1Tɛsè 2:10 - WƆŊ FƐ̀Ì EBÒ SÌÀŊ DAYÀA

¹⁰ Nìŋ yaà aŋ sèì weè wi e kìlà wo Dayà yaà seì kɛ̀ maŋ kpèè wi màŋ ko nɛ̀ɛ̀iŋ niìŋ nyɛ̀iŋ nyàŋ naŋ haawè nyaŋ, màŋ naŋ zɛ̀nɛ̀ŋ, yèè màŋ naŋ nɔ̀ŋ e tɔ̀ɔ̀nyaàŋ e kìlà e tɔ̀mɛ gò miŋ nɔ̀ŋ.

1Tɛsè 2:10 ပူးပေါင်းရင်းမြစ်များ

Luù 23:41

Sèè è nɔ̀ŋ wèè e je wilɛ̀, è yaà tɔ̀ɔ̀nyaàŋ, esaɓù kɛ̀ yàwi bi naŋ niŋ kamè wèè e keì naanààaŋ è naŋ nyɛ̀nɛ̀ŋ lɛ. Kɛɛ wuŋ wo gò nyɛ̀nɛ̀ŋ è keì naanààŋ bà gbiŋ.”

Nyɛ̀nɛ̀ŋ 20:18

Nààŋ àŋ naŋ hàì ko nɛ̀ɛ̀uŋ niìŋ, wò naŋ nyiŋ woò wààŋ, “Nyɛ̀iŋ bi nàŋ nyìmàŋ e nɛ̀ɛŋ gbiŋ mìŋ naŋ nyɛ̀nɛ̀ŋ lɛ e teengaà yàwi nààŋ gbiŋ yààìŋ wa koɓɛ̀ guùŋ lɛ e hnaàŋ jiɛ̀jiɛ̀ mɛ̀ sùà ko Eesìà.

Nyɛ̀nɛ̀ŋ 20:26

Weètii mìŋ yààìŋ nàaŋ wòo sùà ke ɗɔɔ yɛɛ̀ kɛ̀ sèè nyɛ̀iŋ nààŋ nyùùŋ maŋ sɛ̀ìŋ miàŋ bi nyɛɛ̀ŋ bà gbiŋ naŋ go naŋ fòlà ke dòmàŋ Dayàa diɛŋ, e naàŋ ɓɛìŋ nɔ̀ŋ è kpàŋ è kɔɔim.

Nyɛ̀nɛ̀ŋ 24:16

Weètii mìŋ nyɛnɛŋ e tɛ̀ɛ̀tɛ̀ɛ̀ɛ gbiŋ mìŋ naŋ ɓɛ̀nɛ̀ŋ nyɛ̀nɛŋ wèè ka kɛ̀ɛ̀nɛ̀ŋ e gòngo siaŋ koɓɛ̀ Dayài yèè wo nyuùŋkpùuŋ.

2 Kɔliìŋ 1:12

E zɔlɔ̀ naŋ wi dìè jii, esaɓù kɛ̀ e gòngo wilɛ̀ è wi nyɛ̀nɛ̀ŋ è nyìmàŋ kɛ̀ maŋ kpèè wi màŋ e nyaàiŋ de manɛ̀ŋ maŋ wɔŋ nyiiŋ gèe wiɔ̀ sùà e ɗuunyaŋ lɛɛ̀, kaikai ngèè e mɔ̀ɔ̀nɔɛ̀ŋ yèè e jìlɛɛ̀ŋ yaà wì e fèemàŋ yàwiiŋ nɛ̀, è yaà e gààŋ nɛ̀ɛ̀màŋ Dayàa dìì. E gò e yìwìà è jììkɛ̀ɛ̀ nyuùŋkpùuŋ sùà.

2 Kɔliìŋ 11:11

Mìŋ yaà tɛɛ̀ woo esaɓù kɛ̀ miŋ kuwà è mànaŋ weèiŋ? Wo Dayà nyìmàŋ kɛ̀ mìŋ mànàìŋ!

2 Kɔliìŋ 11:31

Wo Dayà wo Dèdaà wèè Kanaà Jisɛ̀ Kulaì e tɛ̀nɛŋ nɔ̀ŋ e deèuŋ nɛ̀ wèè julɔfɔ! Wò nyìmàŋ kɛ̀ miŋ fè tòa sùà.

2 Kɔliìŋ 4:2

È naŋ hèè maŋ gbùnu màŋ gbiŋ yèè maŋ kpèè sàngè maŋ gbiŋ e ɓula. E fè fɛ̀ɛ̀ wèè e zùwò nyùùŋ gbiŋ ɔ̀ɔ̀ e kàà kè mìè gbìàŋ Dayàa è tòa sùà. Wo Dayà yaà wo seì weè wi kɛ̀ e tɔ̀ɔ̀nyaàaŋ nɔŋ è woàìŋ, wèè anyuùŋ gbànaŋ nyàŋ aŋ gongò kɛ̀ wo Dayà wò wi ɓɛ̀nɛ̀ŋ tùlìà jii.

2 Kɔliìŋ 5:11

Èiŋ nyìmàŋ kɛ̀ kiìŋ nàŋ yaà e fasàìɛ wèè e jùù nɔ̀ŋ nyùùŋ kɔɔ sùà wèè Kanaà, wèètii è fɛɛ wèè eiŋ kpàà anyùùŋ ɗì wèè aŋ haawè. Wo Dayà wò wi nyìmàŋ è jùà jɛ̀wɛ̀ gbɛlɛiŋ. Mìŋ yààìŋ yɛ̀ɛ̀mɛ̀ dòmaŋ wèè naim nyìmàŋ maŋ jiiŋ màŋ sùà miàŋ pɛɛ.

2 Kɔliìŋ 7:2

Kàmeìŋ ko nɔ̀ŋ wi maŋ jiiiŋ màŋ sùà. E gòiŋ kààɓì nyùùŋ gbiŋ, e gòiŋ pɔ̀ɔ̀pɔ̀ɔ̀ è nɛ̀ŋ nyùùŋ gbiŋ sùà, ɔ̀ɔ̀ wèè eiŋ fɛ̀ɛ̀ wèè eiŋ nììngè wò nyùùŋ gbiŋ fɛ̀ɛ̀.

1Tɛsè 1:5

E gòiŋ nɔŋ hìàŋ Èbò Siaàŋ màŋ mìè gbòa sùà nɔŋ, è naŋ niŋ kpùlìè e gààŋ yaà wo Jìnàŋ Nɛɛmaàŋ, yèè e hààwe jùà sùà gbɛlɛiŋ nyaàiŋ dè e tɔ̀ɔ̀nyaàŋ niŋ nɛ̀. Nàŋ nyìmàŋ kɛ̀ diè è naiŋ nɔ̀ŋ e gòlò, è yaà wa wèè e kèì sìàŋ nyɛ̀iŋ bi lɛ̀.

1Tɛsè 2:5

Nàŋ nyìmàŋ fo kɛ̀ maŋ mìè gbòà nyuùŋ tɛ̀nɛŋ nààŋ e gò hìàŋ kò nɛ̀ɛ̀ŋ niìŋ, ɔ̀ɔ̀ eiŋ tòòmò màŋ mìè wèè eiŋ nyɛ̀ɛ̀nɛ̀ŋ è kèò nyààŋ nyɛ̀nɛŋ, wo Dayà nàŋ yaà wo seì wiɔ̀!

2Tɛsè 3:7

Nyɛ̀iŋ bi nàŋ nyìmàŋ tɛ̀ɛ̀ kaiŋ kɛ̀ nìŋ kuwa nɔŋ naŋ dè maŋ kpèè wi màŋ maŋjɛ̀wɛ. E gòiŋ nyɛ̀nɛ̀ŋ è kɔɔ fàa è teengaà è yaà kò nɛ̀ɛ̀iŋ niìŋ lɛ.

1Time 4:12

Ɓɔ̀ mùŋ dangè wò nyùùŋ gbiŋ doim nììngè fɛ̀ɛ̀ esaɓù kɛ̀, mùŋ yaà wo nyuùŋ bɔwɔ, kɛɛ nɔ̀ŋ e tɔ̀ɔ̀màŋseì wèè anyuùŋ hààwe nyàŋ maŋ mìè gbòàum màŋ sùà, maŋ kpèèum màŋ sùà, e mànaŋ mɔ̀ɛ̀ sùà, e hààwe mɔ̀ɛ̀ sùà, yèè maŋ kpèè siaŋ sùà.

2Time 3:10

Mùŋ naŋ dè e kàa mɛ̀, ke kpèè miɛ̀ŋ, yèè esàɓù wɔŋ nyiiŋ gèe miɔ̀ŋ maŋjɛ̀wɛ, màŋ tùàŋ e hààwe mɛ̀, ke jii tɔumtɔ̀ùm miɛ̀ŋ, e mànàŋ mɛ̀, yèè ke jii nyìngè miɛ̀ŋ wèè e keì nyìnga kuwa mɛ̀ gbiŋ maŋ nɔnɔŋ.

1Pììlɛ 5:3

Ɓɔ̀ nìŋ fɛ̀ɛ̀ wèè naŋ kìlìà kana ànyùùŋ nyaŋ yaà è gaàiŋ nɛ̀ dìì nyaŋ diɛ̀ŋ, kɛɛ nɔ̀iŋ e tɔ̀ɔ̀màŋseì koɓɛ̀ aŋ ɓààwàà Dayà nyaŋ.