1Pììlɛ 5:10 - WƆŊ FƐ̀Ì EBÒ SÌÀŊ DAYÀA

¹⁰ Sèè nìŋ kɔɛ̀ maŋ keì nyìnga mɛɛ̀ŋ sùà wèè e teenga kpuu sùà, wo Dayàa kuwa maŋ tɛ̀ɛ̀tɛ̀ɛ̀ maŋ gbiŋ wɔ̀, wo yèɔ naiŋ nyààŋ wèè wo goonòiŋ e jòòwò nyiiŋ gèe gò jùà ke gbòò Jisɛ̀ Kulaì sùà wɔ, wuŋ bi doiŋ nàŋ nyɛ̀nɛ̀ŋ sengei yèè woiŋ fè e kɔɔ nyingè, woiŋ sìà e gààŋ woiŋ jàà ko tɔɔtu tùlìà jii.

1Pììlɛ 5:10 ပူးပေါင်းရင်းမြစ်များ

Luù 22:32

Kɛɛ kà zoolò weèum Saimɔ̀ŋ, wèè kɛ̀ e hààwe mɔ̀ɛ̀ nyìngà sùà. Yèè sèè muŋ kɛɛ maŋjɛ̀wɛ ko nɛ̀ɛ̀ŋ miìŋ, kpùùmaŋ aŋ wùìya gbànaŋ nyàŋ.”

Luùm 15:13

Tɔ̀ wo Dayà, wo yèɔ kiɛ̀ŋ ke jii tùlia wɔ̀, wo kpuumàiŋ niŋ kɛɛnɛ̀ŋ e zɔlɔ̀ kɛnɛ yèè ke jii fàa, esàɓù e hààweiŋ nɛ̀, wèè kɛ̀ ke jii tùliaiŋ nɛɛ̀ŋ e gààŋ wo Jìnàŋ Nɛɛmaàŋ sùà, e nɔ̀iŋ maŋjɛ̀wɛ e teenga gbiŋ.

Luùm 15:5

Tɔ̀ wo Dayà, ko tɔ̀ɔ̀tù ke jii tɔumtɔ̀ùm yèè ke jii nyingè, nyɛ̀nɛ̀ŋ e kɛɛnɛ̀iŋ e gòngò guùŋ nɛ yàwi bi e fèemàŋ, nààŋ è dèìŋ e tɔ̀ɔ̀màŋsèì Jisɛ̀ Kulaì lɛ maŋjɛ̀wɛ,

Luùm 16:25

Jòòwò wiìŋ e tɛ̀ɛ̀tɛ̀ɛ̀ Dayàa! Wò ɓɛ̀nɛ̀ŋ nyɛ̀nɛ̀ŋ e hààwe mɔ̀ɛ̀ e nyìngà sùà wèè julɔfɔ esàɓù Ebò Siaàŋ mìŋ naiŋ woò lɛ e nyaàiŋ dè wo Jisɛ̀ Kulaì. Tɛɛ̀ nàŋ yaà ɓɛìŋ e yèɛ ke gbùnuɛ̀ yaà wa ko nyɛɛnɛŋ maŋ doà gɔu bà sùà yɛ.

Luùm 9:11

Kɛɛ wèè paŋ aŋ jɔ̀àfèlàà tìyèe nyàŋ aŋ nɔ̀ŋ wa kòmaŋ nyiŋ, ɔ̀ɔ̀ wèè paŋ aŋ nyɛ̀nɛ̀ŋ wa e keì sìàŋ ɔ̀ɔ̀ e keì naanààŋ gbiŋ, wo Dayà naŋ wòò wo Lòbɛkà wààŋ, “Wo jɔ̀àfelaa jiɛ̀jiɛ̀ mɔɔ̀ŋ do nàŋ tòòmò wo nanàuŋ nɔɔ̀ŋ dìì.” Wo Dayà naŋ wa tɛɛ̀ woò wèè e tɔɔ̀ kɛ̀ wò naŋ wa ɗewè yèè wò manaŋ wa nɔŋ wo tà wo jɔ̀àfèlàà guùŋ ɗùù. Kɛɛ e fè wa wèè è keì ɗewe bà gbiŋ è yèɛ àŋ naŋ wa nyɛ̀nɛ̀ŋ lɛ.

Luùm 9:24

Esaɓù kɛ̀ yàwi nàŋ yaà anyùùŋ nyaŋ wò naŋ nyààŋ nyaŋ, yèè e fè nɔŋ è yìwìà àŋ Juùù nyaŋ è fèemàŋ, kɛɛ e yìwìà anyùùŋ nyaŋ fè àŋ Juùù nyaŋ nyiiŋ pɛɛ.

1 Kɔliìŋ 1:10

E yìwìà e gààŋ e dèè Kana wiɔ̀ Jisɛ̀ Kulaìɛ sùà, mìŋ yààìŋ dàwe sùà nyɛ̀iŋ nààŋ wùìyaim nyàŋ gbiŋ, wèè e nɛ̀ɛ̀ŋ nìŋ woà lɛ naiŋ jàà kùàŋ dìì, wèè e tɛɛ gòòno goiŋ nàŋ sɛ̀ɛ̀ è fèemàŋ. Nɔ̀iŋ koɓɛ̀ guùŋ, e gòngò guùŋ diɛŋ, yèè esàɓù guùŋ diɛŋ.

1 Kɔliìŋ 1:9

Wo Dayà yaà wo nyuùŋ tùlìà jii, wo Dayàa naiŋ nyààŋ wèè naŋ nɔ̀ŋ ke gbòò anyuùŋ hààwe nyàŋ sùà nyɛ̀iŋ nààŋ Jɔ̀àuŋ nɔɔ̀ŋ Jisɛ̀ Kulaì wo Kana wiɔ̀ wɔ.

2 Kɔliìŋ 13:11

E gbiŋ sùà, nyɛ̀iŋ nààŋ wùìyaim nyàŋ enììsìàiŋ. Nɔ̀ɔìŋ tɛ̀ɛ̀ yèè niŋ kuwìè e gòngo wèè maŋ keì maŋ mìŋ naiŋ woò maŋ. Fɛ̀ɛìŋ niŋ nɔ̀ŋ ɓɛ̀ guùŋ ke jii fàa sùà. Kɛ̀ wo Dayà kùwìè e mànaàŋ yaà ke jii fàa doiŋ nàŋ nɔ̀ŋ e kɔɔ.

2 Kɔliìŋ 4:17

Maŋ keì nyìnga nyɛɛ̀ mɛɛ̀ŋ wèè e teenga kpuu, màŋ yaà wì bànèbane sùà wèè e jòòwo gò jùà. E yèɛ do nàŋ nyɛ̀nɛ̀ŋ maŋ keì nyìnga wi màŋ gbiŋ maŋ nɔ̀ŋ mààŋ maŋ fè è nɛ̀ŋ bà gbiŋ sùà lɛ.

Fèle 4:13

Kà ɓɛnɛ̀ŋ wèè ka kɔ̀ɛ̀ e keì ɗewe gbiŋ sùà, esaɓù kɛ̀ wo Jisɛ̀ Kulaì nyɛnɛŋ kà kɛ̀ɛ̀nɛ̀ŋ e gààaŋ wèè ka tii nyɛ̀nɛ̀ŋ.

Kòlo 2:7

Nyùaìŋ e gulòiŋ nɛ̀ wo Jisɛ̀ Kulaì ko sùà, e kìlà niŋ kɛɛnɛ̀ŋ gààŋ e hààweiŋ nɛ̀ sùà, màànààŋ àŋ naiŋ wa kaà lɛ. Kɛ̀ɛ̀nɛìŋ ke sɛ̀ gèe e teenga gbiŋ koɓɛ̀ Dayài.

1Tɛsè 2:12

È naiŋ sìè di, e nyɛ̀nɛ̀ŋ maŋ jiiiŋ màŋ fà, yèè è naiŋ nɔ̀ŋ dàwe sùà wèè naŋ nɔ̀ŋ wɔ̀ŋ nyiiŋ gèe sùà wɔŋ yèɔ naŋ fɔ̀ɔ̀yɛ̀ Dayà jii wɔ̀ŋ, wo yèɔ naiŋ nyààŋ wèè woiŋ gè nyààŋ diɛŋ naŋ nɔ̀ŋ aŋ bàuŋbà e kanauŋ nɛ̀ yaà e jòòwouŋ nɛ̀ sùà wɔ.

2Tɛsè 2:14

Wò naiŋ nyààŋ e keì lɛɛ̀ sùà esàɓù Ebò Siaàŋ è naiŋ woò lɛ, wò naiŋ nyààŋ wèè naŋ ɓèmè ko jeiŋ sìeì e jòòwò Kana wiɔ̀ Jisɛ̀ Kulaìɛ sùà.

2Tɛsè 2:17

wo sìàiŋ ke di jiio sùà yèè wo fèiŋ e gààŋ wèè julɔfɔ niŋ woò yèè niŋ nyɛ̀nɛ̀ŋ e yèɛ yaà tɛ̀ɛ̀ lɛ.

2Tɛsè 3:3

Kɛɛ wo Kanaà yaà wo nyuùŋ tùlìà jii, yèè wò doiŋ nàŋ fè e gààŋ yèè woiŋ yɛ̀mɛ̀ diɛŋ anyùùŋ maŋ kpèè naanààŋ nyaŋ e tɛɛ.

1Time 6:12

Nyììneè sùà muŋ dùàŋ e dùàŋ hààweɛ̀ sùà, wèè muŋ kɛɛnɛ̀ŋ wɔŋ nyiiŋ gèe gò jùàa, wɔŋ yèɔ wo Dayà naum wa nyààŋ wèè woum kiɛ̀ŋ nààŋ mùŋ naŋ wa fè ke mìè seì sìàŋ ko fɛ̀ɛ̀fèìŋ aŋ seì zimgbe e nyaàiŋ dè hààwe mɔ̀ɛ̀ lɛ.

2Time 1:9

Wò naŋ wi joeyè, yèè wò naŋ wi nyààŋ wèè e nɔ̀ŋ anyùùŋ nɛɛmauŋ nyàŋ e fè wèè èsàɓù kè nyɛ̀nɛŋ wiɛ̀, kɛɛ è yaà esàɓù e ɗèwè wuŋ biɛ̀ yaà e tɛ̀ɛ̀tɛ̀ɛ̀uŋ nɛ̀. Wò naŋ wi kìɛ̀ŋ e tɛ̀ɛ̀tɛ̀ɛ̀ lɛɛ̀ e yìwìà wo Jisɛ̀ Kulaì sùà paŋ ngàà e ɗuunyaàŋ naŋ wa nɔ̀ŋ bàne niŋ,

2Time 2:10

weètii mìŋ kɔ̀à maŋ keì nyìnga mɛɛ̀ŋ dìì, wèè esàɓù anyùùŋ Dayà nyaŋ wò naŋ tàeɗùù nyaŋ, wèè kɛ̀ nyiiŋ pɛɛ aŋ yɛmɛ̀ e jòèyeɛ̀ naŋ hnè esàɓù Jisɛ̀ Kulaì sùà lɛ, yèè e hìàŋ e jòòwo gò jùà.

Hiɓu 9:15

E wèè saɓù lɛɛ̀, wo Jisɛ̀ Kulaì nàŋ yaà wo nyùnɔ̀ɔŋ sià ke konaŋ fèemàaŋ, wo yèɔ naŋ bànè e ɗààhìì e mìèsùàguùŋ jɛ̀ì, wèè kɛ̀ aŋ yè nyaŋ wo Dayà naŋ nyààŋ nyaŋ aŋ yɛmɛ̀ e kpùùmàŋ wɔŋ nyiiŋ gèe gò jùà e yèɛ wo Dayà naŋ jɔ̀ɔ̀ ɗààhiì wèè wo kiɛ̀ŋ lɛ. Tɛɛ̀ ɓɛ̀nɛ̀ŋ kààiŋ esaɓù kɛ̀ wo Jisɛ̀ Kulaì naŋ fɔ̀, yèè tɛɛ̀ naŋ nyɛ̀nɛ̀ŋ anyùùŋ naŋ fòlò e keì dìì e yìwìà maŋ keì naanààŋ maŋ àŋ naŋ nyɛ̀nɛ̀ŋ maŋ, e teengaà e ɗààhìì mìèsùàguùŋ jiɛ̀jiɛ̀ɛ yaà wa toomo lɛ̀.

1Pììlɛ 1:15

Kɛɛ, e nɛ̀ŋ gbiŋ nìŋ naŋ nyɛ̀nɛ̀ŋ, nɔ̀ìŋ e nɛɛmaŋ sùà màànààŋ nɔŋ wo Dayàa naiŋ nyààŋ wɔ wò yaà e nɛɛmaŋ sùà lɛ.

1Pììlɛ 4:10

Wo ɓɔìjɔ̀àa yɛ̀mɛ̀ manɛ̀ŋ kìɛ̀ŋ Dayà maŋ diɛŋ wɔ̀, maŋ kìɛŋ titi maŋ wò naŋ gè Dayà sìwè maŋ sɔɔ̀ wo miŋ toomò wèè e tɛ̀ɛ̀tɛ̀ɛ̀ koɓɛ̀ anyuùŋ hààwe dàwiuŋ nyàŋ.

1Pììlɛ 4:11

Anyùùŋ nyaŋ kuwa e kìɛ̀ŋ gbòa nyàŋ, aŋ woò ke mìè gbìàŋ Dayàa. Aŋ yè nyaŋ yaà aŋ ɓɔìjɔ̀à tòmo nyàŋ, aŋ toomò e gàaŋ wo Dayà naŋ nyiŋ kiɛ̀ŋ lɛ. E wèè kɛ̀ e gbio sùà wo Dayà yɛmɛ̀ e ɓɛ̀ɛ̀jàa esàɓù Jisɛ̀ Kulaì sùà wo yèɔ e gààŋ yèè e jòòwo yaà weèuŋ wèè julɔfɔ yèè julɔfɔ wɔ̀. Àmiinàŋ.

2Pììlɛ 1:3

E nɛ̀ɛ̀màŋ Dayàa, e gaàiŋ nɛ̀ è wi kìɛ̀ŋ e nɛ̀ɛŋ gbiŋ è mànàìŋ wèè eiŋ nɔ̀ŋ wɔŋ nyiiŋ gèeɔ̀ fɔɔyɛ̀ Dayà jii wɔ̀ŋ sùà, esaɓù kɛ̀ eiŋ nyìmàŋ wo yèɔ naŋ wi nyààŋ wèè wo wi gòònò e jòòwouŋ nɛ̀ yèè e tɛ̀ɛ̀tɛ̀ɛ̀uŋ nɛ̀ e fèemàŋ wɔ.

1Jɔ̀ɔŋ 2:25

Yèè tɛɛ̀ wo Jisɛ̀ naŋ wa ɓèèmè e ɗààhiì diɛŋ kɛ̀, wò do wi nàŋ kìɛ̀ŋ wɔŋ nyiiŋ gèe gò jùà.

Juù 1:24

Wo Dayà wuŋ guùŋ nɔŋ naum ɓɛ̀nɛ̀ŋ yɛ̀mɛ̀ diɛŋ wèè muŋ go nàŋ sɔ̀ɔ̀, e kìla woum nyɛ̀nɛ̀ŋ maŋ nɔ̀ŋ zɛ̀nɛum yèè e zɔlɔ̀ sùà e jòòwouŋ nɛ̀ fɛɛ̀feìŋ.