1Tɛsè 1:1 - WƆŊ FƐ̀Ì EBÒ SÌÀŊ DAYÀA

¹ E yìwìà miàim Pɔɔ̀ sìwè, wo Sailɔ̀ yaà wo Timetè nàŋ yaà sìngìè wɔŋ fɛi wɛɛ̀ŋ koɓɛ̀ ke gbòò anyuùŋ hààwe nyàŋ kè yaà ko Tɛsèlonikà yɛ, aŋ yè nyaŋ wo Dayà, wo Dèdaà yèè wo Kanaà Jisɛ̀ Kulaì kanaŋ nyàŋ. Tɔ̀ wo Dayà kiɛ̀iŋ e tɛ̀ɛ̀tɛ̀ɛ̀ yèè ke jii fàa.

1Tɛsè 1:1 ပူးပေါင်းရင်းမြစ်များ

Nyɛ̀nɛ̀ŋ 15:22

Aŋ keela tàeɗùù nyaŋ, yèè aŋ màmànkùmɛ̀ŋ anyuùŋ hààwe nyàŋ, e kpùlìà ke gbòò anyuùŋ hààwe nyàŋ naŋ ɗewè wèè aŋ tà anyùùŋ bà ɗùù wèè aŋ dè wo Pɔɔ̀ yèè wo Bànaŋɓà maŋjɛ̀wɛ aŋ ka ko Aŋtiɔ̀. Kpeiŋ àŋ naŋ tà wo Silà yèè wo Juɗà wo yèɔ àŋ nyaaŋ wa ɓɛìŋ wo Bàsaɓà wɔ ɗùù, aŋ sìèfèìŋ tìyèe anyuùŋ hààwe nyàŋ sùà.

Nyɛ̀nɛ̀ŋ 15:27

Weètii è yààìŋ tùàŋ sùà wo Juɗà yèè wo Silà, yèè àŋ doiŋ nàŋ wòò e kèì guùŋ nɛ è naiŋ sìngè lɛ.

Nyɛ̀nɛ̀ŋ 15:40

kɛɛ wo Pɔɔ̀ naŋ ɓèmè wo Silà yèè àŋ naŋ kɔ̀. Anyuùŋ hààwe nyàŋ naŋ nyiŋ gè sɛ̀ yèè àŋ naŋ nyiŋ gbìɛ̀ŋ zòòlo maŋjɛ̀wɛ wèè e tɛ̀ɛ̀tɛ̀ɛ̀ Kanaà e nɔ̀ŋ nyiŋ diɛŋ.

Nyɛ̀nɛ̀ŋ 16:19

Nààŋ aŋ kɛ̀ɛ̀nɛ̀ŋ wo jɔùŋjɔaà naŋ wa naàŋ jàà jii kɛ̀ ke jìì tùlìà dòmàŋ e nɛɛnɛŋ bàne nyiŋ nɛɛ̀ŋ kè nyiŋ fòlà sìwè, àŋ naŋ kùwò wo Pɔɔ̀ yèè wo Silà yèè àŋ naŋ nyiŋ kɔ̀ɔ̀ anyùùŋ gbèègbèè sàwà nyaŋ fɛɛ̀feìŋ.

Nyɛ̀nɛ̀ŋ 16:25

E tèèngà wɔŋ duùm hàì tɛɛ wo Pɔɔ̀ yèè wo Silà naŋ tɔ̀ɔ̀tù zòòlo yèè àŋ yaà dàà sùà maŋ nùŋ tɛ̀nɛŋ koɓɛ̀ Dayài, yèè aŋ pèesìnàŋ gbànaŋ nyàŋ ko sààŋ nyìwìi yaà nyiŋ wa kùmiaŋ sùà.

Nyɛ̀nɛ̀ŋ 16:29

Wo nyùnɔ̀ɔŋ gbiɛŋ wo nyùùŋ ko sààŋ nyìwìi wɔ̀ naŋ dawè wèè ke sìnga kùwa, yèè wò naŋ kɔ̀ɔ̀ maŋ dùàŋ wo jɔ̀à ko sààŋ nyìwìi; e jùùɛ yaàùŋ wa wò gè jèla kpàkpà yèè wò naŋ kɔ̀ wo sɔ̀à ko dììnaŋ wo Pɔɔ̀ yèè wo Silà fɛɛ̀feìŋ.

Nyɛ̀nɛ̀ŋ 17:11

Anyùùŋ nyaŋ ko Bɛ̀lià naŋ wa jàà ke miè gbìaàŋ kùàŋ dìì e nìàŋ anyùùŋ nyaŋ ko Tɛsèlonikà. Wɔŋ niìsìa gbiŋ àŋ hewa gbèè wɔŋ fɛ̀ì Dayàa wèè aŋ nyɛ̀nɛ̀ŋ maŋ nɔnɔŋ tùaŋ sèè mààŋ e yèɛ wo Pɔɔ̀ naŋ woò lɛ è yaà tɔɔɓaa.

Nyɛ̀nɛ̀ŋ 18:5

Kɛɛ nààŋ wo Silà yaà wo Timetè naŋ kɛ̀ɛ̀ maŋjɛ̀wɛ e yìwìà ko Mɛ̀sèdonià, e tòmò Pɔɔ̀ɛ wò yaà wa nyinie lɛ̀ nàŋ yaà ke mìè gbìàŋ Dayàa gbòa koɓɛ̀ aŋ Juùù nyaŋ, kɛ̀ wo Jisɛ̀ nàŋ yaà wo Kulaìɔ wo Dayà naŋ tàeɗùù wɔ wèè wo hìàŋ e jòèye koɓɛ̀ anyùùŋ nyaŋ e ɗuunyaàŋ.

Nyɛ̀nɛ̀ŋ 19:22

Kpeiŋ wò naŋ tùɔ̀ŋ anyuùŋ tòmo dàwiuŋ nyàŋ àŋ tìyèe, wo Timetè yaà wo Ɛ̀lesitɔ̀ ko Mɛ̀sèdonià. Kɛɛ wuŋ bi naŋ wa jòò ko Eesìà wèè e teenga kpàa bà.

Nyɛ̀nɛ̀ŋ 20:4

Nààŋ wo Pɔɔ̀ yaà wa kɛ̀ɛ̀ sùà maŋjɛ̀wɛ, anyùùŋ bà nauŋ wa dè maŋjɛ̀wɛ tèènè mààŋ wo Sopatɔ̀, wo jɔ̀àfèlàà Palɔ̀ɔ e yìwìà ko Bɛ̀lià, wo Àlètakɔ̀ yèè wo Sekɔuŋɗù e yìwìà ko Tɛsèlonikà. Wo Gayɔ̀ e yìwìà ko Dɛɓì, wo Timetè, yèè aŋ fèlàà tìyèe e yìwìà ko Eesìà, wo Tachikɔ̀ yèè wo Tofimù.

Luùm 1:7

Weètii mìŋ naŋ sìngè wɔŋ fɛi wɛɛ̀ŋ koɓɛ̀ nyɛ̀iŋ nààŋ nyùùŋ nɛɛmaŋ nyàŋ gbiŋ ko Luùm. Wo Dayà mànàìŋ e kìlà wòiŋ tàeɗùù wèè naŋ nɔ̀ŋ anyùùŋ wuŋ bi. Tɔ̀ wo Dayà Dèda wiɔ̀ yaà wo Kanaà Jisɛ̀ Kulaì kiɛ̀iŋ e tɛ̀ɛ̀tɛ̀ɛ̀ yèè ke jii fàa!

1 Kɔliìŋ 1:2

naŋ yaà sìngìè wɔŋ fɛi wɛɛ̀ŋ koɓɛ̀ ke gbòò anyuùŋ hààwe nyàŋ yaà ko Kɔliìŋ yɛ. Nyɛ̀iŋ nyàŋ gbiŋ wo Dayà naŋ nyààŋ wèè naŋ nɔ̀ŋ anyùùŋ nɛ̀ɛ̀màŋ Dayà nyaŋ, aŋ yè nyaŋ yaà aŋ bà nyiŋ bà Jisɛ̀ɛ Kulaì sùà nyaŋ, e kpùlìà anyuùŋ gbànaŋ nyàŋ koɓɛ̀ gbiŋ àŋ naŋ nɔ̀ŋ, aŋ yè nyaŋ humo wo Kana wiɔ̀ Jisɛ̀ Kulaì nyaŋ, wo Kànà yàwi nààŋ gbiɔ̀ŋ.

2 Kɔliìŋ 1:1

E yìwìà miàim Pɔɔ̀ sìwè, wo yèɔ yaà wo keela tàeɗùù wèè Kulaì Jisɛ̀ esàɓù e kèè jìì Dayàa sùà wɔ, yèè e yìwìà wo wùìya wiɔ̀ Timetè sìwè, nàŋ yaà sìngìè koɓɛ̀ ke gbòò anyuùŋ hààwe nyàŋ kè yaà ko Kɔliìŋ yɛ, yèè koɓɛ̀ anyùùŋ nɛɛmaŋ nyàŋ gbiŋ ko Àkaayà.

2 Kɔliìŋ 1:19

E wèè Jisɛ̀ Kulaì, wo jɔ̀àfèlàà Dayàa, wo yèɔ wo Sìvanɔ̀ŋ wo Timetè, yèè miàŋ bi, è naiŋ wòò e kiiuŋ e tɛɛiŋ wɔ̀, wo fè wò nyuùŋ wòo wààŋ, “Hɛ̀ɛɛ̀ŋ” yèè “Kpele.” Yèè wɔŋ fàa bàa, wuŋ nàŋ yaà ke “Hɛ̀ɛɛ̀ŋ” Dayàa;

Gàla 1:2

Anyuùŋ hààwe nyàŋ gbiŋ yaà kià nyaŋ naim sìè jɛwɛ wèè ka tùàŋ e zùùmo koɓɛ̀ anyuùŋ hààwe nyaŋ maŋ sààŋ Dayàa màŋ dìì ko Gàlatìà.

Gàla 1:22

E teenga lii sùà aŋ yè nyaŋ yaà wa aŋ bà nyiŋ bà wèè ke gbòò anyuùŋ hààwe nyàŋ wo Jisɛ̀ Kulaì sùà ko Jùdià lɛ, aŋ nyimààìm wa sengei.

Ɛfesɔ̀ 1:2

Tɔ̀ wo Dayà wo Dèdaà wiɔ̀ yèè wo Kanaà Jisɛ̀ Kulaì fèiŋ tɛ̀ɛ̀tɛ̀ɛ̀ yèè ke jii fàa.

Fèle 1:1

E yìwìà miàim Pɔɔ̀ yaà wo Timetè sìwè, aŋ ɓɔ̀ìjɔ̀à Jisɛ̀ Kulaì nyaŋ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nɛɛmaŋ nyàŋ gbiŋ ko Fèlepì, aŋ yè nyaŋ yaà aŋ bà nyiŋ bà wo Jisɛ̀ Kulaì sùà nyaŋ, e kpùlìà aŋ sìèfèìŋ anyuùŋ hààwe nyàŋ yaà anyuùŋ tòmo dàwi nyiŋ nyàŋ.

Kòlo 1:1

E yìwìà miàim Pɔɔ̀ sìwè, wo yèɔ wo Dayà naŋ nyààŋ wèè ka nɔ̀ŋ wo keela tàeɗùù wèè wo Jisɛ̀ Kulaì wɔ, e kìlà e yìwìà wo wùìya wiɔ̀ Timetè sìwè,

2Tɛsè 1:1

E yìwìà miàim Pɔɔ̀ sìwè, wo Sailɔ̀ yaà wo Timetè nàŋ yaà sìngìè wɔŋ fɛi wɛɛ̀ŋ koɓɛ̀ ke gbòò anyùùŋ hààwe nyàŋ yaà sààŋ Dayài ko Tɛsèlonikà, aŋ yè nyaŋ wo Dayà wo Dèdaà wiɔ̀ yèè wo Kanaà Jisɛ̀ Kulaì kanaŋ nyàŋ.

1Time 1:2

Mìàŋ nàŋ yaà sìngìè wɔŋ fɛi wɛɛ̀ŋ koɓɛ̀ muàŋ Timetèi, wo jɔ̀àfelaa kɛnɛ miɔ̀ŋ, e hààweɛ̀ sùà. Tɔ̀ wo Dayà wo Dèda wiɔ̀ yaà Kanaà Jisɛ̀ Kulaì wo Kana wiɔ̀, kiɛ̀iŋ e tɛ̀ɛ̀tɛ̀ɛ̀, ke nyowo, yèè ke jii fàa.

2Time 1:2

Miàŋ nàŋ yaà sìngìè wɔŋ fɛi wɛɛ̀ŋ koɓɛ̀ muàum Timetèi, wo jɔ̀à mànaŋ miɔ̀ŋ. Tɔ̀ wo Dayà wo Dèda wiɔ̀ yaà wo Kanaà Jisɛ̀ Kulaì kiɛ̀iŋ e tɛ̀ɛ̀tɛ̀ɛ̀, ke nyowo, yèè ke jii fàa.

Hiɓu 13:23

Mìŋ manaŋ naŋ nyìmàŋ kɛ̀, àŋ gè wo wùìya wiɔ̀ Timetè ko sààŋ nyìwìi. Sèè wò hnàŋ kià e teengaà diɛŋ, yà wuuŋ tìyèe do nàŋ hnè sèè mìŋ nɔ̀ŋ hinie wèè kaiŋ jaamè.

1Pììlɛ 5:12

Wo Sailɔ̀ naim kpuumò mìŋ naŋ sìngè wɔŋ fɛi kpuu wɛɛ̀ŋ ko nɛ̀ɛ̀ŋ niìŋ, wo yèɔ mìŋ naŋ ɓemè wèè wo nɔ̀ŋ wo wùìya hààwè tɔ̀ɔ̀nyaàŋ wɔ. Mìŋ yààìŋ sìa sùà ke di kɛ̀ tɛɛ̀ nàŋ yaà e kìɛ̀ŋ tɔ̀ɔ̀nyààŋ Dayàa nyììneìŋ sùà niŋ nɔ̀iŋ sùà.

1Jɔ̀ɔŋ 1:3

E yèɛ è naiŋ yɛmɛ̀ yèè è naiŋ kòmò lɛ tiŋ è naiŋ woò, wèè naŋ wi dè maŋjɛ̀wɛ wèè eiŋ nɔ̀ŋ ke gbòò Dayà zòòloɛ̀ sùà, yèè ke gbòò zòòlo yɛɛ̀ kè yaà wèè wo Dèdaà yèè wo jɔ̀àfelaauŋ nɔɔ̀ŋ Jisɛ̀ Kulaì.

Juù 1:1

E yìwìà miàim Juù sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɗo wèè Jisɛ̀ Kulaì, yèè yàwi Jìiiŋ è yaà aŋ wùìya Jisɛ̀ Kulaì sùà. Mìŋ yaà sìngìè koɓɛ̀ anyùùŋ nyaŋ gbiŋ wo Dayà, wo Dèdaà naŋ tàeɗùù yèè wò manaŋ nyàŋ, yèè àŋ yaà e gààŋ Jisɛ̀ Kulaìɛ dìì nyaŋ.