1Pììlɛ 4:15 - WƆŊ FƐ̀Ì EBÒ SÌÀŊ DAYÀA

¹⁵ Sèè nìŋ nɔ̀ŋ kɔ̀ɔ̀yɛ̀ keì nyìnga dìì, ɓɔ̀ è nɔ̀ŋ èsàɓù nyuùŋ jìwa sùà ɔ̀ɔ̀ è wùa ɔ̀ɔ̀ è kààkàà gbài ɔ̀ɔ̀ è woya sùà.

1Pììlɛ 4:15 ပူးပေါင်းရင်းမြစ်များ

Maafiù 5:11

“E zɔlɔ̀ e nɔ̀iŋ sèè anyùùŋ aiŋ diɛ̀ŋ, aiŋ tuwò naanààŋ, e kìlà aiŋ jàà maŋ keì ɓòù e ɗì esaɓù kɛ̀ nìŋ yaà anyùùŋ màŋjɛ̀wɛ̀im.

1Tɛsè 4:11

Nyɛ̀nɛìŋ niŋ e kpàŋ è kɔɔiŋ e gbɔ̀ɔɔ ɓɔ̀ è nɔ̀ŋ maŋ nyiiŋ gèiŋ màŋ sùà, kùwieìŋ e gòngò e kèì nyɛ̀iŋ bi lɛ̀, yèè niŋ kamè e nɛ̀ŋjè nyaàiŋ nɛ̀, màànààŋ nɔŋ è naiŋ wa woò lɛ.

2Tɛsè 3:11

È naŋ tɛɛ̀ woò e fèfoo èiŋ kòmàŋ kɛ̀ anyuùŋ fà le kɔɔ bà kòò àŋ yààìŋ tɛɛ aŋ yè nyaŋ fè nyɛ̀nɛ̀ŋ è nɛ̀ŋ bà gbiŋ sɔɔ̀ nɔŋ maŋ kèì aŋ bà gbìàŋ nyààŋ sùà.

1Time 5:13

Àŋ gbeà e ɗèwè teenga nyiŋ nɛ̀ pɔ̀ɔ nààŋ àŋ kilià maŋ saaŋ dìì, kɛɛ e yèɛ naŋ tii nìè lɛ nàŋ yaà, àŋ gbeà ɗèwe anyuùŋ fìèfie yèè àŋ yaà anyuùŋ sìà woya anyùùŋ fèemàŋ, e kìlà àŋ yaà wòò maŋ keì maŋ fè màŋ keì wòo nyiŋ màŋ.

2Time 2:9

Esàɓù Ebò Siaàŋ mìŋ woà lɛ, mìŋ kuwo e keì nyìnga yèè aim sìà maŋ jɔ̀ɔ̀ɔ mààŋ wo nyuùŋ nyɛ̀nɛ̀ŋ e keì naanààŋ. Kɛɛ ke mìè Dayà ke fè màŋ jɔ̀ɔ̀ɔ sùà,

1Pììlɛ 3:14

Kɛɛ sèè pɛɛ maŋ kà e keì nyìnga dìì wèè e tɔ̀ɔ̀nyaàŋ, wo Dayà doum nàŋ kpuumò. Wèètii ɓɔ̀ mùŋ dùàŋ nyùùŋ gbiŋ, yèè ke jii mɔɛ̀ŋ ɓɔ̀ kè sɛɛɛ̀ wèè è nɛ̀ɛŋ ànyùùŋ naŋ ɓɛ̀nɛ̀ŋ nyɛ̀nɛŋ lɛ̀.

1Pììlɛ 3:17

È yaà tɛ̀ɛ̀ wèè maŋ kà e keì nyìnga dìì wèè e keì sìàŋ nyɛ̀nɛŋ sèè tii naŋ ɓɛ̀nɛ̀ŋ nɔ̀ŋ e ɗèweɛ̀ wèè Dayà, tii siaŋ e wèè e nɛ̀ɛŋ nyɛ̀nɛ̀ŋ naŋ nyɛ̀nɛ̀ŋ keì naanààŋ lɛ.