1Tɛsè 4:17 - WƆŊ FƐ̀Ì EBÒ SÌÀŊ DAYÀA

¹⁷ pangàà kɛ̀ yàwi nyàŋ kùwàìŋ nyiiŋ gèeɔ̀ e teenga lii sùà nyaŋ, èiŋ gbònògbònò koɓɛ̀ guùŋ ke nyili fuaà sùà wèè eiŋ mɛ̀ɛ̀ŋ wo Kanaà Jisɛ̀ ko fùùiŋ. Kpeiŋ kɛ̀ è doiŋ wa nàwèè naàŋ nàŋ nɔ̀ŋ koɓɛ̀ Kanaà Jisɛ̀i wèè julɔfɔ.

1Tɛsè 4:17 ပူးပေါင်းရင်းမြစ်များ

Maafiù 26:64

Wo Jisɛ̀ naŋ nyiŋ fasàì wààŋ, “Yɛi nìŋ naŋ woò. Kɛɛ tɔ̀ miŋ woòiŋ e tɔɔɓaaà, yèè nyɛ̀iŋ nààŋ gbiŋ nìŋ do nàŋ yɛ̀mɛ̀ miàim wo Jɔ̀àfèlàà Nyuùŋ Kpùnɔɔ̀ŋ mìŋ jaa wɔŋ kùàŋ jìkà wo Dayà Gaàŋ Gbeeɔ̀ yèè mìŋ yaà hìnìè wɔŋ ɗùkpù ke nyiliɛ̀ diɛŋ!”

Jɔ̀ɔŋ 12:26

Sèè nyɛ̀iŋ nààŋ bà gbiŋ nìŋ mɔnɔŋ wèè naŋ tomo weèim, kɛ̀ sɔɔ̀ naŋ dè ke kpèè siaŋ miɛ̀ŋ maŋjɛ̀wɛ. Kpeiŋ sèè mìŋ fà, koɓɛ̀i mìŋ do nàŋ nɔ̀ŋ lɛ, kuuŋ nɔŋ wo ɓɔìjɔ̀à miɔ̀ŋ wò do nàŋ nɔ̀ŋ. Wo Dèda miɔ̀ŋ do nàŋ dɛ̀ɛ̀kɛ̀ wo nyùnɔ̀ɔŋ gbiŋ tomàŋ weèim wɔ̀.”

Jɔ̀ɔŋ 14:3

Yèè sèè mìŋ kɔ̀à mìŋ kpɛɛyɛ̀o bàne, mìŋ do nàŋ hnè wèè kaiŋ noo koà, wèè kɛ̀ yàwi nààŋ gbiŋ eiŋ nɔ̀ŋ koɓɛ̀ guùŋ.

Jɔ̀ɔŋ 17:24

“Dèda, mìŋ zoolà wèè anyùùŋ nyaŋ gbiŋ mùŋ naim kiɛ̀ŋ nyaŋ aŋ nɔ̀ŋ koɓɛ̀i mìŋ do nàŋ nɔ̀ŋ lɛ. Kpeiŋ kɛ̀ àŋ do nàŋ yɛ̀mɛ̀ e dɛ̀ɛ̀kɛɛ̀ mùŋ naim kiɛ̀ŋ lɛ, esaɓù kɛ̀ mùŋ naim wa mɔ̀nɔ̀ŋ paŋgàà e ɗuunyaàŋ naŋ wa nɔ̀ŋ bàne niŋ.

Nyɛ̀nɛ̀ŋ 1:9

Nààŋ wò naŋ wa tɛɛ̀ kpɛ̀ɛ̀yɛ̀ wòo, wo Dayà nauŋ jòòwò ko àìjɛnɛ̀ŋ nààŋ àŋ yàuŋ wa yɛɛmɛ, yèè ke nyiliɛ̀ nauŋ nyɛɛnɛ̀ŋ aŋ gòuŋ wa ɓɛìŋ yɛmɛ̀.

Nyɛ̀nɛ̀ŋ 8:39

E teengaà àŋ naŋ fòlò e wùìyèɛ sùà lɛ, wo Jìnàŋ wo Kanaà Dayà naŋ nyɛ̀nɛ̀ŋ wo Felè wo jɔɔnɔ̀ŋ ko fɛɛ̀feìŋ. Wo nyuùŋ gbeeɔ̀ gòuŋ wa ɓɛìŋ yɛmɛ̀ gbiŋ, kɛɛ wuŋ noo kenàaŋ naŋ kɔ̀ɔ̀ e zɔlɔ̀ e jouŋ nɛ̀ sùà.

2 Kɔliìŋ 5:8

È naiŋ dìè maŋ jii nyingè e jèèsùà e weè pɛɛ mànàŋ wèè eiŋ jòà maŋ gboo wi màŋ ke kpùnaàŋ sùà wèè eiŋ kà ko gbooì koɓɛ̀i wo Kanaà yaà lɛ.

Fèle 1:23

Mìŋ sia maŋ dòmàŋ gbààmàŋ tìyèe. Mìŋ manaŋ wèè ka jòà e ɗuunyaŋ lɛɛ̀ wèè ka nɔ̀ŋ koɓɛ̀ Jisɛ̀ Kulaìi, e yèɛ do nàŋ nɔ̀ŋ tɛ̀ɛ̀ e nìàŋ wèè ka nɔ̀ŋ wɔŋ nyiiŋ gèeɔ̀ sùà.

1Tɛsè 3:13

E ɗewe mààŋ tɛɛ̀ sùà, tɔɔɓaa wò do nàŋ sìè maŋ jiiiŋ màŋ gààŋ, e tɔ̀mɛ naìŋ nɔ̀ŋ yèè nìŋ do nàŋ nɔ̀ŋ anyuùŋ nɛɛmaŋ ko fɛ̀ɛ̀fèìŋ Dayà wiɔ̀ wo Dèdaà e teengaà wo Kana wiɔ̀ Jisɛ̀ yaà anyùùŋ nɛɛmaŋ nyàn gbiŋ wò kanaŋ nyàŋ àŋ hnàŋ.

1Tɛsè 4:15

E nɛ̀ɛŋ è yààìŋ naàŋ kàa sùà lɛ, e kàa le e yìwìà Kanaà sìwè, yàwi nyàŋ doiŋ nàŋ nɔ̀ŋ wɔŋ nyiiŋ gèeɔ̀ sùà wo Kanaà Jisɛ̀ wa nàwèè hnàŋ nyaŋ, e naìŋ kɔ̀ feìŋ wèè eiŋ jòà ànyuùŋ fàa gɔu nyàŋ jɛ̀wɛ̀.

1Tɛsè 4:18

Tòòmoìŋ maŋ mìè gbòa mɛɛ̀ŋ e fèemàŋ niŋ sìà nyɛ̀iŋ bi ke di.

1Tɛsè 5:10

wo yèɔ naŋ fɔ̀ weè wi e wèè wuŋ yèè yàwi nààŋ gbiŋ eiŋ nɔ̀ŋ koɓɛ̀ guùŋ eiŋ pɛɛ nɔ̀ŋ nyiiŋ gèeɔ̀ sùà, ɔ̀ɔ̀ eiŋ fà e teengaà wò hnàŋ wa nàwèè lɛ.

2Pììlɛ 3:13

Kɛɛ è fòlòìŋ e nɛ̀ɛŋ wo Dayà naŋ wi sɔ̀ dèè lɛ, maŋ àìjɛnɛ̀ŋ jɛ̀ì yèè e diì jɛ̀ì, e yèɛ e tɔ̀ɔ̀nyaàŋ do nàŋ nɔ̀ŋ diɛŋ lɛ̀.

Maŋ kèì nyɛɛnɛŋ 1:7

Yɛ̀mɛìŋ, wo Jisɛ̀ yaà hinie ke nyili fuaà diɛŋ! Anyùùŋ nyaŋ gbiŋ douŋ nàŋ yɛmɛ̀, e kpùlìà anyùùŋ nyaŋ nauŋ jùwò e ɓula nyàŋ. Maŋ ziì maŋ gbiŋ e ɗuunyaàŋ do nàŋ nɔ̀ŋ ke nyowo sùà weèuŋ. Tɔɔɓaa yɛi è do nàŋ nɔ̀ŋ!

Maŋ kèì nyɛɛnɛŋ 11:12

Nààŋ tii naŋ kaaìŋ, aŋ wɛ̀ìjì tìyèe nyàŋ naŋ kòmò ke miè nyààne gbee, e yìwìà ko àìjɛnɛ̀ŋ kè naŋ nyiŋ woò wààŋ, “Jòwaìŋ kià!” Nààŋ aŋ joo nyiŋ nyàŋ yaà nyiìŋ wa yɛɛmɛ, àŋ naŋ jòwò ko àìjɛnɛ̀ŋ ke nyili fuaà sùà.

Maŋ kèì nyɛɛnɛŋ 12:5

Wo nìeɔ̀ naŋ wa kòmò wo jɔ̀àfelaa, wo yèɔ do nàŋ kìlìè e kànà wɔŋ kùàŋ gaàŋ gbee anyùùŋ nyaŋ gbiŋ diɛŋ maŋ fuɔŋ màŋ sùà wɔ. Kɛɛ wo màikà naŋ wa zòkpò wo jɔ̀àa yèè wò nauŋ kɔ̀ɔ̀ koɓɛ̀ Dayài, yèè wò nauŋ hèè ke kpùà kanauŋ nɛɛ̀ŋ diɛŋ.