1Tɛsè 4:3 - WƆŊ FƐ̀Ì EBÒ SÌÀŊ DAYÀA

³ Wo Dayà manaŋ wèè naŋ nɔ̀ŋ e nɛɛmaŋ sùà, e kìlà e kèì nàànààŋ hmɔŋtu nyɛ̀nɛŋ gbiŋ ɓɔ̀ è gbɛ̀ɛ̀iŋ kɔɔ.

1Tɛsè 4:3 ပူးပေါင်းရင်းမြစ်များ

Maafiù 12:50

Wo nyùnɔ̀ɔŋ gbiŋ nyɛnɛŋ e yèɛ wo Dèda miɔ̀ŋ ko àìjɛnɛ̀ŋ manaŋ wèè wo nyɛ̀nɛ̀ŋ lɛ, wuŋ nàŋ yaà wo wùìya miɔ̀ŋ, wo jaa miɔ̀ŋ, yèè wo yèye miɔ̀ŋ.”

Maafiù 15:19

E yìwìà ke jii mɔɛ̀ŋ sùà maŋ gòngo naanààŋ folo, maŋ yè maŋ nyɛ̀nɛ̀ùm maŋ nyɛ̀nɛ̀ŋ maŋ keì mààŋ, nyuùŋ jìwa, e gòngò hmɔŋtu, e kpùlìà maŋ yɛɛ̀ nyɛ̀nɛŋ gò kùwìè ɓɛ̀ɛ̀jàa, maŋ keì naanààŋ gɛ̀wɛɛ̀ zimgbe mààŋ, e wùa, e tòa, yèè e keì kàaɓì gbùwà nyùùŋ ɗì wèè e deèuŋ nɛ̀ e pɔɔ̀.

Maafiù 5:32

Kɛɛ tɔ̀ miŋ woòiŋ naàŋ kɛ̀, wo felaaà gbiŋ naŋ gè wo jawèuŋ nɔɔ̀ŋ ɓie wèè esàɓù e keì joo bà wɔ eɓìèmàŋjɛ̀wɛ̀ e hmɔŋtu nyɛ̀nɛŋ, kɛ̀ e keì douŋ nàŋ jeè esaɓù kɛ̀ wòuŋ nyɛ̀nɛ̀ŋ wò nyɛ̀nɛ̀ŋ hmɔŋtu sèè wò ɓemàŋ ɓɛìŋ wo felaa joo. E kìlà wo felaaà douŋ nàŋ ɓemè wɔ wuŋ pɛɛ wò nyɛ̀nɛ̀ŋ hmɔŋtu.

Maafiù 7:21

“Anyùùŋ nyaŋ gbiŋ nyààìm ‘Kanaà, Kanaà’ nyaŋ, nààŋ naàŋ kɔ̀ è Kànà àìjɛnɛ̀ɛŋ sùà, sɔɔ̀ nɔŋ aŋ yè nyaŋ do nàŋ nyɛ̀nɛ̀ŋ e yèɛ wo Dèda miɔ̀ŋ ko àìjɛnɛ̀ŋ manaŋ wèè aŋ nyɛ̀nɛ̀ŋ lɛ.

Jɔ̀ɔŋ 4:34

Wo Jisɛ̀ naŋ nyiŋ fasàì wààŋ, “E nɛ̀ŋje mɛ̀ nàŋ yaà wèè ka nyɛ̀nɛ̀ŋ e yèɛ wo Dayà naim tùɔ̀ŋ wèè ka nyɛ̀nɛ̀ŋ lɛ. Wuŋ naim tùɔ̀ŋ, yèè mìŋ kuwa ka kpɛ̀ɛ̀yɛ̀ e tòmoɛ̀ wò naim kiɛ̀ŋ wèè ka nyɛ̀nɛ̀ŋ lɛ.

Jɔ̀ɔŋ 7:17

Sèè wo nyùùŋ gbiŋ mɔnɔŋ wèè wo kaikpɔ nyɛ̀nɛ̀ŋ e yèɛ wo Dayà manaŋ wo nyɛ̀nɛ̀ŋ lɛ, wò do naŋ nyìmè sèè mààŋ e yèɛ mìŋ kaà lɛ è yewe wo Dayà sìwè ɔ̀ɔ̀ è yewe e gààŋ miàŋ biɔ̀ sùà.

Nyɛ̀nɛ̀ŋ 15:20

Kɛɛ sìngà wiìŋ nyiŋ wɔŋ fɛi e woò nyiŋ kɛ̀ ɓɔ̀ àŋ jè è nɛ̀ŋ gbiŋ e yèɛ fè zɛ̀nɛŋ niŋ lɛ̀ e fèfoo kɛ̀ àŋ naŋ niŋ gììyè saaà koɓɛ̀ wò dayà joo, e kìlà aŋ gbaaì e kèè e hmɔŋtu nyɛ̀nɛŋ, yèè ɓɔ̀ àŋ gbìlà wò yilìɔ naŋ fɔ̀ yèè wo gò wùàŋ màŋ sɛ̀ìŋ wɔ, yèè ɓɔ̀ àŋ gbìlà màŋ sɛ̀ìŋ.

Nyɛ̀nɛ̀ŋ 15:29

kɛ̀ ɓɔ̀ nìŋ jè mànɛ̀ŋ jè saaà gbiŋ è yèɛ àŋ naŋ gììyè saaà koɓɛ̀ àŋ dayà joo lɛ̀, yèè ɓɔ̀ nìŋ gbìlà màŋ sɛ̀ìŋ. Ɓɔ̀ nìŋ gbìlà wò yilìɔ naŋ fɔ̀ yèè wo gò wùàŋ màŋ sɛ̀ìŋ wɔ, e kìlà nìŋ kuwa naŋ gbààì e kèè e hmɔŋtu nyɛ̀nɛŋ. Sèè nìŋ kuwo maŋ sàwà mɛɛ̀ŋ, kɛ̀ nàŋ nyɛ̀nɛ̀ŋ tɛ̀ɛ̀. È naiŋ tùɔ̀ŋ e zùùmo siaŋ, enììsìàiŋ.”

Nyɛ̀nɛ̀ŋ 20:32

“Mìŋ yààìŋ naàŋ gbìàŋ sùà e gààŋ Dayàa dìì wèè woiŋ yɛ̀mɛ̀ diɛŋ. Jàaìŋ jii, ke mìè gbìàŋ Dayàa e nyaàiŋ dè ke kpèè siauŋ nɛɛ̀ŋ ko nɛ̀ɛ̀iŋ niìŋ. Nààŋ nìŋ yaà anyùùŋ Dayà lɛ, ke miè gbìaŋ yɛɛ̀ doiŋ nàŋ kpuumò keiŋ kìɛ̀ŋ e keì sìàaŋ e yèɛ wo Dayà kuwa weèiŋ lɛ̀, e kìɛ̀ŋ guùŋ nɛ nɔŋ wò kuwa wèè anyunùuŋ nyàŋ gbiŋ lɛ̀.

Nyɛ̀nɛ̀ŋ 26:18

Mìŋ manaŋ maŋ yìlè le fɛɛ̀ nyiŋ nɛ̀, wèè kɛ̀ aŋ yèwà ke nyìwìɛ sùà aŋ ka koɓɛ̀ e gbolòùŋ lɛ, e kìlà maŋ nyiŋ gè e gààŋ Sɛ̀tanàaŋ dìì aŋ kìlà anyùùŋ nɛɛmaŋ koɓɛ̀ Dayài. Kpeiŋ kɛ̀ maŋ jùumù nyiŋ màŋ nɔ̀ŋ hakɛ̀ jùùya miŋ, yèè sèè àŋ kɛɛnɛ̀ìm e hààwe sùà àŋ do nàŋ nɔ̀ŋ aŋ bà nyiŋ bà anyùùŋ nɛ̀ɛ̀màŋ Dayà nyaŋ tɛɛ.’ ”

Luùm 1:29

Àŋ naŋ dìè maŋ jùumù, maŋ kpèè naanààŋ, yèè àŋ yaà wùànàŋ manɛ̀ŋ maŋ gbiŋ, àŋ naŋ kɛ̀ɛ̀fɛ̀ɛ̀ maŋ dòmaŋ nyaaŋ màŋ gbiŋ. Àŋ naŋ dìè le kòò, àŋ yaà anyuùŋ jìwà nyùùŋ, àŋ sumiàŋ aŋ dàwi, àŋ nyɛnɛŋ kàaɓì, yèè àŋ kuwa maŋ jii naanààŋ. Àŋ fiafìà nyùùŋ,

Luùm 12:2

Ɓɔ̀ nìŋ nyimèè wèè naŋ nyɛ̀nɛ̀ŋ è nɛ̀ɛŋ anyuùŋ gò kɛ̀ɛ̀nɛ̀ŋ hààwe nyàŋ woàìŋ kɛ̀ è yaà tɛ̀ɛ̀ wèè naŋ nyɛ̀nɛ̀ŋ lɛ è ɗuunyaŋ lɛɛ̀ dìì, kɛɛ tɔ̀ wo Dayà vɔɔnɔ̀ŋ e ɗeweɛ̀ nìŋ gongà lɛ. Tɛɛ̀ do nàŋ nyɛ̀nɛ̀ŋ naŋ tùàŋ maŋ nɔnɔŋ wèè naŋ nyìmàŋ e ɗèwè keì sìàŋ nyɛ̀nɛŋ yaà e yèɛ do nàŋ fɔ̀ɔ̀yɛ̀ Dayà jii lɛ̀.

Luùm 6:22

Niŋ fè ɓɛìŋ è gààŋ màŋ jùumù dìì, nàŋ naàŋ kìlà aŋ ɗo koɓɛ̀ Dayài. E nàfaiŋ nɛ̀ nàŋ yaà wɔŋ nyììŋ gè nɛɛmaŋ ko nɛ̀ɛ̀uŋ niìŋ, yèè e jìwààjɛ̀wɛ̀ɛ nàŋ yaà wɔŋ nyiiŋ gèe gò jùà.

1 Kɔliìŋ 1:30

Kɛɛ wo Dayà wòiŋ nyɛ̀nɛ̀ŋ nàŋ nɔ̀ŋ aŋ bàiŋbà Jisɛ̀ Kulaì sùà, yèè wo Dayà naŋ nyɛ̀nɛ̀ŋ wo Jisɛ̀ Kulaì wèè wo nɔ̀ŋ e jiikɛ̀ɛ wilɛ̀. Wuŋ naŋ wi nyɛ̀nɛ̀ŋ è naiŋ nɔ̀ŋ tɔ̀ɔ̀nyaàŋ koɓɛ̀ Dayài, yèè è naiŋ nɔ̀ŋ anyùùŋ nɛ̀ɛ̀màŋ Dayà nyaŋ, yèè wò naŋ wi joeyè wèè foo.

1 Kɔliìŋ 7:2

Kɛɛ wèè esàɓù e kèì nàànààŋ e hmɔŋtu nyɛ̀nɛɛ̀ŋ, wo felaa gbiŋ kuwìè wo jàwè e wùmauŋ, yèè wo jɔùŋ gbiŋ kuwìè wo fàìŋ nèè wùmauŋ.

2 Kɔliìŋ 12:21

E jùù yààìm kɛ̀ sèè mìŋ hnàŋ ɓɛìŋ ko nɛ̀ɛ̀ŋ niìŋ wo Dayà miɔ̀ŋ doim nàŋ sìè sàngè ko fɛɛ̀fenìiŋ, mìŋ do nàŋ gòlò esaɓù kɛ̀ nyɛ̀iŋ nààŋ zimgbe nyiŋ kòò nìŋ kìlè wèè naŋ fè màŋ jùumù gɔugɔ̀ù maŋ nìŋ naŋ wa nyɛ̀ɛ̀nɛ̀ŋ maŋ kùàŋ sùà. Kòò nìŋ yaà nɔŋ nyìnìè maŋ hmɔŋtu naanààŋ, maŋ keì kùwà ninaŋ, yèè maŋ kèì sàngè.

Gàla 5:19

E yèɛ maŋ kèìŋ nyuùŋkpùuŋ màŋ nyɛnɛŋ lɛ̀ è yaà janjai. Màŋ dè wo nyùùŋ ke dòmàŋ hmɔŋtu, maŋ gòngo naanààŋ, yèè maŋ kpèè sàngè maŋjɛ̀wɛ,

Ɛfesɔ̀ 5:17

Sèè è nɔ̀ŋ yɛi, kɛ̀ ɓɔ̀ nìŋ nɔ̀ŋ ànyuùŋ gò kɛ̀ɛ̀nɛ̀ŋ jiikɛ̀ɛ, kɛɛ fɛ̀ɛìŋ niŋ nyìmàŋ kɛ̀ kiìŋ wo Kanaà manaŋ wèè naŋ nyɛ̀nɛ̀ŋ.

Ɛfesɔ̀ 6:6

Nyɛ̀nɛìŋ tɛɛ̀ e teenga gbiŋ sùà wèè e fɔɔyɛ̀ nyiŋ jii, ɓɔ̀ è nɔ̀ŋ nɔŋ sèè àŋ nɔ̀ìŋ yɛɛmɛ. Nìŋ yaà aŋ ɗò Jisɛ̀ Kulaì, e wèètii, e nɛ̀ɛŋ gbiŋ wo Dayà manaŋ wèè naŋ nyɛ̀nɛ̀ŋ lɛ, nyìniaìŋ niŋ ke jiiiŋ nɛɛ̀ŋ gbiŋ.

Kòlo 1:9

E wèè esaɓù lɛɛ̀, è zoolà e weèiŋ e teenga gbiŋ e yìwìà ke ɗɔɔ jiɛ̀jiɛ̀ɛ è naiŋ wa kòmò e kèè hààweiŋ nɛ̀ lɛ. È zoolàìŋ wèè wo Dayà woiŋ tɔ̀ɔ̀ e nɛ̀ɛŋ gbiŋ wò manaŋ naŋ nyɛ̀nɛ̀ŋ lɛ, yèè woiŋ kìɛ̀ŋ e jiikɛ̀ɛ e kìlà woiŋ nyɛ̀nɛ̀ŋ naŋ nyìmàŋ e yèɛ wo Jinàuŋ nɔɔ̀ŋ kiɛ̀ŋ lɛ,

Kòlo 3:5

Nìŋ kuwa naŋ jìwà maŋ kpèè ɗuunyaŋ màŋ, maŋ yè maŋ yaà toomo maŋ kpùnaiŋ màŋ sùà, maŋ nyɛ̀nɛŋ mààŋ maŋ yɛ̀ɛ̀ hmɔŋtu naanààŋ yaà maŋ gòngo naanààŋ. Wo nyùnɔ̀ɔŋ naŋ nyɛ̀nɛ̀ŋ e wànàŋ e nɛ̀ŋ keekèè wɔ, è yaà nɔŋ mààŋ maŋ goò zòòlo.

Kòlo 4:12

Wo Ɛpafilè wo wùìyà nyɛ̀iŋ biɔ̀ bà ke gboòiŋ nɛɛ̀ŋ sùà, wo yèɔ yaà wo ɓɔìjɔ̀à wèè wo Jisɛ̀ Kulaì wɔ, naiŋ tùɔ̀ŋ zùùmo wuŋ pɛɛ. Wò zoolà sɛmɛ e teenga gbiŋ e weèiŋ, wò yaà dààwè Dayà wèè naŋ kùwà e hààweiŋ nɛ̀ kpaŋ, mààŋ anyuùŋ kàmaiŋ e kìlà àŋ naŋ kaikpɔ nyimèè ke gbòò anyuùŋ hààwe nyàŋ sùà, e ɓɛ̀ɛ̀jàa gbee sùà koɓɛ̀ e yèɛ wo Dayà manaŋ lɛ̀.

1Tɛsè 4:2

Nàŋ nyìmàŋ manɛ̀ŋ nyɛ̀nɛŋ màŋ è naiŋ fè wèè naŋ nyɛ̀nɛ̀ŋ e yìwìà e gààŋ Kanaà Jisɛ̀ɛ sùà lɛ.

1Tɛsè 4:4

Nyɛ̀iŋ nyɛɛ̀ŋ bà gbiŋ nìŋ kuwa naŋ yɛ̀mɛ̀ ke kpùnaŋ mɔɛ̀ŋ diɛŋ e nɛɛmaŋ yaà e ɓɛ̀ɛ̀jàa sùà.

1Tɛsè 5:18

Gèeìŋ Dayà sɛ̀ e keì gbiŋ sùà. Tii nàŋ yaà e nɛ̀ɛŋ wò mànàìŋ sìwè wɔŋ nyiiŋ gèeiŋ nɔɔ̀ŋ sùà nààŋ nìŋ yaà aŋ bàiŋbà wo Jisɛ̀ Kulaìɛ sùà lɛ.

1Tɛsè 5:23

Tɔ̀ wo Dayàa naŋ wi fè jii fàa wɔ̀ wo nyɛ̀nɛ̀iŋ niŋ nɔ̀ŋ e nɛɛmaŋ sùà dòmaŋ nyaaŋ gbiŋ, yèè wo haà saɓù e tɔ̀mɛ gbiŋ ɓɔ̀ è nɔ̀ŋ è kpùnuiŋ nɛ̀, wò jinàiŋ nɔɔ̀ŋ, yaà kè kpùnaiŋ nɛɛ̀ŋ è teengaà wò Kana wiɔ̀ Jisɛ̀ Kulaì hnàŋ wa nàwèè lɛ.

2Tɛsè 2:13

È kuwa eiŋ gè wo Dayà ke sɛ̀ e teenga gbiŋ e weèiŋ, nyɛ̀iŋ nààŋ wùìya wi nyàŋ, nyɛ̀iŋ nyàŋ wo Kanaà Jisɛ̀ manaŋ nyàŋ. Wo Dayà naiŋ tàeɗùù e yìwìà ko tɔɔtuì wèè naŋ nɔ̀ŋ anyuùŋ jiɛ̀jiɛ̀ naŋ yɛ̀mɛ̀ e jòèye e yìwìà e gààŋ Jinàaŋ Nɛɛmaàŋ sùà wèè woiŋ mììnè anyùùŋ nɛɛmauŋ nyàŋ e gààŋ Jinàaŋ sùà, yèè wèè e hààweiŋ nɛ̀ e tɔ̀ɔ̀nyaàaŋ sùà.

Taitɔ̀ 2:14

Wò naŋ fè wuŋ bi wèè yàwi, yèè wo naŋ wi bilɛ̀ŋ e yìwìà maŋ keì naanààŋ gbiŋ sùà, e kìlà wò naŋ wi nyɛ̀nɛ̀ŋ eiŋ nɔ̀ŋ anyuùŋ zɛ̀nɛŋ, aŋ yè nyaŋ wuŋ guùŋ kpò kanaŋ yèè àŋ naŋ haamìŋ wèè e keì sìàŋ nyɛ̀nɛŋ nyàŋ.

Hiɓu 10:36

Nìŋ kuwa nàŋ kɛ̀ɛ̀nɛ̀ŋ maŋ jii tɔumtɔ̀ùm, wèè kɛ̀ niŋ nyɛ̀nɛ̀ŋ e yèɛ wo Dayà manaŋ lɛ̀, yèè nìŋ do nàŋ yɛ̀mɛ̀ e nɛ̀ɛŋ wò naŋ jɔ̀ɔ̀ ɗààhiì wèè woiŋ kiɛ̀ŋ lɛ.

Hiɓu 12:16

Wo nyùùŋ gbiŋ ɓɔ̀ wò gbìàŋ kùàŋ è kèè hmɔŋtu nyɛ̀nɛŋ sùà, ɔ̀ɔ̀ wo gbòà màŋ mìè ɓɛ̀ɛ̀pɔ̀ɔ kòɓɛ̀ Dayài, màànààŋ wo Isɔ̀ naŋ wa nyɛ̀nɛ̀ŋ lɛ, wo yèɔ naŋ wa mààŋ e tɔ̀ɔ̀nyààŋ ke ɗɔ̀ɔ̀ kòmauŋ nɛɛ̀ŋ wèè wɔŋ jakulo, jòòpɛɛ wuŋ nàŋ yaà wa wo jɔ̀àfelaa jiɛ̀jiɛ̀ɔ.

Hiɓu 13:4

Kìɛìŋ ke yɛɛ̀ nɔ̀ɔŋ e ɓɛ̀ɛ̀jàa. Wo jɔɔnɔ̀ɔŋ yaà wo faniŋ nɔɔ̀ŋ kuwa aŋ kɛ̀ɛ̀nɛ̀ŋ ke jii tùlia e fèemàŋ wèè ke yɛɛ̀ nyiŋ nɛɛ̀ŋ e teenga gbiŋ, esaɓù kɛ̀ wo Dayà do nàŋ kìɛ̀ŋ e nyìnga koɓɛ̀ anyùùŋ nyaŋ gbiŋ yaà nyìnìè hmɔŋtu àŋ gè màaŋ nyàŋ.

1Pììlɛ 1:2

Wo Dayà Dèda wiɔ̀ wa ɗewè gɔu wèè woiŋ tàeɗùù naŋ nɔ̀ŋ anyunùuŋ, yèè wo Jinàuŋ nɔɔ̀ŋ wòiŋ nyɛ̀nɛ̀ŋ naŋ nɔ̀ŋ anyùùŋ nɛɛmaŋ, wèè naŋ jɔ̀ɔ̀lɔ̀ wo Jisɛ̀ Kulaì dìì, yèè maŋ sɛnìuŋ màŋ nyɛ̀nɛ̀ŋ nàŋ zɛ̀nɛ̀ŋ. Tɔ̀ wo Dayà kiɛ̀iŋ e tɛ̀ɛ̀tɛ̀ɛ̀ yaà ke jii fàa dìa sùà.

1Pììlɛ 4:2

Weètii, wɔŋ nyiiŋ gèe gbànaiŋ nɔɔ̀ŋ maŋ kèìŋ maŋ sùà, fè ɓɛìŋ è gòngò nyuùŋkpùuŋ dìi. Wɔ̀ŋ yaà naàŋ e gààŋ Dayàa dìì.

1Jɔ̀ɔŋ 2:17

E ɗuunyaàŋ yèè e yèɛ gbiŋ yaà niìŋ sùà anyuùŋ kpùuŋ manaŋ lɛ̀ è yaà màaŋ sùà, kɛɛ wo nyùnɔ̀ɔŋ naŋ nyɛ̀nɛ̀ŋ e yèɛ wo Dayà manaŋ lɛ̀ wò do wa nàwèè naŋ nɔ̀ŋ wɔŋ nyiiŋ gèeɔ̀ sùà wèè julɔfɔ.

Maŋ kèì nyɛɛnɛŋ 21:8

Kɛɛ tɔ̀ miŋ woòiŋ e nɛ̀ɛŋ dò nàŋ kààìŋ koɓɛ̀ anyùùŋ nyaŋ kuwà jii tùlia nyàŋ, anyuùŋ gò kɛ̀ɛ̀nɛ̀ŋ tɔ̀ɔ̀nyaàŋ nyaŋ, anyuùŋ kùwìè maŋ jii naanààŋ nyaŋ, ɔ̀ɔ̀ nyuùŋ jìwà nyùùŋ nyaŋ, anyuùŋ nyɛ̀nɛ̀ŋ yɛɛ̀ hmɔŋtu naanààŋ nyaŋ, anyuùŋ fɔ̀ɔ̀wɔ̀ kɔìɗòlò nyaŋ, anyuùŋ zòòlò maŋ gòò nyaŋ, yaà anyuùŋ tòa nyàŋ, mìŋ do nyiŋ nàŋ gbìɛ̀ŋ e hmɔ̀ɔ̀ŋ kàànè sɔfɔ̀ sùà. Tɛɛ̀ nàŋ yaà e fàa dìà tìyèeɛ̀.”

Maŋ kèì nyɛɛnɛŋ 22:15

E jawa gbeeɛ̀ ɓula, kuŋ aŋ sùùŋ, anyuùŋ fɔ̀ɔ̀wɔ̀ kɔìɗòlò, anyuùŋ nyɛ̀nɛ̀ŋ maŋ yɛ̀ɛ̀ hmɔŋtu naanààŋ yaà anyuùŋ jìwà nyùùŋ, anyuùŋ zòòlò maŋ gòò yaà anyùùŋ nyaŋ tɔɔ maŋ mìè gbòa yaà maŋ keì nyɛ̀nɛ̀ŋ nyiŋ màŋ sùà nyaŋ àŋ yaà.