1Pììlɛ 4:16 - WƆŊ FƐ̀Ì EBÒ SÌÀŊ DAYÀA

¹⁶ E ɗewe gbiŋ sùà, sèè nìŋ nɔ̀ŋ kɔ̀ɔ̀yɛ̀ keì nyìnga dìì esaɓù kɛ̀ nìŋ yaà anyuùŋ hààwe, e sàngè tii ɓɔ̀ è nyɛ̀nɛ̀iŋ. Kɛɛ fèeìŋ Dayà ɓɛ̀ɛ̀jàa wèè e dèè Jisɛ̀ Kulaìɛ jààìŋ nɛ.

1Pììlɛ 4:16 ပူးပေါင်းရင်းမြစ်များ

Nyɛ̀nɛ̀ŋ 11:26

Nààŋ wò naŋ wa mɛ̀ɛ̀ŋ wo Sɔɔ̀, wò nauŋ hìɛ̀ŋ ko Aŋtiɔ̀. Kuŋ nyiiŋ tìyèe yaà ke gbòò anyuùŋ hààwe nyàŋ hewa dèènè koɓɛ̀ guùŋ wèè wɔŋ dòà guùŋ kpalauŋ, yèè àŋ naŋ kàà ke gbòò anyuùŋ zimgbe. Kuii ko Aŋtiɔ̀, nàŋ yaà koɓɛ̀ jiɛ̀jiɛ̀i anyùùŋ naŋ wa nyààŋ anyuùŋ hààwe nyàŋ aŋ Kulusɛ̀ɛ̀ìŋ wèè e teenga jiɛ̀jiɛ̀ɛ.

Nyɛ̀nɛ̀ŋ 26:28

Wo kanaà Àgulepɔ̀ naŋ dàwè wo Pɔɔ̀ wààŋ, “E teenga kpuu lɛɛ̀ sùà mùŋ naŋ gongò kɛ̀ e gbòa mɔ̀ɛ̀ ko nɛ̀ɛ̀ŋ miìŋ èim ɓɛ̀nɛ̀ŋ nyɛ̀nɛŋ wèè ka nyimèè ka nɔ̀ŋ wo nyuùŋ hààwe wo Jisɛ̀ sùà?”

Nyɛ̀nɛ̀ŋ 28:22

Kɛɛ tɔ̀ e nyìmàŋ kɛ̀ kiìŋ nàŋ yaà e gòngo mɔ̀ɛ̀. Èiŋ nyìmàŋ kɛ̀ anyùùŋ maŋ tàta màŋ gbiŋ sùà yaà wòò e kèè ke gbòò yɛɛ̀ mùŋ sùà yaà lɛ naanààŋ.”

Nyɛ̀nɛ̀ŋ 5:41

Nààŋ aŋ keela tàeɗùù nyaŋ naŋ wa yèwè anyùùŋ gbèègbèè fuɔɔ̀ŋ feìŋ àŋ yaà kɔɔyɛ, e zɔlɔ̀ naŋ nyiŋ wa diè, esaɓù kɛ̀ wo Dayà naŋ nyiŋ wa tàeɗùù wèè aŋ nɔ̀ŋ anyuùŋ kɛnɛ wèè aŋ kà e mɔ̀ɔ̀nɛŋ dìì wèè esàɓù wo Kanaà Jisɛ̀.

Fèle 1:20

E yèɛ mìŋ yaà yɛ̀ɛ̀mɛ̀ dòmaŋ, yèè ke jii tùliaà mìŋ kuwa lɛ̀ nàŋ yaà kɛ̀ miŋ naàŋ wa nàwèè nyɛ̀nɛ̀ŋ è keì gbiŋ wèè eim nyìnìàŋ sàngè. Kɛɛ wèè e teenga gbiŋ, yèè sààmɛ pɛɛ, mìŋ do nàŋ kɛ̀ɛ̀nɛ̀ŋ ke jii nyingè, wèè ke kpùnaŋ miɛ̀ŋ gbiŋ ke hìàŋ e ɓɛ̀ɛ̀jàa koɓɛ̀ Jisɛ̀ Kulaìi, sèè pɛɛ ka nɔ̀ŋ wɔŋ nyiiŋ gèe sùà ɔ̀ɔ̀ ka fà.

Fèle 1:29

Wo Dayà naiŋ kìɛ̀ŋ e ɗeweɛ̀ wèè naŋ tomo wèè wo Jisɛ̀ Kulaì, e fè nɔŋ wèè nauŋ kùwìè è hààwe tiŋ guùŋ sùà, kɛɛ sɔɔ̀ naŋ kà e keì nyìnga dìì e weèuŋ.

2Time 1:12

Wèè esaɓù lɛɛ̀ mìŋ kuwo maŋ keì nyìnga mɛɛ̀ŋ, kɛɛ e sàngè fèìm, e fèfoo kà nyìmàŋ wo yèɔ mìŋ naŋ tùlìè jii wɔ̀, yèè kà haawè kɛ̀ wòim ɓɛ̀nɛ̀ŋ jòèye e jèèsùà, ke ɗɔɔ dìàmaàŋ ke haì.

Jìiiŋ 2:7

Nyiŋ nàŋ yaà nyuùŋ wòò maŋ keì naanààŋ nyaŋ e nyaàiŋ dè e dèè sìàŋ Jisɛ̀ɛ wo nyùnɔ̀ɔŋ kànàìŋ wɔ.

1Pììlɛ 2:12

Maŋ keì kààŋ kiiŋ màŋ anyuùŋ gò hààwè Dayà nyaŋ e fèemàŋ, maŋ nɔ̀ŋ tɛ̀ɛ̀ kaiŋ. Wèè sèè pɛɛ aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, aŋ yɛmɛ̀ maŋ kpèè siaŋ sìàiŋ màŋ aŋ tɛnɛ̀ŋ Dayà ke ɗɔɔɛ̀ wò hiàŋ e jààme ko nɛ̀ɛ̀ŋ wiì lɛ̀.

1Pììlɛ 4:11

Anyùùŋ nyaŋ kuwa e kìɛ̀ŋ gbòa nyàŋ, aŋ woò ke mìè gbìàŋ Dayàa. Aŋ yè nyaŋ yaà aŋ ɓɔìjɔ̀à tòmo nyàŋ, aŋ toomò e gàaŋ wo Dayà naŋ nyiŋ kiɛ̀ŋ lɛ. E wèè kɛ̀ e gbio sùà wo Dayà yɛmɛ̀ e ɓɛ̀ɛ̀jàa esàɓù Jisɛ̀ Kulaì sùà wo yèɔ e gààŋ yèè e jòòwo yaà weèuŋ wèè julɔfɔ yèè julɔfɔ wɔ̀. Àmiinàŋ.

1Pììlɛ 4:14

Sèè aiŋ diɛ̀ŋ esaɓù kɛ̀ nìŋ yaà anyùùŋ màŋjɛ̀wɛ̀ Jisɛ̀ Kulaì wo Dayà doiŋ nàŋ kpuumò. Tɛɛ̀ naŋ tɔɔ̀ kɛ̀ wo Jinàŋ kùwìè jòòwo gbeeɔ̀, tèènè mààŋ wò Jìnàŋ Dayàa, wò yààìŋ maŋjɛ̀wɛ.

1Pììlɛ 4:19

Weètii, anyuùŋ hààwe nyàŋ kɔ̀à e keì nyìnga dìì esaɓù kɛ̀ tii wo Dayà manaŋ weè nyiŋ, aŋ nyɛ̀nɛ̀ŋ e tòmo siaŋ yèè aŋ kiɛ̀ŋ ke jii nyiŋ nɛɛ̀ŋ wo nyuùŋ bàne nyiŋ nɔɔ̀ŋ wo yèɔ nyɛnɛŋ e yèɛ wò naŋ ɓèmè e ɗààhiì wèè wo nyɛ̀nɛ̀ŋ lɛ.