1Pììlɛ 5:2 - WƆŊ FƐ̀Ì EBÒ SÌÀŊ DAYÀA

² Nààŋ nɔŋ anyuùŋ yɛ̀mɛ̀ aŋ ɓaawaa diɛŋ nyàŋ yɛmɛ̀ aŋ ɓaawaa nyiŋ nyàŋ diɛŋ lɛ̀, mìŋ yààìŋ dàwe sùà wèè naŋ nɔ̀ŋ anyuùŋ yɛ̀mɛ̀ aŋ ɓààwàà Dayà nyaŋ gbiŋ wò naiŋ sèèlè e kii nyiŋ feìŋ nyaŋ diɛŋ. Nyìniàìŋ niŋ ke jii siaŋ diɛ̀ŋ màànààŋ wo Dayà manaŋ wèè naŋ nyɛ̀nɛ̀ŋ lɛ. Ɓɔ̀ nìŋ nyinìàŋ niŋ kè jii kpàaŋ diɛŋ. Nyɛ̀nɛìŋ e tòmoiŋ nɛ̀ ɓɔ̀ è nɔ̀ŋ wèè pààwa, kɛɛ e yiwìàiŋ jii wèè nyɛ̀nɛŋ.

1Pììlɛ 5:2 ပူးပေါင်းရင်းမြစ်များ

Luù 12:32

“E jùù ɓɔ̀ è nyɛ̀nɛ̀iŋ, nyɛ̀iŋ nààŋ nyùùŋ nyaŋ yaà mààŋ aŋ ɓaawaa nyàŋ. Wo Dèdaiŋ nɔɔ̀ŋ ko àìjɛnɛ̀ŋ manaŋ woiŋ kìɛ̀ŋ e Kanaà.

Nyɛ̀nɛ̀ŋ 20:29

Kà nyìmàŋ kɛ̀ sèè mìŋ kɔ̀à, anyuùŋ joo bà àŋ yaà mààŋ aŋ pɔ̀ɔ̀wɛ̀i do nàŋ hnè wèè aŋ gbùwà nyùùŋ nyaŋ yaà mààŋ aŋ ɓaawaa nyàŋ ke gùuŋ.

Nyɛ̀nɛ̀ŋ 21:13

Kɛɛ wo Pɔɔ̀ naŋ nyiŋ fasàì wààŋ, “Wèè kiìŋ nìŋ yaà gulie e kìlà nìŋ yaà pɔ̀ɔ̀pɔɔ sùà ke jii miɛ̀ŋ? Miŋ gò nɔŋ nyimèè wèè aim gbìàŋ kò sààŋ nyìwì wèè èsàɓù e dèè wò Kanaà Jisɛ̀, kɛɛ mìŋ naŋ ngèè pɛɛ nyimèè wèè ka fà e weèuŋ ko Jùlusɛ̀làm!”

Luùm 1:15

Mìŋ kuwa ka wòò Ebò Siaàŋ koɓɛ̀ anyùùŋ nyaŋ gbiŋ. Weètii mìŋ yaà bànèbaneim wèè ka jààmè nyɛ̀iŋ gbiŋ ko Luùm.

1 Kɔliìŋ 9:7

Ɓòò nàŋ tomàŋ mààŋ wo kààlò ɗùà e yìwìà e nɛ̀ŋ mààŋ wuŋ bi lɛ̀ sùà? Ɓòò nàŋ tomàŋ wɔŋ ɓù maŋ nɛ̀ŋje wo fè jè màŋ nɛ̀ŋjèò ɓù bi bà? Ɓòò nàŋ kɛɛnɛ̀ŋ ke gbòò aŋ dìi wo fè nyiŋ gè màŋ yaà màì nyiŋ màŋ bà?

1Time 3:3

Ɓɔ̀ wò nɔ̀ŋ nyuùŋ tìà mùàŋ ɔ̀ɔ̀ wò nyùùŋ ɗanga. Kɛɛ wo nɔ̀ŋ wo nyuùŋ kɛ̀ɛ̀nɛ̀ŋ tùwo siaŋ, yèè wo kuwiè ke jii siaŋ, ɓɔ̀ wò nɔ̀ŋ wò nyùùŋ wùànàŋ nɛɛnɛŋ.

1Time 3:8

Aŋ ɓɔìjɔ̀à nyaŋ kpùùmàŋ aŋ sìèfèìŋ anyuùŋ hààwe nyaŋ lɛ, aŋ kɛ̀ɛ̀nɛ̀ŋ ke kpèè siàŋ e kìlà aŋ nɔ̀ŋ anyùùŋ tɔ̀ɔ̀nyaàŋ. Ɓɔ̀ àŋ nɔ̀ŋ ànyuùŋ tìà màŋ tala muaŋ zimgbe, e kìlà ɓɔ̀ àŋ nyɛ̀nɛ̀ŋ e wùànàŋ nɛɛnɛŋ.

Taitɔ̀ 1:11

Kɛɛ hàà nyiŋ nàà sìwè kɛ̀ ɓɔ̀ àŋ nyɛ̀nɛ̀ŋ niŋ. E nɛɛnɛŋ àŋ yaà maŋjɛ̀wɛ, e nɛ̀ɛŋ àŋ yaà kàa sùà lɛ, e fè tɔ̀ɔ̀nyaàŋ wèè aŋ niŋ kaà. Yèè esàɓù e kàa bi sùà àŋ yaà kìla sùà maŋ jìì maŋ kpoo zimgbe.

Taitɔ̀ 1:7

Nààŋ wo sìèfèìŋ anyuùŋ hààwe nyàŋ nàŋ yaà wo ɓɔìjɔ̀à yɛ̀mɛ̀ e kèè e tòmò Dayàa dììo sùà lɛ, ɓɔ̀ wò kuwìè è tɔ̀mɛ. Ɓɔ̀ wò nɔ̀ŋ wò nyuùŋ mànàŋ tɛɛ, ɔ̀ɔ̀ wò nyuùŋ bìà jii, ɔ̀ɔ̀ wò nyuùŋ tìà màŋ mùàŋ tiwìtiwì ɔ̀ɔ̀ wò nyuùŋ dàà gbɔ̀ɔ ɔ̀ɔ̀ wò nyùùŋ wùànàŋ nɛɛnɛŋ keekèè.

Taitɔ̀ 2:14

Wò naŋ fè wuŋ bi wèè yàwi, yèè wo naŋ wi bilɛ̀ŋ e yìwìà maŋ keì naanààŋ gbiŋ sùà, e kìlà wò naŋ wi nyɛ̀nɛ̀ŋ eiŋ nɔ̀ŋ anyuùŋ zɛ̀nɛŋ, aŋ yè nyaŋ wuŋ guùŋ kpò kanaŋ yèè àŋ naŋ haamìŋ wèè e keì sìàŋ nyɛ̀nɛŋ nyàŋ.

Taitɔ̀ 3:1

Kùnoò dìkà maŋ jìì anyuùŋ ko Kuliì nyaŋ koɓɛ̀ maŋ keì mɛɛ̀ŋ, aŋ kòmàŋ anyuùŋ gbeegbèè nyiŋ nyàŋ mìè yèè aŋ jɔɔlɔ̀ nyiŋ dìì, yèè aŋ nɔ̀ŋ e bànèbane nyiŋ wèè aŋ nyɛ̀nɛ̀ŋ tɛ̀ɛ̀ dòmaŋ nyaaŋ ɗewe gbiŋ sùà.

Felemɔ̀ŋ - PHM 1:14

Kɛɛ miŋ naàŋ nyɛ̀nɛ̀ŋ è keì gbiŋ e jèèsùà maŋ nyimèè. Mìŋ manaŋ wèè ke kpèè tùwo siaŋ mɔɛ̀ŋ ke e yìwìà ke jii mɔɛ̀ŋ sùà, kɛɛ ɓɔ̀ è nɔ̀ŋ è kèkèteè wèè maŋ niŋ nyɛ̀nɛ̀ŋ.

Hiɓu 12:15

Yɛ̀mɛìŋ nyɛ̀iŋ bi diɛŋ, wèè niŋ go nàŋ fè e tɛ̀ɛ̀tɛ̀ɛ̀ Dayàa jɛwɛ. Ɓɔ̀ nìŋ dangè wò nyùùŋ gbiŋ wò do nɔ̀ŋ mààŋ e kùù gùlò kè kuù fiìì, yèè wo nyɛ̀nɛ̀ŋ anyuùŋ zimgbe aŋ nɔ̀ŋ è keì nyìnga sùà.

2Pììlɛ 2:3

Àŋ do nàŋ nyɛ̀nɛ̀ŋ e kèè nyààŋ aiŋ kaaɓì maŋ mìè gbòa ɓuuyè sùà. Kɛɛ e gbàiɛ̀ wo Dayà kuwa weè nyiŋ nɛ̀ è yaà wa naàŋ bànèbane niŋ gɔu, yèè wo nyuùŋ jìwa nyiŋ nɔɔ̀ŋ fè màŋjàwè.