1Tɛsè 2:13 - WƆŊ FƐ̀Ì EBÒ SÌÀŊ DAYÀA

¹³ Esaɓù joo bà kòò è yaà ɓɛìŋ wèè e nɛ̀ɛŋ è gèìŋ Dayà ke sɛ̀ weè niŋ lɛ̀. Tiŋ nàŋ yaà, e teengaà è naiŋ hìɛ̀ŋ ke mìè gbìàŋ Dayàa lɛ̀, nìŋ naŋ nyiŋ kòmò yèè nìŋ naŋ nyiŋ jàà kùàŋ dìì, e fè mààŋ kè miè gbìaŋ è yìwìà nyuùŋkpùuŋ sìwè. Kè yaà ke mìè gbìàŋ Dayà ke yèɛ yaà e tɔ̀ɔ̀nyaàŋ lɛ. Nyɛ̀iŋ nyàŋ nìŋ naŋ haawè nyaŋ, wo Dayà yààìŋ sùà wò yaà toomo.

1Tɛsè 2:13 ပူးပေါင်းရင်းမြစ်များ

Maafiù 10:20

Esaɓù kɛ̀, maŋ mìè gbòa màŋ nìŋ do nàŋ nɔ̀ɔ̀ŋ gbuuye màŋ, maŋ naàŋ yìwìè kò nɛ̀ɛ̀iŋ niìŋ. Nìŋ do nàŋ wòò e yèɛ wo Jìnàŋ Dèdaiŋ nɔɔ̀ŋ ko àìjɛnɛ̀ŋ naiŋ woò lɛ.

Maafiù 10:40

“Wo nyùnɔ̀ɔŋ gbiŋ jààìŋ kùàŋ dìì wɔ, wo nyùùŋ bi wòim jàà kùàŋ dìì. Yèè wo nyùnɔ̀ɔŋ gbiŋ jààìm kùàŋ dìì wɔ, wo nyùùŋ bì wò jàà wo nyùnɔ̀ɔŋ naim tùɔ̀ŋ wɔ kùàŋ dìì.

Luù 11:28

Wo Jisɛ̀ naŋ fasàì wò naŋ woò wààŋ, “E zɔlɔ̀ yaà ngèè koɓɛ̀ anyùùŋ nyaŋ komo ke mìè gbìàŋ Dayàa yèè aŋ nyiŋ jàà kùàŋ dìì nyaŋ!”

Luù 5:1

Ke ɗɔ̀ɔ̀ guùŋ wo Jisɛ̀ sia wa e tiwi feìŋ nɛ wɔŋ juwoɔ̀ kɔɔ ko Gɛ̀nɛ̀nsalɛ̀, nààŋ anyùùŋ nyaŋ yaà wa kɔ̀ɔ̀yɛ̀ ko nɛ̀ɛ̀uŋ niìŋ wèè aŋ kòmàŋ ke mìè gbìàŋ Dayàa.

Luù 8:11

Wo Jisɛ̀ naŋ ɓɛìŋ woò wààŋ, “Tɛɛ̀ nàŋ yaà e fàsàì ke kàɓanèɛ, manɛ̀ŋ koei nàŋ yaà ke mìè Dayàa.

Luù 8:21

Wo Jisɛ̀ naŋ nyiŋ woò wààŋ, “Wo yèye miɔ̀ŋ yaà aŋ wùìyaim nyàŋ nàŋ yaà anyùùŋ nyaŋ komò ke mìè gbìàŋ Dayàa yèè aŋ nyiŋ jɔ̀ɔ̀lɔ̀ dìì nyaŋ.”

Jɔ̀ɔŋ 15:3

E yìwìà e yèɛ mìŋ naiŋ woò lɛ, naŋ nyɛ̀nɛ̀ŋ nìŋ naŋ nɔ̀ŋ zɛ̀nɛiŋ.

Jɔ̀ɔŋ 17:17

Jaà nyiŋ e ɓula wèè muàŋ bi esàɓù e tɔ̀ɔ̀nyaàŋ mɔ̀ɛ̀. Ke miè mɔɛ̀ŋ kè yaà e tɔ̀ɔ̀nyaàŋ.

Jɔ̀ɔŋ 17:19

Wèè esaɓù nyiŋ nɛ̀ kà jàà miàŋ bi e ɓula ko nɛ̀ɛ̀ŋ muìŋ, wèè kɛ̀ nyiŋ pɛɛ, àŋ naŋ ɓɛ̀nɛ̀ŋ nɔ̀ŋ e ɓula jàa nyiŋ ko nɛ̀ɛ̀ŋ muìŋ wèè e tɔ̀ɔ̀nyaàaŋ.

Nyɛ̀nɛ̀ŋ 10:33

Mìŋ naŋ tùɔ̀ŋ weèum fiò, yèè mùŋ naŋ niŋ jàà kùàŋ dìì mùŋ naŋ hnè. Yàwi nààŋ gbiŋ kòò è yààìŋ kià wo Kànà Dayàa fɛɛ̀feìŋ, wèè eiŋ kòmàŋ e yèɛ wo Kanaà naum woò lɛ.”

Nyɛ̀nɛ̀ŋ 13:48

Ke miè gbìaŋ yɛɛ̀ naŋ wa fɔ̀ɔ̀yɛ̀ anyùùŋ nyaŋ fè àŋ Juùù nyaŋ maŋ jii, yèè àŋ naŋ tɛ̀nɛ̀ŋ ke mìè Dayàa. Kpeiŋ anyùùŋ nyaŋ gbiŋ naŋ wa nɔ̀ŋ ke ɗuù tà nyàŋ wèè wɔŋ nyiiŋ gèe gò jùàa naŋ gbìɛ̀ŋ e hààwe nyiŋ nɛ̀ wo Kanaà Jisɛ̀ sùà.

Nyɛ̀nɛ̀ŋ 16:14

Wo nìeɔ̀ àŋ nyaaŋ wo Leɗià wɔ nàŋ yaà wa wo nyùnɔ̀ɔŋ bà guùŋ naŋ wi wa kumìè wɔ. Wò yewe wa ko jawa gbeeì aŋ nyaaŋ Tàyatilà, wò yaà wa wo nyuùŋ mààŋ maŋ dèè sɛ̀ìŋ tɔɔ nyìngà ɓaà titi, yèè wò hewa zòòlò Dayà. Wo Kanaà naŋ wa yìlè ke jiiuŋ nɛɛ̀ŋ wèè wo kumiàŋ e yèɛ wo Pɔɔ̀ yaà wa woo lɛ̀.

Nyɛ̀nɛ̀ŋ 17:11

Anyùùŋ nyaŋ ko Bɛ̀lià naŋ wa jàà ke miè gbìaàŋ kùàŋ dìì e nìàŋ anyùùŋ nyaŋ ko Tɛsèlonikà. Wɔŋ niìsìa gbiŋ àŋ hewa gbèè wɔŋ fɛ̀ì Dayàa wèè aŋ nyɛ̀nɛ̀ŋ maŋ nɔnɔŋ tùaŋ sèè mààŋ e yèɛ wo Pɔɔ̀ naŋ woò lɛ è yaà tɔɔɓaa.

Nyɛ̀nɛ̀ŋ 17:32

Anyùùŋ nyaŋ bà nyiŋ naŋ tɔ̀ɔ̀tù hìle nààŋ àŋ naŋ kòmò wo Pɔɔ̀ naŋ woò wààŋ wo Dayà naŋ gè wo nyùùŋ e fàa dìì. Kɛɛ aŋ bà nyiŋ naŋ woò nyààŋ, “È manaŋ maŋ wi ɓɛìŋ wòò e keì lɛɛ̀ e teenga joo bà sùà.”

Nyɛ̀nɛ̀ŋ 2:41

Kpeiŋ anyùùŋ nyaŋ naŋ hààwè ke mìè gbìàŋ Pììlɛɛ̀ maŋ jii nyiŋ màŋ sùà nyaŋ, naŋ wa nɔ̀ŋ gùa nyiŋ. E sɔ̀ngɔ̀ anyuùŋ tààsùùŋ tàài (3,000) naŋ wa sɛ̀ɛ̀ ke gboò nyiŋ nɛɛ̀ŋ sùà ke ɗɔɔ yii.

Nyɛ̀nɛ̀ŋ 8:14

Nààŋ aŋ keela tàeɗùù nyaŋ ko Jùlusɛ̀làm naŋ wa kòmò kɛ̀ anyùùŋ nyaŋ ko Sàmilià jàà ke mìè Dayàa kùàŋ dìì, àŋ naŋ wa tùɔ̀ŋ wo Pììlɛ yèè wo Jɔ̀ɔŋ ko nɛ̀ɛ̀ŋ nyiŋ niìŋ.

Luùm 10:17

Sèè è nɔ̀ŋ yɛi, kɛ̀ wo nyùùŋ gbiŋ fè ɓɛ̀nɛ̀ŋ kɛ̀ɛ̀nɛ̀ŋ hààwe sèè wò go kòmàŋ ke miè gbìaàŋ, e nyaàiŋ dè wo Jisɛ̀ Kulaì.

2 Kɔliìŋ 3:18

Yàwi nààŋ gbiŋ, maŋ dewà wi màŋ tɔɔ̀ e jòòwò Kanaà maŋ dewà gò ɓùwà sùà, yèè e jòòwò guùŋ bi è yewe wo Kanaà sìwè, wo yèɔ yaà wo Jinàaŋ wɔ̀, wò naŋ wi kìlè e ɗeweɛ̀ wò yaà lɛ sùà e jòòwo tɛ̀mɛ̀ɛ̀ gbee bà sùà.

Gàla 4:14

E sàaŋ mɛ̀ èiŋ wa wèè ɓɛ̀nɛ̀ŋ hìàŋ maŋ keì nyìnga bà diɛŋ, kɛɛ niŋ gòim wa wùàŋ ɔ̀ɔ̀ naim fè jɛwɛ esàɓù sàaàŋ e kɔɔ mɛ̀ sùà. Nìŋ naim wa jàà kùàŋ dìì e teenè mààŋ mìŋ yaà wo màìkà Dayàa bà guùŋ, ɔ̀ɔ̀ mààŋ wo Jisɛ̀ Kulaì wuŋ bi.

Kòlo 1:6

Ebò Siaàŋ kòò è yaà nɔŋ hìàŋ sùà e kpùùmaŋ e kìlà kòò è yaà ɓààye sùà e ɗuunyaàŋ gbiŋ sùà, màànààŋ nɔŋ è naiŋ ɓààyè e tɛɛ e teenga gɔu, e yìwìà ke ɗɔɔ jiɛ̀jiɛ̀ɛ nìŋ naŋ wa kòmò e kèè e tɛ̀ɛ̀tɛ̀ɛ̀ Dayàa, yèè nìŋ naŋ nyìmè e tɔ̀ɔ̀nyaàaŋ e nyaàiŋ e niŋ dè lɛ.

Hiɓu 4:12

Ke mìè gbòà Dayàa kè yaà wɔŋ nyiiŋ gèe sùà yèè kè kuwa gààŋ. Kè nɔ̀ŋ ke nìàŋ e kòyà fòò maŋ nyààŋ tìyèe. Kè kɛɛ ke hàì koɓɛ̀i wo jinàaŋ yaà wɔŋ nyììŋ jinàaŋ deenàŋ lɛ, ko yèi maŋ sunosuno màŋ yaà e bù lɛ maŋ gòà maŋ hnàŋ koɓɛ̀ guùŋ lɛ. Kè fulià janjai e gòngò nyuùŋkpùuŋ nɛ̀ e kpùlìà e yèɛ wò naŋ ɗewè ke jiiuŋ nɛɛ̀ŋ sùà lɛ.

Hiɓu 4:2

È naiŋ wa kòmò Ebò Siaàŋ, màànààŋ nɔŋ àŋ naŋ niŋ wa kòmò lɛ, kɛɛ e gò nyiŋ wa nyìnìàŋ è keì kɛnɛ gbiŋ, esaɓù kɛ̀ àŋ naŋ wa gè maŋhɛɛ wèè aŋ hààwè e yèɛ àŋ naŋ wa kòmò lɛ.

Jìiiŋ 1:18

Wo Dayà wuŋ bi naŋ ɗewè wèè wo wi nyɛ̀nɛ̀ŋ eiŋ nɔ̀ŋ aŋ jɔ̀àuŋ e yìwìà ke mìè gbìàŋ tɔ̀ɔ̀nyaàuŋ nɛɛ̀ŋ sùà. Wò naŋ tɛɛ̀ nyɛ̀nɛ̀ŋ wèè kɛ̀ e nɔ̀iŋ e nɛ̀ŋ kɛnɛ jiɛ̀jiɛ̀ɛ manɛ̀ŋ bàneuŋ màŋ tɛɛ.

1Pììlɛ 1:23

Esaɓù ke mìè nyiiŋ gèe gò jùà Dayàa sùà, naŋ nyɛ̀nɛ̀ŋ nìŋ naŋ ɓɛìŋ nɔ̀ŋ e kòmaiŋ jɛ̀ì mààŋ aŋ jɔ̀à wo nyuùŋ kòmaàŋ wo yèɔ fè fà wɔ.

1Pììlɛ 1:25

kɛɛ ke mìè Kànà Dayàa kè jeeyà wèè julɔfɔ.” Ke mìè yɛɛ̀ nàŋ yaà Ebò Siaàŋ àŋ naiŋ daanè lɛ.

1Pììlɛ 2:2

Nɔ̀iŋ mààŋ aŋ jɔaa kòmàŋ jɛ̀ì, e teenga gbiŋ sùà e wùànàŋ maŋ yaà màì gò kɛ̀ɛ̀nɛ̀ŋ tɔ̀mɛ màŋ e gààŋ Jìnàŋ Dayàa sùà e nyɛ̀nɛ̀iŋ, wèè kɛ̀ sèè nìŋ yàà miìŋ naŋ dɛɛ̀ e kìlà wo Dayà woiŋ joeyè.

2Pììlɛ 3:2

Mìŋ manaŋ naŋ jàà jii e nyaàiŋ dè maŋ mìè maŋ aŋ wɛ̀ijì nɛɛmaŋ nyàŋ naŋ wa gbòò e gɔuo sùà maŋ yaà maŋ miè gbìaŋ màŋ e yìwìà wo Kanaà yèè wo Nyuùŋ Jòèyeɔ̀ sìwè maŋ yè maŋ aŋ keela tàeɗùùiŋ nyaŋ naiŋ wa fè maŋ.

1Jɔ̀ɔŋ 3:3

Wo nyùnɔ̀ɔŋ gbiŋ kuwa ke jii tùlia yɛɛ̀ wo Jisɛ̀ Kulaì sùà wɔ, wò nyɛnɛŋ wuŋ bi sengei màànààŋ wo Jisɛ̀ wuŋ bi yaà sengei lɛ̀.