1Pììlɛ 4:18 - WƆŊ FƐ̀Ì EBÒ SÌÀŊ DAYÀA

¹⁸ Nààŋ wɔŋ fɛ̀ì Dayàa naŋ woò lɛ, “È naŋ nyìngè wèè anyùùŋ tɔ̀ɔ̀nyaàŋ nyaŋ aŋ yɛ̀mɛ̀ e jòèyè, kɛ̀ kiìŋ nàŋ do nàŋ kaaìŋ koɓɛ̀ anyùùŋ maŋ jùumù nyaŋ yaà aŋ yè nyaŋ gò hààwè Dayà nyaŋ?”

1Pììlɛ 4:18 ပူးပေါင်းရင်းမြစ်များ

Luù 15:1

Ke ɗɔ̀ɔ̀ guùŋ anyuùŋ kùwà nɛ̀ɛ̀nɛ̀ŋ fuɔŋ nyàŋ yaà anyùùŋ maŋ tùwò naanààŋ zimgbe naŋ gbònò wo Jisɛ̀ kɔɔ wèè aŋ kumiàŋ e mìè nyaàuŋ nɛ̀.

Luù 23:31

E fèfoo sèè àŋ nyɛnɛŋ maŋ keì mààŋ mɛɛ̀ŋ koɓɛ̀ ke kùù maŋ tùwa ɓouɛ̀, kiìŋ nìŋ naŋ gongò kɛ̀ è do nàŋ kaaìŋ sèè ke kùlɛ̀ɛ woo?”

Nyɛ̀nɛ̀ŋ 14:22

Àŋ naŋ wa kìɛ̀ŋ anyuùŋ hààwe nyàŋ maŋ jii nyingè yèè àŋ naŋ nyiŋ pɔwɔ̀ wèè aŋ jeèè tɔ̀ɔ̀nyaàŋ e hààwe nyiŋ nɛ̀ sùà. Àŋ naŋ nyiŋ woò nyààŋ, “È kuwa eiŋ kà e keì nyìnga zimgbe dìì pangàà è kɔ̀àìŋ e Kànà Dayàa sùà.”

Nyɛ̀nɛ̀ŋ 27:24

yèè wò naim woò wààŋ, ‘Pɔɔ̀, e jùù ɓɔ̀ è nyɛ̀nɛ̀um! Mùŋ do nàŋ kɔ̀ e gbài dìì wo kanaà Siisɔ̀, wo Kànà anyùùŋ fùɔ̀ŋ Luùm nyaŋ fɛɛ̀feìŋ. Yèè esàɓù mɔ̀ɛ̀ sùà wo Dayà do nàŋ jòèyè maŋ nyììŋ anyùùŋ nyaŋ gbiŋ wɔŋ meeè wɛɛ̀ŋ sùà.’

Nyɛ̀nɛ̀ŋ 27:31

Wo Pɔɔ̀ naŋ wòò wo Juliɔ̀, wo kànà aŋ kààlòòɗùà nyaŋ yèè aŋ kààlòòɗùà nyaŋ wààŋ, “Sɔɔ̀ anyuùŋ dùùnyàŋ meeèɔ aŋ jèè wɔ̀ŋ meeèɔ sùà, sèè è go yɛi nɔ̀ŋ, kɛ̀ maŋ nyiiŋ màŋ fè jòèye miŋ.”

Luùm 1:18

E yìwìà ko àìjɛnɛ̀ŋ, wo Dayà naŋ tɔ̀ɔ̀ e ɗeweɛ̀ wò naŋ tuù lɛ wèè maŋ jùùmù yaà maŋ kpèè nàànààŋ anyùùŋ nyaŋ yè nyaŋ keewà e tɔ̀ɔ̀nyaàaŋ kùàŋ feìŋ nyaŋ.

Luùm 5:6

E teengaà e zɔ̀kpɔ̀ yàwì wa lɛ̀, wo Jisɛ̀ Kulaì naŋ fɔ̀ wèè yàwi nààŋ nyuùŋ nyɛ̀nɛ̀ŋ maŋ tùwo naanààŋ nyaŋ e teengaà wo Dayà naŋ wa tàeɗùù lɛ.

Luùm 5:8

Kɛɛ wo Dayà wò wi tɔ̀ɔ̀ e mànaàŋ wò kuwa weè wilɛ̀, nààŋ wò naŋ nyimèè wèè wo Jisɛ̀ Kulaì wo fà weè wi, jòòpɛɛ è yààìŋ wa anyùùŋ maŋ jùumù.

1 Kɔliìŋ 10:12

Sèè nìŋ gongà kɛ̀ nìŋ sia tììŋ tììŋ, sɔɔ̀ naŋ yɛ̀mɛ̀ nyɛiŋ bi diɛŋ ɓɔ̀ nìŋ sɔ̀à.

1Time 1:9

Nyìmaìŋ tɔɔɓaa kɛ̀, maŋ sàwà gò wa nɔ̀ŋ bàne miŋ wèè ànyùùŋ tɔ̀ɔ̀nyaàŋ nyaŋ, kɛɛ màŋ yaà wa wèè anyuùŋ gò nɔ̀ŋ màŋ sàwà dìì nyaŋ, yèè anyuùŋ nyɛ̀nɛ̀ŋ maŋ kpèè naanààŋ nyaŋ, e kpùlìà anyuùŋ gò nyìmàŋ Dayà nyaŋ, yaà anyùùŋ maŋ jùumù nyaŋ. Màŋ yaà wa wèè anyùùŋ nyaŋ gboo maŋ mìè gbòà ɓɛ̀ɛ̀pɔ̀ɔ nyàŋ, yèè anyuùŋ jìwà nyùùŋ, aŋ yè nyaŋ kàìŋ nyaŋ pɛɛ àŋ jiwe aŋ dèda nyiŋ nyaŋ yaà aŋ yèye nyiŋ nyaŋ lɛ,

Hiɓu 4:1

Nààŋ wo Dayà naŋ woò wààŋ wò do wi nàŋ kìɛ̀ŋ e nyiiŋ gèe, e yèɛ wò naŋ jɔ̀ɔ̀ ɗààhiì wèè wo wi kiɛ̀ŋ lɛ, è kuwa eiŋ yɛ̀mɛ̀ yàwi bi diɛŋ, wèè yàwi nààŋ bà guùŋ gbiŋ go niŋ nàŋ sòò yɛ̀mɛ.

Jìiiŋ 5:6

Nàŋ jèè e keì anyùùŋ, nàŋ jìwà anyuùŋ tɔ̀ɔ̀nyaàŋ, aŋ yè nyaŋ gòiŋ wa gàngà sìwè nyaŋ.

1Pììlɛ 5:8

Ɓɔ̀ nìŋ nyɛɛnɛ̀ŋ, yɛ̀mɛìŋ nyɛ̀iŋ bi diɛ̀ŋ yèè niŋ nɔ̀ŋ fɛɛ̀ wòwò! Wo jooiŋ nɔɔ̀ŋ wo Dɛwìɔ, kòò wò gèe gììne wò kilià mààŋ wo nyàà e wùàŋ, wò yaà kààmè nyùùŋ wèè wo gbìlà.

2Pììlɛ 3:7

Kɛɛ ke mìè gbòà guùŋ yii wo Dayà naŋ yɛi wa gbòò le, naŋ kìlìè maŋ àìjɛnɛ̀ŋ maŋ yèè e dìì lɛɛ̀ nàaŋ kùàŋ feìŋ wèè e hmɔ̀ɔ̀ŋ go miŋ nàŋ pɔɔpɔ̀ɔ̀, e jèèsùà ke ɗɔ̀ɔ̀ gbài kitiɛ̀ diɛŋ wo Dayà wo gbàì anyuùŋ gò nyìmàŋ Dayà nyaŋ e kìlà wo nyiŋ sìà e hmɔ̀ɔ̀ŋ wa nàwèè.

Juù 1:15

wèè wo hàà kiti anyùùŋ nyaŋ gbiŋ diɛŋ. Wò do nàŋ ngàìnɓù anyuùŋ gò nyìmàŋ Dayà nyaŋ gbiŋ wèè maŋ jùumù maŋ gbiŋ àŋ naŋ wa dè nyɛ̀nɛŋ màŋ e kpùlìà maŋ mìè gbòà ɓɛ̀ɛ̀pɔ̀ɔ naanààŋ maŋ kinɛiŋ àŋ naŋ wa dè gbòa maŋ nyiiŋ gè nyiŋ màŋ sùà maŋ e nyaàiŋ euŋ dè.”