1Tɛsè 2:2 - WƆŊ FƐ̀Ì EBÒ SÌÀŊ DAYÀA

² Nàŋ nyìmàŋ e ɗeweɛ̀ àŋ naŋ wi kùwìè le siwè naanààŋ aŋ wi pɔ̀ɔ̀ɓɛ̀ɛ ko Fèlepì pangàà è naŋ hnè nɛ̀ɛ̀iŋ niìŋ ko Tɛsèlonikà. Jòòpɛɛ aŋ joo wi yaào, kɛɛ wo Dayà wiɔ̀ naŋ wi sìè ke di wèè eiŋ dàànè Ebò Siaàŋ e yèɛ yewe ko nɛ̀ɛ̀uŋ niìŋ lɛ.

1Tɛsè 2:2 ပူးပေါင်းရင်းမြစ်များ

Nyɛ̀nɛ̀ŋ 14:3

Wo Pɔɔ̀ yaà wo Bànaŋɓà naŋ wa nɔ̀ŋ aŋ seì e hààwe nyiŋ nɛ̀ wo Kanaà Jisɛ̀ sùà, yèè àŋ nao nɔ̀ŋ wèè e teenga kpàa bà, àŋ yaà gbùùyè ke mìè Dayàa ke jii nyingèò sùà koɓɛ̀ anyùùŋ nyaŋ. Wo Kanaà Jisɛ̀ naŋ nyiŋ wa kìɛ̀ŋ e gààŋ wèè aŋ nyɛ̀nɛ̀ŋ maŋ kèè mèè e kìlà aŋ tɔ̀ɔ̀ maŋ tɔ̀ɔ̀màŋsèì keì. Wo Kanaà naŋ wa tɔɔ̀ kɛ̀ ke miè gbìaŋ nyiŋ nɛɛ̀ŋ e nyaàiŋ dè ke kpèè siauŋ nɛɛ̀ŋ kè yaà wa tɔ̀ɔ̀nyaàŋ.

Nyɛ̀nɛ̀ŋ 14:5

Kpeiŋ anyùùŋ nyaŋ fè àŋ Juùù nyaŋ yaà aŋ Juùù nyaŋ nyiŋ bi, e kpùlìà anyuùŋ gbeegbèè nyiŋ nyàŋ, naŋ ɗewè wèè aŋ jàà e keì keekèè wo Pɔɔ̀ yaà wo Bànaŋɓà e kìlà wèè aŋ nyiŋ hɔ̀wà e jèèsùà aŋ nyiŋ jìwà.

Nyɛ̀nɛ̀ŋ 16:12

E yìwìà kuii è naiŋ kɔ̀ ko Fèlepì, e jawa gbee ke tiìŋ jiɛ̀jiɛ̀ɛ sùà ko Mɛ̀sèdonià. Ko Fèlepì yaà wa ko jawa gbee ko yèi anyùùŋ e yìwìà wɔŋ fùɔ̀ŋ anyùùŋ Luùm nyaŋ naŋ wa nyɛ̀lɛ̀ lɛ. È naiŋ wa nɔ̀ŋ ko Fèlepì wèè maŋ ɗɔɔ kpàa bà.

Nyɛ̀nɛ̀ŋ 16:19

Nààŋ aŋ kɛ̀ɛ̀nɛ̀ŋ wo jɔùŋjɔaà naŋ wa naàŋ jàà jii kɛ̀ ke jìì tùlìà dòmàŋ e nɛɛnɛŋ bàne nyiŋ nɛɛ̀ŋ kè nyiŋ fòlà sìwè, àŋ naŋ kùwò wo Pɔɔ̀ yèè wo Silà yèè àŋ naŋ nyiŋ kɔ̀ɔ̀ anyùùŋ gbèègbèè sàwà nyaŋ fɛɛ̀feìŋ.

Nyɛ̀nɛ̀ŋ 16:37

Kɛɛ wo Pɔɔ̀ naŋ wòò aŋ pòèsià nyaŋ wààŋ, “È yààìŋ anyùùŋ ko Luùm, yèè anyùùŋ gbèègbèè ko Luùm nyaŋ naŋ wi ɓùlò e yèɛ aŋ gò wi gbaì wèè aŋ woò nyààŋ è keì naŋ wi jeè. Àŋ naŋ wi gbìɛ̀ŋ ko sààŋ nyìwì. Kpeiŋ àŋ manaŋ naàŋ aŋ wi dangè wèè e ka mɔ̀ɔ̀ŋ? Kpele, aŋ fè yɛi ɓɛ̀nɛ̀ŋ nyɛ̀nɛŋ! Tɔ̀ nyiŋ bi aŋ hnàŋ kià aŋ fulià wi.”

Nyɛ̀nɛ̀ŋ 17:1

Wo Pɔɔ̀ yèè wo Silà naŋ kɔ̀ɛ̀ ko Aŋfepolì yèè ko Àpolonìà yèè àŋ naŋ hàì ko Tɛsèlonikà. Ke Sààŋ Zòòlò aŋ Juùù yaà wa ko jawa gbee bì.

Nyɛ̀nɛ̀ŋ 17:17

Wò naŋ wa kɔ̀ ko sààŋ zòòlò aŋ Juùù nyaŋ wèè wo gbòà ke mìè Dayàa koɓɛ̀ wo nyùùŋ nyaŋ nààŋ fè àŋ Juùù nyaŋ yèè aŋ Juùù nyaŋ yè nyaŋ yaà nyiŋ zoolà koɓɛ̀ guùŋ nyaŋ. Ke ɗɔɔ gbiŋ wò hewa gbòà koɓɛ̀ anyuùŋ mààŋ dòmaŋ nyàŋ kɔɔ aŋ yè nyaŋ wò mɛɛ̀ŋ wa e bòliɛ̀ sùà nyaŋ.

Nyɛ̀nɛ̀ŋ 19:8

Wo Pɔɔ̀ naŋ ɓèmè maŋ wàà taai wò yaà kɔ̀ɔ̀yɛ̀ ko sààŋ zòòlò aŋ Juùù nyaŋ ko gbùùyè anyùùŋ nyaŋ kɔɔ ke jii nyingè sùà e nyaàiŋ dè e Kànà Dayàa. Wò yaà wa kààmè e ɗewe wèè wo kìlà nyiŋ koɓɛ̀ Dayài.

Nyɛ̀nɛ̀ŋ 4:13

È naŋ wa fòònò anyùùŋ gbèègbèè fuɔɔ̀ŋ wèè aŋ yɛ̀mɛ̀ wo Pììlɛ yèè wo Jɔ̀ɔŋ aŋ gbòà ko nɛ̀ɛ̀ŋ nyiŋ niìŋ janyai, tiŋ zà kɛ̀ aŋ fèlàà tìyèe nyɛɛ̀ŋ hewa jòò ko vàaì yèè aŋ gò wa kà kò sààŋ fɛi gbèe wèè aŋ gbèè wɔŋ fɛi. Kpeiŋ anyùùŋ gbèègbèè fuɔɔ̀ŋ naŋ ngàà jààèjii kɛ̀ aŋ fèlàà tìyèe nyɛɛ̀ŋ yaà wa wo Jisɛ̀ maŋjɛ̀wɛ.

Nyɛ̀nɛ̀ŋ 4:20

Esaɓù e naìŋ hɔ̀ànè wòò e yèɛ è naiŋ yɛmɛ̀ yèè è naiŋ kòmò lɛ.”

Nyɛ̀nɛ̀ŋ 4:31

Nààŋ àŋ naŋ wa kpɛ̀ɛ̀yɛ̀ Dayà zòòlo, koɓɛ̀i àŋ naŋ wa deenè lɛ naŋ wa mɛɛmɛ̀ɛ̀ŋ. Wo Jìnàŋ Nɛɛmaàŋ naŋ nyiŋ wa dìèsùà yèè àŋ naŋ tɔ̀ɔ̀tù ke mìè Dayàa gbòa janyai ke jii nyingè sùà.

Nyɛ̀nɛ̀ŋ 5:41

Nààŋ aŋ keela tàeɗùù nyaŋ naŋ wa yèwè anyùùŋ gbèègbèè fuɔɔ̀ŋ feìŋ àŋ yaà kɔɔyɛ, e zɔlɔ̀ naŋ nyiŋ wa diè, esaɓù kɛ̀ wo Dayà naŋ nyiŋ wa tàeɗùù wèè aŋ nɔ̀ŋ anyuùŋ kɛnɛ wèè aŋ kà e mɔ̀ɔ̀nɛŋ dìì wèè esàɓù wo Kanaà Jisɛ̀.

Luùm 1:1

E yìwìà miàim Pɔɔ̀ sìwè, wo ɓɔìjɔ̀à wèè wo Jisɛ̀ Kulaì, nàŋ yaà sìngìè wɔŋ fɛi wɛɛ̀ŋ. Wo Dayà naim wa tàeɗùù wèè ka nɔ̀ŋ wo keela, e kìlà wò naim nyààŋ wèè ka wòò Ebò Siaàŋ.

2 Kɔliìŋ 3:12

Nààŋ è kùwàìŋ naàŋ ke jii tùlia yɛɛ̀ lɛ, è kuwa jii nyingè wèè gbòa,

Kòlo 2:1

Mìŋ manaŋ naŋ nyìmàŋ e tòmo nyìngaà mìŋ naŋ nyɛ̀nɛ̀ŋ e weèiŋ yèè wèè anyuùŋ hààwe nyàŋ ko Làòdisià, yaà anyuùŋ hààwe nyiiŋ gbiŋ aŋ yè nyaŋ kòò àŋ yɛ̀mɛ̀ wa kè kpùnaŋ miɛ̀ŋ nyaŋ.

1Tɛsè 1:5

E gòiŋ nɔŋ hìàŋ Èbò Siaàŋ màŋ mìè gbòa sùà nɔŋ, è naŋ niŋ kpùlìè e gààŋ yaà wo Jìnàŋ Nɛɛmaàŋ, yèè e hààwe jùà sùà gbɛlɛiŋ nyaàiŋ dè e tɔ̀ɔ̀nyaàŋ niŋ nɛ̀. Nàŋ nyìmàŋ kɛ̀ diè è naiŋ nɔ̀ŋ e gòlò, è yaà wa wèè e kèì sìàŋ nyɛ̀iŋ bi lɛ̀.

2Time 1:12

Wèè esaɓù lɛɛ̀ mìŋ kuwo maŋ keì nyìnga mɛɛ̀ŋ, kɛɛ e sàngè fèìm, e fèfoo kà nyìmàŋ wo yèɔ mìŋ naŋ tùlìè jii wɔ̀, yèè kà haawè kɛ̀ wòim ɓɛ̀nɛ̀ŋ jòèye e jèèsùà, ke ɗɔɔ dìàmaàŋ ke haì.

Juù 1:3

Nyɛiŋ nààŋ dàwi mànaim nyàŋ, tɔɔɓaa mìŋ yaà wa zoolo sɛmɛ e wànàŋ gbee sùà wèè ka sìngà ko nɛ̀ɛ̀iŋ niìŋ e nyaàiŋ dè e jòèyè nɛɛmaàŋ è naiŋ gòònò e fèemàŋ lɛ. Kɛɛ sɔɔ̀ ka sìngà kaiŋ dawè wèè naŋ dè e hààwe bi gòlò jɛwɛ e yèɛ wo Dayà naŋ kìɛ̀ŋ anyunùuŋ nyàŋ yèè e bà gbiŋ gò jòò jɛ̀wɛ̀ lɛ.