1Tɛsè 4:9 - WƆŊ FƐ̀Ì EBÒ SÌÀŊ DAYÀA

⁹ Esaɓù bà fè wèè eiŋ sìngà wɔ̀ŋ fɛi, è nyaàiŋ dè è ɗeweɛ̀ nìŋ mɔnɔŋ àŋ dàwiiŋ nyàŋ lɛ, esaɓù kɛ̀ nyɛ̀iŋ bi wo Dayà wòiŋ kàà e ɗeweɛ̀ nìŋ kuwìà e mànaŋ wèè aŋ dàwiiŋ nyàŋ lɛ,

1Tɛsè 4:9 ပူးပေါင်းရင်းမြစ်များ

Maafiù 22:39

Ke sàwà kɛ̀ɛ̀nɛ̀ŋ zùlù dìà tìyèeɛ̀ kè yaà nɔŋ mààŋ ke jiɛ̀jiɛ̀ɛ, ‘Manàŋ anyuùŋ kpùuŋ dàwium nyàŋ màànààŋ mùŋ manaŋ muàŋ bi lɛ̀.’

Jɔ̀ɔŋ 14:26

Kɛɛ wo nyuùŋ kpùùmaàŋ, wo Jìnàŋ Nɛɛmaàŋ do nàŋ hnè wèè woiŋ kpuumàŋ, wo yèɔ wo Dèdaà do nàŋ tùɔ̀ŋ e deè mɛ̀ diɛŋ wɔ̀. Wo Jinàaŋ doiŋ nàŋ kàà maŋ keì maŋ gbiŋ, yèè wò doiŋ nàŋ nyɛ̀nɛ̀ŋ naŋ kɛ̀ɛ̀nɛ̀ŋ jii jàa e nyaàiŋ dè e yèɛ mìŋ naiŋ woò e teengaà mìŋ yaà wa ko nɛ̀ɛ̀iŋ niìŋ lɛ.

Nyɛ̀nɛ̀ŋ 4:32

Ke gbòò anyuùŋ hààwe nyàŋ naŋ wa tòòmò koɓɛ̀ guùŋ e mìèsùàguùŋ yèè ke jìì guùŋ sùà. Aŋ bà gbiŋ gò wa woò kɛ̀ nyiŋ bi nàŋ kanaŋ wa è yèɛ àŋ kuwa wa lɛ̀, kɛɛ àŋ gbiŋ naŋ wa gòònò e yèɛ gbiŋ àŋ kuwa wa lɛ̀ nyiŋ bi e fèemàŋ.

Luùm 12:10

Mànaìŋ aŋ dàwi tɛ̀ɛ̀ mààŋ aŋ wùìyà ke kpòò guùŋ. Yèè nɔ̀iŋ e wùànàŋ sùà wèè niŋ tɔɔ̀ e ɓɛ̀ɛ̀jàa koɓɛ̀ aŋ dàwiiŋ nyàŋ.

2 Kɔliìŋ 9:1

Esaɓù kɛnɛ ɓà gbiŋ fè wèè kaiŋ sìngà wɔ̀ŋ fɛi nyaàiŋ dè è tòmò kpùùmaàŋ nìŋ naŋ ɗewè wèè naŋ tùàŋ koɓɛ̀ anyùùŋ nɛɛmaŋ nyàŋ ko Jùdià lɛ.

Fèle 3:15

Yàwi nààŋ gbiŋ naiŋ kamàìŋ maŋ nyiiŋ gèe wi màŋ sùà nààŋ è yààìŋ anyuùŋ hààwe nyàŋ, kuwa eiŋ kɛ̀ɛ̀nɛ̀ŋ e gòngo mààŋ tɛɛ̀. Kɛɛ sèè nyɛ̀iŋ nààŋ bà guùŋ kɛɛnɛ̀ŋ e gòngo joo bà, wo Dayà do niŋ nàŋ nyɛ̀nɛ̀ŋ e nɔ̀ŋ janjai ko nɛ̀ɛ̀ŋ muìŋ.

1Tɛsè 5:1

Esaɓù bà gbiŋ fè wèè kaiŋ sìngà wɔ̀ŋ fɛi nyɛ̀iŋ nààŋ wùìyaim nyàŋ, wèè è teengaà ɔ̀ɔ̀ kè ɗɔɔɛ̀ màŋ keì mɛɛ̀ŋ do nàŋ kaaìŋ nɛ.

Hiɓu 10:16

“Wo Kanaà Dayà naŋ woò wààŋ, ‘Tɛɛ̀ nàŋ yaà e ɗààhìì e mìèsùàguùŋ nɛ mìŋ do nàŋ banè weè nyiŋ lɛ maŋ ɗɔɔ màŋ yaà hinie màŋ sùà. Mìŋ do nàŋ sìè maŋ sàwàim màŋ maŋ jii nyiŋ màŋ sùà yèè ka miŋ sìngà maŋ gòngo nyiŋ màŋ sùà.’ ”

Hiɓu 13:1

Kɛ̀ɛ̀nɛìŋ e mànaŋ wèè aŋ dàwi, màànààŋ anyùùŋ màŋjɛ̀wɛ̀ Kanaà Jisɛ̀ kuwa aŋ nyɛ̀nɛ̀ŋ lɛ.

1Pììlɛ 3:8

Ko diemeì nàŋ yaà, nyɛ̀iŋ nààŋ gbiŋ nɔ̀ɔìŋ mìèsùàguùŋ niŋ kuwìè ke jìì nyowo, yèè e mànaŋ wèè aŋ dàwiiŋ. Nyɛ̀nɛìŋ aŋ dàwiiŋ nyàŋ tɛ̀ɛ̀, yèè niŋ deeyè nyɛ̀iŋ bi koɓɛ̀ aŋ dàwiiŋ nyàŋ.

1Pììlɛ 4:8

Eɓìèmàŋjɛ̀wɛ̀ tii gbiŋ, kùwieìŋ e mànaŋ tiwìtiwì wèè aŋ dàwiiŋ nyàŋ e fèfoo, e mànaŋ ɓuwo maŋ jùumù zimgbe.

2Pììlɛ 1:7

yèè maŋ nyiiiŋ màŋ kìla koɓɛ̀ Dayà tòòyaìŋ niŋ e kpɛ̀ɛŋ wèè anyuùŋ hààwe dàwiiŋ nyàŋ, yèè e kpɛ̀ɛiŋ nɛ̀ wèè anyuùŋ hààwe dàwiiŋ nyàŋ tòòyaìŋ niŋ e mànaŋ.

1Jɔ̀ɔŋ 2:10

Sèè èiŋ mànàŋ aŋ wùìyà wi nyàŋ, kɛ̀ è yààìŋ e gbolòùŋ sùà, yèè e nɛ̀ŋ bà gbiŋ fè wì sùà wèè e nyɛ̀nɛ̀ŋ wò nyùùŋ do sɛ̀ɛ̀ màŋ jùumù sùà.

1Jɔ̀ɔŋ 3:11

Ke mìè gbìaàŋ kɛɛ̀ nìŋ nàŋ wa kòmò e yìwìà ko tɔ̀ɔ̀tù e ɗuunyaàŋ, kɛ̀ e mànàiŋ aŋ dàwi wi nyàŋ.

1Jɔ̀ɔŋ 3:23

E nɛ̀ɛŋ wo Dayà naŋ wi woò wèè eiŋ nyɛ̀nɛ̀ŋ lɛ nàŋ yaà, wèè eiŋ kɛ̀ɛ̀nɛ̀ŋ e hààwe e dèè wo Jɔ̀àfelaauŋ nɔɔ̀ŋ Jisɛ̀ Kulaì sùà, yèè e mànàŋ aŋ dàwi wi nyàŋ màànààŋ wo Kulaì naŋ wi woò wèè eiŋ nyɛ̀nɛ̀ŋ lɛ.

1Jɔ̀ɔŋ 4:21

Ke sàwàa wo Jisɛ̀ Kulaì naŋ wi wa fè yɛ nàŋ yaà, kɛ̀ sèè wo nyùnɔ̀ɔŋ gbiŋ mɔnɔŋ Dayà wɔ, sɔɔ̀ wo mànàŋ àŋ wùìyauŋ nyàŋ nyiŋ pɛɛ.