1Pììlɛ 4:8 - WƆŊ FƐ̀Ì EBÒ SÌÀŊ DAYÀA

⁸ Eɓìèmàŋjɛ̀wɛ̀ tii gbiŋ, kùwieìŋ e mànaŋ tiwìtiwì wèè aŋ dàwiiŋ nyàŋ e fèfoo, e mànaŋ ɓuwo maŋ jùumù zimgbe.

1Pììlɛ 4:8 ပူးပေါင်းရင်းမြစ်များ

1 Kɔliìŋ 13:1

Kà wɛ̀i ɓɛ̀nɛ̀ŋ gbòà maŋ kàìŋ nyuùŋkpùuŋ e kpùlìà maŋ jè aŋ màikà nyaŋ, kɛɛ sèè miŋ gò kùwìè è mànaŋ, e gbòaim mɛ̀ è yaà nɔŋ mààŋ wɔŋ kaì fàà ɓɔwɔɔ ɓùlìà nɛ̀ŋ, ɔ̀ɔ̀ ke ɓaɓaane kùwìè e giimè gbee.

1 Kɔliìŋ 13:4

E mànaŋ naŋ tɔumtɔ̀ùm, yèè è kuwìà nyùùŋ le siwè sìàŋ, e fè gè lè koo ɔ̀ɔ̀ e kɛ̀ɛ̀ màŋ nyongà ɔ̀ɔ̀ e ɓèmè tiŋ bi gbee.

Kòlo 3:14

E mànaŋ kuwa e sɛmɛmaŋ e nìàŋ e keì ɗewe gbiŋ. Tiŋ nàŋ jaanàŋ manɛ̀ŋ maŋ gbiŋ koɓɛ̀ guùŋ kpaŋ.

1Tɛsè 3:12

Tɔ̀ wo Kanaà nyɛ̀nɛ̀ŋ e mànaàŋ e fèemàiŋ nɛ̀ yèè e wèè anyùùŋ nyaŋ gbiŋ e dɛɛ̀ sùà, e nɔ̀ŋ màànààŋ e mànaàŋ maŋ jii wi màŋ sùà weèiŋ è naŋ dɛɛ̀ lɛ.

2Tɛsè 1:3

Nyɛ̀iŋ nààŋ wùìya wi nyàŋ, è kuwa eiŋ gè wo Dayà ke sɛ̀ e teenga gbiŋ e weèiŋ. È yaà tɔ̀ɔ̀nyaàŋ wèè eiŋ tɛɛ̀ nyɛ̀nɛ̀ŋ, e fèfoo kɛ̀ e hààweiŋ nɛ̀ è yaà dɛ̀ɛ sùà zimgbe, yèè e mànaàŋ nìŋ kuwa wèè aŋ dàwiiŋ nɛ̀, è yaà gàaŋ sùà gbee.

1Time 1:5

Esàɓù e keì wòo lɛɛ̀ nàŋ yaà, wèè maŋ kàà anyùùŋ wèè aŋ kɛ̀ɛ̀nɛ̀ŋ e mànaŋ kɛnɛɛ̀, e yèɛ naŋ fòlò ke jìì sengèì, e gòngo siaŋ, yèè e hààwè tɔ̀ɔ̀nyaàŋ sùà lɛ.

Hiɓu 13:1

Kɛ̀ɛ̀nɛìŋ e mànaŋ wèè aŋ dàwi, màànààŋ anyùùŋ màŋjɛ̀wɛ̀ Kanaà Jisɛ̀ kuwa aŋ nyɛ̀nɛ̀ŋ lɛ.

Jìiiŋ 5:12

Tii gbiŋ sùà, nyɛ̀iŋ nààŋ wùìyaim nyàŋ, sèè nìŋ ɓemàŋ e ɗààhiì wèè naŋ nyɛ̀nɛ̀ŋ e nɛ̀ŋ bà wèè nyùùŋ. Ɓɔ̀ nìŋ gboonò è dèè àìjɛnɛ̀ɛŋ diɛŋ ɔ̀ɔ̀ è dèè ɗuunyaàŋ diɛŋ ɔ̀ɔ̀ è dèè nɛ̀ŋ bà gbiŋ diɛŋ. Sèè nìŋ, nyimààŋ nààŋ “èèè” e nɔ̀ŋ èèè, sèè nìŋ woà nààŋ “Kpele” e nɔ̀ŋ kpele, kɛ̀ wo Dayà naìŋ gbààè è keì.

Jìiiŋ 5:20

jàaìŋ tɛɛ jii, wo nyùnɔ̀ɔŋ gbiŋ naŋ kɛ̀lɛ̀ɛ̀ ke jìì wo nyùùŋ maŋ jùumùɔ e yìwìà ke dòmaŋ ɓàuŋ nɛɛ̀ŋ diɛŋ wɔ̀, wò do nàŋ jòèyè wo jìnàŋ nyùùŋ maŋ jùumù wii e yìwìà e fàa dìì. Yèè tii è hiàŋ maŋ jùumù zimgbe jùùyà hakɛ̀.

1Pììlɛ 1:22

Nààŋ nìŋ yaà naàŋ jɔ̀ɔ̀lɔ sùà e tɔ̀ɔ̀nyaàŋ dìì, e tɔ̀mɛ jùumù fè ɓɛìŋ màŋ nyiiiŋ màŋ, nàŋ naàŋ zɛ̀nɛ̀ŋ. Yèè nàŋ kùwìè e mànaŋ kɛnɛ wèè anyùùŋ hààwè dawiiŋ nyàŋ. Kùwieìŋ e mànaŋ e fèemàŋ e yìwìà maŋ jiiiŋ màŋ diɛŋ.

3Jɔ̀ɔŋ 1:2

Dàwi miɔ̀ŋ, mìŋ yaà zoolo wèè e keìɛ gbiŋ e nɔ̀ŋ tɛ̀ɛ̀ ko nɛ̀ɛ̀ŋ muìŋ yèè muŋ nɔ̀ŋ e kɔɔ gbài sùà. Nààŋ mìŋ naŋ nyìmè kɛ̀ mùŋ yaà tɛ̀ɛ̀ wɔŋ nyììŋ jinàaŋ sùà lɛ.