1Pììlɛ 4:3 - WƆŊ FƐ̀Ì EBÒ SÌÀŊ DAYÀA

³ Nìŋ naŋ wa kòlò ko nyìnìè maŋ keì maŋ anyùùŋ nyaŋ fè àŋ Juùù nyaŋ manaŋ wèè nyɛ̀nɛŋ màŋ. Nìŋ yaà wa nyuùŋ naanààŋ nìŋ kuwa wa e ɗèwè maŋ keì naaŋ nààiŋ màŋ maŋjɛ̀wɛ. Nìŋ gèe wa kìlia ko tììyè maŋ mùàŋ yèè ko nyìnìè gbana, yèè ngèè, nìŋ yaà wa pɛɛ ko zòòlò maŋ gòò.

1Pììlɛ 4:3 ပူးပေါင်းရင်းမြစ်များ

Nyɛ̀nɛ̀ŋ 17:30

E teenga gɔuɛ̀ sùà, wo Dayà naŋ wa jùùyè anyùùŋ nyaŋ gbiŋ hakɛ̀ wèè tɛɛ̀, esaɓù kɛ̀ aŋ nyimààŋ wa kɛ̀ kiìŋ àŋ yaà wa nyinie. Kɛɛ wò naŋ naàŋ woò sààmɛ kɛ̀ wo nyùùŋ gbiŋ yèè koɓɛ̀ gbiŋ aŋ dangè maŋ tùwo naanààŋ nyiŋ màŋ yèè aŋ kìlà ko nɛ̀ɛ̀uŋ niìŋ.

Luùm 13:13

Tùwo wiìŋ tɛ̀ɛ̀, màànààŋ anyùùŋ nyaŋ nyɛnɛŋ wɔŋ niìsìaà sùà lɛ. Ɓɔ̀ è nɔ̀iŋ nɔŋ màaŋ sùà wèè è gbana nyɛ̀nɛŋ ɔ̀ɔ̀ màŋ muàŋ tìa yèè màŋ yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nyɛ̀nɛŋ. Ɓɔ̀ è nyɛ̀nɛ̀iŋ nyaàŋ tàaŋ ɔ̀ɔ̀ eiŋ gììyà aŋ dàwi wi nyàŋ koo.

1 Kɔliìŋ 12:2

Nàŋ nyìmàŋ kɛ̀ e teengaà pɛɛ nìŋ yaà wa anyùùŋ nyaŋ fè àŋ Juùù nyaŋ, àŋ naiŋ wa kɔ̀ɔ̀ maŋ dòmaŋ nyaaŋ zimgbe ko zòòlò aŋ dayà joo gò gè nyiiŋ.

1 Kɔliìŋ 6:11

Yɛi nɔŋ nyɛ̀iŋ nààŋ bà nyiŋ nìŋ yaà wa. Kɛɛ sààngɛ naàŋ, e dèè Kanaà Jisɛ̀ Kulaìɛ yaà e gààŋ Jìnàŋ Dayàa èiŋ gùà e yìwìà maŋ jùumù sùà nìŋ yaà naàŋ anyùùŋ tɔ̀ɔ̀nyaàŋ yèè wo Dayà wòiŋ jàà kùàŋ dìì. Nìŋ yaà naàŋ anyuùŋ jàà ɓula titi e wèè Dayà.

2 Kɔliìŋ 12:21

E jùù yààìm kɛ̀ sèè mìŋ hnàŋ ɓɛìŋ ko nɛ̀ɛ̀ŋ niìŋ wo Dayà miɔ̀ŋ doim nàŋ sìè sàngè ko fɛɛ̀fenìiŋ, mìŋ do nàŋ gòlò esaɓù kɛ̀ nyɛ̀iŋ nààŋ zimgbe nyiŋ kòò nìŋ kìlè wèè naŋ fè màŋ jùumù gɔugɔ̀ù maŋ nìŋ naŋ wa nyɛ̀ɛ̀nɛ̀ŋ maŋ kùàŋ sùà. Kòò nìŋ yaà nɔŋ nyìnìè maŋ hmɔŋtu naanààŋ, maŋ keì kùwà ninaŋ, yèè maŋ kèì sàngè.

Gàla 5:19

E yèɛ maŋ kèìŋ nyuùŋkpùuŋ màŋ nyɛnɛŋ lɛ̀ è yaà janjai. Màŋ dè wo nyùùŋ ke dòmàŋ hmɔŋtu, maŋ gòngo naanààŋ, yèè maŋ kpèè sàngè maŋjɛ̀wɛ,

Gàla 5:21

Àŋ nɔ̀ŋ e koo, aŋ nɔ̀ŋ e dìè mùàŋ, àŋ koà e gbana maŋ gbòò sùà, e kìlà àŋ nyɛnɛŋ maŋ keì naanààŋ. Mìŋ naiŋ wa kìɛ̀ŋ ke mìè gòo, yèè mìŋ yààìŋ nyiìŋ ɓɛìŋ kìɛ̀ŋ sùà. Wo nyùnɔ̀ɔ̀ŋ gbiŋ naŋ nyɛ̀nɛ̀ŋ maŋ keì mɛɛ̀ŋ wɔ wo naàŋ wa nàwèè yɛ̀mɛ̀ è kpùùmaŋ è Kànà Dayàa sùà.

Ɛfesɔ̀ 5:18

Ɓɔ̀ nìŋ tìà maŋ tala muaŋ màŋ wèè maiŋ kùwà, e yèɛ kɛ̀ màŋ pɔɔ̀ìŋ nɔŋ lɛ̀, kɛɛ wo Jìnàŋ Nɛɛmaàŋ nɔ̀ìŋ sùà.

1Tɛsè 4:5

È ɗèweiŋ nɛ̀ ɓɔ̀ è nɔ̀ŋ è gòngò hmɔŋtu nyɛ̀nɛŋ màŋjɛ̀wɛ mààŋ anyùùŋ nyaŋ nyimààŋ Dayà nyaŋ.

Taitɔ̀ 3:3

Yàwi bi è naiŋ wa zuwò, è naiŋ gangà, è yààìŋ wa ɓàaɓàa. Yèè è yààìŋ wa aŋ ɗo koɓɛ̀ maŋ ɗèwe kà tinàŋ zimgbe yaà maŋ gbana. Maŋ keì sìà jii yaà le koo nɔŋ nàŋ yaà wa maŋ nyiiŋ gèe wi màŋ sùà, aŋ bà naŋ wi wùɔ̀ŋ, yèè yàwi pɛɛ è naŋ nyiŋ wùɔ̀ŋ.

1Pììlɛ 1:14

Jɔ̀ɔ̀lɔìŋ Dayà dìì, yèè ɓɔ̀ nìŋ dangè wèè màŋ nyiiŋ màŋ doò kɛ̀ɛ̀ màŋjɛ̀wɛ koɓɛ̀ màŋ ɗèwe gɔu màŋ nìŋ kuwa wa teengaà nìŋ yaà wa jii die sùà lɛ.

Juù 1:4

Anyuùŋ gò nyìmàŋ Dayà nyaŋ, aŋ bà nyiŋ àŋ kɔ̀ɛ̀ kùàŋ dìì àŋ wi sɛ̀ɛ̀ e tɛɛ ke gbùnu sùà e gòiŋ nyìmàŋ, aŋ yè nyaŋ yaà pɔ̀ɔ sùà ke miè gbìaàŋ nyaàiŋ dè e tɛ̀ɛ̀tɛ̀ɛ̀ Dayà wiɔ̀ nyaŋ, wèè kàìsa aŋ yɛmɛ̀ ke kàfaì wèè maŋ kpèè naanààŋ nyiŋ màŋ, aŋ yè nyaŋ naŋ gè wo Jisɛ̀ Kulaì wo kɛ̀ɛ̀nɛŋ yèè wo Kana wiɔ̀ kùàŋ dìì nyaŋ. E gɔuo sùà, wɔŋ fɛ̀ì Dayàa wa kpɛ̀ɛ̀yɛ̀ wòò e kèì e kitiɛ̀ wo Dayà naŋ nyiŋ hèè diɛŋ lɛ̀.