1Tɛsè 4:4 - WƆŊ FƐ̀Ì EBÒ SÌÀŊ DAYÀA

⁴ Nyɛ̀iŋ nyɛɛ̀ŋ bà gbiŋ nìŋ kuwa naŋ yɛ̀mɛ̀ ke kpùnaŋ mɔɛ̀ŋ diɛŋ e nɛɛmaŋ yaà e ɓɛ̀ɛ̀jàa sùà.

1Tɛsè 4:4 ပူးပေါင်းရင်းမြစ်များ

Nyɛ̀nɛ̀ŋ 9:15

Kɛɛ wo Kanaà naŋ wòò wo Ananaayà wààŋ, “Kɔ̀ào, esaɓù kɛ̀ kàuŋ tàeɗùù wèè wo koà ke mìè gbìàŋ Ebò Siaŋ mɛ̀ koɓɛ̀ anyùùŋ nyaŋ fè àŋ Juùù nyaŋ yaà aŋ kànà fuɔŋ nyàŋ e kpùlìà aŋ Juùù nyaŋ nyiŋ bi, aŋ jɔ̀à kòmàŋ Ezɔ̀ɛ̀ nyaŋ.

Luùm 1:24

Weètii wo Dayà naŋ dàngè anyùùŋ nyɛɛ̀ŋ wèè aŋ nyɛ̀nɛ̀ŋ e kèì wùmaŋ nyiŋ. Àŋ naŋ wa nyɛ̀nɛ̀ŋ e yèɛ àŋ manaŋ lɛ̀, yèè maŋ keì kùwà ninaŋ màŋ maŋ jii nyiŋ màŋ sùà toomàŋ maŋ kpùnaŋ nyiŋ màŋ wèè aŋ nyɛ̀nɛ̀ŋ maŋ kèì sàngè mààŋ e hmɔŋtu nyɛ̀nɛŋ.

Luùm 12:1

Nyɛ̀iŋ nààŋ wùìyaim nyàŋ, wo Dayà naŋ wi tɔ̀ɔ̀ ke nyowo gbee e ɗewe kii zimgbe sùà. Weètii mìŋ yààìŋ pɔɔwɔ e tɔ̀ɔ̀nyaàŋ sùà, wèè naŋ kìɛ̀ŋ maŋ kpùnaiŋ màŋ ko nɛ̀ɛ̀uŋ niìŋ e sàà gè nɛɛmaŋ yèè wɔŋ nyiiŋ gèe sùà. Sìaìŋ ke di wèè niŋ tòmo weèuŋ e kìlà e fɔɔyɛ̀uŋ jii. Tɛɛ̀ nàŋ yaà e zòòlo kɛnɛɛ̀ wèè naŋ kiɛ̀ŋ.

Luùm 6:19

Mìŋ toomàŋ maŋ mìè maŋ è gbòòìŋ ke ɗɔɔ gbiŋ maŋ nyiiŋ gèe wi màŋ sùà, esàɓù e zɔ̀kpɔ̀ɛ yaà e kɔɔiŋ nɛ̀ sùà e nyaàiŋ dè e yèɛ nìŋ naŋ nyìmè lɛ. E teenga guùŋ bà nìŋ naŋ wa kìlè nyɛ̀iŋ bi aŋ ɗo wèè naŋ nyɛ̀nɛ̀ŋ maŋ keì kùwà ninaŋ yaà maŋ keì naanààŋ maŋ kpùnaiŋ màŋ sùà, nààŋ maŋ gòngoiŋ màŋ naiŋ wa hiiyè wèè naŋ miŋ nyɛ̀nɛ̀ŋ lɛ. E ɗèwè guùŋ nɛɛ̀ sùà, nìŋ kuwa naŋ niŋ nyɛ̀nɛ̀ŋ e kpààŋ kɔɔiŋ wèè maŋ gòngoiŋ màŋ hiiyà maŋ kpùnaiŋ màŋ maŋ kìlà e tɔ̀ɔ̀nyaàŋ sùà, wèè kɛ̀ niŋ nɔ̀ŋ anyùùŋ nɛɛmaŋ koɓɛ̀ Dayài.

1 Kɔliìŋ 6:15

Nàŋ nyìmàŋ kɛ̀ maŋ kpùnaiŋ màŋ, màŋ yaà maŋ bà miŋ bà koɓɛ̀ ke kpùnàŋ Jisɛ̀ Kulaìɛ. Miŋ ɓemè ke kpùnàŋ Jisɛ̀ Kulaìɛ bà miŋ nyinìàŋ nyiŋ ke kpùnàŋ jɔùŋ nyɛ̀nɛ̀ŋ e hmɔ̀ŋtù ke dòmaŋ diɛɔ̀ŋ bà? Tɛɛ̀ fè hɛɛnɛ̀ŋ.

1 Kɔliìŋ 7:2

Kɛɛ wèè esàɓù e kèì nàànààŋ e hmɔŋtu nyɛ̀nɛɛ̀ŋ, wo felaa gbiŋ kuwìè wo jàwè e wùmauŋ, yèè wo jɔùŋ gbiŋ kuwìè wo fàìŋ nèè wùmauŋ.

1 Kɔliìŋ 7:9

Kɛɛ sèè niŋ gò ɓɛ̀nɛ̀ŋ kùwà kè jii, ɓèmeìŋ aŋ jɔùŋ niŋ ɓemè aŋ felaa. E yaà tɛ̀ɛ̀ wèè naŋ ɓèmè jɔùŋ yaà aŋ felaa wèè naŋ nɔ̀ŋ màŋ jii mɔ̀ɔ̀nɛŋ sùà.

2 Kɔliìŋ 4:7

E ɗewe gbiŋ sùà yàwi nyàŋ è kùwàìŋ e bàne lɛɛ̀ jinàaŋ sùà nyaŋ, è yààìŋ mààŋ maŋ golà kpoò kpàna, wèè e tɔɔ̀iŋ kɛ̀ e gaàŋ kɛnɛɛ̀ è yaà wèè Dayà e fè weè wi.

Fèle 4:8

Ko diemeì wèè e yèɛ mìŋ yaà hinie ka woò lɛ, nyɛ̀iŋ nààŋ wùìyaim nyàŋ, jàaìŋ maŋ jiiiŋ màŋ maŋ keì mɛɛ̀ŋ maŋjɛ̀wɛ, e nɛ̀ɛŋ yaà e tɔ̀ɔ̀nyaàŋ lɛ, e yèɛ yaà e nɛ̀ŋ tɛ̀nɛŋ lɛ̀, e yèɛ yaà sengei lɛ̀, e yèɛ yaà nɛɛmaŋ lɛ̀, e yèɛ yaà e nɛ̀ŋ siaŋ lɛ̀, e yèɛ yaà e ɓɛ̀ɛ̀jàa lɛ̀, yèè e nɛ̀ɛŋ gbiŋ siaŋ tɛ̀nɛŋ lɛ̀.

Hiɓu 13:4

Kìɛìŋ ke yɛɛ̀ nɔ̀ɔŋ e ɓɛ̀ɛ̀jàa. Wo jɔɔnɔ̀ɔŋ yaà wo faniŋ nɔɔ̀ŋ kuwa aŋ kɛ̀ɛ̀nɛ̀ŋ ke jii tùlia e fèemàŋ wèè ke yɛɛ̀ nyiŋ nɛɛ̀ŋ e teenga gbiŋ, esaɓù kɛ̀ wo Dayà do nàŋ kìɛ̀ŋ e nyìnga koɓɛ̀ anyùùŋ nyaŋ gbiŋ yaà nyìnìè hmɔŋtu àŋ gè màaŋ nyàŋ.

1Pììlɛ 3:7

Sèè mùŋ nɔ̀ŋ wo felaa kùwìè jɔùŋ, kùwiè e gòngo wèè jawè mɔɔ̀ŋ. Kùwiàuŋ e ɓɛ̀ɛ̀jàa, esaɓù màŋ nyìngà sùà màuŋ nìàŋ yèè wò yaà bàuŋbà wèè e tɛ̀ɛ̀tɛ̀ɛ̀ wɔŋ nyiiŋ gèeɔ̀ wo Dayà naiŋ kiɛ̀ŋ wɔŋ. Nyɛ̀nɛìŋ tɛɛ̀ wèè e nɛ̀ŋ gbiŋ go nàŋ kèèwè è zòòloiŋ nɛ̀ feìŋ.