1Pììlɛ 4:5 - WƆŊ FƐ̀Ì EBÒ SÌÀŊ DAYÀA

⁵ Kɛɛ àŋ do nàŋ fàsàì maŋ màaŋdàwè koɓɛ̀ Dayài, wo yèɔ naŋ banebànè wèè wo gbàì anyùùŋ nyaŋ kuwa nyiiŋ gèeɔ̀ nyaŋ yaà anyuùŋ fàa nyàŋ wɔ.

1Pììlɛ 4:5 ပူးပေါင်းရင်းမြစ်များ

Maafiù 12:36

“Nyìmaìŋ tɔɔɓaa kɛ̀ ke ɗɔɔɛ̀ wo Dayà do wa nàwèè nàŋ gbàì e ɗuunyaàŋ lɛ, nìŋ do nàŋ kìɛ̀ŋ e jìwààjɛ̀wɛ̀ wèè ke mìè gbòà fitinaŋ gbiŋ ke yèɛ nìŋ naŋ wa gbòò yɛ.

Luù 16:2

Yèè wo felaa bàneɔ̀ nauŋ nyààŋ wò nauŋ dàwè wààŋ, ‘Kiìŋ mìŋ naŋ yaà kòmò e nyaàiŋ eum dè? Hnaàŋ muŋ kiɛ̀im ke jii gbài e nyaàiŋ dè manɛ̀ŋ maŋ kinɛiŋ mùŋ yaà yɛ̀ɛ̀mɛ̀ diɛŋ màŋ, esaɓù kɛ̀ mìŋ yààùm gè sùà e tòmò ɓɔìjɔ̀à yɛ̀mɛ̀ manɛ̀ŋ diɛɛ̀ŋ sìwè.’

Nyɛ̀nɛ̀ŋ 10:42

Yèè wo Dayà naŋ wi woò wààŋ e woòiŋ ebò siaŋ lɛɛ̀ koɓɛ̀ anyùùŋ nyaŋ gbiŋ, yèè e gbòàiŋ ke mìè seì kɛ̀ wo Jisɛ̀ nàŋ yaà wo nyùnɔ̀ɔŋ wò naŋ tàeɗùù wɔ wèè wo nɔ̀ŋ wo nyuùŋ gbàiɔ̀ wèè anyuùŋ gè nyiiŋ nyàŋ yèè anyuùŋ fàa nyàŋ.

Nyɛ̀nɛ̀ŋ 17:31

Wò jàà ke ɗɔɔ e ɓula wèè wo gbàì anyùùŋ nyaŋ gbiŋ e ɗuunyaàŋ e tɔ̀ɔ̀nyaàŋ sùà. Yèè wò naŋ tà wo Jisɛ̀ ke ɗùù wèè wo gbaì anyùùŋ nyaŋ weèuŋ. Wo Dayà wò wi kìɛ̀ŋ e tɔ̀ɔ̀nyààŋ e keì lɛɛ̀ yàwi nààŋ gbiŋ nààŋ wò naŋ gè wo Jisɛ̀ e fàa dìì.”

Luùm 14:9

Esaɓù kɛ̀ wo Jisɛ̀ Kulaì naŋ fɔ̀ yèè wò naŋ yèwè e fàaà dìì wɔŋ nyiiŋ gèeɔ̀ sùà, wèè kɛ̀ wo nɔ̀ŋ Kana wèè anyuùŋ gè nyiiŋ nyàŋ yaà anyuùŋ fàa nyàŋ.

2Time 4:1

Ko fɛ̀ɛ̀fèìŋ Dayài yaà wo Jisɛ̀ Kulaì, wo yèɔ do naŋ gbàì anyùùŋ nyaŋ yaà wɔŋ nyiiŋ gèeɔ̀ sùà yèè aŋ yè nyaŋ naŋ fɔ̀ nyaŋ, yèè nààŋ wò yaà hinie e kanauŋ nɛ̀ sùà mààŋ wo Kana lɛ̀, mìŋ yààùm woo,

Jìiiŋ 5:9

Ɓɔ̀ nìŋ tɔɔ̀ zàwè nyɛ̀iŋ wouwòù è fèemàŋ, nyɛ̀iŋ nààŋ wùìyaim nyàŋ, e wèè wo Dayà goiŋ nàŋ gbààì è keì. Wo nyuùŋ hàà kitiɔ̀ wò kià gbɛ̀ɛ̀, wò yaà e bànèbaneuŋ wèè wo hnàŋ.