1Pììlɛ 5:8 - WƆŊ FƐ̀Ì EBÒ SÌÀŊ DAYÀA

⁸ Ɓɔ̀ nìŋ nyɛɛnɛ̀ŋ, yɛ̀mɛìŋ nyɛ̀iŋ bi diɛ̀ŋ yèè niŋ nɔ̀ŋ fɛɛ̀ wòwò! Wo jooiŋ nɔɔ̀ŋ wo Dɛwìɔ, kòò wò gèe gììne wò kilià mààŋ wo nyàà e wùàŋ, wò yaà kààmè nyùùŋ wèè wo gbìlà.

1Pììlɛ 5:8 ပူးပေါင်းရင်းမြစ်များ

Maafiù 13:39

Wo jooɔ̀ naŋ vààì maŋ dɛɛ komaŋ naanààŋ maŋ wɔ̀ nàŋ yaà wo Sɛ̀tanàaŋ. E kpàli hɛ̀ɛ̀ɛ nàŋ yaà ko dìà e ɗuunyaàŋ, e kìlà anyuùŋ hɛ̀ɛ̀ kpàli nyàŋ nàŋ yaà aŋ màikà nyaŋ.

Maafiù 24:42

Weètii, nɔ̀ŋ e fɛɛ̀ wòwò, esaɓù kɛ̀ muŋ nyimààŋ è teengaà wò Kana mɔɔ̀ŋ do nàŋ hnè lɛ.

Maafiù 25:41

“Kpeiŋ mìŋ do nàŋ wòò aŋ yè nyaŋ sìàìm wɔŋ kùàŋ gbɔnɔŋ nyàŋ mìàŋ, ‘Yèwa nìim feìŋ, nìŋ yaà e gbòònò Dayàa dìì. Kɔ̀àaìŋ niŋ sɛɛ̀ e hmɔ̀ɔ̀ɛŋ e yèɛ fè nyime wèè julɔfɔ lɛ̀ sùà, e yèɛ àŋ naŋ banebànè wèè wo Sɛ̀tanàaŋ yaà aŋ màikàuŋ nyàŋ lɛ.

Maafiù 4:1

Kpeiŋ wo Jìnàŋ wo Kanaà Dayà naŋ nyɛ̀nɛ̀ŋ wo Jisɛ̀ wo kà ke fòùngà e diì wòaà sùà wèè wo Sɛ̀tanàaŋ wouŋ wàà.

Maafiù 4:11

Kpeiŋ wo Sɛ̀tanàaŋ naŋ jòò wo Jisɛ̀ wo ka. Ko fɛɛ̀feìŋ aŋ màikà nyaŋ naŋ wa hnè yèè àŋ nauŋ kpuumò.

Luù 21:34

Wo Jisɛ̀ naŋ ɓɛìŋ woò wààŋ, “Yɛ̀mɛìŋ nyɛ̀iŋ bi diɛŋ! Ɓɔ̀ nìŋ dangè è wànàŋ gbana yaà màŋ muàŋ tìa e kpùlìà ke jìì sɛ̀ɛ̀ wɔ̀ŋ nyiiŋ gèe wɛɛ̀ŋ wɔŋ doiŋ dìà màŋ jiio sùà, esaɓù wèè ke ɗɔɔ yii goiŋ wa nàwèè nàŋ foonò

Luù 21:36

Yɛ̀mɛìŋ nyɛ̀iŋ bi diɛŋ yèè niŋ dawè wo Dayà e teenga gbiŋ wo kiɛ̀iŋ e gààŋ wèè maŋ keì mɛɛ̀ŋ do yaà nàŋ kaaìŋ maŋ gbaàiŋ bòìbòì e kìlà miàim wo Jɔ̀àfèlàà Nyuùŋ Kpùnɔɔ̀ŋ nɔ̀ŋ ke jii fàa sùà weèiŋ.”

Luù 22:31

Wo Jisɛ̀ naŋ woò wààŋ, “Saimɔ̀ŋ, kùmiàim! Wo Sɛ̀tanàŋ dàwè wo Dayà wèè wouŋ gè nyààŋ diɛŋ wèè wo wàà nyɛ̀iŋ nààŋ gbiŋ, wèè wo gè aŋ siaŋ sìàŋ nyaŋ aŋ naanààŋ nyaŋ sùà, màànààŋ nɔŋ wo nyuùŋ tòmò ɓùɔ gè e kpàliuŋ nɛ̀ŋ maŋ kpàli dɛɛ màŋ sùà.

Jɔ̀ɔŋ 8:44

Wo dèdaiŋ nɔɔ̀ŋ naŋ yaà wo sìèfèìŋ wo nyuùŋ kɛ̀ɛ̀nɛ̀ŋ ke kpèè naanààaŋ, yèè nìŋ nyɛnɛŋ nɔŋ màànààŋ wò manaŋ lɛ̀. Wò wa nɔ̀ŋ wo nyuùŋ jìwà nyùùŋ yèè wo nyuùŋ tòa gɔu. E kèì tɔ̀ɔ̀nyaàŋ bà gbiŋ e fòuŋ kò kùàŋ sùà. Wò gboo wèè wuŋ bi, yèè e yèɛ gbiŋ wò woà lɛ è yaà e tòa. E fè nɔŋ kɛ̀ wuŋ bi wò yaà wò nyuùŋ tòa, kɛɛ wuŋ naŋ kòmò anyuùŋ tòa nyàŋ gbiŋ.

2 Kɔliìŋ 2:11

e wèè wo Sɛ̀tanàaŋ go nàŋ kùwìè wɔŋ kùàŋ gààŋ ko diɛŋ wi, esaɓù kɛ̀ èiŋ nyìmàŋ maŋ ɗèweuŋ màŋ.

Ɛfesɔ̀ 4:27

Ɓɔ̀ nìŋ kiɛ̀ŋ wò Dɛwìɔ è ɗewe bà gbiŋ.

Ɛfesɔ̀ 6:11

Gɔ̀aìŋ manɛ̀ŋ sùmiaŋ màŋ gbiŋ wo Dayà naiŋ kiɛ̀ŋ maŋ, yèè niŋ dè gòlò jɛ̀wɛ̀ wèè e kààɓì Dɛwìɔ.

1Time 2:15

Kɛɛ wo jɔùŋ do nàŋ yɛ̀mɛ̀ e jòèye esàɓù aŋ jɔ̀à nyaŋ wò naŋ kòmò nyaŋ. E kìlà sèè wo jèè e hààwe yaà e mànaŋ sùà, yèè wo nɔ̀ŋ nyùùŋ nɛɛmaŋ ko fɛ̀ɛ̀fèìŋ Dayài.

1Time 2:9

Mìŋ manaŋ ɓɛìŋ wèè aŋ jɔùŋ nyaŋ aŋ dèèyè nyiiŋ bi yèè aŋ kuwiè jiikɛ̀ɛ wèè maŋ dèè kɔɔ nyiŋ màŋ, yèè e kpàa kii nyiŋ nɛ̀ e nɔ̀ŋ tɛ̀ɛ̀, aŋ haà maŋ ɗì nyiŋ màŋ e ɓɛ̀ɛ̀jàa sùà, ɓɔ̀ aŋ sìà màŋ gòoò jɔ̀ɔ̀ɔ, ɓɔ̀ àŋ sìà màŋ dɔmɔŋ, ɓɔ̀ àŋ kpàà màŋ deè nyìngà ɓaà.

1Time 3:11

Aŋ jawe nyiŋ nyàŋ nyiiŋ pɛɛ, aŋ nɔ̀ŋ anyuùŋ kɛ̀ɛ̀nɛ̀ŋ maŋ kpèè siaŋ, yèè ɓɔ̀ àŋ fiefìè ànyùùŋ, ɓɔ̀ àŋ nɔ̀ŋ è dìè mùàŋ, aŋ nɔ̀ŋ e tɔ̀ɔ̀nyaàŋ e keì kɛnɛ gbiŋ sùà.

1Time 3:2

Wo sìèfèìŋ anyuùŋ hààwe nyàŋ, kuwa wo nɔ̀ŋ wo nyùnɔ̀ɔ̀ŋ kuwà è tɔ̀mɛ wɔ̀. Wo nɔ̀ŋ nyuùŋ kɛ̀ɛ̀nɛ̀ŋ wo jɔ̀ùŋ guùŋ, ɓɔ̀ wò nɔ̀ŋ wò nyuùŋ tìà mùàŋ, wo yɛmɛ̀ wuŋ bi diɛŋ, yèè wo nɔ̀ŋ ke jii fàa sùà. Wo nɔ̀ŋ nyuùŋ jàà aŋ nyùnèènyɛiŋ kùàŋ dìì ko gboouŋ noo, e kìlà wo nyìmàŋ e ɗèwè kàa.

2Time 4:17

Kɛɛ wo Kanaà naim wa nɔ̀ŋ maŋjɛ̀wɛ yèè wò naim kìɛ̀ŋ e gààŋ, weètii mìŋ naŋ wa ɓɛnɛ̀ŋ wèè ka wòò ke miè gbìaàŋ gbiŋ koɓɛ̀ anyùùŋ nyaŋ gbiŋ fè àŋ Juùù nyaŋ wèè aŋ nyiŋ kòmàŋ, yèè mìŋ naŋ wa yɛ̀mɛ̀ e jòèye, aŋ gòim wa gè nyààŋ diɛŋ wèè àŋ nyàa nyaŋ aim jìwà.

Taitɔ̀ 1:8

Kɛɛ wo mànàŋ aŋ nyùnèènyɛiŋ, yèè wo nɔ̀ŋ nyuùŋ nyɛ̀nɛ̀ŋ keì sìàŋ. Wo kuwìè jiikɛ̀ɛ, wo nɔ̀ŋ tɔ̀ɔ̀nyaàŋ, wo nɔ̀ŋ nyùùŋ nɛɛmaŋ, yèè wo nɔ̀ŋ wo nyùnɔ̀ɔŋ naŋ ɓɛ̀nɛ̀ŋ yɛ̀mɛ̀ wuŋ bi diɛŋ wɔ̀.

Taitɔ̀ 2:12

Esàɓù e tɛ̀ɛ̀tɛ̀ɛ̀ Dayàa sùà, wò naŋ wi kaà wèè eiŋ gè kùàŋ maŋ keì naanààŋ sùà e kpùlìà maŋ ɗèwè ɗuunyaŋ naanààŋ maŋ, yèè eiŋ nyìmàŋ e ɗèwè yàwi bi yɛ̀mɛ̀ diɛŋ, eiŋ nɔ̀ŋ tɔ̀ɔ̀nyaàŋ, yèè eiŋ nɔ̀ŋ wɔŋ nyiiŋ gèe e jɔ̀ɔ̀lɔ sùà e ɗuunyaŋ lɛɛ̀,

Taitɔ̀ 2:2

Wòò anyuùŋ gɔu nyàŋ aŋ nyìmàŋ e ɗèwè nyiŋ bi yɛ̀mɛ̀ diɛŋ, aŋ kuwiè jiikɛ̀ɛ yèè aŋ sìà ke di. E hààwe nyiŋ nɛ̀, e mànaŋ nyiŋ nɛ̀, yèè ke jii kùwa nyiŋ nɛɛ̀ŋ ɓɔ̀ è kɛɛ̀ màŋjɛ̀wɛ.

Taitɔ̀ 2:4

e wèè aŋ kaà aŋ jɔùŋ nyuùŋ bɔwɔ nyàŋ aŋ kuwiè e mànaŋ wèè aŋ faiŋ nyiŋ nyàŋ yaà aŋ jɔ̀à nyiŋ nyàŋ,

Taitɔ̀ 2:6

Sià aŋ felaa nyuùŋ bɔwɔ nyàŋ nyiŋ pɛɛ ke di, aŋ nyìmàŋ e ɗèwè nyiŋ bi yɛ̀mɛ̀ diɛŋ.

Jìiiŋ 4:7

Wèètii, feìŋ nyɛ̀iŋ bi wo Dayà. Gàngaìŋ wo Sɛ̀tanàaŋ sìwè kɛ̀ wò doiŋ nàŋ dùɔ̀ŋ e kɔɔ.

1Pììlɛ 1:13

Wèètii maŋ gòngoiŋ màŋ nɔ̀ŋ bànèbane miŋ wèè ke nyɛ̀nɛŋ. Ɓɔ̀ nìŋ nyɛɛnɛ̀ŋ, yèè kùwieìŋ jii tùlia gbee e keì sìàŋ lɛɛ̀ sùà, e yèɛ wo Dayà doiŋ nàŋ kiɛ̀ŋ sèè wo Jisɛ̀ Kulaì hnàŋ wa nàwèè lɛ.

1Pììlɛ 4:7

Ko dìaì wèè manɛ̀ŋ maŋ gbiŋ kò gbɛ̀ɛ̀. Weètii, sìaìŋ ke di yèè niŋ nɔ̀ŋ ɗìòsùà sengei niŋ zoolò.

Maŋ kèì nyɛɛnɛŋ 12:10

Eɓìèmàŋjɛ̀wɛ̀ tii, mìŋ naŋ kòmò ke mìè kpàaŋ e yìwìà ko àìjɛnɛ̀ŋ kè naŋ woò wààŋ, “E jòèyè Dayàa è ngàà hnàŋ! Wo Dayà ngàà tɔ̀ɔ̀ e gaàuŋ nɛ̀ mààŋ wo Kana! Wo yèɔ wo Dayà naŋ tàeɗùù wèè wo joeyè e ɗuunyaàŋ wɔ, wo Kulaìɔ, ngàà tɔ̀ɔ̀ e gaàuŋ nɛ̀! Esaɓù nàŋ yaà kɛ̀, wo yèɔ naŋ wa sìè wo Dayà wiɔ̀ fɛɛ̀feìŋ, yèè wò naŋ gbùwò maŋ keì anyuùŋ hààwe nyàŋ ɗì maŋ gɔɛɛ yèè dùùm wɔ, àuŋ gbìàŋ ko jɔɔlèi e yìwìà ko àìjɛnɛ̀ŋ.

Maŋ kèì nyɛɛnɛŋ 12:12

Weètii, tɔ̀ ko àìjɛnɛ̀ŋ gè zɔlɔ̀, e kpùlìà nyɛ̀iŋ nyàŋ gbiŋ joào nyàŋ! Kɛɛ e keì nyìnga yaà koɓɛ̀ e dììɛ yaà wɔŋ juwoɔ̀, esaɓù kɛ̀ àŋ dèèyè wo Dɛwìɔ e dììɛ diɛŋ e yìwìà ko àìjɛnɛ̀ŋ wèè wo kuii joo, yèè e wùàŋ nauŋ diè, esaɓù wò nyìmàŋ kɛ̀ e teengauŋ nɛ̀ è joo tòloò.”

Maŋ kèì nyɛɛnɛŋ 12:9

Wo Dayà naŋ wa gbìɛ̀ŋ wo kaì gbeeɔ̀ ko jɔɔlèi e yìwìà ko àìjɛnɛ̀ŋ. Wò naŋ wa gè wo kaì gɔugɔ̀ù wii wo yèɔ àŋ nyaaŋ wo Dɛwìɔ, ɔ̀ɔ̀ Sɛ̀tanàŋ, ko àìjɛnɛ̀ŋ. Wuŋ naŋ zuwò anyùùŋ fuɔŋ nyàŋ gbiŋ e ɗuunyaàŋ. Àŋ nauŋ wa tùɔ̀ŋ e dììɛ diɛŋ yaà aŋ màikàuŋ nyàŋ.

Maŋ kèì nyɛɛnɛŋ 20:10

Wo Dɛwìɔ, wo yèɔ naŋ nyiŋ wa zuwò wɔ, wo Dayà nauŋ wa gbìɛ̀ŋ ko hmɔɔ̀ŋ kàànè sɔfɔ̀ sùà, ko yèi wo yilì kùùnoɔ̀ yàà wo wɛ̀ijì tòaà àŋ yaà wa naàŋ tɛ lɛ̀. Kuŋ àŋ do nàŋ nɔ̀ŋ e keì nyìnga sùà e dùùm yaà maŋ gɔɛɛ wèè julɔfɔ yèè julɔfɔ.

Maŋ kèì nyɛɛnɛŋ 20:2

Wò naŋ kùwò wo kaì gbeeɔ̀, wo kaì gɔugɔ̀ù wii, wo Dɛwìɔ ɔ̀ɔ̀ wo Sɛ̀tanàŋ, yèè wò nauŋ sìè maŋ jɔ̀ɔ̀ɔ wèè maŋ doa tààsùùŋ guùŋ (1,000).