1Tɛsè 4:11 - WƆŊ FƐ̀Ì EBÒ SÌÀŊ DAYÀA

¹¹ Nyɛ̀nɛìŋ niŋ e kpàŋ è kɔɔiŋ e gbɔ̀ɔɔ ɓɔ̀ è nɔ̀ŋ maŋ nyiiŋ gèiŋ màŋ sùà, kùwieìŋ e gòngò e kèì nyɛ̀iŋ bi lɛ̀, yèè niŋ kamè e nɛ̀ŋjè nyaàiŋ nɛ̀, màànààŋ nɔŋ è naiŋ wa woò lɛ.

1Tɛsè 4:11 ပူးပေါင်းရင်းမြစ်များ

Nyɛ̀nɛ̀ŋ 18:3

Wo Àkuilà yaà wa wo nyuùŋ nyɛ̀lɛ̀ maŋ vààyà, yèè wo Pɔɔ̀ naŋ nɔ̀ŋ ko nɛ̀ɛ̀ŋ nyiŋ niìŋ, yèè yaà nyiŋ naŋ tòòmò koɓɛ̀ guùŋ.

Nyɛ̀nɛ̀ŋ 20:35

Kàiŋ tɔ̀ɔ̀ maŋ keì nyɛ̀nɛŋ màŋ gbiŋ sùà kɛ̀ sèè nìŋ tomàŋ nyìnga e ɗewe lɛɛ̀ sùà, nìŋ do nàŋ kpùùmò wo yèɔ yaà e zɔ̀kpɔ̀ sùà wɔ. Jàaìŋ jii, maŋ mìè maŋ wo Kanaà Jisɛ̀ wuŋ bi naŋ wa woò maŋ wààŋ, ‘E zɔlɔ̀ zimgbe doum nàŋ nɔ̀ŋ sèè mùŋ kiɛ̀ŋ wo nyùùŋ, e nìàŋ sèè wo nyùùŋ woum kiɛ̀ŋ.’ ”

Luùm 12:11

Ɓɔ̀ mùŋ nɔ̀ŋ wò nyuùŋ jɛ̀kɛ, kɛɛ tòmò tɛ̀ɛ̀. Zòòloò sɛmɛ e wùànàŋ gbee sùà e teenga gbiŋ wèè wo Jìnàŋ Nɛɛmaàŋ nɔ̀um maŋjɛ̀wɛ, e kìlà muŋ nɔ̀ŋ wo ɗo wèè wo Kanaà Dayà.

Luùm 15:20

E ɗèwe mɛ̀ nàŋ yaà e teenga gbiŋ, wèè ka wòò Ebò Siaàŋ koɓɛ̀i yèi anyùùŋ kòò àŋ kòmò wa è kèè Jisɛ̀ Kulaì lɛ. Mìŋ yaà mààŋ wo nyuùŋ nyɛ̀lɛ, wo yèɔ manàŋ wèè wo nyɛ̀lɛ̀ è sààŋ mìì nyùùŋ bà diɛŋ.

1 Kɔliìŋ 4:12

è yɔkpɔ̀ìŋ yàwi bi wèè e tòmo nyìnga. Sèè àŋ gboà wì, e nyiŋ gbìàŋ zòòlo maŋjɛ̀wɛ. Sèè àŋ fè wì e ngàìnɓu, e niŋ kà dìì.

2 Kɔliìŋ 5:9

Eɓìèmàŋjɛ̀wɛ̀ nɛ̀ŋ maŋ gbiŋ, è manaŋ wèè eiŋ nyɛ̀nɛ̀ŋ ke jiiuŋ nɛɛ̀ŋ ke fà lɛ. E pɛɛ nɔ̀ŋ maŋ gboo wi màŋ sùà ɔ̀ɔ̀ ko gbooì wò yaà lɛ.

Ɛfesɔ̀ 4:28

Sèè mùŋ nɔ̀ŋ wo nyuùŋ wùa, gè kùàŋ e kèè wùa sùà, muŋ tomo nyìnga wèè muŋ kàmè e nɛ̀ŋ wèè muàŋ bi e ɓɛ̀ɛ̀jàa sùà, e kìlà muŋ ɓɛnɛ̀ŋ wèè maŋ nyɛ̀nɛ̀ŋ e keì sìàŋ, koɓɛ̀ anyùùŋ nyaŋ kuwà è nɛ̀ŋ bà nyaŋ.

1Time 2:2

Zòòloìŋ wèè aŋ kana nyàŋ, yèè aŋ yè nyaŋ yaà e gààŋ sùà nyaŋ aŋ nɔ̀ŋ dìì tɔ̀ùŋ, yèè aŋ kuwiè maŋ jii fàa maŋ nyiiŋ gèe nyiŋ màŋ sùà, nààŋ è zoolàìŋ wo Dayà e tɔ̀ɔ̀nyaàaŋ sùà lɛ.

1Time 5:13

Àŋ gbeà e ɗèwè teenga nyiŋ nɛ̀ pɔ̀ɔ nààŋ àŋ kilià maŋ saaŋ dìì, kɛɛ e yèɛ naŋ tii nìè lɛ nàŋ yaà, àŋ gbeà ɗèwe anyuùŋ fìèfie yèè àŋ yaà anyuùŋ sìà woya anyùùŋ fèemàŋ, e kìlà àŋ yaà wòò maŋ keì maŋ fè màŋ keì wòo nyiŋ màŋ.

Taitɔ̀ 3:14

Anyuùŋ wi nyàŋ kuwa wèè aŋ gbèè e ɗèwè e teenga nyiŋ nɛ̀ gbìàŋ maŋ tòmo kɛnɛ sùà. E wèè maŋ nyiiŋ nyiŋ màŋ nɔ̀ŋ e kpùùmaŋ koɓɛ̀ aŋ nyuùŋ joo bà kɛ̀ àŋ tòòmò maŋ nyiiŋ nyiŋ màŋ tɛ̀ɛ̀.

1Pììlɛ 3:4

E siàum mɔ̀ɛ̀ e nɔ̀ŋ ke jii mɔɛ̀ŋ diɛŋ esaɓù kɛ̀ mùŋ siaŋ tùwo yèè mùŋ kuwa wo jinàŋ sìàŋ sìàŋ tùwo yèè wò naŋ tɔumtɔ̀ùm. E sìàŋ mààŋ tɛɛ̀ è yaà wèè julɔfɔ, yèè wo Dayà jàà niìŋ kùàŋ dìì.

1Pììlɛ 4:15

Sèè nìŋ nɔ̀ŋ kɔ̀ɔ̀yɛ̀ keì nyìnga dìì, ɓɔ̀ è nɔ̀ŋ èsàɓù nyuùŋ jìwa sùà ɔ̀ɔ̀ è wùa ɔ̀ɔ̀ è kààkàà gbài ɔ̀ɔ̀ è woya sùà.