1Tɛsè 2:5 - WƆŊ FƐ̀Ì EBÒ SÌÀŊ DAYÀA

⁵ Nàŋ nyìmàŋ fo kɛ̀ maŋ mìè gbòà nyuùŋ tɛ̀nɛŋ nààŋ e gò hìàŋ kò nɛ̀ɛ̀ŋ niìŋ, ɔ̀ɔ̀ eiŋ tòòmò màŋ mìè wèè eiŋ nyɛ̀ɛ̀nɛ̀ŋ è kèò nyààŋ nyɛ̀nɛŋ, wo Dayà nàŋ yaà wo seì wiɔ̀!

1Tɛsè 2:5 ပူးပေါင်းရင်းမြစ်များ

Maafiù 22:16

Kpeiŋ àŋ naŋ tùɔ̀ŋ anyùùŋ màŋjɛ̀wɛ̀ aŋ Fɛlosiì nyaŋ bà yèè anyùùŋ bà e yìwìà e Kànà Hɛɛlɔ̀ɛ dìì wèè auŋ dawè nyààŋ, “Kààmɔɔŋ, è nyìmàŋ kɛ̀ mùŋ naŋ jeè, yèè muŋ woà wo nyùùŋ gbiŋ e tɔɔɓaaà ke dòmàŋ Dayàa diɛŋ, muŋ fè dùàŋ è gòngò kìì nyuùŋkpùuŋ nɛ̀, esaɓù kɛ̀ muŋ fè jàà kè jii mɔɛ̀ŋ è nɔ̀ŋ kìì nyùùŋ gbiŋ màŋjɛ̀wɛ.

Maafiù 23:13

“E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ, yèè nyɛ̀iŋ nààŋ Fɛlosiì nyaŋ. Nìŋ yaà anyùùŋ fɛ̀ɛ̀ ɗòònààkeì. Nìŋ naŋ sìè wɔŋ gbèmgbèè e Kànà àìjɛnɛ̀ɛŋ e kpòò anyùùŋ ko feìŋ, kɛɛ nyɛ̀iŋ bi niŋ fè jɔ̀à, e kìlà nìŋ keewà anyùùŋ kùàŋ feìŋ wèè aŋ goonàŋ jɔ̀ nyiŋ pɛɛ. [

Nyɛ̀nɛ̀ŋ 20:33

Ke ɗɔ̀ɔ̀ guùŋ miŋ gò nyɛ̀nɛ̀ŋ wànàŋ è kaiŋ fua, è gòoò ɔ̀ɔ̀ màŋ dèè e yìwìà wò nyùùŋ gbiŋ sìwè.

Luùm 1:9

Wo Dayà nàŋ yaà wo seì miɔ̀ŋ kɛ̀ e yèɛ mìŋ woà lɛ è yaà tɔ̀ɔ̀nyaàŋ, wo Dayàa mìŋ zoolà e yìwìà wɔŋ nyììŋ jinàŋ miɔ̀ŋ gbiŋ sùà wɔ, mìŋ woà Ebò Siauŋ nɛ̀ e teenga gbiŋ e nyaàiŋ dè wo Jɔ̀àfelaauŋ nɔɔ̀ŋ. Wo Dayà nyìmàŋ kɛ̀ mìŋ jààìŋ jii

Luùm 16:18

Anyùùŋ nyaŋ nyɛnɛŋ maŋ keì mɛɛ̀ŋ nyaŋ, aŋ gò kpɛɛ̀ŋ wèè aŋ tomo wèè wò Kana wiɔ̀ Jisɛ̀ Kulaì, àŋ naŋ nɔŋ kpɛɛ̀ŋ wèè nyiŋ bi. Maŋ mìè gbòa ɓuuyè nyiŋ màŋ zuwà anyuùŋ gò nyìmàŋ keì fèemàŋ nyaŋ.

Luùm 9:1

Mìŋ yaà wòò e tɔɔɓaaà kɛ̀, mìŋ yaà wo nyùùŋ màŋjɛ̀wɛ̀ wèè wo Jisɛ̀ Kulaì, miŋ fè tòà. Wo Jìnàŋ Nɛɛmaàŋ yaà wo seì wèè e gòngo mɛ̀, yèè miŋ fè tòa sùà

2 Kɔliìŋ 12:17

Anyùùŋ nyaŋ kinɛiŋ mìŋ naŋ tùɔ̀ŋ ko nɛ̀ɛ̀ŋ niìŋ nyaŋ, wo bà gbiŋ naiŋ wa nyìnìè kàaɓì?

2 Kɔliìŋ 2:17

E fèìŋ mààŋ ànyuùŋ zimgbe bà, àŋ yè nyaŋ ɓemàŋ kè mìè gbìàŋ Dayàa mààŋ è bòli, kɛɛ esaɓù kɛ̀ wo Dayà naŋ wi tùɔ̀ŋ, è gbòòìŋ e jìlɛŋ sùà ko fɛ̀ɛ̀fèìŋ wuŋ Dayài, mààŋ aŋ keela tàeɗùù wèè Jisɛ̀ Kulaì.

2 Kɔliìŋ 4:2

È naŋ hèè maŋ gbùnu màŋ gbiŋ yèè maŋ kpèè sàngè maŋ gbiŋ e ɓula. E fè fɛ̀ɛ̀ wèè e zùwò nyùùŋ gbiŋ ɔ̀ɔ̀ e kàà kè mìè gbìàŋ Dayàa è tòa sùà. Wo Dayà yaà wo seì weè wi kɛ̀ e tɔ̀ɔ̀nyaàaŋ nɔŋ è woàìŋ, wèè anyuùŋ gbànaŋ nyàŋ aŋ gongò kɛ̀ wo Dayà wò wi ɓɛ̀nɛ̀ŋ tùlìà jii.

2 Kɔliìŋ 7:2

Kàmeìŋ ko nɔ̀ŋ wi maŋ jiiiŋ màŋ sùà. E gòiŋ kààɓì nyùùŋ gbiŋ, e gòiŋ pɔ̀ɔ̀pɔ̀ɔ̀ è nɛ̀ŋ nyùùŋ gbiŋ sùà, ɔ̀ɔ̀ wèè eiŋ fɛ̀ɛ̀ wèè eiŋ nììngè wò nyùùŋ gbiŋ fɛ̀ɛ̀.

Gàla 1:20

E yèɛ mìŋ naŋ sìngè lɛ è yaà e tɔ̀ɔ̀nyaàŋ. Wo Dayà nyìmàŋ kɛ̀ miŋ fè tòa sùà!

1Tɛsè 2:10

Nìŋ yaà aŋ sèì weè wi e kìlà wo Dayà yaà seì kɛ̀ maŋ kpèè wi màŋ ko nɛ̀ɛ̀iŋ niìŋ nyɛ̀iŋ nyàŋ naŋ haawè nyaŋ, màŋ naŋ zɛ̀nɛ̀ŋ, yèè màŋ naŋ nɔ̀ŋ e tɔ̀ɔ̀nyaàŋ e kìlà e tɔ̀mɛ gò miŋ nɔ̀ŋ.

1Time 3:3

Ɓɔ̀ wò nɔ̀ŋ nyuùŋ tìà mùàŋ ɔ̀ɔ̀ wò nyùùŋ ɗanga. Kɛɛ wo nɔ̀ŋ wo nyuùŋ kɛ̀ɛ̀nɛ̀ŋ tùwo siaŋ, yèè wo kuwiè ke jii siaŋ, ɓɔ̀ wò nɔ̀ŋ wò nyùùŋ wùànàŋ nɛɛnɛŋ.

1Time 3:8

Aŋ ɓɔìjɔ̀à nyaŋ kpùùmàŋ aŋ sìèfèìŋ anyuùŋ hààwe nyaŋ lɛ, aŋ kɛ̀ɛ̀nɛ̀ŋ ke kpèè siàŋ e kìlà aŋ nɔ̀ŋ anyùùŋ tɔ̀ɔ̀nyaàŋ. Ɓɔ̀ àŋ nɔ̀ŋ ànyuùŋ tìà màŋ tala muaŋ zimgbe, e kìlà ɓɔ̀ àŋ nyɛ̀nɛ̀ŋ e wùànàŋ nɛɛnɛŋ.

Taitɔ̀ 1:7

Nààŋ wo sìèfèìŋ anyuùŋ hààwe nyàŋ nàŋ yaà wo ɓɔìjɔ̀à yɛ̀mɛ̀ e kèè e tòmò Dayàa dììo sùà lɛ, ɓɔ̀ wò kuwìè è tɔ̀mɛ. Ɓɔ̀ wò nɔ̀ŋ wò nyuùŋ mànàŋ tɛɛ, ɔ̀ɔ̀ wò nyuùŋ bìà jii, ɔ̀ɔ̀ wò nyuùŋ tìà màŋ mùàŋ tiwìtiwì ɔ̀ɔ̀ wò nyuùŋ dàà gbɔ̀ɔ ɔ̀ɔ̀ wò nyùùŋ wùànàŋ nɛɛnɛŋ keekèè.

1Pììlɛ 5:2

Nààŋ nɔŋ anyuùŋ yɛ̀mɛ̀ aŋ ɓaawaa diɛŋ nyàŋ yɛmɛ̀ aŋ ɓaawaa nyiŋ nyàŋ diɛŋ lɛ̀, mìŋ yààìŋ dàwe sùà wèè naŋ nɔ̀ŋ anyuùŋ yɛ̀mɛ̀ aŋ ɓààwàà Dayà nyaŋ gbiŋ wò naiŋ sèèlè e kii nyiŋ feìŋ nyaŋ diɛŋ. Nyìniàìŋ niŋ ke jii siaŋ diɛ̀ŋ màànààŋ wo Dayà manaŋ wèè naŋ nyɛ̀nɛ̀ŋ lɛ. Ɓɔ̀ nìŋ nyinìàŋ niŋ kè jii kpàaŋ diɛŋ. Nyɛ̀nɛìŋ e tòmoiŋ nɛ̀ ɓɔ̀ è nɔ̀ŋ wèè pààwa, kɛɛ e yiwìàiŋ jii wèè nyɛ̀nɛŋ.

2Pììlɛ 2:18

Maŋ nyaàŋ gbeegbèè zùwo foo màŋ àŋ gboo màŋ, àŋ toomàŋ maŋ kpèè nàànààŋ kɔɔ nyiŋ màŋ wèè aŋ kùwà anyùùŋ nyaŋ maŋ gbaù sùà aŋ yè nyaŋ naŋ nɔŋ tɔ̀ɔ̀tù fòlà anyùùŋ nyaŋ yaà maŋ keì ɓàa dìì nyaŋ e tɛɛ.

2Pììlɛ 2:3

Àŋ do nàŋ nyɛ̀nɛ̀ŋ e kèè nyààŋ aiŋ kaaɓì maŋ mìè gbòa ɓuuyè sùà. Kɛɛ e gbàiɛ̀ wo Dayà kuwa weè nyiŋ nɛ̀ è yaà wa naàŋ bànèbane niŋ gɔu, yèè wo nyuùŋ jìwa nyiŋ nɔɔ̀ŋ fè màŋjàwè.

Juù 1:11

Wo Dayà do nyiŋ nàŋ nimilà nyìnga, àŋ naŋ dè ke dòmaàŋ wo Kiìŋ naŋ wa ɓemè yɛ diɛŋ. Àŋ fɔ̀ɔ̀nɔ̀ŋ e wùànàŋ nɛɛnɛŋ àŋ gbìàŋ nyiŋ bi e keì ɓàaà wo kèèlà Dayàa Bàlaàŋ naŋ wa nyɛ̀nɛ̀ŋ lɛ sùà. Àŋ gangà màànààŋ wo Kolà naŋ wa gangà lɛ, yèè àŋ pɔɔpɔ̀ɔ̀ màànààŋ wò naŋ wa pɔɔpɔ̀ɔ̀ lɛ.