1Pììlɛ 5:9 - WƆŊ FƐ̀Ì EBÒ SÌÀŊ DAYÀA

⁹ Nyìngaìŋ e hààweiŋ nɛ̀ sùà niŋ giiyàuŋ maŋhɛɛ, esaɓù nàŋ nyìmàŋ kɛ̀ ke gbòò aŋ wùìya nyàŋ e ɗuunyaàŋ gbiŋ sùà, àŋ yaà kɔ̀ɔ̀yɛ̀ maŋ kèì nyìngà guùŋ mɛɛ̀ŋ dìì.

1Pììlɛ 5:9 ပူးပေါင်းရင်းမြစ်များ

Luù 22:32

Kɛɛ kà zoolò weèum Saimɔ̀ŋ, wèè kɛ̀ e hààwe mɔ̀ɛ̀ nyìngà sùà. Yèè sèè muŋ kɛɛ maŋjɛ̀wɛ ko nɛ̀ɛ̀ŋ miìŋ, kpùùmaŋ aŋ wùìya gbànaŋ nyàŋ.”

Jɔ̀ɔŋ 16:33

Kàiŋ tɛɛ̀ woò tɛ, wèè kɛ̀ niŋ kɛɛnɛ̀ŋ maŋ jii fàa esaɓù mɛ̀ sùà. E teengaà nìŋ yaà anyùùŋ nyaŋ tɛɛ e ɗuunyaŋ lɛɛ̀ sùà lɛ, nìŋ kuwa naŋ kà e keì nyìnga dìì. Kɛɛ geìŋ zɔlɔ̀! Kà ɓùlà aŋ yè nyaŋ kuwa maŋ kpèè naanààŋ yèè àŋ giiyà wo Dayà maŋhɛɛ nyàŋ.”

Nyɛ̀nɛ̀ŋ 14:22

Àŋ naŋ wa kìɛ̀ŋ anyuùŋ hààwe nyàŋ maŋ jii nyingè yèè àŋ naŋ nyiŋ pɔwɔ̀ wèè aŋ jeèè tɔ̀ɔ̀nyaàŋ e hààwe nyiŋ nɛ̀ sùà. Àŋ naŋ nyiŋ woò nyààŋ, “È kuwa eiŋ kà e keì nyìnga zimgbe dìì pangàà è kɔ̀àìŋ e Kànà Dayàa sùà.”

1 Kɔliìŋ 10:13

E wàa gbiŋ mùŋ naŋ jàà jii kɛ̀ mùŋ naŋ kɔ̀ dìì lɛ, tii nàŋ yaà e wàa ziìɛ è hnàŋ wa koɓɛ̀ nyùùŋ gbiŋ lɛ̀. Kɛɛ wo Dayà yɛmɛ̀ e ɗààhiìuŋ nɛ̀ diɛŋ, yèè wo naàŋ dangè wèè è jɛwɛ̀ gɛ̀ɛ̀ɛ nìnyaum è yèɛ mùŋ fè ɓɛnɛ̀ŋ lɛ eum hnàŋ feìŋ. Wò doum nàŋ kìɛ̀ŋ e gààaŋ wèè maŋ niŋ kà dìì, yèè woum tɔ̀ɔ̀ ke dòmaŋ wèè maŋ niŋ fòlà sùà.

Ɛfesɔ̀ 4:27

Ɓɔ̀ nìŋ kiɛ̀ŋ wò Dɛwìɔ è ɗewe bà gbiŋ.

Ɛfesɔ̀ 6:16

E teenga gbiŋ sùà e hààweiŋ nɛ̀ e nɔ̀ŋ mààŋ wɔŋ kuu fàà ɓɔwɔɔ kìlìà maŋ gaaŋ kùàŋ feìŋ, kɛ̀ nìŋ do nàŋ ɓɛnɛ̀ŋ wèè naŋ kìlìà maŋ gaaŋ kɛ̀ɛ̀nɛ̀ŋ e hmɔ̀ɔ̀ŋ maŋ gbiŋ wo nyuùŋ nyɛ̀nɛ̀ŋ keì naanààaŋ doiŋ nàŋ tà maŋ kùàŋ feìŋ.

Kòlo 2:5

Jòòpɛɛ ke kpùnaŋ miɛ̀ŋ fèìŋ è tɛɛ, kɛɛ mìŋ yààìŋ e tɛɛ wɔŋ nyììŋ jinàŋ miɔ̀ŋ sùà. Ke jii naim fɔ̀ wèè ka nyìmàŋ kɛ̀ kòò nìŋ yaà nyìnìè wɔŋ nyiiŋ gèeiŋ nɔɔ̀ŋ e ɗewe kiiɛ̀ è naŋ tɛɛwɛ̀ lɛ, yèè nìŋ naŋ kùwò e hààweiŋ nɛ̀ kpaŋ wo Jisɛ̀ Kulaì sùà wèè e nɔ̀ŋ e sɛmɛmaŋ niŋ.

1Tɛsè 3:3

e wèè kɛ̀ nyɛ̀iŋ nɛɛ̀ŋ bà gbiŋ go nàŋ kɛ̀ɛ̀ màŋjɛ̀wɛ èsàɓù màŋ mɔ̀ɔ̀nɛŋ mɛɛ̀ŋ sùà. Nyɛ̀iŋ bì nàŋ nyìmàŋ kɛ̀ maŋ mɔ̀ɔ̀nɛŋ mààŋ mɛɛ̀ŋ màŋ yaà maŋ kèè jìì Dayà maŋ bà weè wi.

1Time 6:12

Nyììneè sùà muŋ dùàŋ e dùàŋ hààweɛ̀ sùà, wèè muŋ kɛɛnɛ̀ŋ wɔŋ nyiiŋ gèe gò jùàa, wɔŋ yèɔ wo Dayà naum wa nyààŋ wèè woum kiɛ̀ŋ nààŋ mùŋ naŋ wa fè ke mìè seì sìàŋ ko fɛ̀ɛ̀fèìŋ aŋ seì zimgbe e nyaàiŋ dè hààwe mɔ̀ɛ̀ lɛ.

2Time 3:12

Wo nyùnɔ̀ɔŋ gbiŋ manaŋ wèè wo nɔ̀ŋ wo nyùùŋ tɔ̀ɔ̀nyaàŋ yèè wo bàuŋbà wo Jisɛ̀ Kulaì sùà wɔ, wò do nàŋ kùwò e nìmìlà e yìwìà anyuùŋ joo sìwè.

2Time 4:7

Kà nyɛ̀nɛ̀ŋ e yèɛ gbiŋ mìŋ naŋ ɓɛnɛ̀ŋ e dùaŋ lɛɛ̀ sùà lɛ, kà dùàŋ ke dòmaàŋ ke jùà, yèè kà jàà e hààweɛ̀ kùàŋ dìì.

Hiɓu 11:33

E yìwìà esàɓù hààweɛ̀ àŋ kuwa wa lɛ̀, àŋ naŋ sùmìè maŋ kànà fuɔŋ ɗi yèè àŋ naŋ miŋ ɓùlò. Àŋ naŋ wa nyɛ̀nɛ̀ŋ tɔ̀ɔ̀nyaàŋ, yèè wo Dayà naŋ nyiŋ wa kìɛ̀ŋ e nɛ̀ɛŋ wò naŋ wa jɔ̀ɔ̀ e ɗààhiì wèè wo nyiŋ kiɛ̀ŋ lɛ. Àŋ naŋ wa ɓùwò maŋ nyààŋ aŋ nyàa nyàŋ,

Hiɓu 12:8

Wo Dayà nimilà aŋ jɔ̀àuŋ nyàŋ gbiŋ, yèè sèè wò goiŋ nimilà sèè nìŋ nyɛnɛŋ e keì naanààŋ, kɛ̀ tɔɔɓaa niŋ fè àŋ jɔ̀àuŋ.

Jìiiŋ 4:7

Wèètii, feìŋ nyɛ̀iŋ bi wo Dayà. Gàngaìŋ wo Sɛ̀tanàaŋ sìwè kɛ̀ wò doiŋ nàŋ dùɔ̀ŋ e kɔɔ.

1Pììlɛ 1:6

Gèeìŋ zɔlɔ̀ wèè tɛɛ̀, jòòpɛɛ è wɔ̀i naàŋ ɓɛ̀nɛ̀ŋ nɔ̀ŋ tɛ̀ɛ̀ wèè naŋ jɛ̀ì e jɛ̀ì ke nyowo sùà wèè e teenga kpàa sùà, esàɓù maŋ wàa kà tinàŋ zimgbe màŋ nìŋ naŋ mɔ̀ɔ̀nɛ̀ŋ dìì maŋ.

1Pììlɛ 2:21

Wèè tɛɛ̀ wo Dayà naiŋ nyààŋ, wo Jisɛ̀ Kulaì wuŋ bi naŋ mɔɔnɛ̀ŋ weèiŋ yèè wò naŋ jòò e tɔ̀ɔ̀màŋseì, e wèè naŋ dè e gòlò feeuŋ nɛ̀ maŋjɛ̀wɛ.

1Pììlɛ 3:14

Kɛɛ sèè pɛɛ maŋ kà e keì nyìnga dìì wèè e tɔ̀ɔ̀nyaàŋ, wo Dayà doum nàŋ kpuumò. Wèètii ɓɔ̀ mùŋ dùàŋ nyùùŋ gbiŋ, yèè ke jii mɔɛ̀ŋ ɓɔ̀ kè sɛɛɛ̀ wèè è nɛ̀ɛŋ ànyùùŋ naŋ ɓɛ̀nɛ̀ŋ nyɛ̀nɛŋ lɛ̀.

1Pììlɛ 4:13

Kɛɛ gèeiŋ zɔlɔ̀ kɛ̀ e keì nyìngaà wo Jisɛ̀ naŋ kɔ̀ɛ̀ sùà lɛ, nìŋ yaà e bàiŋbà, wèè niŋ dià zɔlɔ̀ sèè wo Jisɛ̀ Kulaì hnàŋ wa nàwèè wò tɔɔ̀ e jòòwo gbeeuŋ nɛ̀.

Maŋ kèì nyɛɛnɛŋ 1:9

Miàŋ nàŋ yaà wo Jɔ̀ɔŋ, wo wùìyaiŋ nɔɔ̀ŋ, yèè wo nyùùŋ màŋjɛ̀wɛ̀ wo Kanaà Jisɛ̀. Miàŋ nàŋ yaà wo dàwiiŋ nɔɔ̀ŋ ke jii tɔumtɔ̀ùm sùà, wo yèɔ yaà kɔ̀ɔ̀yɛ̀ e keì nyìngaà dìì e yèɛ hnàŋ koɓɛ̀ aŋ yè nyaŋ yaà aŋ bà nyiŋ bà e Kanauŋ nɛ̀ sùà nyaŋ. Àŋ naim wa gbìɛ̀ŋ ke tììŋ Pamòɛ sùà mààŋ wo nyùùŋ keì, esaɓù kɛ̀ mìŋ naŋ gbòò ke mìè Dayàa, yèè mìŋ naŋ wòò e tɔ̀ɔ̀nyaàaŋ e nyaàiŋ dè ke mìè seìɛ wo Jisɛ̀ naŋ wa gɔ̀ì sùà yɛ.

Maŋ kèì nyɛɛnɛŋ 6:11

Wo Dayà naŋ wa kìɛ̀ŋ wo bà guùŋ gbiŋ wɔŋ ɓuuɓane fua, yèè wò naŋ nyiŋ woò wààŋ kɛ̀ aŋ fòlà e teenga kpàa bà. Àŋ kuwa wa aŋ fòlà e teenga e jèèsùà anyùùŋ ɗuunyaŋ nyàŋ aŋ jìwà aŋ wùìya gbànaŋ nyàŋ wo Dayà naŋ gè nyaàŋ diɛŋ wèè àŋ jìwà nyaŋ ke gbòò anyuùŋ hààwe nyàŋ sùà, e kpùlìà anyùùŋ màŋjɛ̀wɛ̀uŋ nyàŋ, màànààŋ àŋ naŋ nyiŋ wa jìwè lɛ.

Maŋ kèì nyɛɛnɛŋ 7:14

Mìŋ naŋ fasàì mìàŋ, “Dàa, miŋ nyimààŋ, kɛɛ muàŋ màŋ nyìmàŋ.” Wò naim woò wààŋ, “Anyùùŋ nyɛɛ̀ŋ naŋ kɔ̀ɛ̀ɛ̀ e nimilà nyìngaà sùà yèè àŋ naŋ hnè bòìbòì. Àŋ naŋ sɔ̀ɔ̀ maŋ ɓuuɓane nyiŋ màŋ yèè àŋ naŋ miŋ nyɛ̀nɛ̀ŋ màŋ naŋ fòò e yìwìà maŋ sɛ̀ìŋ Ɓaawaaà sùà.