1Tɛsè 1:6 - WƆŊ FƐ̀Ì EBÒ SÌÀŊ DAYÀA

⁶ Nìŋ naŋ wi fɔɔnɔ̀ŋ yèè nìŋ naŋ fɔ̀ɔ̀nɔ̀ŋ wo Kanaà Jisɛ̀. Jòòpɛɛ nìŋ naŋ mɔɔnɛ̀ŋ zimgbe, kɛɛ nìŋ naŋ jàà ke miè gbìaàŋ kùàŋ dìì e zɔlɔ̀ sùà ke yèɛ yewe wo Jìnàŋ Nɛɛmaàŋ sìwè lɛ.

1Tɛsè 1:6 ပူးပေါင်းရင်းမြစ်များ

Maafiù 16:24

Kpeiŋ wo Jisɛ̀ naŋ wòò anyùùŋ màŋjɛ̀wɛ̀uŋ nyàŋ wààŋ, “Sèè wo nyùùŋ gbiŋ manaŋ wèè woim dè maŋjɛ̀wɛ, sɔɔ̀ wo gììyà wuŋ bi maŋhɛɛ, wo ɓèmè wɔŋ vànèkpaauŋ nɔɔ̀ŋ, yèè woim dè maŋjɛ̀wɛ.

Jɔ̀ɔŋ 8:12

Wo Jisɛ̀ naŋ ɓɛìŋ gbòò koɓɛ̀ anyùùŋ nyaŋ wààŋ, “Miàŋ nàŋ yaà e gbolòùŋ nɛ wèè anyùùŋ nyaŋ e ɗuunyaàŋ! Dèe nìim maŋjɛ̀wɛ, yèè niŋ naàŋ kààìŋ kè nyìwìɛ sùà. Nìŋ do nàŋ yɛ̀mɛ̀ e gbolòùŋ nɛ kiɛ̀ŋ wɔŋ nyiiŋ lɛ̀.”

Nyɛ̀nɛ̀ŋ 13:52

Kɛɛ anyuùŋ hààwe nyàŋ ko Aŋtiɔ̀ yaà wa e zɔlɔ̀ zimgbe sùà yèè wo Jìnàŋ Nɛɛmaàŋ yaà nyiìŋ wa maŋjɛ̀wɛ.

Nyɛ̀nɛ̀ŋ 5:41

Nààŋ aŋ keela tàeɗùù nyaŋ naŋ wa yèwè anyùùŋ gbèègbèè fuɔɔ̀ŋ feìŋ àŋ yaà kɔɔyɛ, e zɔlɔ̀ naŋ nyiŋ wa diè, esaɓù kɛ̀ wo Dayà naŋ nyiŋ wa tàeɗùù wèè aŋ nɔ̀ŋ anyuùŋ kɛnɛ wèè aŋ kà e mɔ̀ɔ̀nɛŋ dìì wèè esàɓù wo Kanaà Jisɛ̀.

Nyɛ̀nɛ̀ŋ 9:31

Anyùùŋ hààwe nyàŋ gbiŋ ko Jùdià, ko Galaliì, yèè ko Sàmilià naŋ wa ngàà nɔ̀ŋ ke jii fàa sùà yèè àŋ naŋ kpèènè e zòòlo nyiŋ nɛ̀ maŋjɛ̀wɛ e dèè Kanaà sùà. Wo Jìnàŋ Nɛɛmaàŋ naŋ wa kìɛ̀ŋ jii nyingè yèè wò naŋ kpùùmò ke gbòò anyuùŋ hààwe nyàŋ ke dɛ̀ɛ̀ò sùà yèè wò naŋ nyiŋ kìɛ̀ŋ e gààŋ wèè aŋ kɛɛnɛ̀ŋ ɓɛ̀ɛ̀jàa wo Kanaà sùà.

Luùm 15:13

Tɔ̀ wo Dayà, wo yèɔ kiɛ̀ŋ ke jii tùlia wɔ̀, wo kpuumàiŋ niŋ kɛɛnɛ̀ŋ e zɔlɔ̀ kɛnɛ yèè ke jii fàa, esàɓù e hààweiŋ nɛ̀, wèè kɛ̀ ke jii tùliaiŋ nɛɛ̀ŋ e gààŋ wo Jìnàŋ Nɛɛmaàŋ sùà, e nɔ̀iŋ maŋjɛ̀wɛ e teenga gbiŋ.

1 Kɔliìŋ 11:1

Kpeiŋ kɛ̀ fɔ̀ɔ̀nɔŋ e tɔ̀ɔ̀màŋseìim mɛ̀, màànààŋ mìŋ fɔɔnɔ̀ŋ e tɔ̀ɔ̀màŋsèì Jisɛ̀ Kulaì lɛ.

1 Kɔliìŋ 11:2

Mìŋ tɛnɛ̀ìŋ e fèfoo e teenga gbiŋ nìŋ jààìm jii, yèè naŋ dè e nɛ̀ɛŋ mìŋ naiŋ kaà lɛ maŋjɛ̀wɛ.

1 Kɔliìŋ 4:16

E wèètii mìŋ yààìŋ dàwe sùà wèè naŋ dè e tɔ̀ɔ̀màŋseì mɛ̀ maŋjɛ̀wɛ.

2 Kɔliìŋ 6:10

Jòòpɛɛ ke nyowo nyɛ̀nɛ̀ŋ wì, kɛɛ e teenga gbiŋ è yààìŋ e zɔlɔ̀ sùà. È yaà mààŋ è naiŋ kɛ̀ɛ̀ sìwè, kɛɛ è nyɛ̀nɛ̀ìŋ anyuùŋ zimgbe aŋ banè. È yaà guùŋ mààŋ e kuwàìŋ è nɛ̀ŋ gbiŋ, kɛɛ tɔɔɓaa è kùwàìŋ manɛ̀ŋ maŋ gbiŋ.

2 Kɔliìŋ 8:5

È naŋ nìè e yèɛ è he weè nàŋ kùwìè jii tùlia weè niŋ lɛ̀. Jiɛ̀, àŋ naŋ fè nyiŋ bi wo Kanaà, yèè esàɓù e gààŋ Dayàa sùà àŋ naŋ wi ɓɛìŋ fè nyiŋ bi.

Gàla 5:22

Wo Jìnàŋ Nɛɛmaàŋ kiɛ̀ŋ wì e mànaŋ, e zɔlɔ̀, ke jii fàa, ke jii tɔumtɔ̀ùm, e keì sìàŋ, e tɛ̀ɛ̀tɛ̀ɛ̀, e hààwe,

Ɛfesɔ̀ 5:1

Nààŋ nìŋ yaà aŋ jɔ̀à è jìì Dayà lɛ, fɛ̀ɛìŋ niŋ nyɛ̀nɛ̀ŋ mààŋ Dayà nyɛnɛŋ lɛ̀.

Fèle 3:17

Nyɛ̀iŋ nààŋ wùìyaim nyàŋ, mìŋ manaŋ naŋ dè e tɔ̀ɔ̀màŋseì mɛ̀ maŋjɛ̀wɛ maŋ nyiiŋ gèeiŋ màŋ sùà. Deìŋ e tɔ̀ɔ̀màŋsèì anyùùŋ nyaŋ naŋ wa nyɛ̀nɛ̀ŋ maŋ kèì tɔ̀ɔ̀nyaàŋ maŋ è naiŋ wa jàà e ɓula e weèiŋ lɛ̀.

2Tɛsè 1:4

Weètii yàwi bi è woà kiiŋ maŋ gbòò anyuùŋ hààwe nyàŋ sùà maŋ sààŋ Dayà maŋ dìì. È woà e kiiŋ e nyaàiŋ dè e ɗeweɛ̀ nìŋ yaà kɔ̀ɔ̀yɛ̀ feìŋ e kìlà nìŋ naŋ haawè jòòpɛɛ àŋ jààìŋ maŋ keì e ɗì yèè nìŋ kɔ̀à maŋ mɔ̀ɔ̀nɛŋ zimgbe bà dìì lɛ.

2Tɛsè 3:7

Nyɛ̀iŋ bi nàŋ nyìmàŋ tɛ̀ɛ̀ kaiŋ kɛ̀ nìŋ kuwa nɔŋ naŋ dè maŋ kpèè wi màŋ maŋjɛ̀wɛ. E gòiŋ nyɛ̀nɛ̀ŋ è kɔɔ fàa è teengaà è yaà kò nɛ̀ɛ̀iŋ niìŋ lɛ.

2Tɛsè 3:9

È naiŋ tɛɛ̀ nyɛ̀nɛ̀ŋ,e fè wa guùŋ kɛ̀ e kuwàìŋ wa è gààŋ wèè eiŋ jàà è kpòònaà wèè naŋ wi kìɛ̀ŋ wɔ̀ŋ kùàŋ kpùùmaŋ wiɔ̀, kɛɛ è naiŋ nyɛ̀nɛ̀ŋ wèè e nɔ̀ŋ e tɔ̀ɔ̀màŋseì naŋ niŋ fɔɔnɔ̀ŋ.

2Time 4:2

wèè maŋ wòò ke miè gbìaàŋ. Jèèe nyiŋ woo sèè pɛɛ è naŋ nɔ̀ŋ e teenga kɛnɛɛ̀ ɔ̀ɔ̀ è go nɔ̀ŋ è teenga kɛnɛɛ̀ diɛŋ, wèè maŋ de anyùùŋ ke dòmàŋ diɛŋ, maŋ nyiŋ kìɛ̀ŋ mìè gòo, yèè maŋ nyiŋ kìɛ̀ŋ maŋ jii nyingè, nààŋ mùŋ kaà nyiìŋ maŋ jii tɔumtɔ̀ùm sùà lɛ.

Hiɓu 10:34

Nìŋ kuwa wa ke nyowo, yèè nìŋ naŋ tuwò tɛ̀ɛ̀ koɓɛ̀ anyùùŋ nyaŋ yaà wa ko sààŋ nyìwì nyaŋ. Yèè àŋ naŋ wa nyimèè wèè anyùùŋ aŋ ɓèmè manɛ̀ŋ siwè nyiŋ màŋ gbiŋ esaɓù, nàŋ nyìmàŋ kɛ̀ nìŋ kuwa e nɛ̀ŋ kɛnɛ, e nɛ̀ŋ kɛnɛ e yèɛ do nàŋ nɔ̀ŋ wèè julɔfɔ lɛ̀.

1Pììlɛ 1:6

Gèeìŋ zɔlɔ̀ wèè tɛɛ̀, jòòpɛɛ è wɔ̀i naàŋ ɓɛ̀nɛ̀ŋ nɔ̀ŋ tɛ̀ɛ̀ wèè naŋ jɛ̀ì e jɛ̀ì ke nyowo sùà wèè e teenga kpàa sùà, esàɓù maŋ wàa kà tinàŋ zimgbe màŋ nìŋ naŋ mɔ̀ɔ̀nɛ̀ŋ dìì maŋ.

1Pììlɛ 1:8

Nìŋ kuwa e mànaŋ wèè Dayà jòòpɛɛ kòò nìŋ yɛ̀mɛùŋ, yèè nìŋ nauŋ haawè sùà, jòòpɛɛ niŋ fèeùŋ naàŋ yɛɛmɛ. Wèètii nìŋ gèe e zɔ̀lɔ̀ ɓɛ̀ɛ̀jàa gbee e yèɛ nyùùŋ fè ɓɛ̀nɛ̀ŋ wòò lɛ̀,

1Pììlɛ 3:13

Ɓòò nàŋ yaào wèè woum jàà e keì keekèè sèè mùŋ haamìŋ wèè maŋ nyɛ̀nɛ̀ŋ keì siaŋ sìàŋ?

3Jɔ̀ɔŋ 1:11

Dàwi mànaŋ miɔ̀ŋ, ɓɔ̀ mùŋ fɔɔnɔ̀ŋ keì naanààŋ, kɛɛ fɔ̀ɔ̀nɔɔ̀ŋ keì sìàŋ. Wo nyùnɔ̀ɔŋ gbiŋ naŋ nyɛ̀nɛ̀ŋ keì sìàŋ wɔ̀, wò yaà wo nyùùŋ Dayà. Wo nyùnɔ̀ɔŋ gbiŋ naŋ nyɛ̀nɛ̀ŋ keì naanààŋ wɔ wo fè wò nyùùŋ Dayà.