàŋ, muŋ nɔ̀ŋ kèè Dayàa maŋjɛ̀wɛ, muŋ nɔ̀ŋ wo nyuùŋ hààwe, muŋ kuwiè e mànaŋ wèè nyùùŋ gbiŋ, muŋ kuwiè jii nyingè wèè keì nyìnga kà dìì, yèè muŋ nyɛ̀nɛ̀ŋ e keì sìàŋ koɓɛ̀ nyùùŋ gbiŋ.

2Time 4:2

wèè maŋ wòò ke miè gbìaàŋ. Jèèe nyiŋ woo sèè pɛɛ è naŋ nɔ̀ŋ e teenga kɛnɛɛ̀ ɔ̀ɔ̀ è go nɔ̀ŋ è teenga kɛnɛɛ̀ diɛŋ, wèè maŋ de anyùùŋ ke dòmàŋ diɛŋ, maŋ nyiŋ kìɛ̀ŋ mìè gòo, yèè maŋ nyiŋ kìɛ̀ŋ maŋ jii nyingè, nààŋ mùŋ kaà nyiìŋ maŋ jii tɔumtɔ̀ùm sùà lɛ.

Taitɔ̀ 1:10

Anyuùŋ gò jɔɔlɔ̀ zimgbe àŋ yaào aŋ kuwà è ɓɛ̀ɛ̀jàà wèè àŋ sìèfeìŋ, yèè àŋ zuwà anyùùŋ nyaŋ bà nyiŋ maŋ mìè gbòa foofòò sùà. Tɛɛ̀ yaà e tɔɔɓaa yèè è kaaìŋ, kai kai ngèè aŋ Juùù nyaŋ yè nyaŋ kaà kɛ̀, sɔɔ̀ anyùùŋ nyaŋ fè àŋ Juùù nyaŋ aŋ nɔ̀ŋ kpùà jàa nyiŋ pangàà àŋ nɔ̀ŋ anyuùŋ hààwe.

Taitɔ̀ 1:6

Wo màmàŋkùmɛŋ ɓɔ̀ wò kuwìè è tɔ̀mɛ, wo nɔ̀ŋ wo fèlàà jɔ̀ùŋ guùŋ kpò, yèè aŋ jɔ̀àuŋ nyàŋ aŋ nɔ̀ŋ anyuùŋ kùwìè hààwe, ɓɔ̀ àŋ nɔ̀ŋ ànyuùŋ kuwìè ebò waasu ɔ̀ɔ̀ ànyuùŋ gò jɔɔlɔ̀.

Hiɓu 12:12

Jòòwoìŋ maŋ kuàŋ yɔ̀kpɔiŋ màŋ fùùŋ e kìlà niŋ kɛɛnɛ̀ŋ jii nyingè, yèè niŋ nyɛ̀nɛ̀ŋ maŋ gɛ̀ɛ̀nìiŋ màŋ jele kpàkpà maŋ kɛɛnɛ̀ŋ gààŋ wèè niŋ kaaìŋ tɛ̀ɛ̀ ke dòmaŋ jìlɛŋ diɛŋ. Kàaìŋ ke dòmaŋ jìlɛŋ diɛŋ e teenga gbiŋ, wèè kɛ̀ maŋ gòlò anyuùŋ kpɔ̀ɔ̀kpɔɔ nyàŋ maŋ jòèyà, yèè maŋ go nàŋ nɔ̀ŋ naanààŋ maŋ yɛi nìàŋ.

Hiɓu 13:3

Jàaìŋ anyùùŋ Kanaà Jisɛ̀ nyaŋ jii aŋ yè nyaŋ yaà ko sààŋ nyìwì nyaŋ yèè niŋ kpuumàŋ nyiŋ, e teenè mààŋ maŋ kpùnàŋ nyɛ̀iŋ bi nàŋ yaà weè ko sààŋ nyìwì. Jàaìŋ anyùùŋ nyaŋ yaà kɔ̀ɔ̀yɛ̀ mɔ̀ɔ̀nɛŋ dìì nyaŋ jii yèè niŋ kpuumàŋ nyiŋ, e teenè mààŋ nyɛ̀iŋ bi nàŋ yaà weè kɔ̀ɔ̀yɛ̀ e mɔ̀ɔ̀nɛŋ dìì.