1Tɛsè 2:16 - WƆŊ FƐ̀Ì EBÒ SÌÀŊ DAYÀA

¹⁶ Àŋ naŋ ngèè pɛɛ fɛ̀ɛ̀ wèè aŋ wi kìlìà kùàŋ feìŋ wèè e goiŋ nàŋ wòò ke miè gbìaàŋ kòɓɛ̀ ànyùùŋ nyaŋ fè àŋ Juùù nyaŋ, wèè aŋ yɛ̀mɛ̀ è jòèye. E ɗewe lɛɛ̀ sùà, àŋ hàì ko dìà maŋ jùumù nyiŋ màŋ gbiŋ àŋ naŋ wa dè nyɛ̀nɛŋ màŋ. Wèètii e nìmìlà Dayàa è nyiŋ dèyà diɛŋ.

1Tɛsè 2:16 ပူးပေါင်းရင်းမြစ်များ

Maafiù 12:45

kpeiŋ kɛ̀ wo jinàŋ naanààaŋ wò fòlà wò ka wò hìàŋ aŋ jinàŋ naanààŋ àŋ nɔɔnɔŋ le tìyèe aŋ yè nyaŋ ngèè nanaŋ aŋ nìàŋ wuŋ bi nyàŋ. Aŋ gbiŋ àŋ hnàŋ aŋ nyɛ̀nɛ̀ŋ koɓɛ̀ bi ko gboo nyiŋ niìŋ. Sèè tii è maaŋ, wo nyùnɔ̀ɔŋ àŋ jɔ̀à ko sùà wɔ wò nɔ̀ŋ naanààŋ e nìàŋ e ɗeweɛ̀ wò yaà wa gɔu lɛ̀. Yɛi nyɛ̀iŋ nààŋ nyuùŋ naanààŋ nyàŋ nàaŋ nìŋ do wa nàwèè nàŋ nɔ̀ŋ.”

Maafiù 23:32

Weètii, kɔ̀aìŋ fùùŋ niŋ kpɛɛyɛ̀ e nɛ̀ɛŋ aŋ nèwàènèweiŋ nyàŋ naŋ wa nyɛ̀nɛ̀ŋ lɛ.

Maafiù 24:14

Eɓìèmàŋjɛ̀wɛ̀ tii, Ebò Siaàŋ e nyaàiŋ dè e Kànà Dayàa, do wa nàwèè nàŋ nɔ̀ŋ ɓààye niŋ koɓɛ̀ anyùùŋ nyaŋ gbiŋ e ɗuunyaàŋ, wèè kɛ̀ maŋ ziì maŋ gbiŋ maŋ fuɔŋ màŋ sùà aŋ niŋ kòmàŋ e kìlà aŋ kiɛ̀ŋ ke mìè seì, kpeiŋ kɛ̀ ɗuunyaàŋ hàì ko dìa.”

Maafiù 24:6

Nìŋ do nàŋ kòmò ebò maŋ gììmè ɗuà sòmaŋ e gbɛ̀ɛ̀ kɔɔiŋ fɔ̀ɔ̀ yèè koɓɛ̀ dii, kɛɛ ɓɔ̀ nìŋ dangè tii doiŋ sɛ̀ɛ̀ jii. Jàaiŋ jii kɛ̀ wo Dayà wààŋ maŋ keì mààŋ miiŋ do nàŋ kaaìŋ. Kɛɛ sèè màŋ kaaìŋ, tii gò tɔɔ̀ kɛ̀ e teengaà è haì wèè e ɗuunyaàŋ hàì ko dìa.

Maafiù 3:12

Wò kuwa wɔŋ sɛmɛ̀ŋ fùùnyàŋ e kpàliuŋ nɛ̀ ko sìwè wèè wo fùàŋ e kpàliuŋ nɛ̀. Wò do nàŋ gbònògbònò e kpàli kɛnɛɛ̀ wo niŋ gbìàŋ ko kɛiŋ, kpeiŋ kɛ̀ wò hàmàŋ maŋ kpàli dɛɛ màŋ wò miŋ gbìàŋ ko hmɔ̀ɔ̀ŋ, yèè e hmɔ̀ɔ̀ŋ bi fè wa nàwèè nyime.”

Nyɛ̀nɛ̀ŋ 13:45

Kɛɛ nààŋ anyùùŋ gbèègbèè aŋ Juùù nyaŋ naŋ wa yɛ̀mɛ̀ e faaŋ lɛɛ̀, e kooɛ̀ naŋ nyiŋ diè. Kpeiŋ àŋ naŋ wa gììyè e yèɛ wo Pɔɔ̀ yaà wa woo lɛ̀ maŋhɛɛ, yèè àŋ nauŋ fè maŋ mìè ɓɛ̀ɛ̀pɔ̀ɔ.

Nyɛ̀nɛ̀ŋ 13:50

Kɛɛ anyùùŋ gbèègbèè aŋ Juùù nyaŋ naŋ kɔ̀ koɓɛ̀ aŋ kpàkòò ɓììɓìì nyaŋ bà ko jawaì yèè aŋ jɔùŋ kɛ̀ɛ̀nɛ̀ŋ ɓɛ̀ɛ̀jàa nyàŋ bà aŋ yè nyaŋ fè àŋ Juùù nyaŋ kɛɛ àŋ zoolà Dayà nyaŋ, yèè àŋ naŋ nyiŋ nyɛ̀nɛ̀ŋ aŋ kɛ̀ɛ̀nɛ̀ŋ maŋ jii fiìì wèè wo Pɔɔ̀ yèè wo Bànaŋɓà, yèè aŋ naŋ nyiŋ nimilà, e nɔ̀ŋ esaɓù aŋ nyiŋ nyìmàŋ aŋ nyiŋ gè maŋ tàta miiŋ wɔŋ fuɔɔ̀ŋ sùà.

Nyɛ̀nɛ̀ŋ 14:19

Aŋ Juùù nyaŋ bà nyiŋ naŋ wa hnè e yìwìà ko Aŋtiɔ̀ wɔŋ fùɔ̀ŋ Pɛ̀siidìàa yèè e yìwìà ko Ìkɔniɔ̀ŋ yèè àŋ naŋ nyɛ̀nɛ̀ŋ anyùùŋ nyaŋ aŋ kɛ̀ɛ̀nɛ̀ŋ maŋ jii fiiì wèè wo Pɔɔ̀. Àŋ naŋ wa hɔ̀wɔ̀ wo Pɔɔ̀ le dùò yèè auŋ gɔ̀ɛ̀ɛ̀ dìì auŋ gè ko jawa gbeeì, yèè àŋ naŋ wa gongò kɛ̀ wò fà.

Nyɛ̀nɛ̀ŋ 14:2

Kɛɛ aŋ Juùù nyaŋ yè nyaŋ kuwà wa e hààwe wò Kanaà Jisɛ̀ sùà nyaŋ naŋ wa nyɛ̀ŋɛ̀ŋ anyùùŋ nyaŋ fè àŋ Juùù nyaŋ aŋ kɛ̀ɛ̀nɛ̀ŋ maŋ jii fiiì wèè anyuùŋ hààwe nyàŋ.

Nyɛ̀nɛ̀ŋ 14:5

Kpeiŋ anyùùŋ nyaŋ fè àŋ Juùù nyaŋ yaà aŋ Juùù nyaŋ nyiŋ bi, e kpùlìà anyuùŋ gbeegbèè nyiŋ nyàŋ, naŋ ɗewè wèè aŋ jàà e keì keekèè wo Pɔɔ̀ yaà wo Bànaŋɓà e kìlà wèè aŋ nyiŋ hɔ̀wà e jèèsùà aŋ nyiŋ jìwà.

Nyɛ̀nɛ̀ŋ 17:13

Kɛɛ nààŋ aŋ Juùù nyaŋ ko Tɛsèlonikà naŋ wa kòmò kɛ̀ wo Pɔɔ̀ naŋ wa gbòò ke mìè Dayàa ko Bɛ̀lià kuŋ pɛɛ, àŋ nao wa hnè wèè aŋ tooyà e nimilàa wo Pɔɔ̀ yèè wo Silà yaà wa kɔ̀ɔ̀yɛ̀ dìì tɛ lɛ̀.

Nyɛ̀nɛ̀ŋ 19:9

Kɛɛ aŋ bà nyiŋ naŋ wa nyìngè maŋ nùŋ yèè aŋ naŋ wa gè maŋhɛɛ wèè aŋ niŋ haawè. Àŋ hewa wòò maŋ keì naanààŋ anyùùŋ nyaŋ fɛɛ̀feìŋ e nyaàiŋ dè ke Dòmàŋ Kanaà Jisɛ̀. Wo Pɔɔ̀ naŋ nyiŋ wa jòò yèè wò naŋ ɓèmè anyùùŋ màŋjɛ̀wɛ̀ Jisɛ̀ nyaŋ yèè aŋ naŋ kɔ̀ ko zɛ̀mɛ̀ɛ̀ŋ gbèè Talanùi ko yèi wò hewa gbòà ko nɛ̀ɛ̀ŋ nyiŋ niìŋ ke ɗɔɔ gbiŋ lɛ̀. Ko zɛmɛɛŋ bì kuŋ wo Talanù hewa gbòà koɓɛ̀ anyunùuŋ nyàŋ.

Nyɛ̀nɛ̀ŋ 21:21

Anyuùŋ hààwe nyàŋ naŋ kòmò kɛ̀ muàŋ nàŋ yaà kàà sùà aŋ Juùù nyaŋ maŋ fùɔ̀ŋ anyùùŋ nyaŋ fè àŋ Juùù nyaŋ sùà kɛ̀, ɓɔ̀ àŋ jɔɔlɔ̀ màŋ Sàwà Mòòze màŋ dìì, yèè mààŋ ɓɔ̀ àŋ jàà àŋ jɔ̀à nyiŋ nyàŋ kpùa ɔ̀ɔ̀ ɓɔ̀ àŋ dè langi wilɛ̀ màŋjɛ̀wɛ.

Nyɛ̀nɛ̀ŋ 23:12

Maŋ nyiìŋ tɛ̀tɛ̀ wɔŋ niìsìaà bàa, aŋ Juùù nyaŋ naŋ deenè yèè àŋ naŋ ɗewè e gbòòno diɛŋ kɛ̀, aŋ naàŋ jènɛ̀ŋ ɔ̀ɔ̀ aŋ tìà e jèèsùà aŋ jìwà wo Pɔɔ̀.

Nyɛ̀nɛ̀ŋ 24:9

Aŋ Juùù nyaŋ gbiŋ naŋ wa gbùùyè koɓɛ̀ guùŋ yèè àŋ naŋ nyimèè kɛ̀ e yèɛ wo Tɛtɔlɔ̀ naŋ woò lɛ è yaà e tɔ̀ɔ̀nyaàŋ.

Nyɛ̀nɛ̀ŋ 25:2

Kuŋ aŋ kànà sìèfèìŋ zòòlo nyàŋ yèè aŋ ɓɛ̀màŋɗì aŋ Juùù nyaŋ bà naŋ tɔ̀ɔ̀ e zàwè ko nɛ̀ɛ̀uŋ niìŋ e nyaàiŋ dè e keìɛ àŋ naŋ gbùwò wo Pɔɔ̀ ɗì lɛ. Àŋ naŋ ɓɛìŋ dàwè wo Fɛtɔ̀ nyààŋ,

Nyɛ̀nɛ̀ŋ 25:7

Nààŋ wo Pɔɔ̀ naŋ hnè ko fɛɛ̀feìŋ, aŋ Juùù nyaŋ nao wa kɔ̀ nyaŋ e yìwìà ko Jùlusɛ̀làm naŋ sie yèè àŋ naŋ gbùwò maŋ keì zimgbe wo Pɔɔ̀ ɗì maŋ yè maŋ aŋ fè wa ɓɛ̀nɛ̀ŋ tɔ̀ɔ janyai è tɔ̀ɔ̀nyaàŋ sùà wèè maŋ nɔ̀ŋ kɛ̀ sɔ̀uŋ.

Nyɛ̀nɛ̀ŋ 4:12

Wuŋ guùŋ nɔŋ naum ɓɛ̀nɛ̀ŋ jòèye. Wo nyùùŋ bà gbiŋ fè kò àìjɛnɛ̀ŋ dìì wò yèɔ wò Dayà naŋ wi kiɛ̀ŋ wɔ wèè wo wi joeyè eɓìèmàŋjɛ̀wɛ̀ wuŋ.”

Nyɛ̀nɛ̀ŋ 9:23

Maŋ ɗɔɔ zimgbe naŋ mààŋ, yèè aŋ Juùù nyaŋ naŋ ɗewè wèè aŋ jìwà wo Sɔɔ̀,

1 Kɔliìŋ 10:33

Nyɛ̀nɛìŋ nɔŋ màànààŋ mìŋ nyɛnɛŋ lɛ̀, mìŋ fɛɛ wèè ka nyɛ̀nɛ̀ŋ wo nyùùŋ gbiŋ ke jiiuŋ nɛɛ̀ŋ ke fà maŋ nɛ̀ŋ nyɛ̀nɛim màŋ gbiŋ sùà. Miŋ fè gongò wèè è kèì sìàŋ miàŋ biɛ̀, sɔɔ̀ e kèì sìàŋ wèè anyùùŋ nyaŋ gbiŋ e wèè aŋ yɛmɛ̀ e jòèye.

Gàla 5:11

Wùìyaim nyàŋ, sèè ka woò mìàŋ è yaà tɛ̀ɛ̀ wèè wo nyùùŋ nɔ̀ŋ kpùà jàa, kɛ̀ wèè kiìŋ mìŋ yaà maŋ keì nyìnga mɛɛ̀ŋ sùà? Sèè tii naŋ wèè ɓɛ̀nɛ̀ŋ nɔ̀ŋ e tɔ̀ɔ̀nyaàŋ, kɛ̀ ke miè gbìaàŋ e nyaàìŋ dè wɔŋ vànèkpàà Jisɛ̀ Kulaìɔ weè ɓɛìŋ ɓɛ̀nɛ̀ŋ nɔ̀ŋ e keì nyìnga.

Ɛfesɔ̀ 3:13

E wèètii kɔ̀nɛɛ̀ŋ maŋ jiiiŋ màŋ ɓɔ̀ màŋ mɔɔnɛ̀ŋ esaɓù kɛ̀ mìŋ yaà kò mɔɔnɛŋ è weèiŋ, e gbiŋ yaà nɔŋ e jòòwo wèè nyɛ̀iŋ bi.

Ɛfesɔ̀ 3:8

Miàŋ nàŋ yaà wo tòloòɔ anyùùŋ nɛɛmaŋ nyàŋ gbiŋ sùà, yɛi nɔŋ è yaà wo Dayà naŋ nɔ̀ŋ tɛ̀ɛ̀ ko nɛ̀ɛ̀ŋ miìŋ, yèè wò naim tàeɗùù wèè ka wòò ke mìè gbìàŋ Ebò Siaàŋ koɓɛ̀ anyùùŋ nyaŋ fè àŋ Juùù nyaŋ e nyaàiŋ dè e bànè nɛ̀ɛ̀màŋ Jisɛ̀ Kulaìɛ e kpùlìà maŋ yè maŋ nyùùŋ fè ɓɛ̀nɛ̀ŋ kpɛ̀nɛŋ màŋ,

1Tɛsè 1:10

yèè wèè naŋ fòlà jɔ̀àfelaauŋ nɔɔ̀ŋ Jisɛ̀ Kulaì e yìwìà ko àìjɛnɛ̀ŋ wo yèɔ wò naŋ gè e fàaà dìì yèè wò naŋ wi joeyè e yìwìà e wùàŋ Dayàa yaà hinie lɛ̀.

2Tɛsè 2:10

yèè anyùùŋ nyaŋ do nàŋ fɔ̀ nyaŋ, wò do nyiŋ nàŋ tòòmò maŋ tòa naanààŋ diɛ̀ŋ. Àŋ do nàŋ fɔ̀ esaɓù kɛ̀ aŋ gò wa mànàŋ è tɔ̀ɔ̀nyaàaŋ aiŋ jàà kùàŋ dìì wèè aŋ yɛ̀mɛ̀ è jòèyè.

1Time 2:4

wo yèɔ manaŋ wèè wo nyùùŋ gbiŋ yɛ̀mɛ̀ e jòèye yèè wo nyìmàŋ e tɔ̀ɔ̀nyaàaŋ wɔ̀.

Hiɓu 6:8

Kɛɛ sèè e dììɛ è nɔ̀ŋ e ɓìè maŋ dɛiŋ, kɛ̀ e fè è diì kɛnɛ. Wo Dayà ɓɛ̀nɛ̀ŋ gbòò e dìì mààŋ tii, yèè ko diemeì wo niŋ gbìàŋ e hmɔ̀ɔ̀ŋ e hèwà.

Maŋ kèì nyɛɛnɛŋ 22:11

Wo nyùnɔ̀ɔŋ gbiŋ yaà wo nyuùŋ nyɛ̀nɛ̀ŋ maŋ keì naanààŋ wɔ, wo nɔ̀ŋ nyìnìè maŋ keì naanààuŋ màŋ, yèè wo nyùnɔ̀ɔŋ gbiŋ yaà nyìnìè maŋ keì kùwà ninaŋ wɔ̀, wo kuunò miŋ nyɛ̀nɛŋ. Wo nyùnɔ̀ɔŋ gbiŋ yaà nyìnìè tɔ̀ɔ̀nyaàŋ wɔ, wo kuunò niŋ nyɛ̀nɛŋ, e kìlà wo nyùnɔ̀ɔŋ gbiŋ yaà e nɛɛmaŋ sùà wɔ, wo jeè e nɛɛmaŋ sùà.”