1Tɛsè 2:7 - WƆŊ FƐ̀Ì EBÒ SÌÀŊ DAYÀA

⁷ jòòpɛɛ è yaà aŋ keela tàeɗùù wèè Jisɛ̀ Kulaì, yèè èiŋ weè ɓɛ̀nɛ̀ŋ jàà e kpònaà wèè naŋ wi nyìnìàŋ keì sìàŋ. Kɛɛ è naŋ gɔ̀àà kɔɔ dìì e teengaà è yààìŋ gòlò lɛ, mààŋ wo nìèjɔ̀à nàŋ yaà yɛ̀ɛ̀mɛ̀ e kèè aŋ jɔ̀àuŋ nyàŋ dììo sùà.

1Tɛsè 2:7 ပူးပေါင်းရင်းမြစ်များ

Nyɛ̀nɛ̀ŋ 13:18

yèè wèè maŋ doà kpɛ̀ɛ̀ùŋ tìyèe wò naŋ nyiŋ yɛ̀mɛ̀ diɛŋ ke fòùngà e diì wòaà diɛŋ.

1 Kɔliìŋ 2:3

Kpeiŋ nààŋ mìŋ naŋ hnè ko nɛ̀ɛ̀iŋ niìŋ, e kɔɔ mɛ̀ naŋ nɔ̀ŋ sùà ɓèèlɛ̀ɛ̀ è jele kpàkpà wèè e jùù,

1 Kɔliìŋ 9:22

Sèè mìŋ nɔ̀ŋ anyùùŋ nyaŋ naŋ yɔkpɔ̀ e hààweɛ̀ sùà nyaŋ e tɛɛ, mìŋ yɔkpɔ̀ mààŋ wo bà, wèè ka nyiŋ hiàŋ koɓɛ̀ Dayài. Wèètii kà nɔ̀ŋ e nɛ̀ŋ gbiŋ koɓɛ̀ anyùùŋ nyaŋ gbiŋ, wèè miŋ joeyè aŋ bà nyiŋ e ɗeweɛ̀ gbiŋ mìŋ naŋ ɓɛnɛ̀ŋ lɛ sùà.

2 Kɔliìŋ 10:1

Esàɓù ke jìì sìàŋ Jisɛ̀ Kulaì yaà e tɛ̀ɛ̀tɛ̀ɛ̀uŋ nɛ̀ sùà, è yaà e dàwe titi miàim Pɔɔ̀ mìŋ yààìŋ dàwe sùà, miàŋ wo yèɔ àŋ wòà nyààŋ mìŋ yaà e jùù, yèè mìŋ naŋ tɔumtɔ̀ùm sèè mìŋ nɔ̀ìŋ nèè tɛɛ̀, kɛɛ mìŋ nɔ̀ŋ e hmɔ̀ɔ̀ŋ weèiŋ sèè mìŋ nɔ̀ŋ koɓɛ̀ dii mìŋ goiŋ gbɛ̀ɛ̀ wɔ.

2 Kɔliìŋ 13:4

Jòòpɛɛ wò yaà wa yɔ̀kpɔuŋ e teengaà àŋ nauŋ jìwè wɔŋ vànèkpaàa diɛŋ lɛ̀, kɛɛ esàɓù e gààŋ Dayàa sùà wò yaà wɔŋ nyiiŋ gèeɔ̀ sùà. È naiŋ yɔkpɔ̀ màànààŋ nɔŋ wo Jisɛ̀ Kulaì yaà wa lɛ̀, kɛɛ sèè è hnàìŋ nèè tɛɛ, è doiŋ nàŋ nɔ̀ŋ wɔŋ nyiiŋ gèeɔ̀ sùà esàɓù e gààŋ Dayàa sùà, nààŋ nɔŋ wo Jisɛ̀ Kulaì yaà lɛ.

Gàla 4:19

Jɔ̀àim nyàŋ, kaiŋ ɓɛìŋ woò kɛ̀, mìŋ yaà e gòngo nyìnga sùà e weèiŋ màànààŋ nɔŋ wo jɔùŋ nɔ̀ŋ yɛi e suà hɛ̀ɛ kòmaŋ sùà le, e jèèsùà naŋ dè ke kpèè sìàŋ Jisɛ̀ Kulaìɛ maŋjɛ̀wɛ.

1Tɛsè 2:11

Nàŋ nyìmàŋ kɛ̀ è naŋ kùwò nyɛ̀iŋ nyɛɛ̀ŋ bà gbiŋ mààŋ e ɗeweɛ̀ wo nyuùŋ kòmaŋ kuwo aŋ jɔ̀àuŋ nyàŋ lɛ̀.

Jìiiŋ 3:17

Kɛɛ e jiikɛ̀ɛɛ̀ yewe wo Dayà sìwè lɛ e jiɛ̀jiɛ̀ɛ nàŋ yaà, è yaà sengei yèè è manaŋ ke jii fàa, è kuwìà nyùùŋ le siwè sìàŋ, è kuwa mɔ̀ɔ̀nɔŋ, è naŋ dìè ke nyowo yèè è hiàŋ maŋ tùwo siaŋ sìàŋ, e fè nyangè yèè e gò gbɛ̀ɛ̀ è kàaɓì kɔɔ.