1Tɛsè 3:12 - WƆŊ FƐ̀Ì EBÒ SÌÀŊ DAYÀA

¹² Tɔ̀ wo Kanaà nyɛ̀nɛ̀ŋ e mànaàŋ e fèemàiŋ nɛ̀ yèè e wèè anyùùŋ nyaŋ gbiŋ e dɛɛ̀ sùà, e nɔ̀ŋ màànààŋ e mànaàŋ maŋ jii wi màŋ sùà weèiŋ è naŋ dɛɛ̀ lɛ.

1Tɛsè 3:12 ပူးပေါင်းရင်းမြစ်များ

Maafiù 22:39

Ke sàwà kɛ̀ɛ̀nɛ̀ŋ zùlù dìà tìyèeɛ̀ kè yaà nɔŋ mààŋ ke jiɛ̀jiɛ̀ɛ, ‘Manàŋ anyuùŋ kpùuŋ dàwium nyàŋ màànààŋ mùŋ manaŋ muàŋ bi lɛ̀.’

Maafiù 7:12

“Tùwoìŋ tɛ̀ɛ̀ koɓɛ̀ anyuùŋ kpùuŋ dàwiiŋ nyàŋ màànààŋ nìŋ manaŋ wèè aiŋ tuwò lɛ. Tɛɛ̀ nàŋ yaà e fàsàì maŋ Sàwà Dayà maŋ yaà e yèɛ aŋ wɛ̀ijì nyaŋ naŋ wa kaà lɛ.

Luù 17:5

Aŋ keela nyàŋ naŋ wòò wo Kanaà nyààŋ, “Nyɛnɛ̀ŋ e hààwe wilɛ̀ e nyìngàà sùà.”

Luùm 13:8

Ɓɔ̀ mùŋ nɔ̀ŋ è kpàŋ dìì wèè è nɛ̀ŋ bà gbiŋ kòɓɛ̀ wò nyùùŋ, kɛɛ nɔ̀ŋ e kpàŋ dìì wèè muŋ mànàŋ aŋ dàwiim nyàŋ. Wo nyùnɔ̀ɔŋ gbiŋ nyɛnɛŋ tɛɛ̀ wɔ, wò jɔ̀ɔ̀lɔ̀ ke Sàwà Dayà dìì.

2 Kɔliìŋ 9:10

Wo Dayàa wo yèɔ goonàŋ manɛ̀ŋ koei màŋ koɓɛ̀ anyuùŋ nyùaŋ miŋ nyàŋ yèè e nɛ̀ŋje wèè aŋ jè wɔ, wò do ɓɛìŋ nɔŋ nàŋ tòòyè manɛ̀ŋ koei màŋ nìŋ kuwa màŋ, e kìlà wo miŋ nyɛ̀nɛ̀ŋ maŋ wùìyà yèè maŋ kòmàŋ zimgbe e nɛ̀ŋ kìɛiŋ nɛ̀ e dɛ̀ɛ̀ sùà wèè naŋ kìɛ̀ŋ anyuùŋ gò kɛ̀ɛ̀nɛ̀ŋ nɛ̀ŋ nyaŋ.

Gàla 5:22

Wo Jìnàŋ Nɛɛmaàŋ kiɛ̀ŋ wì e mànaŋ, e zɔlɔ̀, ke jii fàa, ke jii tɔumtɔ̀ùm, e keì sìàŋ, e tɛ̀ɛ̀tɛ̀ɛ̀, e hààwe,

Gàla 5:6

Sèè è naiŋ wèè nɔ̀ŋ anyùùŋ guùŋ wo Jisɛ̀ Kulaì sùà, e tɛɛ gòòno bà gbiŋ fè weè ɓɛ̀nɛ̀ŋ nɔ̀ŋ e fèèmàŋ anyuùŋ jàà kpùa, yaà anyuùŋ gò jàà kpùa nyàŋ. Kɛɛ e kɛnɛɛ̀ tɛɛ̀ gbiŋ sùà, e hààwe tòòmò sùà nàŋ nyɛnɛŋ wèè naŋ mànaŋ anyùùŋ joo.

Fèle 1:9

Mìŋ zoolà wèè e mànaiŋ nɛ̀ e dɛɛ̀ sùà zimgbe, e nyɛ̀nɛ̀ŋ niŋ kɛɛnɛ̀ŋ jiikɛ̀ɛ e kìlà niŋ nyìmàŋ e keì fèemàŋ,

1Tɛsè 2:8

Esàɓù e mànaàŋ è kuwa weèiŋ nɛ̀ nyɛ̀iŋ nààŋ wùìya mànaŋ wi nyàŋ, wèètii è naŋ wa banebànè wèè e nyɛ̀nɛ̀ŋ naŋ nyìmàŋ e kèì Ebò Siaàŋ è yewe Dayà sìwè lɛ, sèè weè pɛɛ maŋ nyiiŋ wi màŋ maiŋ jèè maŋjɛ̀wɛ. È kuwa e mànaŋ zimgbe weèiŋ.

1Tɛsè 4:1

Nyɛiŋ nààŋ wùìya wi nyàŋ, ko jèè e ɗìi nàŋ yaà kɛ̀ nàŋ wi naàŋ gbèè ko sìwè nàŋ nyìmàŋ kɛ̀ diè nìŋ nɔ̀ŋ wɔŋ nyiiŋ gèeɔ̀ sùà wèè naŋ nyɛ̀nɛ̀ŋ wo Dayà ke jiiuŋ nɛɛ̀ŋ ke fà. Wɔŋ nyiiŋ gèe wiiŋ nɔŋ zà nìŋ yaà sùà. Kɛɛ è yààìŋ pɔ̀wɔ sùà yèè è dawàìŋ e dèè Kanaà Jisɛ̀ɛ diɛŋ wèè naŋ jɔɔlɔ̀ e tii nìàŋ.

1Tɛsè 5:15

Ɓɔ̀ nìŋ yɛmɛ̀ wò nyùùŋ gbiŋ wèè wo gììyà è kpàŋ keì naanààŋ wò dawiuŋ nɔɔ̀ŋ, kɛɛ e teenga gbiŋ sùà e gòngoiŋ nɛ̀ nɔ̀ŋ wèè naŋ nyìnìàŋ keì sìàŋ e fèemàŋ, yèè naŋ niŋ nyɛ̀nɛ̀ŋ koɓɛ̀ nyùùŋ gbiŋ.

2Tɛsè 1:3

Nyɛ̀iŋ nààŋ wùìya wi nyàŋ, è kuwa eiŋ gè wo Dayà ke sɛ̀ e teenga gbiŋ e weèiŋ. È yaà tɔ̀ɔ̀nyaàŋ wèè eiŋ tɛɛ̀ nyɛ̀nɛ̀ŋ, e fèfoo kɛ̀ e hààweiŋ nɛ̀ è yaà dɛ̀ɛ sùà zimgbe, yèè e mànaàŋ nìŋ kuwa wèè aŋ dàwiiŋ nɛ̀, è yaà gàaŋ sùà gbee.

Jìiiŋ 1:17

Manɛ̀ŋ siaŋ màŋ gbiŋ è kùwàìŋ maŋ, wo Dayà nàŋ kiɛ̀ŋ wì miìŋ. Wo Dayàa yèɔ naŋ bànè manɛ̀ŋ maŋ kiɛ̀ŋ e gbolòùŋ lɛ e yìwìà ke nyiliɛ̀, wuŋ nàŋ kiɛ̀ŋ wì manɛ̀ŋ siaŋ. Wo Dayà fè vɔɔnɔ̀ŋ, yèè wo fè wi jùùyà kè nyìwì sùà.

2Pììlɛ 1:7

yèè maŋ nyiiiŋ màŋ kìla koɓɛ̀ Dayà tòòyaìŋ niŋ e kpɛ̀ɛŋ wèè anyuùŋ hààwe dàwiiŋ nyàŋ, yèè e kpɛ̀ɛiŋ nɛ̀ wèè anyuùŋ hààwe dàwiiŋ nyàŋ tòòyaìŋ niŋ e mànaŋ.

2Pììlɛ 3:18

Kɛɛ kùnoìŋ nɔŋ dɛ̀ɛ e tɛ̀ɛ̀tɛ̀ɛ̀ sùà yaà e jììkɛ̀ɛ̀ Kanaà, yèè wo Nyuùŋ Jòèyeɔ̀ Jisɛ̀ Kulaì sùà. E jòòwo nɔ̀ŋ ko nɛ̀ɛ̀uŋ niìŋ nàaŋ yèè julɔfɔ. Àmiinàŋ.