1Pììlɛ 4:2 - WƆŊ FƐ̀Ì EBÒ SÌÀŊ DAYÀA

² Weètii, wɔŋ nyiiŋ gèe gbànaiŋ nɔɔ̀ŋ maŋ kèìŋ maŋ sùà, fè ɓɛìŋ è gòngò nyuùŋkpùuŋ dìi. Wɔ̀ŋ yaà naàŋ e gààŋ Dayàa dìì.

1Pììlɛ 4:2 ပူးပေါင်းရင်းမြစ်များ

Maafiù 12:50

Wo nyùnɔ̀ɔŋ gbiŋ nyɛnɛŋ e yèɛ wo Dèda miɔ̀ŋ ko àìjɛnɛ̀ŋ manaŋ wèè wo nyɛ̀nɛ̀ŋ lɛ, wuŋ nàŋ yaà wo wùìya miɔ̀ŋ, wo jaa miɔ̀ŋ, yèè wo yèye miɔ̀ŋ.”

Maafiù 20:4

Yèè wò naŋ nyiŋ woò wààŋ, ‘Nyɛ̀iŋ pɛɛ kɔ̀àaìŋ niŋ tomo ko ɓù gbɛɛwɛ̀jɛ̀wɛ̀i miìŋ, yèè mìŋ doiŋ nàŋ kìɛ̀ŋ e yèɛ naiŋ sɔ̀ dèè lɛ e tɔ̀ɔ̀nyaàŋ sùà.’

Maafiù 21:31

Kòòuŋ aŋ jɔ̀àfèlàà tìyèe nyɛɛ̀ŋ sùà naŋ nyɛ̀nɛ̀ŋ e yèɛ wo dèda nyiŋ nɔɔ̀ŋ manaŋ wa lɛ̀?” Yèè àŋ naŋ fàsàì wo Jisɛ̀ nyààŋ, “Wo jɔ̀àfelaa gbeeɔ̀.” Kpeiŋ wo Jisɛ̀ naŋ nyiŋ woò wààŋ, “Miŋ woòiŋ e tɔɔɓaaà, anyuùŋ kùwà nɛ̀ɛ̀nɛ̀ŋ fuɔɔ̀ŋ yaà aŋ jɔùŋ nyɛ̀nɛ̀ŋ ke yɛɛ̀ gò kɛ̀ɛ̀nɛ̀ŋ ɓɛ̀ɛ̀jàa nyàŋ kòò àŋ yaà kɔ̀ɔ̀yɛ̀ e Kànà Dayàa sùà ko fenìiŋ.

Maafiù 7:21

“Anyùùŋ nyaŋ gbiŋ nyààìm ‘Kanaà, Kanaà’ nyaŋ, nààŋ naàŋ kɔ̀ è Kànà àìjɛnɛ̀ɛŋ sùà, sɔɔ̀ nɔŋ aŋ yè nyaŋ do nàŋ nyɛ̀nɛ̀ŋ e yèɛ wo Dèda miɔ̀ŋ ko àìjɛnɛ̀ŋ manaŋ wèè aŋ nyɛ̀nɛ̀ŋ lɛ.

Jɔ̀ɔŋ 1:13

Aŋ fè wa àŋ jɔ̀à àŋ yè nyaŋ wò Dayà yaà wò nyuùŋkpùuŋ naŋ kòmò maŋ sɛ̀ìŋ guùŋ sùà nyaŋ. Wo Dayà wuŋ bi naŋ nyiŋ wa nyɛ̀nɛ̀ŋ aŋ jɔ̀àuŋ.

Jɔ̀ɔŋ 7:17

Sèè wo nyùùŋ gbiŋ mɔnɔŋ wèè wo kaikpɔ nyɛ̀nɛ̀ŋ e yèɛ wo Dayà manaŋ wo nyɛ̀nɛ̀ŋ lɛ, wò do naŋ nyìmè sèè mààŋ e yèɛ mìŋ kaà lɛ è yewe wo Dayà sìwè ɔ̀ɔ̀ è yewe e gààŋ miàŋ biɔ̀ sùà.

Luùm 12:2

Ɓɔ̀ nìŋ nyimèè wèè naŋ nyɛ̀nɛ̀ŋ è nɛ̀ɛŋ anyuùŋ gò kɛ̀ɛ̀nɛ̀ŋ hààwe nyàŋ woàìŋ kɛ̀ è yaà tɛ̀ɛ̀ wèè naŋ nyɛ̀nɛ̀ŋ lɛ è ɗuunyaŋ lɛɛ̀ dìì, kɛɛ tɔ̀ wo Dayà vɔɔnɔ̀ŋ e ɗeweɛ̀ nìŋ gongà lɛ. Tɛɛ̀ do nàŋ nyɛ̀nɛ̀ŋ naŋ tùàŋ maŋ nɔnɔŋ wèè naŋ nyìmàŋ e ɗèwè keì sìàŋ nyɛ̀nɛŋ yaà e yèɛ do nàŋ fɔ̀ɔ̀yɛ̀ Dayà jii lɛ̀.

Luùm 14:7

E fèìŋ wɔ̀ŋ nyiiŋ gèeɔ̀ sùà wèè yàwi bi nɔŋ, e kìlà e fèiŋ fà wèè yàwi bi nɔŋ.

Luùm 6:11

E ɗèwè guùŋ nɛɛ̀ sùà nìŋ kuwa naŋ kɛ̀ɛ̀nɛ̀ŋ gòngo wèè nyɛ̀iŋ bi kɛ̀ nyɛ̀iŋ nààŋ Jisɛ̀ Kulaì naŋ fɔ̀ɔ̀yɛ̀ koɓɛ̀ guùŋ, e kìlà e jùumù kuwà gààŋ kò diɛiŋ. Kɛɛ nìŋ yaà naàŋ wɔŋ nyiiŋ gèe sùà e gààŋ Dayàa dìì e yìwìà wo Jisɛ̀ Kulaì sùà.

Luùm 6:2

Kpele! Ɓɔ̀ è nyɛ̀nɛ̀iŋ yɛi! Maŋ kpèè naanààŋ maŋ yàwì sùà maŋ màŋ fà. Kpeiŋ dièsɔa è naiŋ ɓɛ̀nɛ̀ŋ nɔ̀ɔ̀ŋ nyìnìè màŋ keì naanààŋ tutùtuuŋ màŋ nyiiŋ gèe wi màŋ sùà?

Luùm 7:4

Yɛi nɔŋ è yaà ko nɛ̀ɛ̀iŋ niìŋ nyɛ̀iŋ nààŋ wùìyaim nyàŋ. Nyɛ̀iŋ pɛɛ nàŋ fòlà e gààŋ ke sàwàa dìì esaɓù kɛ̀ nìŋ yaà aŋ bàiŋbà wèè ke kpùnàŋ Jisɛ̀ Kulaìɛ naŋ fɔ̀ɔ̀yɛ̀ wɔŋ vànèkpaaà yɛ̀. Wuŋ nàŋ yaà wo yèɔ wo Dayà naŋ wa gè e fàaà dìì wɔ, wuŋ nàŋ kànàìŋ wèè kɛ̀ è naiŋ ɓɛ̀nɛ̀ŋ nɔ̀ŋ anyuùŋ kɛnɛ e tòmò Dayàa sùà.

2 Kɔliìŋ 5:15

Wò naŋ fɔ̀ wèè yàwi nààŋ gbiŋ, wèè kɛ̀ anyùùŋ nyaŋ kuwa nyiiŋ gèe nyàŋ, ɓɔ̀ àŋ nɔ̀ŋ ɓɛìŋ fuɔŋ wèè nyiŋ bi, sɔɔ̀ wèè wo Jisɛ̀ Kulaì wo yèɔ naŋ fɔ̀, yèè wo Dayà nauŋ gè e fàaà dìì wèè esaɓù nyiŋ nɛ̀ sùà wɔ.

Ɛfesɔ̀ 2:3

Tɔɔɓaa tiŋ yàwi nààŋ gbiŋ è yaà wa màànààŋ àŋ yaà wa lɛ̀, yèè è yààìŋ wa maŋ kèì è jìì yàwi bi màŋ maŋjɛ̀wɛ, è yaà ko nyìnìè maŋ keì maŋ gbiŋ maŋ gòngo wi màŋ yaà maŋ kpùnaŋ wi màŋ manaŋ wèè eiŋ nyɛ̀nɛ̀ŋ maŋ. È naiŋ sìè Dayà e wùàŋ, yèè wò yaà weè hinie wèè wo wi ngainɓù mààŋ anyuùŋ gbànaŋ nyàŋ gbiŋ.

Ɛfesɔ̀ 4:17

Mìŋ yààìŋ fèe sùà e gòo e dèè Kanaà sùà, wèè naŋ hɔ̀ànè nɔ̀ŋ maŋ nyiiŋ gèeiŋ màŋ sùà mààŋ anyùùŋ nyaŋ fè àŋ Juùù nyaŋ, aŋ yè nyaŋ maŋ gòngo nyiŋ màŋ yaà maŋ foo miŋ lɛ̀.

Ɛfesɔ̀ 5:17

Sèè è nɔ̀ŋ yɛi, kɛ̀ ɓɔ̀ nìŋ nɔ̀ŋ ànyuùŋ gò kɛ̀ɛ̀nɛ̀ŋ jiikɛ̀ɛ, kɛɛ fɛ̀ɛìŋ niŋ nyìmàŋ kɛ̀ kiìŋ wo Kanaà manaŋ wèè naŋ nyɛ̀nɛ̀ŋ.

Ɛfesɔ̀ 6:6

Nyɛ̀nɛìŋ tɛɛ̀ e teenga gbiŋ sùà wèè e fɔɔyɛ̀ nyiŋ jii, ɓɔ̀ è nɔ̀ŋ nɔŋ sèè àŋ nɔ̀ìŋ yɛɛmɛ. Nìŋ yaà aŋ ɗò Jisɛ̀ Kulaì, e wèètii, e nɛ̀ɛŋ gbiŋ wo Dayà manaŋ wèè naŋ nyɛ̀nɛ̀ŋ lɛ, nyìniaìŋ niŋ ke jiiiŋ nɛɛ̀ŋ gbiŋ.

Kòlo 1:9

E wèè esaɓù lɛɛ̀, è zoolà e weèiŋ e teenga gbiŋ e yìwìà ke ɗɔɔ jiɛ̀jiɛ̀ɛ è naiŋ wa kòmò e kèè hààweiŋ nɛ̀ lɛ. È zoolàìŋ wèè wo Dayà woiŋ tɔ̀ɔ̀ e nɛ̀ɛŋ gbiŋ wò manaŋ naŋ nyɛ̀nɛ̀ŋ lɛ, yèè woiŋ kìɛ̀ŋ e jiikɛ̀ɛ e kìlà woiŋ nyɛ̀nɛ̀ŋ naŋ nyìmàŋ e yèɛ wo Jinàuŋ nɔɔ̀ŋ kiɛ̀ŋ lɛ,

Kòlo 3:3

Nìŋ naŋ wa fɔ̀, kɛɛ wɔŋ nyiiŋ gèiŋ nɔɔ̀ŋ kòò wɔ̀ŋ yaà ko nyɛɛnɛŋ wo Jisɛ̀ Kulaì ko sùà koɓɛ̀ Dayài.

Kòlo 4:12

Wo Ɛpafilè wo wùìyà nyɛ̀iŋ biɔ̀ bà ke gboòiŋ nɛɛ̀ŋ sùà, wo yèɔ yaà wo ɓɔìjɔ̀à wèè wo Jisɛ̀ Kulaì wɔ, naiŋ tùɔ̀ŋ zùùmo wuŋ pɛɛ. Wò zoolà sɛmɛ e teenga gbiŋ e weèiŋ, wò yaà dààwè Dayà wèè naŋ kùwà e hààweiŋ nɛ̀ kpaŋ, mààŋ anyuùŋ kàmaiŋ e kìlà àŋ naŋ kaikpɔ nyimèè ke gbòò anyuùŋ hààwe nyàŋ sùà, e ɓɛ̀ɛ̀jàa gbee sùà koɓɛ̀ e yèɛ wo Dayà manaŋ lɛ̀.

1Tɛsè 5:18

Gèeìŋ Dayà sɛ̀ e keì gbiŋ sùà. Tii nàŋ yaà e nɛ̀ɛŋ wò mànàìŋ sìwè wɔŋ nyiiŋ gèeiŋ nɔɔ̀ŋ sùà nààŋ nìŋ yaà aŋ bàiŋbà wo Jisɛ̀ Kulaìɛ sùà lɛ.

Jìiiŋ 1:18

Wo Dayà wuŋ bi naŋ ɗewè wèè wo wi nyɛ̀nɛ̀ŋ eiŋ nɔ̀ŋ aŋ jɔ̀àuŋ e yìwìà ke mìè gbìàŋ tɔ̀ɔ̀nyaàuŋ nɛɛ̀ŋ sùà. Wò naŋ tɛɛ̀ nyɛ̀nɛ̀ŋ wèè kɛ̀ e nɔ̀iŋ e nɛ̀ŋ kɛnɛ jiɛ̀jiɛ̀ɛ manɛ̀ŋ bàneuŋ màŋ tɛɛ.

1Pììlɛ 1:14

Jɔ̀ɔ̀lɔìŋ Dayà dìì, yèè ɓɔ̀ nìŋ dangè wèè màŋ nyiiŋ màŋ doò kɛ̀ɛ̀ màŋjɛ̀wɛ koɓɛ̀ màŋ ɗèwe gɔu màŋ nìŋ kuwa wa teengaà nìŋ yaà wa jii die sùà lɛ.

1Pììlɛ 2:1

Wèètii gèeìŋ maŋ kùàŋ maŋ keì naanààŋ maŋ gbiŋ sùà. E tòa ɓɔ̀ è nɔ̀ŋ ɓɛìŋ ɔ̀ɔ̀ ɓɔ̀ nìŋ nɔ̀ŋ ɓɛìŋ anyuùŋ jàà fɛ̀ɛ̀ keì sùà ɔ̀ɔ̀ lè koo gèe ɔ̀ɔ̀ maŋ gòlà mìè dìène wèè maiŋ fòlà kò nyààŋ.

1Jɔ̀ɔŋ 2:17

E ɗuunyaàŋ yèè e yèɛ gbiŋ yaà niìŋ sùà anyuùŋ kpùuŋ manaŋ lɛ̀ è yaà màaŋ sùà, kɛɛ wo nyùnɔ̀ɔŋ naŋ nyɛ̀nɛ̀ŋ e yèɛ wo Dayà manaŋ lɛ̀ wò do wa nàwèè naŋ nɔ̀ŋ wɔŋ nyiiŋ gèeɔ̀ sùà wèè julɔfɔ.