1Tɛsè 3:11 - WƆŊ FƐ̀Ì EBÒ SÌÀŊ DAYÀA

¹¹ Tɔ̀ wo Dayà wiɔ̀ wo Dèdaà wuŋ bi yèè wo Kana wiɔ̀ Jisɛ̀ banè ke dòmaàŋ wèè eiŋ hnàŋ ko nɛ̀ɛ̀iŋ niìŋ.

1Tɛsè 3:11 ပူးပေါင်းရင်းမြစ်များ

Maafiù 6:14

“Sèè nìŋ juuyà aŋ dàwiiŋ nyàŋ hakɛ̀ wèè e keì naanààaŋ àŋ naiŋ jàà lɛ, wo Dèdaiŋ nɔɔ̀ŋ ko àìjɛnɛ̀ŋ wuŋ pɛɛ doiŋ nàŋ jùùyè hakɛ̀.

Maafiù 6:18

wèè kɛ̀ anyuùŋ joo bà go nàŋ nyìmè kɛ̀ mùŋ yaà kè tɔùŋ. Wo Dèda mɔɔ̀ŋ naŋ nyìmè e nɛ̀ɛŋ mùŋ naŋ nyɛ̀nɛ̀ŋ ke gbùnuo sùà lɛ, wò doum nàŋ kìɛ̀ŋ e jìwààjɛ̀wɛ̀ siaŋ.

Maafiù 6:26

Yɛ̀mɛìŋ aŋ wòì nyaŋ ke nyiliɛ̀! Aŋ fè nyùàŋ lè kuù kòmàŋ. Aŋ fè kpàà màŋ nɛ̀ŋjè ɓù wèè aŋ miŋ gbìàŋ màŋ kɛiŋ. Yɛi nɔŋ è yaà wo Dèdaiŋ nɔɔ̀ŋ ko àìjɛnɛ̀ŋ gɔɔyɛ̀ nyìŋ. Niŋ gò gongò kɛ̀ nìŋ kuwa sɛmɛmaŋ e nìàŋ àŋ wòì nyaŋ?

Maafiù 6:32

Anyùùŋ nyaŋ nɔŋ gongà maŋ keì mɛɛ̀ŋ e teenga gbiŋ nyàŋ nàŋ yaà anyùùŋ nyaŋ fè àŋ Juùù nyaŋ. Wo Dèdaiŋ nɔɔ̀ŋ ko àìjɛnɛ̀ŋ nyìmàŋ kɛ̀ nìŋ naŋ kpɛɛ̀ŋ wèè manɛ̀ŋ mɛɛ̀ŋ gbiŋ.

Maafiù 6:4

Kpeiŋ kɛ̀ e nɛ̀ŋ kìɛŋ mɔ̀ɛ̀ e nɔ̀ŋ ke gbùnuo sùà. Yèè wo Dèda mɔɔ̀ŋ yɛmɛ̀ e nɛ̀ŋ nyɛ̀nɛŋ ke gbùnuo sùà wɔ, wò doum nàŋ kìɛ̀ŋ e jìwààjɛ̀wɛ̀ siaŋ.

Maafiù 6:6

Kɛɛ sèè mùŋ woà mààŋ muŋ zoolò, jɔ̀à ko saaŋ zɔ̀nù moo muŋ yìlà wɔŋ gbemgbeeɔ̀. Zòòloò koɓɛ̀ wo Dèda mɔɔ̀ŋ ke gbùnuo sùà. Yèè wo Dèda mɔɔ̀ŋ naŋ nyìmè e nɛ̀ɛŋ mùŋ naŋ nyɛ̀nɛ̀ŋ ke gbùnuo sùà lɛ, wò doum nàŋ kìɛ̀ŋ e jìwààjɛ̀wɛ̀ siaŋ.

Luù 12:30

Anyùùŋ nyaŋ nɔŋ gongà maŋ keì mɛɛ̀ŋ e teenga gbiŋ nyàŋ nàŋ yaà anyùùŋ nyaŋ fè àŋ Juùù nyaŋ e ɗuunyaŋ lɛɛ̀. Wo Dèdaiŋ nɔɔ̀ŋ ko àìjɛnɛ̀ŋ nyìmàŋ kɛ̀ nìŋ naŋ kpɛɛ̀ŋ wèè mànɛ̀ŋ mɛɛ̀ŋ.

Luù 12:32

“E jùù ɓɔ̀ è nyɛ̀nɛ̀iŋ, nyɛ̀iŋ nààŋ nyùùŋ nyaŋ yaà mààŋ aŋ ɓaawaa nyàŋ. Wo Dèdaiŋ nɔɔ̀ŋ ko àìjɛnɛ̀ŋ manaŋ woiŋ kìɛ̀ŋ e Kanaà.

Jɔ̀ɔŋ 20:17

Yèè wo Jisɛ̀ nauŋ woò wààŋ, “Ɓɔ̀ mùŋ kpùlàim! Kòò mìŋ kɔ̀ weè kòɓɛ̀ wò Dèda miɔ̀ŋ. Kɛɛ kɔ̀à muŋ woò anyùùŋ màŋjɛ̀wɛ̀im nyàŋ kɛ̀ mìŋ yaà kɔ̀ɔ̀yɛ̀ koɓɛ̀ wo yèɔ yaà wo Dèda miɔ̀ŋ yèè wo Dèda nyiŋ nɔɔ̀ŋ wɔ. Yèè wo yèɔ yaà wo Dayà miɔ̀ŋ yèè wo Dayà nyiŋ nɔɔ̀ŋ wɔ.”

Luùm 1:3

Ebò Siaŋ lɛɛ̀ e nyaàiŋ naŋ dè wo nyùnɔ̀ɔŋ è naiŋ nyìmè kɛ̀ wuŋ nàŋ yaà wo Jɔ̀àfèlàà Dayàa wɔ̀, wuŋ nàŋ yaà wo Kana wiɔ̀ Jisɛ̀ Kulaì. E nɔ̀uŋ nɛ̀ wo nyuùŋkpùuŋ, àŋ nauŋ wa kùmìè ke kpòò Dèèweɛ̀ sùà.

2 Kɔliìŋ 6:18

Mìŋ do nàŋ nɔ̀ŋ wo dèda ko nɛ̀ɛ̀ŋ niìŋ, yèè nìŋ do nàŋ nɔ̀ŋ aŋ jɔ̀àfelaa yaà aŋ jɔ̀àjɔùŋ wèè miàŋ. Wo Kànà Dàyà gaàŋ gbeeɔ̀ naŋ tɛɛ̀ woò.”

Gàla 1:4

Wo Jisɛ̀ Kulaì naŋ wa jɔ̀ɔ̀lɔ̀ wo Dèda wiɔ̀ wo Dayà dìì, yèè wò naŋ kiɛ̀ŋ wuŋ bi wèè wo nɔ̀ŋ e nɛ̀ŋ saàà wèè maŋ jùumù wi màŋ, wèè wo joeyè wi e yìwìà e ɗuunyaŋ naanààŋ lɛɛ̀ sùà.

Kòlo 1:2

nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ hààwè nɛɛmaŋ nyàŋ ko Kòlosìà, aŋ yè nyaŋ yaà aŋ bà nyiŋ bà wo Jisɛ̀ Kulaì sùà nyaŋ. Tɔ̀ wo Dayà wo Dèda wiɔ̀ wo kiɛ̀iŋ e tɛ̀ɛ̀tɛ̀ɛ̀ yèè ke jii fàa.

1Tɛsè 3:13

E ɗewe mààŋ tɛɛ̀ sùà, tɔɔɓaa wò do nàŋ sìè maŋ jiiiŋ màŋ gààŋ, e tɔ̀mɛ naìŋ nɔ̀ŋ yèè nìŋ do nàŋ nɔ̀ŋ anyuùŋ nɛɛmaŋ ko fɛ̀ɛ̀fèìŋ Dayà wiɔ̀ wo Dèdaà e teengaà wo Kana wiɔ̀ Jisɛ̀ yaà anyùùŋ nɛɛmaŋ nyàn gbiŋ wò kanaŋ nyàŋ àŋ hnàŋ.

1Tɛsè 4:16

Ke miè kpàaŋ tɔ̀ɔ̀ ke nyɛ̀nɛŋ nàŋ do nàŋ fòlò, yaà ke mìè wo sìèfèìŋ aŋ màikàa, yèè e gììmè e pòtànàŋ Dayàa, kɛ̀ wo Kanaà Jisɛ̀ wuŋ bi do nàŋ dèyè e yìwìà ko àìjɛnɛ̀ŋ. Anyuùŋ hààwè Jisɛ̀ Kulaì nyaŋ naŋ wa fɔ̀ nyaŋ nyiŋ jiɛ̀ nàŋ yewe e dìì,

1Tɛsè 5:23

Tɔ̀ wo Dayàa naŋ wi fè jii fàa wɔ̀ wo nyɛ̀nɛ̀iŋ niŋ nɔ̀ŋ e nɛɛmaŋ sùà dòmaŋ nyaaŋ gbiŋ, yèè wo haà saɓù e tɔ̀mɛ gbiŋ ɓɔ̀ è nɔ̀ŋ è kpùnuiŋ nɛ̀, wò jinàiŋ nɔɔ̀ŋ, yaà kè kpùnaiŋ nɛɛ̀ŋ è teengaà wò Kana wiɔ̀ Jisɛ̀ Kulaì hnàŋ wa nàwèè lɛ.

2Tɛsè 2:16

Tɔ̀ wo Kana wiɔ̀ Jisɛ̀ Kulaì wuŋ bi yèè wo Dayà wo Dèdaà, wo yèɔ mànàŋ wì e kìlà wò kiɛ̀ŋ wì keì sìàŋ yèè e yìwìà e tɛ̀ɛ̀tɛ̀ɛ̀uŋ nɛ̀ sùà wò kiɛ̀ŋ wi ke jìì nyìngè nyiiŋ gèe gò jùà, yèè ke jii tùlia nyìngà sùà wɔ,

2Tɛsè 3:16

Tɔ̀ wo Kanaà Jisɛ̀ wuŋ bi, wo yèɔ yaà ke dòmàŋ jii fàa wiɛ̀ wɔ wo kiɛ̀iŋ jii fàa dòmaŋ nyaaŋ ɗewe gbiŋ sùà, yèè e teenga gbiŋ sùà. Wo Kanaà nɔ̀ŋ nyɛ̀iŋ gbiŋ maŋjɛ̀wɛ.

2Tɛsè 3:5

Tɔ̀ wo Kanaà dèiŋ ke dòmaŋ diɛŋ wèè niŋ kuwìè e mànaŋ mààŋ Dayà yèè ke jii kùwaà wo Jisɛ̀ Kulaì kiɛ̀ŋ lɛ.

1Jɔ̀ɔŋ 3:1

Yɛ̀mɛìŋ e ɗeweɛ̀ wo Dèdaà naŋ wi mɔ̀nɔ̀ŋ lɛ. E mànaàŋ wò kuwa e weè wi lɛ è naŋ dɛɛ̀, weètii àŋ naŋ wi nyààŋ aŋ jɔ̀à Dayà, yèè ngèè è yààìŋ aŋ jɔ̀à Dayà. Tɛɛ̀ naŋ nyɛ̀nɛ̀ŋ e ɗuunyaàŋ nyimààŋ wì, e fèfoo e ɗuunyaàŋ nyimààŋ wò Dayà.

Maŋ kèì nyɛɛnɛŋ 21:3

Mìŋ naŋ kòmò ke mìè kpàaŋ e yìwìà koɓɛ̀ ke kpùà kanaà kè naŋ woò wààŋ, “Ke vààyà Dayàa do nàŋ nɔ̀ŋ koɓɛ̀ anyunùuŋ nyàŋ! Wò do nàŋ nɔ̀ŋ ko nɛ̀ɛ̀ŋ nyiŋ niìŋ, yèè àŋ do nàŋ nɔ̀ŋ anyunùuŋ nyàŋ. Wo Dayà wuŋ bi do nyiŋ nàŋ nɔ̀ŋ e tɛɛ, yèè wuŋ nàŋ do nàŋ nɔ̀ŋ wo Dayà nyiŋ nɔɔ̀ŋ.