1Pììlɛ 4:6 - WƆŊ FƐ̀Ì EBÒ SÌÀŊ DAYÀA

⁶ Wèè esaɓù lɛɛ̀, àŋ yaà wòò ebò siaàŋ koɓɛ̀ anyuùŋ fàa nyàŋ nyiŋ pɛɛ, wèè kɛ̀ sèè wo Dayà kpɛɛyɛ̀ nyiìŋ gbààì keì maŋ kèìŋ maŋ sùà wèè manɛ̀ŋ maŋ àŋ naŋ nyɛ̀nɛ̀ŋ nyiiŋ gèe nyiŋ màŋ sùà lɛ, aŋ jinàŋ nyiŋ nyàŋ do nàŋ nɔ̀ŋ nyiiŋ gèe sùà màànààŋ Dayà yaà lɛ.

1Pììlɛ 4:6 ပူးပေါင်းရင်းမြစ်များ

Maafiù 24:9

“Anyùùŋ doiŋ nàŋ kùwò aiŋ kòà ke sàwà wèè naŋ kà e keì nyìnga dìì, e kìlà aiŋ jìwà. Anyùùŋ nyaŋ maŋ fuɔŋ màŋ gbiŋ sùà, doiŋ nàŋ wùɔ̀ŋ esàɓù e deè mɛ̀.

Luùm 8:2

Wo Jìnàŋ Dayàa wò nyɛ̀nɛ̀ŋ saɓù wèè eiŋ nɔ̀ŋ wɔŋ nyiiŋ gèe sùà e ɗewe kii jɛi sùà, esàɓù e jìwààjɛ̀wɛ̀ e nɛ̀ɛŋ wo Jisɛ̀ Kulaì naŋ nyɛ̀nɛ̀ŋ weè wilɛ̀. Wò bànè ke dòmaŋ joo wèè wo jòèyè yàwi nààŋ bà guùŋ gbiŋ wèè e gòiŋ nàŋ jɔ̀ɔ̀lɔ̀ maŋ kpèè nàànààŋ maŋ kpùnaŋ wi màŋ dìì, e kìlà maŋ nyɛ̀nɛ̀ŋ eiŋ fɔ̀ɔ̀yɛ̀ maŋ jùumù sùà.

Gàla 2:19

Ke Sàwàa kiiŋ bi naim wa jìwè, yèè kè naim joeyè e yìwìà e gaàŋ nyiŋ nɛ̀ dìì, wèè ka nɔ̀ŋ wɔŋ nyiiŋ gèe miɔ̀ŋ sùà wèè wo Dayà. E kìlà àŋ naŋ wi jìwìè wɔŋ vànèkpaa diɛŋ yàwi nààŋ Jisɛ̀ Kulaì.

Gàla 5:25

Wo Jìnàŋ Nɛɛmaàŋ naŋ wi kìɛ̀ŋ wɔŋ nyiiŋ gèe, yèè è kuwa wèè eiŋ dè wo Jìnàŋ Nɛɛmaàŋ maŋjɛ̀wɛ.

1Pììlɛ 1:12

Wo Dayà naŋ dàànè ebò koɓɛ̀ aŋ wɛ̀ijì nyɛɛ̀ŋ kɛ̀ aŋ fè wa toomo wèè è nàfà nyiŋ bi, sɔɔ̀ nyɛ̀iŋ nyàŋ, àŋ naŋ wòò maŋ keì maŋ nìŋ naŋ yaà kòmò e yìwìà aŋ keela nyàŋ naŋ dàànè Ebò Siaàŋ esàɓù e gààŋ Jìnàŋ Dayàa sùà e yìwìà ko àìjɛnɛ̀ŋ nyaŋ. Mɛɛ̀ŋ nàŋ yaà maŋ keì maŋ aŋ màikà nyaŋ kàìŋ nyaŋ pɛɛ hewa nàŋ mɔ̀nɔ̀ŋ wèè aŋ nyìmàŋ maŋ.

1Pììlɛ 3:18

Wo Jisɛ̀ Kulaì naŋ fɔ̀ wèè maŋ jùumù è guùŋ kpò wèè maŋ gbiŋ, wo nyùùŋ tɔ̀ɔ̀nyaàŋ naŋ fɔ̀ wèè anyuùŋ gò haawè nyaŋ, wèè wo tɔɔ̀ nyiŋ ke dòmaàŋ koɓɛ̀ Dayà. Àŋ nauŋ jìwè e yìwìà maŋ kèìŋ maŋ sùà, kɛɛ wò naŋ nɔ̀ŋ wɔŋ nyiiŋ gèeɔ̀ sùà wo jinàaŋ sùà,

1Pììlɛ 3:19

wo yèɔ naŋ kɔ̀ nyììŋ jinàaŋ sùà yèè wò naŋ gbòò koɓɛ̀ aŋ jinàŋ nyaŋ yaà wa ko sààŋ nyìwì nyaŋ.

Maŋ kèì nyɛɛnɛŋ 14:18

Mìŋ naŋ yɛ̀mɛ̀ wo màikà joo bà ɓɛìŋ, wo yèɔ kuwa wa e gààŋ e hmɔ̀ɔ̀ɛŋ diɛŋ, wò yewe koɓɛ̀ wɔŋ gbɛ̀gbɛ̀ zòòloɔ̀. Wò naŋ kpììnyɛ̀ŋ wo màikàa kuwa wa e koya nɔ̀ɔŋ gbeeɛ̀ wɔ yèè wò naŋ woò wààŋ, “Tòòmoò e koya mɔ̀ɛ̀ muŋ kpàà maŋ gbɛ̀mɛ̀ɛ̀ŋ e yìwìà ko ɓùi e dììɛ diɛŋ, esaɓù kɛ̀ maŋ gbɛ̀mɛ̀ɛ̀ŋ komàŋ màŋ maŋ gbɛ̀mɛ̀ɛ̀ŋ kuu màŋ gbiŋ sùà màŋ nyùwà.”