1Tɛsè 5:13 - WƆŊ FƐ̀Ì EBÒ SÌÀŊ DAYÀA

¹³ Fèeìŋ nyiŋ e ɓɛ̀ɛ̀jàa gbee yèè e mànaŋ sàɓù e tòmoɛ̀ àŋ yaà nyinie lɛ̀. Nyɛ̀iŋ bi ke jii fàa nɔ̀iŋ fèemàŋ.

1Tɛsè 5:13 ပူးပေါင်းရင်းမြစ်များ

Maafiù 10:40

“Wo nyùnɔ̀ɔŋ gbiŋ jààìŋ kùàŋ dìì wɔ, wo nyùùŋ bi wòim jàà kùàŋ dìì. Yèè wo nyùnɔ̀ɔŋ gbiŋ jààìm kùàŋ dìì wɔ, wo nyùùŋ bì wò jàà wo nyùnɔ̀ɔŋ naim tùɔ̀ŋ wɔ kùàŋ dìì.

Jɔ̀ɔŋ 15:17

Weètii, nyɛ̀nɛìŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, wèè kɛ̀ naŋ mànàŋ aŋ dàwiiŋ nyàŋ.”

2 Kɔliìŋ 13:11

E gbiŋ sùà, nyɛ̀iŋ nààŋ wùìyaim nyàŋ enììsìàiŋ. Nɔ̀ɔìŋ tɛ̀ɛ̀ yèè niŋ kuwìè e gòngo wèè maŋ keì maŋ mìŋ naiŋ woò maŋ. Fɛ̀ɛìŋ niŋ nɔ̀ŋ ɓɛ̀ guùŋ ke jii fàa sùà. Kɛ̀ wo Dayà kùwìè e mànaàŋ yaà ke jii fàa doiŋ nàŋ nɔ̀ŋ e kɔɔ.

Gàla 4:14

E sàaŋ mɛ̀ èiŋ wa wèè ɓɛ̀nɛ̀ŋ hìàŋ maŋ keì nyìnga bà diɛŋ, kɛɛ niŋ gòim wa wùàŋ ɔ̀ɔ̀ naim fè jɛwɛ esàɓù sàaàŋ e kɔɔ mɛ̀ sùà. Nìŋ naim wa jàà kùàŋ dìì e teenè mààŋ mìŋ yaà wo màìkà Dayàa bà guùŋ, ɔ̀ɔ̀ mààŋ wo Jisɛ̀ Kulaì wuŋ bi.

Gàla 5:22

Wo Jìnàŋ Nɛɛmaàŋ kiɛ̀ŋ wì e mànaŋ, e zɔlɔ̀, ke jii fàa, ke jii tɔumtɔ̀ùm, e keì sìàŋ, e tɛ̀ɛ̀tɛ̀ɛ̀, e hààwe,

Gàla 6:6

Sèè wo nyùùŋ gbiŋ naiŋ kàà ke mìè gbìàŋ Dayàa, kìɛìŋ e nɛ̀ŋ siaàŋ gbiŋ nìŋ kuwa lɛ̀ e bà, koɓɛ̀ wo nyùnɔ̀ɔ̀ŋ naiŋ kaà wɔ.

Ɛfesɔ̀ 4:3

Fɛ̀ɛìŋ, wèè wo Jìnàŋ Nɛɛmaàŋ gbìàŋ maŋ jiiiŋ màŋ koɓɛ̀ guùŋ. Nyɛ̀nɛìŋ tɛɛ̀ esàɓù ke jii fàaà naiŋ jàànè koɓɛ̀ guùŋ nɛ.

Kòlo 3:15

Ke jii fàaà wo Jisɛ̀ Kulaì kiɛ̀ŋ lɛ nàŋ yaà wèè keiŋ yɛ̀mɛ̀ diɛŋ e nyaàiŋ dè e ɗèweɛ̀ nìŋ nyɛnɛ̀ŋ lɛ̀. E wèè esàɓù ke jii fàa yɛɛ̀ wo Dayà naiŋ nyààŋ koɓɛ̀ guùŋ ke kpùnàŋ guùŋ sùà, weètii kɛ̀ɛ̀nɛìŋ ke sɛ̀ gèe koɓɛ̀ Dayài.

1Tɛsè 5:14

È yààìŋ pɔ̀wɔ sùà, wùìya wi nyàŋ, wèè naŋ fè anyuùŋ gànga wèè tòmo nyàŋ maŋ mìè gòo, niŋ sìà aŋ yè nyaŋ e jùù naŋ bìè nyɛ̀nɛŋ nyàŋ ke di, kpùùmaìŋ anyuùŋ nyaŋ manaŋ e kpùùmaŋ nyàŋ, kùwaìŋ jii wèè nyùùŋ gbiŋ.

2Tɛsè 3:16

Tɔ̀ wo Kanaà Jisɛ̀ wuŋ bi, wo yèɔ yaà ke dòmàŋ jii fàa wiɛ̀ wɔ wo kiɛ̀iŋ jii fàa dòmaŋ nyaaŋ ɗewe gbiŋ sùà, yèè e teenga gbiŋ sùà. Wo Kanaà nɔ̀ŋ nyɛ̀iŋ gbiŋ maŋjɛ̀wɛ.

2Time 2:22

Duàŋ maŋ keì maŋ tawà wo nyuùŋ bɔwɔɔ̀ ke jii sùà maŋ, fɛɛ̀ wèè e tɔ̀ɔ̀nyaàaŋ, e hààwe e mànaŋ, yèè ke jii fàa, nyɛiŋ nààŋ nyùùŋ nyaŋ kuwa maŋ jii sengèì nyaŋ niŋ dawè wo Kanaà Jisɛ̀ Kulaì wèè e kpùùmaŋ.

Hiɓu 12:14

Kàmeìŋ ɗewe niŋ nyiniàŋ maŋ nyiiŋ gèeiŋ màŋ ke jii fàa sùà anyùùŋ nyaŋ gbiŋ e fèemàŋ, yèè niŋ nyiniàŋ maŋ nyiiŋ gèeiŋ màŋ nɛɛmaŋ sùà, esaɓù kɛ̀ wo nyùùŋ gbiŋ naàŋ yɛ̀mɛ̀ wò Kanaà sèè wò go niŋ nyɛ̀nɛ̀ŋ.

Jìiiŋ 3:18

Yèè ke kuù kòmàaŋ anyuùŋ bànè keì sùà àŋ nyuɔŋ ke jii fàa sùà lɛ e komàŋ nyiŋ nɛ̀ nàŋ yaà e tɔ̀ɔ̀nyaàŋ.