1Pììlɛ 4:7 - WƆŊ FƐ̀Ì EBÒ SÌÀŊ DAYÀA

⁷ Ko dìaì wèè manɛ̀ŋ maŋ gbiŋ kò gbɛ̀ɛ̀. Weètii, sìaìŋ ke di yèè niŋ nɔ̀ŋ ɗìòsùà sengei niŋ zoolò.

1Pììlɛ 4:7 ပူးပေါင်းရင်းမြစ်များ

Maafiù 24:42

Weètii, nɔ̀ŋ e fɛɛ̀ wòwò, esaɓù kɛ̀ muŋ nyimààŋ è teengaà wò Kana mɔɔ̀ŋ do nàŋ hnè lɛ.

Maafiù 25:13

Yèè wo Jisɛ̀ naŋ wòò anyùùŋ màŋjɛ̀wɛ̀uŋ ko dìèmè e gbòauŋ nɛ̀ wààŋ, “Nɔ̀iŋ e fɛɛ̀ wòwò, esaɓù kɛ̀ niŋ nyimààŋ kè ɗɔɔɛ̀ ɔ̀ɔ̀ è teengaà tɛɛ̀ do nàŋ kaaìŋ lɛ.”

Luù 21:34

Wo Jisɛ̀ naŋ ɓɛìŋ woò wààŋ, “Yɛ̀mɛìŋ nyɛ̀iŋ bi diɛŋ! Ɓɔ̀ nìŋ dangè è wànàŋ gbana yaà màŋ muàŋ tìa e kpùlìà ke jìì sɛ̀ɛ̀ wɔ̀ŋ nyiiŋ gèe wɛɛ̀ŋ wɔŋ doiŋ dìà màŋ jiio sùà, esaɓù wèè ke ɗɔɔ yii goiŋ wa nàwèè nàŋ foonò

Luù 21:36

Yɛ̀mɛìŋ nyɛ̀iŋ bi diɛŋ yèè niŋ dawè wo Dayà e teenga gbiŋ wo kiɛ̀iŋ e gààŋ wèè maŋ keì mɛɛ̀ŋ do yaà nàŋ kaaìŋ maŋ gbaàiŋ bòìbòì e kìlà miàim wo Jɔ̀àfèlàà Nyuùŋ Kpùnɔɔ̀ŋ nɔ̀ŋ ke jii fàa sùà weèiŋ.”

Luù 22:46

Yèè wo Jisɛ̀ naŋ nyiŋ woò wààŋ, “Wèè kiìŋ nìŋ yaà maŋ jàwè? Yèwaìŋ dìì niŋ zoolò wèè niŋ go nàŋ kɔ̀ e wàa dìì.”

Luùm 12:12

Tɔ̀ ke jii tùlia mɔɛ̀ŋ ke nɔ̀ŋ e zɔlɔ̀ sùà, sèè mùŋ nɔ̀ŋ e keì nyìnga sùà, kɛ̀ɛ̀nɛɛ̀ŋ ke jii tɔumtɔ̀ùm yèè muŋ zoolò e teenga gbiŋ.

1 Kɔliìŋ 15:24

Kpeiŋ kɛ̀ e teengaà haì wèè e ɗuunyaàŋ e jùà, wo Jisɛ̀ Kulaì do nàŋ pɔ̀ɔ̀pɔ̀ɔ̀ anyùùŋ gbèègbèè gààŋ nyaŋ gbiŋ wo pɔ̀ɔ̀pɔ̀ɔ̀ maŋ gààŋ maŋ gbiŋ, kɛ̀ wò gè e kanaà kùàŋ wò niŋ kìɛ̀ŋ wo Dayà wo Dèdaà.

1 Kɔliìŋ 7:29

Nyɛ̀iŋ nààŋ wùìyaim nyàŋ, e nɛ̀ɛŋ mìŋ yaà woo lɛ̀ tiŋ tɛɛ̀, e teengaà naŋ joo lɛ̀, e gò ɓɛìŋ jìwà nɛ̀ŋ, yèè e yìwìà e teenga lɛɛ̀ sùà naàŋ, anyuùŋ kɛ̀ɛ̀nɛ̀ŋ jɔùŋ ɔ̀ɔ̀ felaa, aŋ nɔ̀ŋ mààŋ koɓɛ̀i àŋ yaà yɛi aŋ kpào le.

Ɛfesɔ̀ 6:18

Nyìniaìŋ tɛɛ̀ gbiŋ e zòòlo sùà, nìŋ yaà dààwè Dayà wèè e kpùùmaŋ. Zòòloìŋ ke nyɛ̀nɛŋ gbiŋ sùà, nààŋ nɔŋ wo Jinàaŋ siàìŋ feìŋ nɛ. E wèè esaɓù lɛɛ̀, nɔ̀ɔìŋ fɛɛ̀ wòwò yèè e bɔ̀mɔ̀ŋ ɓɔ̀ è wùìyàiŋ, zòòloìŋ e teenga gbiŋ wèè anyùùŋ nɛɛmaŋ nyàŋ.

Fèle 4:5

Tɔ̀ɔ̀ ke kpèè ɓɛ̀ɛ̀jàa koɓɛ̀ anyùùŋ nyaŋ e teenga gbiŋ. Wo Kanaà kòò wò yaà hinie e teenga kpuu sùà.

Kòlo 4:2

Zòòloiŋ e teenga gbiŋ, yèè niŋ yɛmɛ̀ nyɛiŋ bi diɛŋ e teengaà nìŋ nɔ̀ŋ zoolo lɛ̀, e kìlà niŋ kɛɛnɛ̀ŋ ke sɛ̀ gèe koɓɛ̀ Dayài.

2Time 4:5

kɛɛ kuwa ke jii mɔɛ̀ŋ maŋ keì ɗewe gbiŋ sùà, yèè e nɔ̀ŋ e keì jiium wèè muŋ kùwà e keì nyìnga. Tòmò nyìnga, ko wòò Ebò Siaàŋ, yèè muŋ nyɛ̀nɛ̀ŋ e tòmo mɔ̀ɛ̀ tɛ̀ɛ̀ mààŋ wo ɓɔ̀ìjɔ̀à Dayà.

Taitɔ̀ 2:12

Esàɓù e tɛ̀ɛ̀tɛ̀ɛ̀ Dayàa sùà, wò naŋ wi kaà wèè eiŋ gè kùàŋ maŋ keì naanààŋ sùà e kpùlìà maŋ ɗèwè ɗuunyaŋ naanààŋ maŋ, yèè eiŋ nyìmàŋ e ɗèwè yàwi bi yɛ̀mɛ̀ diɛŋ, eiŋ nɔ̀ŋ tɔ̀ɔ̀nyaàŋ, yèè eiŋ nɔ̀ŋ wɔŋ nyiiŋ gèe e jɔ̀ɔ̀lɔ sùà e ɗuunyaŋ lɛɛ̀,

Hiɓu 10:25

E bɔ̀mɔ̀ŋ ɓɔ̀ wùìyà wi wèè eiŋ dèènè koɓɛ̀ guùŋ wèè zòòlo, màànààŋ aŋ bà nyiŋ yaà nyinie lɛ̀. Kùùnò wiìŋ kìɛ̀ŋ maŋ jii nyingè koɓɛ̀ aŋ dàwi wi nyàŋ, nààŋ ngèè nìŋ naŋ nyìmè kɛ̀ ke ɗɔɔɛ̀ wèè wo Kanaà wo hnàŋ lɛ, kè kùùnò gbɛ̀ɛ fɔ̀ɔ̀.

Hiɓu 9:26

esaɓù kɛ̀ sèè wo wa weè kìɛ̀ŋ wuŋ bi e saaà gèeo sùà wɔŋ doa gbiŋ, wò hewa nàŋ kɔ̀ e mɔ̀ɔ̀nɛŋ zimgbe dìì e yìwìà e teengaà wo Dayà naŋ wa bànè ɗuunyaàŋ lɛ. Kɛɛ wò naŋ wa kìɛ̀ŋ wuŋ bi wèè wo fà e sùà guùŋ kpò e saaà gèeo sùà, e gbɛ̀ɛ̀ e tèèngà maŋ nyiiŋ gèe dìàmaŋ wi màŋ wèè anyùùŋ nyaŋ gbiŋ, wèè kɛ̀ wo nɔ̀ŋ e nɛ̀ŋ saàa do nàŋ gùò maŋ jùumù wi màŋ lɛ.

1Pììlɛ 1:13

Wèètii maŋ gòngoiŋ màŋ nɔ̀ŋ bànèbane miŋ wèè ke nyɛ̀nɛŋ. Ɓɔ̀ nìŋ nyɛɛnɛ̀ŋ, yèè kùwieìŋ jii tùlia gbee e keì sìàŋ lɛɛ̀ sùà, e yèɛ wo Dayà doiŋ nàŋ kiɛ̀ŋ sèè wo Jisɛ̀ Kulaì hnàŋ wa nàwèè lɛ.

1Pììlɛ 3:7

Sèè mùŋ nɔ̀ŋ wo felaa kùwìè jɔùŋ, kùwiè e gòngo wèè jawè mɔɔ̀ŋ. Kùwiàuŋ e ɓɛ̀ɛ̀jàa, esaɓù màŋ nyìngà sùà màuŋ nìàŋ yèè wò yaà bàuŋbà wèè e tɛ̀ɛ̀tɛ̀ɛ̀ wɔŋ nyiiŋ gèeɔ̀ wo Dayà naiŋ kiɛ̀ŋ wɔŋ. Nyɛ̀nɛìŋ tɛɛ̀ wèè e nɛ̀ŋ gbiŋ go nàŋ kèèwè è zòòloiŋ nɛ̀ feìŋ.

1Pììlɛ 5:8

Ɓɔ̀ nìŋ nyɛɛnɛ̀ŋ, yɛ̀mɛìŋ nyɛ̀iŋ bi diɛ̀ŋ yèè niŋ nɔ̀ŋ fɛɛ̀ wòwò! Wo jooiŋ nɔɔ̀ŋ wo Dɛwìɔ, kòò wò gèe gììne wò kilià mààŋ wo nyàà e wùàŋ, wò yaà kààmè nyùùŋ wèè wo gbìlà.

Maŋ kèì nyɛɛnɛŋ 16:15

Jàaìŋ jii kɛ̀ wo Kanaà Jisɛ̀ Kulaì naŋ woò wààŋ, “Mìŋ do nàŋ hnè mààŋ wo nyuùŋ wùa! E zɔlɔ̀ do nàŋ nɔ̀ŋ wo nyùnɔ̀ɔŋ wo Dayà do nàŋ kpuumò wèè wo nɔ̀ŋ fɛɛ̀ wòwò wɔ, yèè wo yɛ̀mɛ̀ maŋ dèè kɔɔuŋ màŋ diɛŋ, wèè wo go nàŋ kààìŋ ke kpanja e kìlà e sàngè euŋ kùwà ko ɓài!”