1Tɛsè 2:8 - WƆŊ FƐ̀Ì EBÒ SÌÀŊ DAYÀA

⁸ Esàɓù e mànaàŋ è kuwa weèiŋ nɛ̀ nyɛ̀iŋ nààŋ wùìya mànaŋ wi nyàŋ, wèètii è naŋ wa banebànè wèè e nyɛ̀nɛ̀ŋ naŋ nyìmàŋ e kèì Ebò Siaàŋ è yewe Dayà sìwè lɛ, sèè weè pɛɛ maŋ nyiiŋ wi màŋ maiŋ jèè maŋjɛ̀wɛ. È kuwa e mànaŋ zimgbe weèiŋ.

1Tɛsè 2:8 ပူးပေါင်းရင်းမြစ်များ

Luù 7:2

Wo kààlòòɗùà anyùùŋ Luùm nyaŋ bà koɓɛ̀ bi kuwa wa wo ɓɔìjɔ̀à wo yèɔ wò manaŋ wa zimgbe wɔ̀. Kɛɛ wo felaaà yaà wa siinyɛŋ ebɛ̀ŋ fàa.

Luùm 1:1

E yìwìà miàim Pɔɔ̀ sìwè, wo ɓɔìjɔ̀à wèè wo Jisɛ̀ Kulaì, nàŋ yaà sìngìè wɔŋ fɛi wɛɛ̀ŋ. Wo Dayà naim wa tàeɗùù wèè ka nɔ̀ŋ wo keela, e kìlà wò naim nyààŋ wèè ka wòò Ebò Siaàŋ.

Luùm 10:1

Wùìyaim nyàŋ, e mànaŋ gbee mɛ̀ ke jii miɛ̀ŋ sùà yèè e zòòlo mɛ̀ nàŋ yaà wèè wo Dayà jòèyè anyunùim nyàŋ ko Ezɔ̀ɛ̀.

Luùm 15:29

Sèè mìŋ haì ko nɛ̀ɛ̀iŋ niìŋ ko Luùm, kà nyìmàŋ mìŋ doiŋ nàŋ hìɛ̀ŋ e kpùùmaàŋ gbiŋ e yìwìà Kulaì sìwè.

2 Kɔliìŋ 12:15

Ke jii doim nàŋ fɔ̀ wèè ka mààŋ e nɛ̀ɛŋ gbiŋ mìŋ kuwa lɛ̀ e hàwè miàŋ bi diɛŋ, wèè maŋ nyiiiŋ màŋ. Sèè mìŋ kuwìà e mànaŋ zimgbe weèiŋ, nìŋ do nàŋ kùwìè e mànaŋ jɔa weèim?

2 Kɔliìŋ 6:1

E tòmò koɓɛ̀ guùŋ wilɛ̀ sùà yàwi nààŋ Dayà, è yààìŋ dàwe sùà nyɛiŋ nyàŋ nìŋ naŋ yɛ̀mɛ̀ e kèì sìàŋ Dayàa nyàŋ, ɓɔ̀ nìŋ dangè niŋ è doò pɔɔ̀ wèè foo.

Gàla 4:19

Jɔ̀àim nyàŋ, kaiŋ ɓɛìŋ woò kɛ̀, mìŋ yaà e gòngo nyìnga sùà e weèiŋ màànààŋ nɔŋ wo jɔùŋ nɔ̀ŋ yɛi e suà hɛ̀ɛ kòmaŋ sùà le, e jèèsùà naŋ dè ke kpèè sìàŋ Jisɛ̀ Kulaìɛ maŋjɛ̀wɛ.

Fèle 1:8

Wo Dayà nàŋ yaà wo seì miɔ̀ŋ nààŋ mìŋ woà e tɔ̀ɔ̀nyaàaŋ kɛ̀, e mànaàŋ mìŋ kuwa ke jii miɛ̀ŋ sùà weèiŋ lɛ̀, è yewe kè jìì Jisɛ̀ Kulaìɛ sùà wuŋ bi.

Fèle 2:17

Maŋ sɛnìim màŋ wɛ̀i ɓɛ̀nɛ̀ŋ nɔ̀ŋ wùaŋ miŋ mààŋ e nɛ̀ŋ kìɛŋ manɛ̀ŋ saaà maŋ diɛŋ e nyaàiŋ dè e hààweiŋ nɛ̀ koɓɛ̀ Dayài. Sèè è nɔ̀ŋ yɛi, ke jii naim fɔ̀ wèè ka nɔ̀ŋ wo bàimbà e tòmouŋ nɛ̀ sùà, yèè nyɛ̀iŋ pɛɛ naŋ nɔ̀ŋ aŋ bàiŋbà zɔlɔ̀ gèe mɛ̀ sùà.

Fèle 2:20

Wuŋ guùŋ nɔŋ nàŋ yaà wo bàimbà wèè e gòngo siaàŋ mìŋ kuwa yèè tɔɔɓaa wo yèɔ naŋ kpɛɛ̀ŋ weèiŋ wɔ̀.

Fèle 4:1

Nyɛ̀iŋ nààŋ wùìyaim nyàŋ, mìŋ mànàiŋ zimgbe, yèè nìŋ naŋ nyɛ̀nɛ̀ŋ e zɔlɔ̀ naim diè zimgbe. Nyɛ̀iŋ nàŋ yaà mààŋ ke ɓɔ̀ɗì kana miɛ̀ŋ. Jèeìŋ e hààwe sùà koɓɛ̀ wo Kanaà.

Kòlo 1:28

Weètii, è daanàìŋ ebò Jisɛ̀ Kulaìɛ koɓɛ̀ anyùùŋ nyaŋ gbiŋ. È toomàìŋ e jiikɛ̀ɛ wilɛ̀ gbiŋ wèè eiŋ kìɛ̀ŋ e gòo yèè eiŋ kàà anyùùŋ nyaŋ gbiŋ, e kìlà wèè e hìàŋ wo bà guùŋ gbiŋ ko fɛ̀ɛ̀fèìŋ Dayài, mààŋ wo nyuùŋ kàmaiŋ wo yèɔ yaà wo bàuŋbà wo Jisɛ̀ Kulaì sùà wɔ.

Kòlo 1:7

Nìŋ naŋ wa kòmò e kèè e tɛ̀ɛ̀tɛ̀ɛ̀ Dayàa e yìwìà wo Ɛpafilè sìwè, wo ɓɔìjɔ̀à tòmo dàwi siaŋ wiɔ̀. Wò yaà wo ɓɔìjɔ̀à tòmo tùlìà jii dàwì wi wo Jisɛ̀ Kulaì sùà.

Kòlo 4:12

Wo Ɛpafilè wo wùìyà nyɛ̀iŋ biɔ̀ bà ke gboòiŋ nɛɛ̀ŋ sùà, wo yèɔ yaà wo ɓɔìjɔ̀à wèè wo Jisɛ̀ Kulaì wɔ, naiŋ tùɔ̀ŋ zùùmo wuŋ pɛɛ. Wò zoolà sɛmɛ e teenga gbiŋ e weèiŋ, wò yaà dààwè Dayà wèè naŋ kùwà e hààweiŋ nɛ̀ kpaŋ, mààŋ anyuùŋ kàmaiŋ e kìlà àŋ naŋ kaikpɔ nyimèè ke gbòò anyuùŋ hààwe nyàŋ sùà, e ɓɛ̀ɛ̀jàa gbee sùà koɓɛ̀ e yèɛ wo Dayà manaŋ lɛ̀.

Felemɔ̀ŋ - PHM 1:1

E yìwìà miàim Pɔɔ̀ sìwè, wo yèɔ yaà wa ko sààŋ nyìwì esàɓù e hààwe mɛ̀ wo Jisɛ̀ Kulaì sùà wɔ, yàwi Timetè wo nyuùŋ tòmo dàwi miɔ̀ŋ e hààweɛ̀ sùà nàŋ yaà sìngìè wɔŋ fɛi wɛɛ̀ŋ. Felemɔ̀ŋ, wùìya wiɔ̀ yèè wo nyuùŋ tòmo dàwi wiɔ̀, e yaà sìngìè wɔŋ fɛi wɛɛ̀ŋ ko nɛ̀ɛ̀ŋ muìŋ,

Hiɓu 13:17

Jɔ̀ɔ̀lɔìŋ anyuùŋ gbeegbèèiŋ nyàŋ dìì, e kìlà niŋ nyɛ̀nɛ̀ŋ e nɛ̀ɛŋ àŋ woàìŋ lɛ. Àŋ naiŋ jàà fɛ̀ɛ̀ diɛŋ e kèè Dayàa sùà, yèè àŋ kuwa aŋ kìɛ̀ŋ e jìwààjɛ̀wɛ̀ koɓɛ̀ Dayài wèè e tòmoɛ̀ àŋ naŋ nyɛ̀nɛ̀ŋ lɛ. Ɓɔ̀ nìŋ nyɛ̀nɛ̀ŋ màŋ jii nyiŋ màŋ do mɔɔnɛ̀ŋ sèè àŋ nɔ̀ŋ nyìnìè e tòmo nyiŋ nɛ̀, kɛɛ nyɛ̀nɛìŋ nyiŋ àŋ nɔ̀ŋ zɔlɔ̀ sùà. Sèè nìŋ go niŋ nyɛ̀nɛ̀ŋ, aŋ naàŋ ɓɛnɛ̀ŋ wèè aiŋ kpuumàŋ.

1Jɔ̀ɔŋ 3:16

E ɗeweɛ̀ wo Jisɛ̀ Kulaì naŋ wa fɔ̀ lɛ naŋ wi tɔɔ̀ kɛ̀ kiìŋ nàŋ yaà e mànaŋ. Wo Kulaì naŋ wa hèè wɔŋ nyiiuŋ nɔɔ̀ŋ dìì e weè wi, yèè sɔɔ̀ eiŋ hàà maŋ nyiiŋ wi màŋ dìì wèè àŋ wùìya wi nyàŋ.