1Pììlɛ 5:12 - WƆŊ FƐ̀Ì EBÒ SÌÀŊ DAYÀA

¹² Wo Sailɔ̀ naim kpuumò mìŋ naŋ sìngè wɔŋ fɛi kpuu wɛɛ̀ŋ ko nɛ̀ɛ̀ŋ niìŋ, wo yèɔ mìŋ naŋ ɓemè wèè wo nɔ̀ŋ wo wùìya hààwè tɔ̀ɔ̀nyaàŋ wɔ. Mìŋ yààìŋ sìa sùà ke di kɛ̀ tɛɛ̀ nàŋ yaà e kìɛ̀ŋ tɔ̀ɔ̀nyààŋ Dayàa nyììneìŋ sùà niŋ nɔ̀iŋ sùà.

1Pììlɛ 5:12 ပူးပေါင်းရင်းမြစ်များ

Jɔ̀ɔŋ 21:21

Nààŋ wo Pììlɛ naŋ yɛ̀mɛ̀ wo nyùùŋ màŋjɛ̀wɛ̀ wɛɛ̀, wò naŋ dàwè wo Jisɛ̀ wààŋ, “Kanaà, kiìŋ mùŋ kuwa maŋ woò e nyaàiŋ dè wo felaa wɛɛ̀?”

Nyɛ̀nɛ̀ŋ 11:23

Ke jii naŋ wa fɔ̀ wo Bànaŋɓà nààŋ wò nao wa haì yèè wò naŋ yɛ̀mɛ̀ e ɗeweɛ̀ wo Dayà naŋ wa kpùùmò anyùùŋ nyaŋ lɛ̀. Kpeiŋ wò naŋ nyiŋ dawè wèè aŋ kɛɛnɛ̀ŋ maŋ jii nyingè e kìlà aŋ jeè e hààwe yaà e tɔ̀ɔ̀nyaàŋ maŋ jii nyiŋ màŋ sùà koɓɛ̀ wo Kanaà.

Nyɛ̀nɛ̀ŋ 15:22

Aŋ keela tàeɗùù nyaŋ, yèè aŋ màmànkùmɛ̀ŋ anyuùŋ hààwe nyàŋ, e kpùlìà ke gbòò anyuùŋ hààwe nyàŋ naŋ ɗewè wèè aŋ tà anyùùŋ bà ɗùù wèè aŋ dè wo Pɔɔ̀ yèè wo Bànaŋɓà maŋjɛ̀wɛ aŋ ka ko Aŋtiɔ̀. Kpeiŋ àŋ naŋ tà wo Silà yèè wo Juɗà wo yèɔ àŋ nyaaŋ wa ɓɛìŋ wo Bàsaɓà wɔ ɗùù, aŋ sìèfèìŋ tìyèe anyuùŋ hààwe nyàŋ sùà.

Nyɛ̀nɛ̀ŋ 20:24

Kɛɛ miŋ gò kpɛɛ̀ŋ kɛ̀ kiìŋ nàŋ do nàŋ kaaìŋ wɔ̀ŋ nyiiŋ miɔ̀ŋ, sèè nɔŋ mìŋ kpɛɛyɛ̀ e tòmoɛ̀ wo Kanaà Jisɛ̀ naim kiɛ̀ŋ wèè ka nyɛ̀nɛ̀ŋ lɛ. Yèè e tòmo lɛɛ̀ nàŋ yaà wèè ka wòò Ebò Siaàŋ e nyaàiŋ dè e tɛ̀ɛ̀tɛ̀ɛ̀ Dayàa.

Luùm 5:2

Wò wi hiàŋ e yìwìà e hààwe sùà koɓɛ̀ e tɛ̀ɛ̀tɛ̀ɛ̀ Dayàa è yèɛ e gòiŋ tomo weè niŋ lɛ̀, e kìlà e yèɛ è joàìŋ naàŋ sùà lɛ. Weètii e zɔlɔ̀ yaà wì, nààŋ è kùwàìŋ ke jii tùlia wèè eiŋ nɔ̀ŋ aŋ bàwibà e jòòwò Dayàa sùà.

1 Kɔliìŋ 15:1

Mìŋ manaŋ wèè kao dìkà maŋ jiiiŋ màŋ, nyɛ̀iŋ nààŋ wùìyaim nyàŋ, koɓɛ̀ Ebò Siaàŋ mìŋ yaà woo ko nɛ̀ɛ̀ŋ niìŋ lɛ, e yèɛ nìŋ naŋ jàà kùàŋ dìì lɛ, yèè e yèɛ nìŋ sia diɛŋ lɛ̀.

2 Kɔliìŋ 1:19

E wèè Jisɛ̀ Kulaì, wo jɔ̀àfèlàà Dayàa, wo yèɔ wo Sìvanɔ̀ŋ wo Timetè, yèè miàŋ bi, è naiŋ wòò e kiiuŋ e tɛɛiŋ wɔ̀, wo fè wò nyuùŋ wòo wààŋ, “Hɛ̀ɛɛ̀ŋ” yèè “Kpele.” Yèè wɔŋ fàa bàa, wuŋ nàŋ yaà ke “Hɛ̀ɛɛ̀ŋ” Dayàa;

2 Kɔliìŋ 1:24

E fè fɛ̀ɛ sùà wèè eiŋ tɔ̀ɔ̀ è nɛ̀ɛŋ nìŋ haawà lɛ, è nyìmàŋ kɛ̀ nìŋ sia gbàùŋ gbàùŋ e hààweɛ̀ sùà. Kɛɛ e gbio sùà, è yààìŋ tòòmò koɓɛ̀ guùŋ wèè e zɔ̀lɔ̀ nyɛ̀iŋ biɛ̀.

Ɛfesɔ̀ 3:3

Wo Dayà naim tɔ̀ɔ̀ e ɗèweuŋ nɛ̀ wèè ke gbùnuuŋ nɛɛ̀ŋ. Yèè wèè esaɓù lɛɛ̀ mìŋ naŋ sìngè tòloò wèè e nyaàiŋ dè e keì bi.

Ɛfesɔ̀ 6:21

Wo Tachikɔ̀ wo ɓɔìjɔ̀à yèè wùìya tùlìà jii wiɔ̀ e tòmò Kanaà Jisɛ̀ Kulaìɛ sùà doiŋ nàŋ gbàì jii nyaàiŋ dè e ɗeweɛ̀ e kɔɔ mɛ̀ yaà lɛ, yèè e nɛ̀ɛŋ mìŋ yaà nyinie lɛ̀.

Kòlo 1:7

Nìŋ naŋ wa kòmò e kèè e tɛ̀ɛ̀tɛ̀ɛ̀ Dayàa e yìwìà wo Ɛpafilè sìwè, wo ɓɔìjɔ̀à tòmo dàwi siaŋ wiɔ̀. Wò yaà wo ɓɔìjɔ̀à tòmo tùlìà jii dàwì wi wo Jisɛ̀ Kulaì sùà.

Kòlo 4:7

Wo wùìya mànaŋ wiɔ̀ Tachikɔ̀, wò yaà wo ɓɔìjɔ̀à tùlìà jii, e kìlà wò naŋ wi tòòmò maŋjɛ̀wɛ wèè eiŋ tomo wèè wo Kanaà wɔ, wò doiŋ nàŋ kìɛ̀ŋ ke miè gbìaàŋ e nyaàiŋ eim dè.

Kòlo 4:9

Wo Onisimɔ̀ŋ, wo wùìya mànaŋ yèè wo nyuùŋ tùlìà jii wiɔ̀ bà guùŋ e yìwìà ke gboòiŋ nɛɛ̀ŋ sùà, yèè wo Tachikɔ̀ nàŋ yaà hìnìè ko nɛ̀ɛ̀iŋ niìŋ. Nyiŋ tìyèe doiŋ nàŋ wòò e nɛ̀ɛŋ gbiŋ yaà kià kaaiŋ lɛ̀.

1Tɛsè 1:1

E yìwìà miàim Pɔɔ̀ sìwè, wo Sailɔ̀ yaà wo Timetè nàŋ yaà sìngìè wɔŋ fɛi wɛɛ̀ŋ koɓɛ̀ ke gbòò anyuùŋ hààwe nyàŋ kè yaà ko Tɛsèlonikà yɛ, aŋ yè nyaŋ wo Dayà, wo Dèdaà yèè wo Kanaà Jisɛ̀ Kulaì kanaŋ nyàŋ. Tɔ̀ wo Dayà kiɛ̀iŋ e tɛ̀ɛ̀tɛ̀ɛ̀ yèè ke jii fàa.

2Tɛsè 1:1

E yìwìà miàim Pɔɔ̀ sìwè, wo Sailɔ̀ yaà wo Timetè nàŋ yaà sìngìè wɔŋ fɛi wɛɛ̀ŋ koɓɛ̀ ke gbòò anyùùŋ hààwe nyàŋ yaà sààŋ Dayài ko Tɛsèlonikà, aŋ yè nyaŋ wo Dayà wo Dèdaà wiɔ̀ yèè wo Kanaà Jisɛ̀ Kulaì kanaŋ nyàŋ.

Hiɓu 13:22

Mìŋ yààìŋ pɔɔwɔ nyɛ̀iŋ nààŋ wùìyaim nyàŋ, wèè naŋ kòmàŋ maŋ mìè gbìàŋ jii nyingè mɛɛ̀ŋ, esaɓù kɛ̀ wɔŋ fɛi sìngaim wɛɛ̀ŋ ko nɛ̀ɛ̀iŋ niìŋ, wɔŋ gò mùnlàŋ.

1Pììlɛ 1:13

Wèètii maŋ gòngoiŋ màŋ nɔ̀ŋ bànèbane miŋ wèè ke nyɛ̀nɛŋ. Ɓɔ̀ nìŋ nyɛɛnɛ̀ŋ, yèè kùwieìŋ jii tùlia gbee e keì sìàŋ lɛɛ̀ sùà, e yèɛ wo Dayà doiŋ nàŋ kiɛ̀ŋ sèè wo Jisɛ̀ Kulaì hnàŋ wa nàwèè lɛ.

1Pììlɛ 4:10

Wo ɓɔìjɔ̀àa yɛ̀mɛ̀ manɛ̀ŋ kìɛ̀ŋ Dayà maŋ diɛŋ wɔ̀, maŋ kìɛŋ titi maŋ wò naŋ gè Dayà sìwè maŋ sɔɔ̀ wo miŋ toomò wèè e tɛ̀ɛ̀tɛ̀ɛ̀ koɓɛ̀ anyuùŋ hààwe dàwiuŋ nyàŋ.

2Pììlɛ 1:12

Mìŋ doiŋ nàŋ nɔ̀ŋ dììka sùà maŋ keì mɛɛ̀ŋ jii, jòòpɛɛ nàŋ nyìmàŋ maŋ gbiŋ tɛ, yèè nìŋ sia naàŋ gbàùŋ gbàùŋ e tɔ̀ɔ̀nyaàŋ nìŋ naŋ yɛmɛ̀ lɛ sùà.

2Pììlɛ 2:15

Àŋ jòà ke dòmaŋ jìlɛɛ̀ŋ àŋ go, àŋ dè ke dòmaàŋ wo kèèlà Dayàa Bàlaàŋ wo jɔ̀àfèlàà Biɔ̀ɔ naŋ ɓemè yɛ, wo yèɔ manaŋ e nɛɛnɛɛ̀ŋ wò gè ke nyɛ̀nɛ̀ŋ kàaɓì sùà lɛ.

3Jɔ̀ɔŋ 1:12

Aŋ anyùùŋ nyaŋ gbiŋ naŋ fè ke mìè seì tɛ̀ɛ̀ nyaàiŋ dè wo Dɛ̀mɛ̀tiliɔ̀, yèè e tɔ̀ɔ̀nyaàaŋ tiŋ bi naŋ gbòò tɛ̀ɛ̀ e nyaàìŋ euŋ dè. Yèè è naiŋ tìè ke mìè seì bi sɛijɛwɛ nyaàìŋ euŋ dè, yèè nàŋ nyìmàŋ kɛ̀ e yèɛ gbiŋ è woò lɛ è yaà e tɔ̀ɔ̀nyaàŋ.

Juù 1:3

Nyɛiŋ nààŋ dàwi mànaim nyàŋ, tɔɔɓaa mìŋ yaà wa zoolo sɛmɛ e wànàŋ gbee sùà wèè ka sìngà ko nɛ̀ɛ̀iŋ niìŋ e nyaàiŋ dè e jòèyè nɛɛmaàŋ è naiŋ gòònò e fèemàŋ lɛ. Kɛɛ sɔɔ̀ ka sìngà kaiŋ dawè wèè naŋ dè e hààwe bi gòlò jɛwɛ e yèɛ wo Dayà naŋ kìɛ̀ŋ anyunùuŋ nyàŋ yèè e bà gbiŋ gò jòò jɛ̀wɛ̀ lɛ.